[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Historical poems, biographies and chronicles](https://indike.org/pramana/in.lit.historical) › [Jain historical poems and prabandhas of western India](https://indike.org/pramana/in.lit.historical.jaina) › [Treasury of Narratives (Caturviṃśatiprabandha)](https://indike.org/pramana/in.lit.historical.jaina.prabandhakosa) › 7.6 # Treasury of Narratives (Caturviṃśatiprabandha) 7.6 Prabandhakośa 7.6 - **Language:** Sanskrit ### [7.6](https://indike.org/pramana/in.lit.historical.jaina.prabandhakosa.7.6) abhiṣiktaḥ svarājye| śikṣitaśca prajāpālanādau | etatkṛtvā yaśovarmā arhantaṃ tridhā śuddhyā śaraṇaṃ śrayan dyāṃ gataḥ| āmarājā pituraurdhvadaihikaṃ kṛtavān | dvijādidīnalokāya vittaṃ dattavān lakṣadvitayamaśvānām, hastināṃ rathānāṃ ca pratyekaṃ caturdaśaśatī, ekā koṭī padātīnām| evaṃ rājyaśrīḥ śrīāmasya nyāyaramyasya | tathāpi bappabhaṭṭimitraṃ vinā palālapūlaprāyaṃ manyate sma | tato mitrānayanāya pradhānapuruṣānapraiṣīt | taistatra gatvā vijñaptam-he śrībappabhaṭṭe ! āmarājaḥ samutkaṇṭhayā''hvayati | āgamyatām | bappabhaṭṭinā gurūṇāṃ vadanakamalamavalokitam | taiḥ saṅghānumatyā gītārthayatibhiḥ samaṃ bappabhaṭṭimuniḥ prahitaḥ | āmasya puraṃ gopālagiriṃ prāpa | rājā sabalavāhanaḥ saṃmukhamagāt | praveśamahamakārṣīt | saudhamānaiṣīt | avocata ca-bhagavan ! arddharājyaṃ gṛhāṇa tenoktam-asmākaṃ nirgranthānāṃ sāvadyena rājyena kiṃ kāryam ? | yataḥ66. anekayonisampātā'nantabādhāvidhāyinī | abhimānaphalaiveyaṃ rājyaśrīḥ sā vinaśvarī - [Previous: 7.5](https://indike.org/pramana/in.lit.historical.jaina.prabandhakosa.7.5) - [Next: 7.7](https://indike.org/pramana/in.lit.historical.jaina.prabandhakosa.7.7) - [Up: 7](https://indike.org/pramana/in.lit.historical.jaina.prabandhakosa.7) ## Linked texts (2) - [Caturviṃśatikā (Bappabhaṭṭi)](https://indike.org/pramana/in.jaina.post.stotra.bappabhatti.8.1-7) — Bappabhaṭṭi, Sanskrit - [Bappabhaṭṭicaritra](https://indike.org/pramana/in.jaina.post.prabandha.prabandha.bappabhatticaritra.2.6) — Rājaśēkharasūri, Sanskrit --- Source: [https://indike.org/pramana/in.lit.historical.jaina.prabandhakosa.7.6](https://indike.org/pramana/in.lit.historical.jaina.prabandhakosa.7.6) · Pramāṇa