[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Historical poems, biographies and chronicles](https://indike.org/pramana/in.lit.historical) › [Jain historical poems and prabandhas of western India](https://indike.org/pramana/in.lit.historical.jaina) › [Treasury of Narratives (Caturviṃśatiprabandha)](https://indike.org/pramana/in.lit.historical.jaina.prabandhakosa) › 7.49 # Treasury of Narratives (Caturviṃśatiprabandha) 7.49 Prabandhakośa 7.49 - **Language:** Sanskrit ### [7.49](https://indike.org/pramana/in.lit.historical.jaina.prabandhakosa.7.49) §44) aparedyuḥ prabhuḥ śrīāmena pṛṣṭaḥ-bhagavan ! yūyaṃ tāvattapasā vidyayā ca loke labdhaparamarekhāḥ kimanyo'pi koḍapi kvāpyāste yo bhavattulāleśamavāpnoti | bappabhaṭṭirabhāṇīt-avanipate ! mama gurubāndhavau govindācārya-nannasūrī sarvairguṇairmadadhikau gūrjaradharāyāṃ moḍherakapure staḥ | guṇotkaṇṭhayāmitasainya āmastatra gataḥ | tadā nannasūrivyākhyāne 'vasarāyatān vātsyāyanoktān kāmāṅgabhāvān pallavayannāsīt | rājñā śrutaṃ tatsarvam | arucirutpannā-aho ! vayaṃ kāmino'pi naitān bhāvān vidmaḥ | ayaṃ tu vetti samyak | tasmādayamavaśyaṃ nilayaṃ yoṣitsaṅgī | kimasya praṇāmena ?-ityakṛtanatirevotthāyāśu gopagirimāgāt | cirād dṛṣṭaḥ kṣmāpa iti raṇaraṇakākrāntasvāntāḥ prabhavo vandāpayitumaiyurūha | rājā nirādaro na vandate tathā | evaṃ dināni katipayāni gatāni | ekadā gurubhiḥ papracche-rājan ! yathā purā bhakto'bhūstathedānīṃ bhakto nāsi | kimasmākaṃ doṣaḥ ko'pi ? | rājā smāha-sūrivara ! bhavādṛśā api kupātraślāghāṃ kurvate | kimucyate ? | sūribhirūce'-katham ? | āmaḥ prāha-yau bhavadbhiḥ svau gurubāndhavau stutau | tatra gatvā eko nannasūrināmā dṛṣṭaḥ śṛṅgārakathāvyākhyānalampaṭastapohīno lohataraṇḍatulyo majjati majjaprati ca bhavāmbudhau | tasmānna kiñcidetat sūrayo masīmalinavadanāḥ svavasatimaguḥ | tatropaviśya dvau sādhū moḍherakapuraṃ prahitau | tatpārśvottatra kathāpitam-āmo'kṛtapraṇāmo bhavatpārśvādāgataḥ | evamevaṃ yuvāṃ nindati | tatkarttavyaṃ yenāsau bhavatsvanyeṣvapi śramaṇeṣu avajñāvāñ bhavati' | sarvaṃ tantratyaṃ jñātvā tau dvāvapi guṭikayā varṇa-svaraparāvarttaṃ kṛtvā naṭaveṣadharau gopagirīmīyatuḥ | śrīṛṣabhadhvajacaritraṃ nāṭakatvena babandhatuḥ naṭān śikṣayāmāsatuḥ | āmarājamavasaraṃ yayācatuḥ | rājñā'vasaro dattaḥ | militāḥ sāmāśikāḥ tattadrasabhāvajñāḥ| tābhyāṃ nāṭakaṃ darśayitumārebhe| bharata-bāhubalisamarāvasaro'bhanīyate yadā vyūharacanā-śastrajhalatkāre-vīravarṇanā-bhaṭakolāhalāśrotyāpanaghargharikā-jhaṇajhaṇatkārārvi tābhyāṃ varṇayitumārabdham, dhārārūḍhaśca raso'vātārīt; tadā śrīāmasadgaṭāśca kālindīpravāhaśyāmadīrghānasīnākṛṣyotthitā ‘hata’ hata’ iti bhāṣante sma | atrāntare nagnasūri-govindācāryau svarūpamudre prakāśyāhatuḥ-rājan! bhaṭāḥ! śṛṇuta 2 kathāyuddhamidam, na tu sākṣāt| alaṃ sambhrameṇa ityuktā lajjitā vismitāśca te rājādyāḥ saṃvṛtyākāramasthuḥ| tadā govindācārya-nagnasūribhyāṃ bhūpo'bhāṇi-kila śṛṅgārānanubhavino vayamiti samyagvyākhyātuṃ vidmaḥ| kintu samarājiramapi bhavadgatapraviṣṭāḥ smaḥ| kuraṅgā iva śastre dṛṣṭe'pi bibhimaḥ| ābālyād gṛhītavratāḥ pāpabhīravaḥ, paraṃ bhāratīprabhāvaprabhavavacanaśaktyā rasān sarvān jīvadrūpāniva darśayāmaḥ| rājan! moḍherake yaiste vātsyāyanabhāvā vyākhyātāḥ, te vayaṃ nagnasūraya ime ca govindācāryāḥ| bhavatāṃ tadā mṛṣā vikalpaḥ samajane| rājā sadyo lalajje| tau sūrī kṣamayāmāsa, ānarce bappabhaṭṭiṃ ca| tau katiciddināni uparājaṃ sthitvā bappabhaṭṭeranujñayā punarmoḍherapuramagātām | gataḥ samayaḥ kiyānapi § 45) anyadā gāthakavṛndamāgatam| tanmadhye bālikaikā sanālanīlotpalalocanā mṛgāṅkamukhī kinnarakharā viduṣī gāyati| tāṃ dṛṣṭvā madanaśaraṃjvarajarjaraḥ galitaviveko gataprāyaśaucadharmābhiniveśaḥ kanyakubjeśaḥ padyadvayaṃ prabhupratyakṣamapāṭhīt109. vaktraṃ pūrṇaśaśī sudhārasulatā dantā maṇiśreṇayaḥ, kāntiḥ śrīrgamanaṃ gajaḥ parimalaste pārijātadrumāḥ vāṇī kāmadughā kaṭākṣalaharī sā kālakūṭacchaṭā, tatkiṃ candramukhi ! tvadarthamamairairmānthi dugdhodadhiḥ - [Previous: 7.48](https://indike.org/pramana/in.lit.historical.jaina.prabandhakosa.7.48) - [Next: 7.50](https://indike.org/pramana/in.lit.historical.jaina.prabandhakosa.7.50) - [Up: 7](https://indike.org/pramana/in.lit.historical.jaina.prabandhakosa.7) ## Linked texts (3) - [Rasakalpadruma (Jagannātha Miśra)](https://indike.org/pramana/in.art.alamkara.rasa.rasakalpadruma-jagannathamisra.6.176-2) — Jagannātha Miśra 1600, Sanskrit - [Pūrvadhāricaritra](https://indike.org/pramana/in.jaina.post.prabandha.prabandha.purvadharicaritra.13.519) — Sanskrit - [Bappabhaṭṭicaritra](https://indike.org/pramana/in.jaina.post.prabandha.prabandha.bappabhatticaritra.2.49) — Rājaśēkharasūri, Sanskrit --- Source: [https://indike.org/pramana/in.lit.historical.jaina.prabandhakosa.7.49](https://indike.org/pramana/in.lit.historical.jaina.prabandhakosa.7.49) · Pramāṇa