[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Historical poems, biographies and chronicles](https://indike.org/pramana/in.lit.historical) › [Jain historical poems and prabandhas of western India](https://indike.org/pramana/in.lit.historical.jaina) › [Treasury of Narratives (Caturviṃśatiprabandha)](https://indike.org/pramana/in.lit.historical.jaina.prabandhakosa) › 7.37 # Treasury of Narratives (Caturviṃśatiprabandha) 7.37 Prabandhakośa 7.37 - **Language:** Sanskrit ### [7.37](https://indike.org/pramana/in.lit.historical.jaina.prabandhakosa.7.37) \[ guruṇā kathitam-āma āvau, āma āvau | dharmeṇa rājñā tūarichoḍaṃ dṛṣṭvā pṛṣṭamaho sthagīdhara ! kimidam ? | tenoktam- 'tūari' tavārītyarthaḥ | \] ityādiyoṣṭhyāṃ vartamānāyāṃ śanaiḥ śanaiḥ śrīāmarājaścidrūpo melapakāṅkṣiḥsṛtya purādbahiḥ sthāne sthāne sthāpitairvāhanaiḥ kiyatīmapi bhūmimatyakrāmayat | tāvatā sūrīśvaro vilambāya praharadvayaṃ kāmapi kathāmathīkathat rasāvatāraḥ sa ko'pi jāto yo rambhā-tilottamāprekṣaṇīye'pi durlabhaḥ | āmo rājā'mūlyaṃ kaṅkaṇaṃ grahaṇake muktvā veśyāgṛhe uṣita āsīt | sā tu lakṣaṇāvatīpatervārastrī | ekaṃ kaṅkaṇamāmo rājadvāre muñcannagāt | aparāhne rājñaḥ paścād bappabhaṭṭisūribhirmuktakalāpitam-deva ! gopagirāvasmatpārthe yāmaḥ, anujñāṃ dīyatām | dharmeṇa bhaṇitam-bhavatāmapi vāṇī vighaṭate ? | bhavadbhirbhaṇitamabhūt-yadā tava dṛṣṭau āmaḥ sametyāsmānāhvayiṣyati' tadā yāmo nārvāk | tatkiṃ vismṛtam ? | jihe kiṃ vo dve staḥ ? | ācāryā jagaduḥ-śrīdharmadeva ! mama pratijñā pūrṇā | rājā''hakatham ? | sūrirvadati-āmo rājā'tra svayamāgatastava dṛṣṭau | rājā''ha-kathaṃ jñāyate ? | sūriḥyadā bhavadbhiḥ pṛṣṭaṃ bhavatāṃ svāmī kīdṛśaḥ ? | viśiṣṭaistadā bhaṇitam-sthagikādhararūpaḥ | tathā 'bījaurā' śabdo'pi vimṛśyatām | 'dorā' śabdo'pi yo mayokto'bhūt | tasmātpratijñā me pūrṇā | atrāntare kenāpi rājadvārād āmakaṅkaṇaṃ dharmanṛpahaste dattaṃ āmanāmāṅkitam | dvitīyaṃ veśyayā dattam | tad dṛṣṭvā naṣṭasarvasvastaddhana' iva dharmaḥ śuśoca-dhigmām ! yanmayā śatruḥ svagṛhamāyāto nārcitaḥ, na ca sādhitaḥ" | dharmeṇa mutkalitāḥ sūrayaḥ puraḥ kvāpi sthitenāmena saha jagmuḥ | mārge gacchatā āmena pulinda" eko jalāśayamadhye jalaṃ chagalavanmukhena pibandṛṣṭaḥ āmarājena sūrīṇāmagre etyoktam97. pasu jema puliṃdau pau piyai paṃthiu" kavaṇiṇa kāraṇiṇa sūribhirabhāṇikara ve vi karaṃbia kañjaliṇa muddhaha aṃśu nivāraṇiṇa - [Previous: 7.36](https://indike.org/pramana/in.lit.historical.jaina.prabandhakosa.7.36) - [Next: 7.38](https://indike.org/pramana/in.lit.historical.jaina.prabandhakosa.7.38) - [Up: 7](https://indike.org/pramana/in.lit.historical.jaina.prabandhakosa.7) ## Linked texts (1) - [Bappabhaṭṭicaritra](https://indike.org/pramana/in.jaina.post.prabandha.prabandha.bappabhatticaritra.2.37) — Rājaśēkharasūri, Sanskrit --- Source: [https://indike.org/pramana/in.lit.historical.jaina.prabandhakosa.7.37](https://indike.org/pramana/in.lit.historical.jaina.prabandhakosa.7.37) · Pramāṇa