Dharmabhyudayamahakavya 22

Dharmābhyudayamahākāvya 22

Language: Sanskrit

22.1-2 — 1 part

22.1

muktermāge yadetad viracitamucitaṃ saṅghabhartuścaritraṃ,
satraṃ pāvitryapātraṃ pathikajanamanaḥkhedavicchedahetuḥ
asmin saurabhyagarbhīmasamarasavatīṃ satkathāṃ pānthasārthāḥ,
prāpya śrīvastupālapravaranavarasāsvādamāsādayanti

22.2

śrīśāradaikasadanaṃ hṛdayālavaḥ ke,
no santi hanta ! sakalāsu kalāsu niṣṭhāḥ ?
tādṛk parasya dadṛśe sukavitvatattvabodhāya buddhivibhavastu na vastupālāt

22.3

naiva vyāpāriṇaḥ ke vidadhati karaṇagrāmamātmakavaśyaṃ ?,
lebhe sadyogasiddheḥ phalamamalamalaṃ kevalaṃ vastupālaḥ
ākalpasthāyi dharmābhyudayanavamahākāvyanāmnā yadīyaṃ,
viśvasyā''nandalakṣmīmiti diśati yaśo-dharmarūpaṃ śarīram

22.1-2

granthāgram 121 | ubhayam 5041
pratyekamatra granthāgraṃ, vigaṇayya viniścitam
dvātriṃśadakṣaraślokadvipañcāśacchatīmitam

22.1-2.p1

5 saṃ0 1290 varṣe caitraśu 11 ravau stambhatīrthavelākūlamanupālayatā
mahaṃ0 śrīvastupālena śrīdharmābhyudayamahākāvyapustakamidamalekhi || cha || cha || śubhamastu śrotṛvyākhyātṝṇām

Linked texts (2)

Dharmābhyudaya — Udayaprabhā Sūri, Sanskrit
Vidhimārgaprapā (ed. Muni Jinavijaya) — Sanskrit