Nalacampu 7.132

7.132

āruhya ca manāyavahitō ’nupalakṣyamāṇa iva, vēṇuvīṇākkaṇānusā riṇā kōmalakākalī prāyēṇa kiṁnarīpramukhasakhīnāṁ gītēna vinōdyamānām, alakavallarī madhyanivēśitatārānukārimauktikēna kajalakalaṅkitanayanōtpalapa camapālinā sukhēna sacandragaganaspardhayā bhūtalam api pūrṇōditēndumaṇḍalamivāpādayantīm, uccakucamaṇḍalavilōlayā sasmarasaptarṣigrahagaṇapaṅktyēva hāralatayā kr̥takaṇṭhakandalāślēṣām, īpaṭakapōlapāliṁ parāmr̥śatā cāṭukā rēṇa vasantasamayaprahitadūtēnēva karṇalagnēna kusumamañjarīdvitīyēna cālapalavēna virājitavadanām, acchācchēḥ kastūrikāpaṅkapatrabhaṅgairbhujaṅgair iva lāvaṇyāmr̥tarakṣāgataira laṁkr̥tabhavyabhujaśikharām, āsannabhuvi vikīrṇaiḥ pāṇḍupuṣpaprakaraigaṁganādavatīryaṁ rūpālōkanakutūhalibhirnakṣatrair iva parivr̥tām, ūrunitasvamaṇḍalasparśasukhalampaṭatayā nīvīprāntapuñjitataraṅgaṁ kṣīrōdam iva vastratāṁ gatamacchupāṇḍu nētrapaṭṭaṁ paridhānām, ‘aham ēva tvayā svayaṁvarē varaṇīyaḥ ity arthitayā pādalagnēna śēṣōragēṇēva raupyanū puravalayēna virājitavāmacaraṇapalavām, vividhavilāsavartikābhirivākāritām, amr̥tadravavarṇakair iva citritāvayavām ānandakandalair iva ghaṭitām, mōhanamaṇi śilāyāmivōtkīrṇām, śr̥ṅgāradāruṇīvōskuṭṭitām, vaśīkaraṇaparamāṇubhir iva vinirmitām, madanamr̥tpiṇḍēnēva niṣpāditām, vajralēpaputrikām iva dvaśōḥ, ākarṣaṇamaṇiśalākām iva hr̥dayasya, jīvanauṣadhibhivānurāgasya, jayapatākām iva madanasya,vahalacandanāmbucchaṭārdritabhuvi vikīrṇasurabhi parimalamilammadhukararavānumēyapāṇḍurapuṣpaprakarē masr̥ṇasitasudhāvandhapicchalē saudhaskandhē jyōtsnāmr̥tasparśasukhamanubhavantīm, acchāṁśusphaṭikamaṇiparyaṁṅkikāṅkabhājaṁ damayantīmalabdhanidrāmadrākṣīt.