[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Historical poems, biographies and chronicles](https://indike.org/pramana/in.lit.historical) › [Jain historical poems and prabandhas of western India](https://indike.org/pramana/in.lit.historical.jaina) › [Treasury of Narratives (Caturviṃśatiprabandha)](https://indike.org/pramana/in.lit.historical.jaina.prabandhakosa) › 7.39 # Treasury of Narratives (Caturviṃśatiprabandha) 7.39 Prabandhakośa 7.39 - **Language:** Sanskrit ### [7.39](https://indike.org/pramana/in.lit.historical.jaina.prabandhakosa.7.39) tad dṛṣṭvā āmabhūpatimāpṛcchadya moḍherakapuraṃ brahmaśāntisthāpitavīrajinamahotsavāḍhyaṃ prāpuste gurūn vavandire | guravo'pi tān bāḍhamāliṅgyālāpiṣuḥ-vatsa ! gāḍhamutkaṇṭhitamasmākaṃ hṛdayam mukhakamalakamapi te vismṛtam | rājānugamanaṃ te'smākaṃ duḥkhāyausīt | kāraya sādhanām | anṛṇo bhava | tato'ntyārādhanā catuḥśaraṇagamana-duṣkṛtagarhā-sukṛtānumodanā-tīrthamālāvandanādikā vidhānā vidhāpitā | guravo devalokalalanānayanatribhāgapātratvamānaśuḥ | śoka ucchalitaḥ tato bappabhaṭṭiḥ śrīmadgovindasūraye śrīnannasūraye ca gacchabhāraṃ samarpya śrīāmapārśvamagamat pūrvavatsamasyādigoṣṭhyaḥ sphuranti § 40) ekadā sūrirnṛpasabhāyāṃ ciraṃ pustakākṣaradattadṛk tasthau | tatraikā narttakī nṛtyantī āsīt rūpadāsīkṛtāpsarāḥ | sūrirdṛṅnīliṃnivāraṇāya tasyāḥ śukapicchanīlavarṇāyāṃ nīlakañculikāyāṃ dṛśaṃ niveśayāmāsa | āmastad dṛṣṭvā manasi papāṭha99. siddhaṃtatattapāraṃgayāṇa jogīsa jogajuttāṇaṃ | jai tāṇaṃ pi mayacchī maṇaṃmi tā tacciya pamāṇaṃ - [Previous: 7.38](https://indike.org/pramana/in.lit.historical.jaina.prabandhakosa.7.38) - [Next: 7.40](https://indike.org/pramana/in.lit.historical.jaina.prabandhakosa.7.40) - [Up: 7](https://indike.org/pramana/in.lit.historical.jaina.prabandhakosa.7) ## Linked texts (2) - [Caturviṃśatikā (Bappabhaṭṭi)](https://indike.org/pramana/in.jaina.post.stotra.bappabhatti.11.1-4) — Bappabhaṭṭi, Sanskrit - [Bappabhaṭṭicaritra](https://indike.org/pramana/in.jaina.post.prabandha.prabandha.bappabhatticaritra.2.39) — Rājaśēkharasūri, Sanskrit --- Source: [https://indike.org/pramana/in.lit.historical.jaina.prabandhakosa.7.39](https://indike.org/pramana/in.lit.historical.jaina.prabandhakosa.7.39) · Pramāṇa