Dharmabhyudayamahakavya 5

Dharmābhyudayamahākāvya 5

Language: Sanskrit

5.1

oṃ namaḥ sarvajñāya
maṅgalam
arhallakṣmīṃ stumaḥ śreṣṭhaparameṣṭhipadapradām | yatpuraḥ kiṅkarāyante, surā-'sura-naraśriyaḥ

5.2

sambhūya sakalaiḥ kalpapādapairiva kalpitaḥ | yugādijinakalpadrurlokottaraphalo'stu vaḥ

5.3

jayanti śāntināthasya, kramapreṅkhannakhārciṣaḥ | viśvaviśvavipaddhvāntatāntiśāntikahetavaḥ

5.4

nemernamata saubhāgyamajihmabrahmacāriṇaḥ | dhyānād yasya yayau rājīmatī tyaktā'pi nirvṛtim

5.5

mūrdhni pārśvaprabhoḥ sapta, phaṇāḥ santu satāṃ śriye | jitāntaḥśatruṣaṭkasya, svasya ca cchatrasannibhāḥ

5.6

vīraḥ śriye'stu vyākhyāsu, yaddantakiraṇāṅkurāḥ | dadhurmauliṣu namrāṇāṃ, maṅgalyāmakṣataśriyam

5.7

tiraśco'pi vipaścittvaṃ, nīra-kṣīravivecane | haṃsasya yatpadopāstyā, stumastāṃ śrutadevatām

5.8

granthakṛtaḥ pūrvācāryāḥ
gautamaṃ tamahaṃ vande, yaḥ śrīvīragiraṃ purā | aṅgatvayamayīṃ prāpya, sadyaścakre caturguṇām

5.9

guruḥ śrīharibhadro'yaṃ, lebhe'dhikavacasthitiḥ | mohadrohāya cāritranṛpanāśīravīratām

5.10

tamastomacchide sa śrīsiddhasenadivākaraḥ | gaganaṃ vyānaśe yasya, kalāpuṣṭo yaśaḥśaśī

5.11

haribhadravibhurvidyāsthānakāni caturdaśa | labdhvā śataguṇām jainagranthavṛkṣānaropayat

5.12

rājā luloṭha pādāgre, jihvāgre ca sarasvatī | yasya śaśvanmude sa śrīhemasūrirnavaḥ śivaḥ

5.13

naracandramunīndrasya, viśvavidyāmayaṃ mahaḥ | caturantadharitrīśasabhyairabhyarcitaṃ stumaḥ

5.14

jīyād vijayasenasya, prabhoḥ prātibhadarpaṇaḥ | pratibimbitamātmānaṃ, yatra paśyati bhāratī

<u saṅghamāhātmyam</u
vyāptāśeṣahariccaturmukhatayā tanvannadīnāṃ sthitiṃ,
sa stutyaḥ puruṣottamaikavasatiḥ śrīsaṅgharatnākaraḥ
yaṃ saṃsevya ghanāghanā iva jinā dhārāladharmāmṛtairviśvāśvāsanahetavaḥ kati na te'bhūvan bhaviṣyanti vā ?

5.16

<u vastupālamāhātmyam</u
gurvāśīrvacasāṃ phalaṃ niravadhi śrīsiddhiṃsiddhauṣadhiḥ,
kīrtisphūrtisudhāsudhāṃśurudayaddīpraprabhābhāskaraḥ
mūrtaḥ puṇyasamuccayo vijayate ko'pyeṣa saṅghādhipaḥ,
śaṅke yasya vibhātyakhaṇḍavibhutāpākhaṇḍamākhaṇḍalaḥ

5.17

<u prastutagranthasyābhidhānam</u
saṅghapaticaritametat, kṛtinaḥ karṇāvataṃsatāṃ nayata
śrīvastupāladharmābhyudayamahomahinamāhātmyam

5.18

<u vastupālavaṃśavarṇanam</u
śrīmatprāgvāṭagotre'ṇahilapurabhuvaścaṇḍapasyāṅgajanmā,
jajñe caṇḍaprasādaḥ sadanamurudhiyāmaṅgabhūstasya somaḥ
āsārājo'sya sūnuḥ kila navamamṛtaṃ kālakūṭopabhuktaśrīkaśrīkaṇṭhakaṇṭhasthalamalaviyaducchedakaṃ yadyaśo'bhūt

5.19

so'yaṃ kumāradevīkukṣisaraḥsarasijaṃ śriyaḥ sadanam
śrīvastupālasacivo'jani tanayastasya janitanayaḥ

5.20

yasyāgrajo malladeva, utathya iva vākpateḥ
upendra iva cendrasya, tejaḥpālo'nujaḥ punaḥ

Linked texts (1)

Dharmābhyudaya — Udayaprabhā Sūri, Sanskrit