[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Historical poems, biographies and chronicles](https://indike.org/pramana/in.lit.historical) › [South Indian dynastic and court poems](https://indike.org/pramana/in.lit.historical.daksinatya) › Acyutarayabhyudaya # Acyutarayabhyudaya (Acyutarāyābhyudaya) अच्युतरायाभ्युदय Rājanātha Diṇḍima's historical mahākāvya on the Vijayanagara emperor Acyutarāya. - **Language:** Sanskrit - **Date:** 1530–1545 CE - **Author:** [Rājanātha Diṇḍima](https://indike.org/pramana/person/rajanatha-dindima) - **Place:** Vijayanagara (Hampi) - **Extent:** 325 passages, 2,591 words - **Text:** partly digitised - **Source:** archiveorg · Acyutarayabhyudayam; Sri Vani Vilas Press; 1907 · Scan of a printed edition hosted by the Internet Archive (archive.org); the ancient text is in the public… ## Contents - [1](https://indike.org/pramana/in.lit.historical.daksinatya.acyutarayabhyudaya.1) — 55 parts - [2](https://indike.org/pramana/in.lit.historical.daksinatya.acyutarayabhyudaya.2) — 53 parts - [3](https://indike.org/pramana/in.lit.historical.daksinatya.acyutarayabhyudaya.3) — 54 parts - [4](https://indike.org/pramana/in.lit.historical.daksinatya.acyutarayabhyudaya.4) — 58 parts - [5](https://indike.org/pramana/in.lit.historical.daksinatya.acyutarayabhyudaya.5) — 63 parts - [6](https://indike.org/pramana/in.lit.historical.daksinatya.acyutarayabhyudaya.6) — 35 parts - [7](https://indike.org/pramana/in.lit.historical.daksinatya.acyutarayabhyudaya.7) — 1 part ## Text ### [1.1](https://indike.org/pramana/in.lit.historical.daksinatya.acyutarayabhyudaya.1.1) nālīkākṣamalīkākṣaṃ nāgeśayamageśayam vipuṃgavadhvajaṃ dhāma puṃgavadhvajamāśraye avyādapūrvo nidhirāgamānāmādyo vṛṣādreḥ patiracyutendram nirīkṣituṃ niḥspṛhakāṅkṣitaṃ yaṃ nirañjanā eva janāḥ kṣamante ### [1.2](https://indike.org/pramana/in.lit.historical.daksinatya.acyutarayabhyudaya.1.2) dhammillaśaivāladharā virājadapāṅgamīnādharavidrumāptā dhanyā pitṛcchāyatayābdhikanyā tanyādavanyāṃ śriyamacyutendoḥ ### [1.3](https://indike.org/pramana/in.lit.historical.daksinatya.acyutarayabhyudaya.1.3) suvarṇarūpaiḥ śubhanāyakāṅkairaujvalyavadbhirdhvanimaśnuvānaiḥ pariṣkṛtādikṣitipānprabandhaiḥ prācetasādīnpraṇumaḥ kavīndrān ### [1.4](https://indike.org/pramana/in.lit.historical.daksinatya.acyutarayabhyudaya.1.4) kathaṃ nu varṇyā bhuvi kālidāsamayūramaṅkhādimahākavīndrāḥ purātanīṃ pūruṣabhūmikāṃ yadveṣeṇa dhṛtvā vinanarta vāṇī ### [1.5](https://indike.org/pramana/in.lit.historical.daksinatya.acyutarayabhyudaya.1.5) asti smaraprābhṛtamakṣi śaureradakṣiṇa śekhapuṣpamaiśam apāṃ nidheradbhutanāṭyavidyāguruścakorīkulabandhurinduḥ ### [1.6](https://indike.org/pramana/in.lit.historical.daksinatya.acyutarayabhyudaya.1.6) prāyeṇa yaḥ kṣoṇibhṛduttamāṅge pādārpaṇaṃ satpathasevanaṃ ca karotyariśreṇikadarthanaṃ ca kurvantu sarve kulajā mameti ### [1.7](https://indike.org/pramana/in.lit.historical.daksinatya.acyutarayabhyudaya.1.7) sarojabhadrāsanasaumanasyātsudhāpradānātsumanojanānām sadāpi nākāśrayasauhṛdādyaḥ puṣṇāti caryāṃ puruṣatrayīyām ### [1.8](https://indike.org/pramana/in.lit.historical.daksinatya.acyutarayabhyudaya.1.8) viyuktavarge vihitapratāpaḥ saṃyuktaloke sarasaprabhāvaḥ udañcito rājapadānukūlaṃ yo maṇḍalaṃ dhārayate'nuraktam ### [1.9](https://indike.org/pramana/in.lit.historical.daksinatya.acyutarayabhyudaya.1.9) āśābhipūrteranurūpameva varṣanprakarṣādvasumaṇḍalāni audāryabhājāmavanīruhāṇāṃ vyanakti yaḥ sodaratāvilāsam ### [1.10](https://indike.org/pramana/in.lit.historical.daksinatya.acyutarayabhyudaya.1.10) kṣemaṃkaraḥ kairavasaṃsadāṃ yo vāmaṃ harasyekṣaṇameva naikam udīryate'dhvanyajanairdvitīyaṃ saṃcintyate cakrakulaistṛtīyam ### [1.11](https://indike.org/pramana/in.lit.historical.daksinatya.acyutarayabhyudaya.1.11) kathaṃ bruve yasya kalānuṣaktā ālokamātrādapi cañcarīkāḥ vyākurvate kairavapīṭhikāsu vidyāviśeṣānviṣamāyudhīyān ### [1.12](https://indike.org/pramana/in.lit.historical.daksinatya.acyutarayabhyudaya.1.12) vimohinīṃ yo vidhuraitya mūrtiṃ sudhāṃ dadānaḥ sumanojanāya asvapravṛttyāśrayato'vatāra ālakṣyate yastamaso nihantā ### [1.13](https://indike.org/pramana/in.lit.historical.daksinatya.acyutarayabhyudaya.1.13) ācārato dharma ivāvadātādabādhito harṣa ivātmabodhāt tato budhākhyastanayastato'bhūcchamaḥ śrutānāmiva saṃpradāyāt ### [1.14](https://indike.org/pramana/in.lit.historical.daksinatya.acyutarayabhyudaya.1.14) purūravāḥ puṇyaphalādato'bhūdabhūtapūrvābhyudayasya yasya praśastimudrālikhanādviśālaṃ pratyarthivakṣaḥ phalakaṃ kilāsīt ### [1.15](https://indike.org/pramana/in.lit.historical.daksinatya.acyutarayabhyudaya.1.15) āyustato'bhūdadhibhūravanyāḥ prabhidya śaktyā parabhūbhṛtaṃ yaḥ heturyaśo haṃsavijṛmbhaṇānāmeti prathāṃ skanda ivendumauleḥ ### [1.16](https://indike.org/pramana/in.lit.historical.daksinatya.acyutarayabhyudaya.1.16) nāthaḥ pṛthivyā nahuṣābhidho'smājjajñe yadājñājanitāvataṃsāḥ bṛndārakā no bahumanvate sma mandāramālāṃ madhupāttagandhām ### [1.17](https://indike.org/pramana/in.lit.historical.daksinatya.acyutarayabhyudaya.1.17) asmādabhūdvismayabhūryayātirbhayātirekastimitābhiyātiḥ kulādhināthasya kalā ivānyā vidhorvyadhāyo viśadairyaśobhiḥ ### [1.18](https://indike.org/pramana/in.lit.historical.daksinatya.acyutarayabhyudaya.1.18) ajāyatāvyācolumnsuhṛtprajānāṃ sa dhūrvahasturvasururvarāyāḥ asya pratāpāṃśumatā vicitramamitrakāntā jvalitā yadantaḥ ### [1.19](https://indike.org/pramana/in.lit.historical.daksinatya.acyutarayabhyudaya.1.19) saṃcāriṇaḥ śauryarasā ivāgre netrādhvanīnā iva nītisārāḥ sajīvabandhā iva sadguṇaughāḥ saujanyamudrā iva sapratīkāḥ ### [1.20](https://indike.org/pramana/in.lit.historical.daksinatya.acyutarayabhyudaya.1.20) nābhāgavīpsā nahuṣānuvādā nimervibhāṣā nṛgamūrtibhedāḥ dviruktayo dāśaratherdilīpasyāvṛttayo dharmabhuvo vikalpāḥ ### [1.21](https://indike.org/pramana/in.lit.historical.daksinatya.acyutarayabhyudaya.1.21) madāvalā māṃsaladānakelyāṃ mahībhṛtāṃ pakṣahṛtau mahendrāḥ sasattvatāyāṃ saritāmadhīśāḥ ṣaḍānanāḥ kiṃ ca saśaktitāyām ### [1.22](https://indike.org/pramana/in.lit.historical.daksinatya.acyutarayabhyudaya.1.22) apatrapāmaṃhativaibhavena suradrumāṇāmapi sūcayantaḥ tadanvaye puṇyaphalādavanyāṃ dhanyā babhūvurdharaṇībhujo'nye ### [1.23](https://indike.org/pramana/in.lit.historical.daksinatya.acyutarayabhyudaya.1.23) nālīkinīnāyakavadgraheṣu nīhārabhūmīdharavannageṣu valāsuhṛdvāraṇavaddvajeṣu teṣu pratīto'jani timmabhūpaḥ ### [1.24](https://indike.org/pramana/in.lit.historical.daksinatya.acyutarayabhyudaya.1.24) nijena doṣṇā nikhilāṃ dharitrīmasminvahatyaṅgadanirviśeṣam tadyuktamīśena tadoragāṇāṃ kulodvahaḥ kuṇḍalito yadāsīt ### [1.25](https://indike.org/pramana/in.lit.historical.daksinatya.acyutarayabhyudaya.1.25) pratikṣamāpāvali paryaṭantyā vīraśriyo viśramahetubāhuḥ śrītimmabhūpājjitabhūstato'bhūdyaśodhanādīśvarabhūmipālaḥ ### [1.26](https://indike.org/pramana/in.lit.historical.daksinatya.acyutarayabhyudaya.1.26) vṛṣāṅkayorīśvarayorvibhūtimupeyuṣoreṣa paraṃ viśeṣaḥ rājottamāṅge racitāṅghrirekastatpādadhanyasvaśirā yadanyaḥ ### [1.27](https://indike.org/pramana/in.lit.historical.daksinatya.acyutarayabhyudaya.1.27) kramādabhūtāmatha bukkamāyāṃ nṛsiṃhatimmakṣitipālasiṃhau pratīkavantāviva doḥpratāpayaśeāguṇāvīśvarabhūvalāreḥ ### [1.28](https://indike.org/pramana/in.lit.historical.daksinatya.acyutarayabhyudaya.1.28) ārabhya bālyādajani prajānāmānandaheturnaratāvanīndraḥ prauḍho'rbhako vā patirutpālinyāḥ pramodanatve parihīyate kim ### [1.29](https://indike.org/pramana/in.lit.historical.daksinatya.acyutarayabhyudaya.1.29) mahīpatirmānavanāma durgaṃ śakādhināthena samaṃ gṛhītvā sphuṭīcakārāsya punarvidīrya śauryaṃ tathaudāryamavāryacaryam ### [1.30](https://indike.org/pramana/in.lit.historical.daksinatya.acyutarayabhyudaya.1.30) prāyo'rṇave setukṛto'vatāraḥ prāgjanmasaṃskāravaśāddivaiṣaḥ setuṃ vidhāyāmbhasi sahyajāyāḥ śrīraṅgapūrvāṃ nagarīṃ jahāra ### [1.31](https://indike.org/pramana/in.lit.historical.daksinatya.acyutarayabhyudaya.1.31) kaṃsaṃ yathā kaiṭabhajidvalena samanvitaḥ sainikamalhahantā madapravṛttaṃ maravaṃ mathitvā mahīmahendro madhurāmahārṣīt ### [1.32](https://indike.org/pramana/in.lit.historical.daksinatya.acyutarayabhyudaya.1.32) mahendralokaṃ maravāya dattvā madhyesamīkaṃ madhurāṃ sa jahre mahīyasāmeṣa mahīpatīnāṃ nayo vipakṣeṣvapi nānyathā syāt ### [1.33](https://indike.org/pramana/in.lit.historical.daksinatya.acyutarayabhyudaya.1.33) krudhāpatantaṃ saha kuñjaraughaiḥ konetirājaṃ kṣubhitānyasainyaḥ jagrāha pāṇau jagadekavīro jayābdhikanyāmapi janyabhūmau ### [1.34](https://indike.org/pramana/in.lit.historical.daksinatya.acyutarayabhyudaya.1.34) prayāṇamāśāvijayāya tasya prāyo gṛhaprāṅgaṇabhūvihāraḥ dānānyaho ṣoḍaśa viśrutāni jātāni dainaṃdinameva kṛtyam ### [1.35](https://indike.org/pramana/in.lit.historical.daksinatya.acyutarayabhyudaya.1.35) tatsvātivarṣeṇa tathā budhānāṃ pūrṇāsu jātāḥ karaśuktikāsu muktā yaśomūrttijuṣo vibhūṣāḥ kaṇṭheṣvabhūvankakubaṅganānām ### [1.36](https://indike.org/pramana/in.lit.historical.daksinatya.acyutarayabhyudaya.1.36) gaurityaṭavyāṃ gavayaṃ prakāśya payaḥpradohaṃ prati bādhyamānāḥ kūlaṃkaṣakṣuttaralaiḥ kumārairvrīḍāmavāpurvimatāstadīyāḥ ### [1.37](https://indike.org/pramana/in.lit.historical.daksinatya.acyutarayabhyudaya.1.37) prayātumetatpratibhūpatīnāṃ prāṇānilo nākṣamatāhaveṣu vyalambataiṣāṃ vadaneṣu tṛṇyāṃ vilokya kiṃ vāhamgo'dasīyaḥ ### [1.38](https://indike.org/pramana/in.lit.historical.daksinatya.acyutarayabhyudaya.1.38) prakāśamānāddiśi tatpratāpātprāyeṇa labdhvā paribhūtitopam patistviṣāṃ paṅkajakorakeṣu kālaṃ nayatyeṣa karaṃ nidhāya ### [1.39](https://indike.org/pramana/in.lit.historical.daksinatya.acyutarayabhyudaya.1.39) vasvokasāreva vibhorvasūnāṃ valābhiyāteramarāvatīva vidyāpurī vismayabhūramuṣya viśiṣya rājño'jani rājadhānī ### [1.40](https://indike.org/pramana/in.lit.historical.daksinatya.acyutarayabhyudaya.1.40) bileśayeśaṃ bisamityavetya gṛhṇanti yatkheyakṛtāvagāhāḥ ālokya tanmaulimaṇīnalātamohena muñcanti punarmadebhāḥ ### [1.41](https://indike.org/pramana/in.lit.historical.daksinatya.acyutarayabhyudaya.1.41) sudhābhujo yatsadanadhvajeṣu svairaṃ nabholaṅghanajāṅghikeṣu na jānate nandanavallarīṇāmupaghnavinyāsabhuvaḥ prayāsān ### [1.42](https://indike.org/pramana/in.lit.historical.daksinatya.acyutarayabhyudaya.1.42) kapolakāṣātkariṇo valāreḥ ślathāsu yatsaudhamaṇicchaṭāsu madāmburekhājuṣi tatpradeśe magnā dvirephā maṇayo bhavanti ### [1.43](https://indike.org/pramana/in.lit.historical.daksinatya.acyutarayabhyudaya.1.43) sayatnaniryatnagatirgavākṣamārge yaduccairmaṇiharmyaruddhaḥ prāyeṇa pakṣadvitaye pravṛddhiparikṣayau nindati nandatīnduḥ ### [1.44](https://indike.org/pramana/in.lit.historical.daksinatya.acyutarayabhyudaya.1.44) saudhāgrakelyāṃ yadaṇūdarīṣu śākhārpitaprasmṛtabhūṣaṇāsu aiśvaryavantastaravaḥ surāṇāmaudāryamudrāṃ dhruvamāśrayante ### [1.45](https://indike.org/pramana/in.lit.historical.daksinatya.acyutarayabhyudaya.1.45) madāvalānāṃ kaṭamadhyavāntairmadairnadīmātṛkatāṃ prayātā yannetururvīkamituryaśobhiraśobhi bhūrāśritasasyalāsyā ### [1.46](https://indike.org/pramana/in.lit.historical.daksinatya.acyutarayabhyudaya.1.46) makhāvatīrṇeṣu mahīsurāṇāṃ marutsu śūnyā nagarī maghonaḥ prajāsamājaiḥ pariṇāhilakṣmyāḥ prayāti yasyā na samānakakṣyām ### [1.47](https://indike.org/pramana/in.lit.historical.daksinatya.acyutarayabhyudaya.1.47) uparyadhaḥ puṣpaphalairudagramudyānamāmodya divaṃ bhuvaṃ ca āvālavāriṇyanubimbadambhādrasāexttalaṃ rañjayatīva yasyām ### [1.48](https://indike.org/pramana/in.lit.historical.daksinatya.acyutarayabhyudaya.1.48) viyattarūṇāṃ vyatighaṭṭitāsu śākhāñcalaiḥ saudhapatākikāsu sādharmyabhājā śatamanyupuryāsadaṇḍalāsyeva samīkṣyate yā ### [1.49](https://indike.org/pramana/in.lit.historical.daksinatya.acyutarayabhyudaya.1.49) pūṣotpaleśāvapi puṣpavantāvitīva yatropavanī kṛterṣyā pravarddharca caitadripumantarandhaṃ pādārpaṇaṃ na kṣamate tadīyam ### [1.50](https://indike.org/pramana/in.lit.historical.daksinatya.acyutarayabhyudaya.1.50) spṛśatyudastena vidhāvudagraṃ pādena yatsaudhapitāmahāṇḍam samantataḥ kandalatīndukrāntaniṣyandasandohanibhāddyusindhuḥ ### [1.51](https://indike.org/pramana/in.lit.historical.daksinatya.acyutarayabhyudaya.1.51) ādyairapi kṣoṇipatiprakāṇḍairākāṅkṣaṇīyasvayaśo'vatāraḥ vasansa tasyāṃ vasudhāpatīnāṃ kanyāmaṇīḥ kāścanaparyaṇaiṣīt ### [1.52](https://indike.org/pramana/in.lit.historical.daksinatya.acyutarayabhyudaya.1.52) tisro nṛpasyetyabhavannabhīṣṭāstippāmbikā tāsu ca nāgamāmbā paṭṭābhiṣiktā patidevatānāmuttaṃsabhūṣāmaṇirobamāmbā ### [1.53](https://indike.org/pramana/in.lit.historical.daksinatya.acyutarayabhyudaya.1.53) tippāmbikāyāṃ dvijasaṃpade'bhūdvikhyātimānvīranṛsiṃharāyaḥ nāgāmbikāyāṃ narasāvanīndoḥ kīrtyākaro'jāyata kṛṣṇarāyaḥ ### [1.54](https://indike.org/pramana/in.lit.historical.daksinatya.acyutarayabhyudaya.1.54) ananyasāmānyatayā dharāyāṃ dānena tau khyātatarāvabhūtām ādyastayordenyamuṣā dvijānāmanyo'pi vaiguṇyapuṣā pareṣām ### [1.55](https://indike.org/pramana/in.lit.historical.daksinatya.acyutarayabhyudaya.1.55) maṇimiva khanibhūrkahīsurāśīrabhimatamarthamivāmburāśivelā uḍuramaṇamiveyamobamāmbā bhuvanahitāya babhāra garbhabhāram ### [2.1](https://indike.org/pramana/in.lit.historical.daksinatya.acyutarayabhyudaya.2.1) dvitīyaḥ sargaḥ śarakāṇḍavipāṇḍunā mukhena stanayorapyupajātamecakimnā pariṇetṛmudā samaṃ tadāsītprakaṭaṃ dauhṛdalakṣma pakṣmalākṣyāḥ ### [2.2](https://indike.org/pramana/in.lit.historical.daksinatya.acyutarayabhyudaya.2.2) tanayānupalambhasaṃbhavo yo nṛpateraikṣyata nīlimā mukhendau kucayoḥ sa yugena komalāṅgyā muṣitaścūcukanīlimāpadeśāt ### [2.3](https://indike.org/pramana/in.lit.historical.daksinatya.acyutarayabhyudaya.2.3) udarasthitamutpalekṣaṇāyāḥ kuladīpaṃ kumudinyadhīśvareṇa abhirakṣitumarbhakaṃ visṛṣṭā rajanīvājani romarājirakhyāḥ ### [2.4](https://indike.org/pramana/in.lit.historical.daksinatya.acyutarayabhyudaya.2.4) avatāra iti svayaṃ murārerudarasthaḥ śiśurutpalekṣaṇāyāḥ valivaibhavavañcanānukūlaṃ vapuṣā vṛddhijuṣā vibhāvyate sma ### [2.5](https://indike.org/pramana/in.lit.historical.daksinatya.acyutarayabhyudaya.2.5) kucakokamukhe vidhāya kārṣṇyaṃ sudṛśaḥ śvetimakaumudīṃ tathāṅge niyataṃ kulane turanvakārṣījjaṭharastho jagadīśasūnurindoḥ ### [2.6](https://indike.org/pramana/in.lit.historical.daksinatya.acyutarayabhyudaya.2.6) prasamīkṣya payodharaṃ mṛgākṣyā mukhataḥ śyāmalimānamaśnuvānam api garbhaghanodaye vyalāsīdajahatprītiraho sa rājahaṃsaḥ ### [2.7](https://indike.org/pramana/in.lit.historical.daksinatya.acyutarayabhyudaya.2.7) muhurucchvasitaṃ mukhena tanvyā nayanābhyāṃ saha nartitaprasādam avalagnamivāntaraṅgamāsīdavanīpālaśikhāmaṇeraśūnyam ### [2.8](https://indike.org/pramana/in.lit.historical.daksinatya.acyutarayabhyudaya.2.8) udbhūjjagadadbhutodayānāmucito garbhamupeyuṣo'rbhakasya mahito bhujadhāmavibhramāṇāṃ mahilāratnamanorathapracāraḥ ### [2.9](https://indike.org/pramana/in.lit.historical.daksinatya.acyutarayabhyudaya.2.9) sudatī mahatīṣu sindhumuktāsvanavāpyādaramāhavājireṣu kamituḥ karavālakhaṇḍitānāṃ kariṇāṃ kumbhamaṇīgaṇānakāṅkṣīt ### [2.10](https://indike.org/pramana/in.lit.historical.daksinatya.acyutarayabhyudaya.2.10) lalanāvyajanānilairna kiñciccakame saudhagatā śramaṃ vinetum alamaihata kandharādhirūḍhā śravaṇopāntasamīrajaiḥ kareṇoḥ ### [2.11](https://indike.org/pramana/in.lit.historical.daksinatya.acyutarayabhyudaya.2.11) padamarpayituṃ naca prasūnaprakareṣvīṣadapi pragalbhamānā mahiṣī bhṛśakarkaśeṣu cūḍāmaṇiṣu dveṣimṛgīdṛśāmiyeṣa ### [2.12](https://indike.org/pramana/in.lit.historical.daksinatya.acyutarayabhyudaya.2.12) mukure'bhimukhīkṛte sakhībhirmukhamāloki na mudritendugarvam vimataiṇadṛśāṃ vinītavācāṃ vipulākṣyā vimale kapola eva ### [2.13](https://indike.org/pramana/in.lit.historical.daksinatya.acyutarayabhyudaya.2.13) avadhīrya nadīratiprasannā hariṇākṣyā muhurālulokiṣāsīt paripandhyabalāśruvāhinīṣu prathamānāñjanayogapaṅkilāsu ### [2.14](https://indike.org/pramana/in.lit.historical.daksinatya.acyutarayabhyudaya.2.14) kadalī lalitorukāṇḍasāmye janayāmāsa na jātu saumanasyam adasīyavikhaṇḍanaikaśauṇḍā kariśuṇḍaiva nṛsiṃhakambukaṇṭhyāḥ ### [2.15](https://indike.org/pramana/in.lit.historical.daksinatya.acyutarayabhyudaya.2.15) apahāya sumani hāsapātrāṇyapi pādāñcalatāḍanāspadani pramadaṃ paramāṇumadhyamāyāḥ sudatīgītisudhocitāni tenuḥ ### [2.16](https://indike.org/pramana/in.lit.historical.daksinatya.acyutarayabhyudaya.2.16) atha puṃsavanādikaṃ yathāvadvihitaṃ karma viśāmadhīśvareṇa tanayasya tadīyagarbhabhājo vibhavasyeva nayo vivṛddhaye'bhūt ### [2.17](https://indike.org/pramana/in.lit.historical.daksinatya.acyutarayabhyudaya.2.17) atha vaijanane dine śubhaṃyau hariṇākṣī nṛpaterasūta sūnum vasudhātibharāpanodahetuṃ vasudevapramadeva vāsudevam ### [2.18](https://indike.org/pramana/in.lit.historical.daksinatya.acyutarayabhyudaya.2.18) sudṛśāmajaniṣṭa sūtigehe sutajanmotsavasūcano ninādaḥ udayatyuḍubāndhave kimabdherdhṛtamaukharyaviparyayā laharyaḥ ### [2.19](https://indike.org/pramana/in.lit.historical.daksinatya.acyutarayabhyudaya.2.19) avanīramaṇairvitīrṇamādyairagamatprāktanatāṃ yaśodukūlam tadidaṃ navameṣa dāsyatīti pramadeneva diśo daśa praseduḥ ### [2.20](https://indike.org/pramana/in.lit.historical.daksinatya.acyutarayabhyudaya.2.20) apanītarajaḥkaṇānuṣaṅgāḥ paritoṣāśrubharairiva prajānām maruto vyavalanta mandamandaṃ navagandhodayanartitadvirephāḥ ### [2.21](https://indike.org/pramana/in.lit.historical.daksinatya.acyutarayabhyudaya.2.21) narapālakanandano ripūṇāṃ nagarīreṣa garīyasīrvitīrya paritoṣayitā mameti nūnaṃ prananartta jvalanaḥ pradakṣiṇārttiḥ ### [2.22](https://indike.org/pramana/in.lit.historical.daksinatya.acyutarayabhyudaya.2.22) acireṇa diśāmamuṣya jetuḥ kamalāṃ kalpitavibhramāṃ kaṭākṣe api kalpataruṃ kare'kṣilakṣyaṃ karavāṇīti kimambudhirjajṛmbhe ### [2.23](https://indike.org/pramana/in.lit.historical.daksinatya.acyutarayabhyudaya.2.23) nikhilo'pi pariṣkriyākalāpo jagṛhe'ntaḥpuracāriṇā janena tanayodayaśaṃsinā tadānīṃ pulakāḥ pusphururasya bhūṣaṇāni ### [2.24](https://indike.org/pramana/in.lit.historical.daksinatya.acyutarayabhyudaya.2.24) adhigamya girāmatītamūlyāṃ śrutibhūṣāṃ sutajanmasūcakasya pravitīrṇapariṣkriyāviśeṣo'pyayamātmānamamanyatādhamarṇam ### [2.25](https://indike.org/pramana/in.lit.historical.daksinatya.acyutarayabhyudaya.2.25) vihitasnapano viśāmadhīśo vasane haṃsavicitrite vasānaḥ avalokitumarbhakaṃ pramodādavakṛṣṭaḥ prayayāvariṣṭageham ### [2.26](https://indike.org/pramana/in.lit.historical.daksinatya.acyutarayabhyudaya.2.26) amumarbhakamaṅkasīmni dhātryāḥ śayitaṃ sātiśayaśriyaṃ sa paśyan vibhavena biḍaujaso'nukurvannapi netrairanukartumāhato'bhūt ### [2.27](https://indike.org/pramana/in.lit.historical.daksinatya.acyutarayabhyudaya.2.27) parivardhya sa jātakarmaṇā taṃ pariṇetā dharaṇiḥ pramodamānaḥ vasudhāvibudhānvasuprakarṣairbahudhānandadhurandharānatānīt ### [2.28](https://indike.org/pramana/in.lit.historical.daksinatya.acyutarayabhyudaya.2.28) caraṇena sametya śaṅkhapadmau makarāṅkena manīṣiṇāṃ nidhāne udite tanaye tadā pitṝṇāmṛṇamurvīramaṇasya rīṇamāsīt ### [2.29](https://indike.org/pramana/in.lit.historical.daksinatya.acyutarayabhyudaya.2.29) kamalākarapīḍanakṣame'sminnudite rājaśiśau mude jagatyāḥ śithilājani sāgasāṃ nṛpāṇāṃ cirakārāsadanāndhakārapīḍā ### [2.30](https://indike.org/pramana/in.lit.historical.daksinatya.acyutarayabhyudaya.2.30) na paraṃ prabhayā narendrasūnorabhibhūtārcirariṣṭadīpikāsīt paripanthivasundharāpatīnāṃ haridanteṣvapi ca pratāpadīpaḥ ### [2.31](https://indike.org/pramana/in.lit.historical.daksinatya.acyutarayabhyudaya.2.31) maṇimañcasamañcito'tha dhātryā madhurālolikayājaniṣṭa hṛṣṭaḥ ninadairiva nimnagālaharyāḥ kalahaṃsaḥ kamalāntarālaśāyī ### [2.32](https://indike.org/pramana/in.lit.historical.daksinatya.acyutarayabhyudaya.2.32) nayato na kadācana cyutaḥ syādavatīrṇaḥ svayamacyuto'yamurvyām iti śobhanalakṣaṇaiḥ sa jānannakarodātmajamacyutābhidhānam ### [2.33](https://indike.org/pramana/in.lit.historical.daksinatya.acyutarayabhyudaya.2.33) adhimañcamanukṣaṇaṃ jighṛkṣuḥ kuruvindastabakaṃ kutūhalena samanahyadayaṃ yathodayādrestaṭaśāyī tapanaṃ mṛgendraśābaḥ ### [2.34](https://indike.org/pramana/in.lit.historical.daksinatya.acyutarayabhyudaya.2.34) udayāruṇamūrtiroṣadhīśo niyataṃ vaṃśabhuvo nṛsiṃhasūnoḥ vyarucadvyapadiśya ratnagucchaṃ śayanasyopari santatāvanāya ### [2.35](https://indike.org/pramana/in.lit.historical.daksinatya.acyutarayabhyudaya.2.35) valamānalalantikāvibhūṣāvahamānadyutivardhitābhirūpyam avalīḍhasudhāṃśulīlamāsīdanidānasmitamānanaṃ tadīyam ### [2.36](https://indike.org/pramana/in.lit.historical.daksinatya.acyutarayabhyudaya.2.36) avalambatayā sthito'pi dhātryāḥ karamālambya sa kānicitpadāni maṇinūpuraśiñjitena kiñcitkṛtasaṃkhyāni kilāṅgaṇe vyatānīt ### [2.37](https://indike.org/pramana/in.lit.historical.daksinatya.acyutarayabhyudaya.2.37) kimapi kṣitipātmaje vivakṣau vimatānāṃ virarāma vīravādaḥ sadmāṅgaṇasīmni saṃcariṣṇau calituṃ dikṣu yaśaḥ śaśāka naiṣām ### [2.38](https://indike.org/pramana/in.lit.historical.daksinatya.acyutarayabhyudaya.2.38) ajaniṣṭa yadādhiveśma laulyānmaṇidīpagrahaṇaṃ mahīśasūnoḥ pariśīlanameva paryaṇasīttadaho vairimahohaṭhātkriyāyāḥ ### [2.39](https://indike.org/pramana/in.lit.historical.daksinatya.acyutarayabhyudaya.2.39) avalambya śanaiḥ sacaṅkramo'bhūdavarodhapramadāṅgulīdalāni pavamānaśiśuḥ pratāninīnāṃ parigṛhṇanniva bālapallavāni ### [2.40](https://indike.org/pramana/in.lit.historical.daksinatya.acyutarayabhyudaya.2.40) bahuśo yadaśobhi ratnabhittau nṛpaḍimbhapratibimbasaṃpradāyaḥ parito vimatānabhaviṣyadātmasphuraṇānāṃ niraṇāyi pūrvaraṅgaḥ ### [2.41](https://indike.org/pramana/in.lit.historical.daksinatya.acyutarayabhyudaya.2.41) sudṛśāmabhajatsuto'ṅkamaṅgātkalitāhvānagirāṃ karaṃ prasārya valadamburuhāṃ yathā marālo nalinīnāmalinīvirāviṇīnām ### [2.42](https://indike.org/pramana/in.lit.historical.daksinatya.acyutarayabhyudaya.2.42) mukharīkṛtamugdhakiṅkiṇīkaṃ muhuraṅkūritakeliraṅgaṇepu tanulagnarajobharastadānīmavanīdhāraṇasādhanāmatānīt ### [2.43](https://indike.org/pramana/in.lit.historical.daksinatya.acyutarayabhyudaya.2.43) avanīvalahanturaṅkamadhye viharanvyañjitacāpalo vyalāsīt adhisānu yathānukūlakeliḥ kanakakṣoṇibhṛtaḥ karīndraśābaḥ ### [2.44](https://indike.org/pramana/in.lit.historical.daksinatya.acyutarayabhyudaya.2.44) apamārjya durakṣarāṇyaranyā rajaso vistṛtilakṣyataḥ kumāraḥ valadaṅgulinītavarṇarekho vyalikhatkiṃ svakalatrabhāvarekhām ### [2.45](https://indike.org/pramana/in.lit.historical.daksinatya.acyutarayabhyudaya.2.45) atha kaiścidahobhireva vidyāguruodhyāpayati sma taṃ kumāram madhurunmiṣitālimañjughoṣaḥ parapuṣṭaṃ kila pañcamaprapañcān ### [2.46](https://indike.org/pramana/in.lit.historical.daksinatya.acyutarayabhyudaya.2.46) nṛpavaryaśiśornisargajānāṃ nikhilānāmapi deśikaḥ kalānām paramullasanāya paryaṇaṃṃsītsavitevāmbujakośasaurabhāṇām ### [2.47](https://indike.org/pramana/in.lit.historical.daksinatya.acyutarayabhyudaya.2.47) taralīkṛtakhaṅgavallarīkaḥ khuralīsīmni sakheṭakaḥ kumāraḥ samaśobhata saṃcalattaraṅgo janitāvarta ivākaro jalānām ### [2.48](https://indike.org/pramana/in.lit.historical.daksinatya.acyutarayabhyudaya.2.48) adhiropayatīnduvaṃśaratne sacamatkāratayā śarāsane jyām aticitramamitrapārthivānāmavarūḍhājani seyamaṃsakūṭāt ### [2.49](https://indike.org/pramana/in.lit.historical.daksinatya.acyutarayabhyudaya.2.49) parirakṣaṇato varaṃ hi śikṣā prakṛtānena vikhaṇḍitaḥ paṭimnā maṇicāmarahemamānito yaddhriyate vandijanena lohadaṇḍaḥ ### [2.50](https://indike.org/pramana/in.lit.historical.daksinatya.acyutarayabhyudaya.2.50) marutaṃ suhṛdaṃ madīyadhāmajvalanasya jvalataḥ purīṣvarīṇām niruṇaddhitarāṃ nijāntarityāhitaroṣo'bhinadeṣa carmabhastram ### [2.51](https://indike.org/pramana/in.lit.historical.daksinatya.acyutarayabhyudaya.2.51) adhigatya gatitvarāṃ hayānāmadhibāhyālpamunā pracālitānām paripālayatīva bhaktimudrāṃ pavamānaḥ padareṇudhāraṇena ### [2.52](https://indike.org/pramana/in.lit.historical.daksinatya.acyutarayabhyudaya.2.52) adhiropayati sma hastikaṇṭhe janatāṃ toṣamiṣeṇa jātamātraḥ adhunā paṭutāmanekapendre vyavṛṇodityapi kiṃnu vismayāya ### [2.53](https://indike.org/pramana/in.lit.historical.daksinatya.acyutarayabhyudaya.2.53) vidyāḥ sametya vividhā nṛpatestadāsīdānandaheturativāhitaśaiśavo'yam yātaḥ kramādvilasitāni yathā kalānāṃ pāthonidheḥ kimapi pārvaṇaśarvarīśaḥ ### [2.53.p1](https://indike.org/pramana/in.lit.historical.daksinatya.acyutarayabhyudaya.2.53.p1) iti dvitīyaḥ sargaḥ ### [3.1](https://indike.org/pramana/in.lit.historical.daksinatya.acyutarayabhyudaya.3.1) tṛtīyaḥ sargaḥ athāvanīvāsavasūnurabhyagādanaṅgarāddhāntamalaṃkriyāṃ tanoḥ vadhūjanasvāntavaśakriyauṣadhaṃ vayo navaṃ śaiśavavāsanāsaham ### [3.2](https://indike.org/pramana/in.lit.historical.daksinatya.acyutarayabhyudaya.3.2) camatkṛtaṃ yauvanaśilpinā tadā samañcitabhrūlatayā satoraṇam abhūtpraveśārhamanaṅgabhūpateradaḥpuraṃ kāntyamṛtāttasecanam ### [3.3](https://indike.org/pramana/in.lit.historical.daksinatya.acyutarayabhyudaya.3.3) vaco'dhidevyā vadanāñcitasthitervataṃsakaṇotpalavarṇadhoraṇī vyarājatāmuṣya kapolamaṇḍale vikasvaraśmaśrumiṣeṇa bimbitā ### [3.4](https://indike.org/pramana/in.lit.historical.daksinatya.acyutarayabhyudaya.3.4) vahtyavicchinnatayaiva karṇikāmaṇiprabhāsrotasi māṃsalodaye saśaivalāṅkuracamatkriyeva tatkapolabhūḥ śmaśrukarambitābhavat ### [3.5](https://indike.org/pramana/in.lit.historical.daksinatya.acyutarayabhyudaya.3.5) vidhiḥ sarojaṃ vyadhita svamandiraṃ tuṣārapāto'pi na tena sahyate itīva sānandamamuṣya bandhuraṃ bhujāntaraṃ mandiramindirātanot ### [3.6](https://indike.org/pramana/in.lit.historical.daksinatya.acyutarayabhyudaya.3.6) phaṇādharendraṃ parihṛtya bhīṣaṇaṃ dṛḍhādarāmaṃsataṭādhirohaṇe grahītumasya prasṛtāviva kṣamāṃ vyarājatāṃ jānuvilambinau bhujau ### [3.7](https://indike.org/pramana/in.lit.historical.daksinatya.acyutarayabhyudaya.3.7) kramātsamākramya śiśutvasaṃśritāṃ tadaṅgasīmānamidaṃ navaṃ vayaḥ kimasya bhūyaḥ kraśitātmano'tanotkṛpāvaśanmadhyamadeśamāśrayam ### [3.8](https://indike.org/pramana/in.lit.historical.daksinatya.acyutarayabhyudaya.3.8) samañcitaṃ śoṇimasaṃpadāñcale vyaśobhatāmuṣya vilocanadvayam apāṅgalīlāsvaravindamandirāpadāmbujālaktakapaṅkilaṃ kila ### [3.9](https://indike.org/pramana/in.lit.historical.daksinatya.acyutarayabhyudaya.3.9) karāravinde kaṭhine na mānasaṃ dhruvau ca kauṭilyabhuvau na vāṅmayam vimuktamaryādatayā vijṛmbhitaṃ navābhirūpyaṃ na kadāpi vartanam ### [3.10](https://indike.org/pramana/in.lit.historical.daksinatya.acyutarayabhyudaya.3.10) nirargalāyāmanirodhavartmanā vinā nidānaṃ śravaṇe virodhinī itīva roṣātiśayaspṛśordṛśoraśobhi koṇena viśoṇimāṇimā ### [3.11](https://indike.org/pramana/in.lit.historical.daksinatya.acyutarayabhyudaya.3.11) pramṛṣṭakandarpamadasya darpaṇaḥ prakāśya tasya pratibimbasampadam samānatādurṣidhatāṃ jahāra yadvibhūtimānyasya vijṛmbhaṇaṃ hi tat ### [3.12](https://indike.org/pramana/in.lit.historical.daksinatya.acyutarayabhyudaya.3.12) atatsamānabjabhavaḥ smarādimānvyadhatta rūpavyayalobhavāniva tadekarūpavyayadurvidhaḥ sa kiṃ tanoti tannyūnatanuśriyo'parān ### [3.13](https://indike.org/pramana/in.lit.historical.daksinatya.acyutarayabhyudaya.3.13) karambitaṃ yauvanakāntisaṃpadā kumāramālokya kutūhalānnṛpaḥ athāniyāyāsya vivāhakarmaṇe mahībhujāṃ mantrisukhena kanyakāḥ ### [3.14](https://indike.org/pramana/in.lit.historical.daksinatya.acyutarayabhyudaya.3.14) kareṇa sūnoḥ kṣitipālakanyakākarānayaṃ grāhayati sma bhūpatiḥ prakāśitāruṇyaruceḥ payojinīprasūnapālīrdivaso yathā raveḥ ### [3.15](https://indike.org/pramana/in.lit.historical.daksinatya.acyutarayabhyudaya.3.15) kulodvahāsvarkakumudvatīśayorvadhūṣu devī varadāmbikābhidhā amuṣya saṃtoṣamapuṣyadāntaraṃ viśiṣya tārāsviva rohiṇī vidhoḥ ### [3.16](https://indike.org/pramana/in.lit.historical.daksinatya.acyutarayabhyudaya.3.16) tanūbhuvastrīnapi tādṛśaśriyaḥ samīkṣya sāmrājyapadārhalakṣaṇān amanyataivāntarudanvadambarāṃ paramparābhojyatayā patiḥ kṣiteḥ ### [3.17](https://indike.org/pramana/in.lit.historical.daksinatya.acyutarayabhyudaya.3.17) sametya sāmrājyaramāṃ manoramāṃ vinītimānvīranṛsiṃhabhūpatiḥ bahirvyadhādūndhanamandirādarīndharāsurānkiṃ ca daridratābhidhāt ### [3.19](https://indike.org/pramana/in.lit.historical.daksinatya.acyutarayabhyudaya.3.19) anantaraṃ kīrtidhuraṃdharo'dadhātsa kṛṣṇarāyaḥ sakalāṃ vasundharāṃ amuṣya śīrṇairabhiṣekavāribhiḥ śaśāma vidveṣaṇaśauryapāvakaḥ ### [3.81](https://indike.org/pramana/in.lit.historical.daksinatya.acyutarayabhyudaya.3.81) sa koṇḍavīṭipramukhāni saṃgare mahānti durgāṇi mataṃgajeśituḥ purā gṛhītvā puṭṭapeddanūpure nyadhādatha stambhamasau mahāvalaḥ ### [3.20](https://indike.org/pramana/in.lit.historical.daksinatya.acyutarayabhyudaya.3.20) payodhikāñcīpariṇetṛtāspade pade'bhiṣektuṃ tamathācyutaprabhum kulādrikūrmoragakuñjarāgraṇīśramāpahṛtyai samanāhi mantribhiḥ ### [3.21](https://indike.org/pramana/in.lit.historical.daksinatya.acyutarayabhyudaya.3.21) pracoditāstaiḥ paricārakāstatastapātyayena stanayitnavo yathā aśeṣatīrthārṇavavāhinījalānyanaiṣurājñāsamakālamagrataḥ ### [3.22](https://indike.org/pramana/in.lit.historical.daksinatya.acyutarayabhyudaya.3.22) yuvānamājānubhujāyataṃ tato niśāmya sarvairniracāyi mantribhiḥ bhujaṅgarājanyadhṛtāṃ bhuvaṃ kṛtī bhujāṅgadīkartumau bhavediti ### [3.23](https://indike.org/pramana/in.lit.historical.daksinatya.acyutarayabhyudaya.3.23) praṇāmaśīlaḥ phaṇiśailaśāsituḥ kadācidagre karaśaṅkhavāriṇā payodhikāñcīpariṇetṛtāspade pade'bhiṣiktaḥ sa paraṃparāgate ### [3.24](https://indike.org/pramana/in.lit.historical.daksinatya.acyutarayabhyudaya.3.24) praṇīya vidyānagarīṃ patiṃ kṣiterahīndraśailādhibhuvāsya kalpitām udāravṛtterudyuñjatotsavaṃ vidhitsavaste sacivā viśeṣataḥ ### [3.25](https://indike.org/pramana/in.lit.historical.daksinatya.acyutarayabhyudaya.3.25) niśāntasaṃdānitavaijayantikānirantaracchāyanirākṛtātapam pariṣkṛtānekavidhapratolikaṃ puraṃ vibhoraikṣyata puṅkhitotsavam ### [3.26](https://indike.org/pramana/in.lit.historical.daksinatya.acyutarayabhyudaya.3.26) vicitrakauśeyavitānamaṇḍalīvilambimuktāmaṇidāmacāmaram parasparaprastutatarkaśilpavitpravartitātyadbhutacitraputrikam ### [3.27](https://indike.org/pramana/in.lit.historical.daksinatya.acyutarayabhyudaya.3.27) viśuddhamuktāphaladhūlipālikātaraṅgitaprāṅgaṇaraṅgavallikam itastataḥ klṛptahimāmbusecanapraśāntabāhyāṅgaṇacandradhūlikam ### [3.28](https://indike.org/pramana/in.lit.historical.daksinatya.acyutarayabhyudaya.3.28) samañcitāraṭṭavadhūnakhāñcalaprapañcitārāvavipañcikāñcitam sakaṅkaṇapreṅkhaṇakoṅkaṇāṅganāmṛdaṅgasaṃtāḍanabhaṅgisaṃgatam ### [3.29](https://indike.org/pramana/in.lit.historical.daksinatya.acyutarayabhyudaya.3.29) kaliṅgasāraṅgālighūrṇitottaraṅgasaurabhyakuraṅganābhikam paṭīrakarpūravimelanābhaṭīnirūḍhalāṭīkarahāṭakotkaṭam ### [3.30](https://indike.org/pramana/in.lit.historical.daksinatya.acyutarayabhyudaya.3.30) virāṭasaurāṣṭravadhūṭikālikāsaṭāvacūḍīkṛtacāruvīṭikam trigartapāṭhīnavivartalocanāpravartilārātrikapātravartikam ### [3.31](https://indike.org/pramana/in.lit.historical.daksinatya.acyutarayabhyudaya.3.31) avantikuntyāndhrapurandhrikākarānubandhi saugandhikadāmadanturam vidarbhasubhrūkaraśilpavaiduṣīvikalpajalpākāsitābhragarbhakam ### [3.32](https://indike.org/pramana/in.lit.historical.daksinatya.acyutarayabhyudaya.3.32) apāranepālanṛpālabālikākalāpasampāditadhūpanaipuṇam alakṣi māṅgalyamayaṃ kilākhilaṃ mahīpatermandiramindirāspadam ### [3.33](https://indike.org/pramana/in.lit.historical.daksinatya.acyutarayabhyudaya.3.33) parākṛtairammadapāṭavānakapraṇādapārīṇadarīpratiśrutā hariṣyati kṣmābharameṣa ityamī kulācalāḥ kṣvelanamācaranniva ### [3.34](https://indike.org/pramana/in.lit.historical.daksinatya.acyutarayabhyudaya.3.34) samañcitaṃ kañcukināṃ jayāravaiḥ sahāptarājanyajanena kenacit alaṃkṛtaṃ sāṅga ivāṅgakaḥ śanairasāvayāsīdabhiṣekamaṇṭapam ### [3.35](https://indike.org/pramana/in.lit.historical.daksinatya.acyutarayabhyudaya.3.35) anādi nāndībhiranardi maddalairarāṇi vīṇābhirabhāṇi veṇubhiḥ arebhi bherībhiragarji jarjharairagāri śṛṅgaiḥ samakāli kāhalaiḥ ### [3.36](https://indike.org/pramana/in.lit.historical.daksinatya.acyutarayabhyudaya.3.36) kṛtābhiṣekaḥ kṛpayā purā hareḥ sa eṣa sāmrājyapade'bhyaṣicyata ślathāmbuleśavyapadeśato mahī tadājani svinnatanustadādarāt ### [3.37](https://indike.org/pramana/in.lit.historical.daksinatya.acyutarayabhyudaya.3.37) apāṅgitapreṅkhadabhīśuvīcikākṛtāvalambairiva gandhavāribhiḥ karābjasauvarṇaghaṭāpavarjitaistamabhyaṣiñcattaralekṣaṇājanaḥ ### [3.38](https://indike.org/pramana/in.lit.historical.daksinatya.acyutarayabhyudaya.3.38) kṛtābhiṣekastuluvakṣitikṣitāṃ kulāgraṇīḥ kuṅkumavāridhārayā karīva sikto giridhātunirjharaiḥ śaśīva sāyantanasandhyayārucat ### [3.39](https://indike.org/pramana/in.lit.historical.daksinatya.acyutarayabhyudaya.3.39) aloki lokairharicandanodakaṃ vijṛmbhitaṃ maṇṭapavedikāmaṇe nirīkṣya kāntaṃ nṛpamāśayādamānbhuvo'nurāgo bahirudyato yathā ### [3.40](https://indike.org/pramana/in.lit.historical.daksinatya.acyutarayabhyudaya.3.40) adhārayatpāṇḍaramambaraṃ kṣiteradhīśvaraḥ snānavidheranantaram samāptavarṣasnapano yathā giriḥ śaranmukhe channanitambamambudam ### [3.41](https://indike.org/pramana/in.lit.historical.daksinatya.acyutarayabhyudaya.3.41) samāpya sarvāṃ samanantarakriyāṃ nṛpāsanastho nṛpatirniraikṣyata sumerusaṅgīva surendrapādapaḥ śriyaḥ sakheva śritabhānumaṇḍalaḥ ### [3.42](https://indike.org/pramana/in.lit.historical.daksinatya.acyutarayabhyudaya.3.42) pracālito'gre paricārikājanairnṛpasya nīrājanadīpikotkaraḥ digantarabhrāntimiṣānnaṭiṣyato dadhau pratāpasya sa pūrvaraṅgatāṃ ### [3.43](https://indike.org/pramana/in.lit.historical.daksinatya.acyutarayabhyudaya.3.43) arālakeśībhiranāṭi medinīmvayaṃvarapreyasi śobhite śriyā valāhake darśitavārṣikodaye na kiṃ śikhinyo naṭanaṃ vivṛṇvate ### [3.44](https://indike.org/pramana/in.lit.historical.daksinatya.acyutarayabhyudaya.3.44) vinītasāmantavidhūtacāmaradvayānvito'lakṣyata dhūrvahaḥ kṣiteḥ tuṣāraśailo dṛṣadāhatidvidhāpanīpatannākadhunīpayā iva ### [3.45](https://indike.org/pramana/in.lit.historical.daksinatya.acyutarayabhyudaya.3.45) manukramo rakṣati tatkulakṣamāpatīnitīvānujighṛkṣayā gatau tamīśasūryāviva dhārite kimapyarājatāmātapavāraṇe vibhoḥ ### [3.46](https://indike.org/pramana/in.lit.historical.daksinatya.acyutarayabhyudaya.3.46) kaliṅgabhūmeḥ kamitā kalācikāṃ maṇīnibaddhāṃ magadho'sya pādukām śakādhipaścāmaramañjarīmadhātsvayaṃ kṛpāṇīmapi siṃhaleśvaraḥ ### [3.47](https://indike.org/pramana/in.lit.historical.daksinatya.acyutarayabhyudaya.3.47) kṣamābhujaḥ kāñcanapuṣpamagrataḥ prakīrya bhaktyā pratipāditopadāḥ vyanaṃṃsiṣurvaṃśamaṇiṃ vidhostvarāvighaṭṭitānyonyakirīṭakoṭayaḥ ### [3.48](https://indike.org/pramana/in.lit.historical.daksinatya.acyutarayabhyudaya.3.48) mahattare mānavalokaśāsiturmano'nukūlā mahiṣīpade tadā kṛtābhiṣekā salagakṣitīśiturvarātmajāsīdvaradāmbikāvadhūḥ ### [3.49](https://indike.org/pramana/in.lit.historical.daksinatya.acyutarayabhyudaya.3.49) prasūnasaubhāgyapuṣā yaśomiṣātprajānurāgaprakaṭīkriyārhayā sa eṣa sāmrājyapadaśriyārucadvasantalakṣmyeva vadānyapādapaḥ ### [3.50](https://indike.org/pramana/in.lit.historical.daksinatya.acyutarayabhyudaya.3.50) cakāra yanmerumanādimaḥ pumān suvarṇarūpaṃ surasaṃsadāṃ vaśe suvarṇameruṃ svayamasya sevako mahīsurebhyo'dita mānaveśvaraḥ ### [3.51](https://indike.org/pramana/in.lit.historical.daksinatya.acyutarayabhyudaya.3.51) phalaṃ yadasyāḥ patisevayā prabhoḥ phaṇīśaparyaṅkapadārcayā ca yat cirāttadāsīccinaveṅkaṭādrirityabhikhyayākṣṇorapi dīrghamāyuṣi ### [3.52](https://indike.org/pramana/in.lit.historical.daksinatya.acyutarayabhyudaya.3.52) anena rājñā cinaveṅkaṭādrirapyayoci lakṣmīṃ yuvarājapūrvikāṃ kṣamāpatau rājyaramā sayauvanakramā ca kaumāramasāvasūcayat ### [3.53](https://indike.org/pramana/in.lit.historical.daksinatya.acyutarayabhyudaya.3.53) yathā jayantena purandaro yathā naraupavāhyo nalakūbareṇa ca arājadavyājasuhṛtsatāṃ tathā cirāyuṣā śrīcinaveṅkaṭādriṇā ### [3.54](https://indike.org/pramana/in.lit.historical.daksinatya.acyutarayabhyudaya.3.54) abhimatapikavāṇīpañcamairañcitaśrīrapica varadamāmbāvīrudālambabhūtaḥ patirurucadavanyāḥ prāptasāmrājyalakṣmyā śatamakhapuraśākhī caitralakṣmyā yathaiva ### [3.54.p1](https://indike.org/pramana/in.lit.historical.daksinatya.acyutarayabhyudaya.3.54.p1) iti tṛtīyaḥ sargaḥ ### [4.1](https://indike.org/pramana/in.lit.historical.daksinatya.acyutarayabhyudaya.4.1) caturthaḥ sargaḥ vāsaro'tha vasudhāvaladviṣo vallabheti mahiṣīpade mahīm ādarātkimabhiṣektumāharannambuvāhamaṇikumbhamāyayau ### [4.2](https://indike.org/pramana/in.lit.historical.daksinatya.acyutarayabhyudaya.4.2) śauryamārutasakhasya saṃnidhau kalpitānaghakaragrahe nṛpe medinī pulakajālamedurā nīpakuḍmalanibhādabhāsata ### [4.3](https://indike.org/pramana/in.lit.historical.daksinatya.acyutarayabhyudaya.4.3) asya kartumabhiṣekamaṅgalārātrikaśriyamivāvanībhujaḥ prāvṛṣāpyajani meghabhājanaprastutācirarucipradīpayā ### [4.4](https://indike.org/pramana/in.lit.historical.daksinatya.acyutarayabhyudaya.4.4) pālitā pratinavena bhūbhujā vārirāśiraśanā vasundharā ketakīkusumapāṃsukaitavātprāktanānparijahāsa pārthivān ### [4.5](https://indike.org/pramana/in.lit.historical.daksinatya.acyutarayabhyudaya.4.5) varṣukaṃ samavalokya vāridaṃ cātakadvijakulasya hṛṣyataḥ bāṣpavarṣakṛtasecanā navāddharṣato'jani purā vasundharā ### [4.6](https://indike.org/pramana/in.lit.historical.daksinatya.acyutarayabhyudaya.4.6) abhrapaṅkirakiratpayaḥkaṇānnirbharoṣmaṇi nidāghataḥ kṣitau garbhitāśanitayā tadudbhavaṃ ghrātumādaravatīva saurabham ### [4.7](https://indike.org/pramana/in.lit.historical.daksinatya.acyutarayabhyudaya.4.7) ambu pītamavapatya dustarādambarādatitarāmapāṃ nidhau prāvṛṣā pavanacakrayojitā vāridā vavamurañcitabhramāḥ ### [4.8](https://indike.org/pramana/in.lit.historical.daksinatya.acyutarayabhyudaya.4.8) ambhasārdritamavādayannabhāstāpayanhutavahe taṭinmaye maddalaṃ madajuṣāṃ śikhaṇḍināṃ tāṇḍavānuguṇamabhramaṇḍalam ### [4.9](https://indike.org/pramana/in.lit.historical.daksinatya.acyutarayabhyudaya.4.9) cātakāḥ satatadhāramakṣamāḥ pātumambu paripīḍitā mukhe prāksamīraśithilaiḥ payaḥkaṇaiḥ kurvate sma nijakukṣipūraṇam ### [4.10](https://indike.org/pramana/in.lit.historical.daksinatya.acyutarayabhyudaya.4.10) vāride śaramuci pradhāvinī vāhinī niviśate sma vāridhau rājahaṃsasadasāpi dudruve lakṣyamasti kimu jīvanatyajām ### [4.11](https://indike.org/pramana/in.lit.historical.daksinatya.acyutarayabhyudaya.4.11) agrataḥ kṛtaśikhaṇḍitāṇḍavo bhīṣmameṣa śucimujjhitaiḥ śaraiḥ vañcayanvalitajiṣṇukārmuko vāsaro'rjunavikāsamāsadat ### [4.12](https://indike.org/pramana/in.lit.historical.daksinatya.acyutarayabhyudaya.4.12) āndhyamantarabhitāpakandalīmaśru niśvāsitamapyayoginām āracayya vivavāra vārido dhūmapāvakajalānilātmatām ### [4.13](https://indike.org/pramana/in.lit.historical.daksinatya.acyutarayabhyudaya.4.13) krīḍayā divi taṭitkṛpāṇikāvalliṣu vyatihatāsu vāridaiḥ viślathā iva vibhāvasoḥ kaṇāḥ śakragopanikarāścakāśire ### [4.14](https://indike.org/pramana/in.lit.historical.daksinatya.acyutarayabhyudaya.4.14) kecanānilavaśātkaropalā dyotalāttaralitā diśāṃ mukhe nāsikābharaṇamauktikaśriyo nāṭikāṃ kṣaṇamivālalambire ### [4.15](https://indike.org/pramana/in.lit.historical.daksinatya.acyutarayabhyudaya.4.15) viṣvagambudavidhuntudo ruṣā carvati sma raviśarvarīviṭau śakragopakarakopalacchalātsṛkaṇā sa vicakāra tatkaṇān ### [4.16](https://indike.org/pramana/in.lit.historical.daksinatya.acyutarayabhyudaya.4.16) ambarātnipatitaiḥ karopalairāhativyatikaraspṛśo'vaneḥ śakragopavapuṣā samantato viśrathaḥ kṣatajavipruṣāṃ cayaḥ ### [4.17](https://indike.org/pramana/in.lit.historical.daksinatya.acyutarayabhyudaya.4.17) abjinīpraṇayinā himadyuteranvakāri na paraṃ nirūṣmatā alpadṛśyavapuṣā payomucāmāvalīṣvapi ca tatkalātmatā ### [4.18](https://indike.org/pramana/in.lit.historical.daksinatya.acyutarayabhyudaya.4.18) phenakañcukajuṣo viṣotkiraḥ prastutormipavamānaphūtkriyāḥ āpagāḥ phaṇadharā ivādhvagānkurvate sma pathi kuṇṭhitakramān ### [4.19](https://indike.org/pramana/in.lit.historical.daksinatya.acyutarayabhyudaya.4.19) śaśvadārdritaviśoṣitāmbaro varṣato'pi maruto'dhvagavrajaḥ paṅkile kila saśśrṛṅkhalo'bhavatprāptarājya iva mārave pathi ### [4.20](https://indike.org/pramana/in.lit.historical.daksinatya.acyutarayabhyudaya.4.20) tiryagānatagalaṃ viṣāṇayordīrṇavṛṣṭi dhṛtaromavikriyam pārśvadeśaparilīnāvartarṇakaṃ gokulaṃ nikhilamaikṣatākulam ### [4.21](https://indike.org/pramana/in.lit.historical.daksinatya.acyutarayabhyudaya.4.21) kledsiktamiva varṣasecanātkiṃca komalakhuraṃ gavāṃ kulam saṃkucattanu samagrakampanaṃ tarṇakānadhivanaṃ tadanvagāt ### [4.22](https://indike.org/pramana/in.lit.historical.daksinatya.acyutarayabhyudaya.4.22) bhānumambudharabandhanālaye tāpinaṃ viracayaṃstapātyayaḥ asya bhūrivasubhāgasau puretyabjinīṃ dhruvamamajjayajjale ### [4.23](https://indike.org/pramana/in.lit.historical.daksinatya.acyutarayabhyudaya.4.23) ambudā na paramaśvitāravāstadvavāni taṭinījalānyapi sehire na taraṇervijṛmbhaṇaṃ kāryakāraṇabhidā kathaṃ bhavet ### [4.24](https://indike.org/pramana/in.lit.historical.daksinatya.acyutarayabhyudaya.4.24) vidyutāmiva vijṛmbhaṇāsahaḥ śārṅgiṇo'pi śayanīyapannagaḥ ātanodadhipayodhi gāhanaṃ pāmareṣu phaṇabhṛtsu kā kathā ### [4.25](https://indike.org/pramana/in.lit.historical.daksinatya.acyutarayabhyudaya.4.25) kāminīnivahamānavigrahaḥ kālamāntrikapalāyito grahaḥ prādravatprakaṭamambubhṛddhaṭaṃ kiṃ vibhidya bhuvi kīrṇaśambaram ### [4.26](https://indike.org/pramana/in.lit.historical.daksinatya.acyutarayabhyudaya.4.26) paṅkilā na padavī paraṃ nṛṇāṃ dyosadāmapi babhūva durdine antarā jalakaṇairaṇūpamairārdrite rajasi nīpaniḥsṛte ### [4.27](https://indike.org/pramana/in.lit.historical.daksinatya.acyutarayabhyudaya.4.27) śāmyaducchritapayodharaśriyā saṃkucatkuṭajadantasaṃpadā prāvṛṣā galitabhūrivarṣayā pratyapadyata ghanasvarātyayaḥ ### [4.28](https://indike.org/pramana/in.lit.historical.daksinatya.acyutarayabhyudaya.4.28) śvetamānataṭidvāli saṃkucacchātamanyavaśarāsavāsanam nimnabhūmiṣu nilīnanirjharaṃ nirmarandarasanīpakorakam ### [4.59](https://indike.org/pramana/in.lit.historical.daksinatya.acyutarayabhyudaya.4.59) viprakarṣaghanasaṃkramaṃ sariddyajyamānasikatāvijṛmbhaṇam nisvatāśrayaniṣaṅgaroccayaṃ vṛttakeliviramacchikhāvalam ### [4.30](https://indike.org/pramana/in.lit.historical.daksinatya.acyutarayabhyudaya.4.30) vārirāśiśayanādudañcituṃ vyājitāṅgavalanendirāsakham aikṣi taddinamamuktasaṃśayaṃ haṃsapālibhirapāṅgitāmbaram ### [4.31](https://indike.org/pramana/in.lit.historical.daksinatya.acyutarayabhyudaya.4.31) ṣaṭpadāḥ padasamarpaṇāsahe prāktane dalacaye pariślathe kampavattanu kadambasantateḥ karṇikopari kathaṃcidāsat ### [4.32](https://indike.org/pramana/in.lit.historical.daksinatya.acyutarayabhyudaya.4.32) prāktane'pi kuṭaje payoruhāmaṅkure'pyanupalabdhaśīdhavaḥ māradaivatamude madhuvratā niścayānniraśanavrataṃ dadhuḥ ### [4.33](https://indike.org/pramana/in.lit.historical.daksinatya.acyutarayabhyudaya.4.33) pālitākhilabhuvāmbuvarṣataḥ prāvṛṣājani śanaiḥ praśāntayā pāṇḍarāmbudaparamparānibhādbhāsate sma divi tadyaśobharaḥ ### [4.34](https://indike.org/pramana/in.lit.historical.daksinatya.acyutarayabhyudaya.4.34) āstikastadanu hallakaśriyām nāstikaḥ kuṭajanīpasampadām prādurāsa vidhubhānumattviṣāṃ pratyavāyavigamo ghanātyayaḥ ### [4.35](https://indike.org/pramana/in.lit.historical.daksinatya.acyutarayabhyudaya.4.35) pāthasaḥ samudayanpraśuṣyataḥ padmagarbhaparalīnaṣaṭpadaḥ dṛṣṭagādha iva darśayan śaye kardamaṃ kamalinīgaṇo babhau ### [4.36](https://indike.org/pramana/in.lit.historical.daksinatya.acyutarayabhyudaya.4.36) kuṇṭhiteṣu kuṭajādiṣu smaraḥ korakeṣvayutabhedanādiva ādade punaradovyathākṛte hallakāmbujamukhāñchilīmukhān _First 200 of 332 passages. [Read on](https://indike.org/pramana/in.lit.historical.daksinatya.acyutarayabhyudaya)_ --- Source: [https://indike.org/pramana/in.lit.historical.daksinatya.acyutarayabhyudaya](https://indike.org/pramana/in.lit.historical.daksinatya.acyutarayabhyudaya) · Pramāṇa