Shubhodaya 3

Śubhodaya 3

Language: Sanskrit

3.41

kā vidyā kimatha vaṭo cikīrṣitaṃ te
vāṇīyaṃ mama vivaśā bhavantamāpat
kāminyo nanu capalāḥ kṣamasva vidvan

3.42

tulyā naḥ sakalabhuvo'pyakiñcanatvānnissaṅgā vayamiti bandhutā na kācit
ājīvyetyabhidadhate budhā na vidyāṃ
voḍhavyāvatha pitarau kuṭumbakuṇṭhau

3.43

gṛhyeta tribhuvanarājyamindrabhogyaṃ
nedaṃ cenmaṇighṛṇimān hiraṇyakośaḥ
kṣetraṃ vā bahucaturaṅgiṇī camūrvā
yadyatte rucitatamaṃ dadāmi tattat

3.44

āsmākastava vibhavastvameva yatsvaḥ
sarvo'yaṃ khalu ghaṭate'bhimānabhājām
asmābhiḥ sthitipadameva yācanīyaṃ
māno naistripadamitaṃ hi bhūtalaṃ tat

3.45

prāhlādipriya iha nekṣate'nyavaktaṃ
kārpaṇyātsuratarumūlabhāgivāṅga
manye tvāṃ caturataraṃ nijārthajālmaṃ
mā maivaṃ sumukha mahiṣṭhamiccha vittam

3.46

tāto'dātsvakamapi yācito hitebhyo
gaṇyāste na guṇagaṇāḥ pitāmahasya
yuktaṃ te śatamakhaśatrave taduktaṃ
mā loko gaṇayatu māmatuṣṭavarge

3.47

ityenaṃ gururagadattasandhisandhaṃ
mā smāsmai chalavaṭave diśaḥ pradeśam
śrīśo yaḥ śriyamayamarāharatsurārthaṃ
cikraṃsurbhuvanamidaṃ trireva hīti

3.48

ijyo yaḥ kratunikarairbhavādṛśānāṃ
so'yaṃ me paramapumānihāparokṣaḥ
ādatte jagadadhipaḥ svayaṃ jagaccet
ko'nyo'nugraha ita ityuvāca daityaḥ

3.49

ākalpasphuritamaṇīndraraśmimiśrādbhṛṅgārāt kanakaśubhānmukhācca tulyam
gorājyā suviśadavarṇayā galantyā
bhrūbhre'sau tripadamitaṃ bhuvaṃ dideśa

samrājotpraikṣi meruḥ padakaṭakamaṇiḥ kāñcikāntirgrahālirmuktāmadhye'dhivakṣastaralamaṇiraho ratnadīpo dyulokaḥ
grīvāratnaṃ ca satyaṃ rucirarucicaṇoṣṇīṣamūrddhā'ṇḍakhaṇḍaṃ
pṛśnestasyaiva sadyastripadamitamahārodaso viśvamūrteḥ

3.51

iti praharṣaṇīvargaḥ paṃcamaḥ
sasṛje'rcayatā pādaṃ vidhinā vidhinā vibhoḥ
udapātrācca vaktrācca surasevyā sarasvatī

3.52

nārāyaṇa ramānātha devā(da)dūra giraḥ pitaḥ
surā guṇasamāste'tha naivāsuranaraḥ kutaḥ || gomūtrikābandhaiḥ

3.53

sanandanaḥ sasanakaḥ sanātana sanātanaḥ
ahaṃ harādyā lekhāśca na jñātāraḥ kṛterhi te || niroṣṭhyam

3.54

mānaye manasā'sāravibhātā śivadārapa
vāmanāmitago tvā hi rasā te paramākṣara

3.54-2

rakṣa mārapate sāra hitvā gotamināma vā
paradā vaśitā'bhāvi rasā sā'nama yena mā
pratilomānulomaślokau

3.56

sārāmā paramā ramyā sarāmā paramāradā
dāramāpa ramā yatte yā''ramā paramāyayā || murajabandhaḥ

3.57

parama praṇamadbhaktapravarapraṇayakṣara
ava nastavanavyakta stavanakṣayadasya ha || ekāñchlokaḥ

3.58

jīvājīveṣu lokeṣu rājate rājarāja te
devāya vāsudevāya namo nānāvilāsine || asaṃyogākṣaram

3.59

bhūyā bhāvāya bhajatāṃ yātānāmacchalānaja
mānāttatvamaterlābhavāmatvamatimacchaya || ardhabhramakam

3.60

syādviṣṇo drāgjiṣṇurjiṣṇurjiṣṇo'śatrurna syājjiṣṇuḥ
tvadbhaktatvātsadbharttā'rthinyāsyatyamyaṃ śrīṣṭa śraiṣṭhyam
saṃyogākṣaram

3.61

iti pathyāvaktravargaḥ ṣaṣṭhaḥ
vibhavo'sya hi viśvasya viśvasya varadorasa
varadorasamānasya mānasya vibhavo'sya hi || kāṃcīyamakam

3.62

līlālola lalallīlālīlālelālilālilāḥ
pāpapāpāpāvapāpopāpāpīpāpapāpyapa || ardhaikākṣaram

3.63

bhavataścaraṇe bhūyānmanmano yo'jito vane
bhavataśca raṇe bhūyānmanmano yojito'vane || samudgayamakam

3.64

vibhutā bhuvi sāvāsā devāde vidyate dyavi
tanutā nuta sārāsā tejaste saratorasa
saratorasa tejaste sārāsā tanutā nuta
vidyate dyavi devāde sāvāsā vibhutā bhuvi
pratilomānulomekārthaślokau

3.65

tātatetītatātattātātatuttatitotatā
tatātottāttitottetitatotītetitātate || ekākṣaram

3.66

nunnetitānnitāntante tantunānno nanūnnatā
nānānutīnāntāntānāntanute tanu te tanūḥ || dvayakṣaram

3.67

varā samā mā''sa rāvarājitā na natājirā
satā'nayā yā natā samānayā tatayā''sanamā || sarvatobhadrakam

3.68

paramānandamaya te prākṛtī neyamākṛtiḥ
paramānandamayate namaste viśvarūpiṇe

3.69

nānānunnāninennenne (ga)gegegāge gago gagau
kiṃ kāke kekikāke kiṃ rurorīrururorareḥ || pādaikākṣaram

3.70

tristhānātataśuddhavicchubhatano bhūyaḥ svaśoṇaśriyā
bhittvā'rāṃji vibho tavāṇḍabhavanaṃ śrīlokanāthākrame
citraṃ yastu vadannariṃ nibhavaḍuḥ kāmasya divyaṃ hi te
tejaḥ pānniti śobhi no rucisamāyāsena me dṛśyate

3.71

iti yugmavipulāvargaḥ saptamaḥ
iti nutatanave jaganti dattvā
madhumathanāya paraṃ padaṃ sa lebhe
na bhavatu tava vismayo'tra bhaktyā
vanakusumāṅkurado vimucyate hi

3.72

dharaṇidharakulaṃ trisaptavāraṃ
dharaṇidharo dharaṇībharāpahārī
aharadahaha vīraśekharo'sau
naḍanikaraṃ dviradīva jāmadagnyaḥ

3.73

nagamṛganaravānarādiviśvaṃ
nijapadameva nināya yo mumukṣum
bhuvanabhayabharaghna maṅga rāmaṃ
bhaja bhaja taṃ karuṇāmṛtābdhimenam

3.74

ripusadasi raṇājire vadhūnāmapi valaye hṛdaye ca yogabhājām
paśupatiśiśumāttaviśvarūpaṃ
smara nṛpa vismara mā smarasya tātam

3.75

sumatamamṛtatulyamāsurebhyaḥ
smitalalitā''dita vāṇinīva vāṇī
adiśadapi surotkarāya yaḥ khaṃ
pradiśatu te śubha buddhimeṣa buddhaḥ

3.76

kalimalakalilaṃ jagat svavāsāt
katakaphalaṃ kamiva prasādayedyaḥ
khalakulavanavahnireṣa kalkī
ripuvipade tava sampade ca bhūyāt

3.77

munighananikaro yato gṛhītvā
bahu bhuvi varṣati vedajīvanīyam
yamatha viśati viśvameva sākṣādupasara sātyavateyasāgaraṃ tam

3.78

nijakamalamapāsya yadbhajetāmapi kamalā kamalāsano rasena
bhuvanasurabhi kārdamaṃ vinidraṃ
kapilavapuḥkamalaṃ mano'liretu

3.79

mukura iva vibhāti yasya śubhre
vacasi vibhāsini ramyamātmarūpam
natamiha yaduhehayādibhūpaistvamapi namaskuru dattamatrisūnum

3.80

yo gīyate paramahaṃsamaye sadaiva
rājanna cāntaratamā bhavate jitakhaḥ
yogīduplicateyate paramahaṃ samaye sa daivaṃ
rājanna cāntaratamā bhava te jitakhaḥ
pūrvottarārdhayossamam

3.81

iti puṣpitāgrāvargo'ṣṭamaḥ
dāve tataṃ dāvamivograjihvayā
saṃhṛtya yātuprakaraṃ prapālitaḥ
svāyambhuvo yena manurmanuṣva bhostaṃ yajñasaṃjñaṃ ruciraṃ rucessutam

3.82

dṛṣṭo narairvedaśiraḥprakāśito
varṇī rameśastuṣitāśiśurvibhuḥ
viprāyutānyeṣa yutānyaśikṣayat
satyaṃ viruddho'pyanukūla eva naḥ

3.83

dharmādasau sūnṛtayā subhāṣayā
satyavratairāvirbhāvyatānvitaḥ
bhūtānukāriḥ khalu satyasena ityevaṃ guṇairebhirihāpi dṛśyate

3.84

mattaṃ pramattaṃ pramadāsakhaṃ sadā
hiṃsrācca hastīndramaho amūmucat
grāhāddhariḥ kīrtita eva tāpasaḥ
sa tvāṃ ca rakṣetkṛpayāaivaṃ tādṛśam

3.85

svānandadaṃ sundaramindirārthitaṃ
vaikuṇṭhamutkaṇṭhitayogimaṇḍalam
muktāśrayaṃ śubhrasukhaṃ ca tatkṛtaṃ
lokaṃ ca lokaikakutūhalaṃ smara

3.86

karpūragauraṃ gahanaṃ payonidhiṃ
tatkīrtikalpaṃ praviloḍya lebhire
yasya prasādādamṛtaṃ yathā'mṛtaṃ
devāḥ sa devo'tra virājate'jitaḥ

3.87

dākṣāyaṇīkaśyapayordvijanmanonoṃ kevalaṃ sūnurasau tapasvinoḥ
prāk pṛśnigarbho'pi babhūva bhūtayaḥ
sevāsamāḥ kalpataroriveśvarāt

3.88

dattā mayā bhūriti saṃstare (hareḥ) baleḥ
sā vedaguhyābhimatā sarasvatī
strīvyājataste jananī haran hare
yassārvabhaumo balaye diśedivam

3.89

āyuṣmato vallabhayā'mbudhārayā
prāduṣkṛtenāpyṛṣabheṇa viṣṇunā
bhoktā'dbhuto bhogagaṇān pure vasan
prāṇī yathā prāṇavareṇa kevalam

3.90

āvirbhāvī śāradāśāntacārau
viṣvakseno viśvasṛgveśmanīśaḥ
kāntaḥ śāntaḥ śītalāṃśuprakāśo
netonnāmaṃ śambhumambhodhideśyam

3.91

iti indravaṃśāvargo navamaḥ
āryottamādāryakanāmadheyāt
prādurbhavan vaidhṛtayā dhṛto(yat)'yam
no nāmataḥ kevalamarthato'pi
yo dharmaseturbhuvanaikahetuḥ

3.92

durdarśadussparśajaḍeṣvayukteṣvarkānalenduṣvapi dhāmavatsu
yasyopamā(ye)rthoṃ bhavitā na loke
bhūmne sudhāmne'stu namastridhāmne

3.93

ye nāśinā nityamavāptukāmā
duḥkhena saukhyaṃ svayamanyakena
taiḥ pūjyapādo bhavitā paṭiṣṭhaḥ

3.94

yogeśvaro'sau tanayo bṛhatyāḥ
...............sa hi janmahīnaḥ
naiṣkarmyatuṣṭo'pyururmakāṇḍaṃ
kartuṃ bṛhadbhānuraho maheśaḥ

3.95

haṃsacchalenāpatitaṃ valakṣaṃ
tattvāvabodhaṃ madhusūdanāṃśam
dṛṣṭvā''pa tuṣṭiṃ sasuto vidhātā
tatvaṃ vivitsustamasīva dīpam

3.96

yāmāha vidyāṃ sma hariḥ svayambhūrnāmnā kumāraḥ sukumāramūrtiḥ
tāṃ tulyamāvartayituṃ mahiṣṭhāṃ
nūnaṃ vidhiḥ prāpa caturmukhatvam

3.97

lokaikaheturmanuvaṃśaketurjātaṃ purastādṛṣabhaṃ tamāhuḥ
kṣmārakṣiṇo yajñavidhijñavandyā
vedāntikā yasya guṇāḥ sutāśca

3.98

brahmānanebhyo'pyapahṛtya vedān
bibhranmadaṃ yo'tra tiraścakāra
vyaktaṃ madhutvaṃ dadhataṃ khalaṃ taṃ
hatvā hayāsyaḥ śrutimājahāra

3.99

dhānvantaraṃ gauramarīcigauraṃ
sārasvataṃ sāramitaṃ surendraiḥ
rūpāmṛtaṃ ratnaghaṭāmṛtaṃ ca
muktyai ca bhuktyai ca bhajanti santaḥ

3.100

sasudhānasurān samayā sa mayā'
samayā samayādajitāṅgarucā
amṛtaṃ ca dadāvanitāta vanitā
vanitābanitāpyasurendraghaṭā

3.101

iti indravajrāvargoṃ daśamaḥ
ciraṃ vidhāya pracuraitareśro
giraṃ savitryā pratisūtrito'rthe
anartayadbhāvarasābhirāmāṃ
ramāviriñcādividagdhamadhye

3.102

smaraṃ sasenaṃ smitavān vijitya
jayaśriyaṃ dyāṃ gamayāmbabhūva
ya urvaśīvyājata urbarakto
vibhāti nārāyaṇa eṣa dharmaḥ

3.103

layānilāsphālitapadmasadmaprabhaṅgabhītājabhayaghnanāmā
harirhariṣyatyapi te mahārtiṃ
saṅkīrtito dharmasutaḥ sukarmā

3.104

jagatyapārthaḥ paripūrṇakāmo
na kṛṣṇabandhuḥ svayameva kṛṣṇaḥ
paroparodhānna vanāśrayaḥ san
paro'paro'jāyata dharmaputraḥ

3.105

śivāṃ śivāttoṣatato gṛhītvā
vidhāvatā'ṇḍena vidagdhakāntāḥ
avaikṣi devastadapekṣayā'yaṃ
kramādamuñcatsutanuṃ tanūṃ ca

3.106

nṛpāṅkakāmāya kalākṣarāya
dhruvāya khinnāya vanaṃ gatāya
jagattrayātsonnati vāsudevaḥ
padaṃ dadau paśya dayāṃ nijeṣu

3.107

anūtplutaṃ vatsakamāttarāvamupāhvayantī pratihuṅkṛtena
papau hariḥ kūparasāyanaṃ gaurbhavan bhavārthaṃ tripurāsurāṇām

3.108

gavāṃ gaṇā yaṃ tarasā'nuviṣṭā
yataśca niryānti vicitravarṇāḥ
sa gopattissan bhagavānivānyo
hariḥ śritaśrīrbaḍavāmukho'yam

3.109

sa śiṃśumārādivapuḥ punaśca
śatāṣṭanārāyaṇamukhyarūpaḥ
vibhāti viśvādisahasradeho
na gaṇyate'sāvajitādimūrttiḥ

3.110

viriścāhīndrendrā daśaśatamanāvaktakanayanā
na mantuṃ vaktuṃ vā dadhati paṭutāṃ draṣṭumatha kim
guṇāṃśān karmāṃśānatha ca vapuraṃśānanupamānaho yakṣasyānye kimuta kimutaivā tvahamiti

3.111

iti upendravajrāvarga ekādaśaḥ
uvāca vācamunmanāḥ śubhaḥ śubhasthiro dvijam
adhokṣajasya yakṣatā kathaṃ suraprabhoriti

3.112

purodhasā purocyate purā purāṇapūruṣaḥ
surāntaro'surādhipaṃ jigāya phenavajravat

3.113

śriyā'tibhāsurāḥ surā jayaṃ svameva menire
na daivamasmaranmadapramādakāraṇaṃ śriyaḥ

3.114

vidhitsururvanugrahaṃ vidhātumeṣa vigraham
babhāra yakṣavigrahaṃ jayan rucā ravigraham

3.115

maho maholmukā iva sthiraṃ ca bibhrato'marāḥ
nimajjya yakṣavāridhau kṣaṇena nistvaṣo'bhavan

3.116

purandaro darojjhito nirīkṣya devadīnatām
bubhutsurādravatparaṃ mahārttiṣaṃ pataṅgavat

3.117

apelya taṃ tirohitaṃ sa indra indrajālavat
viṣādavāridhau śramañ śivāṃ tarīmivaikṣata

3.118

purā purārdhatāmaho smaradruho'pi yā yayau
tadaṅgakāntivibhramān kaviḥ ka eva varṇayet

3.119

pade praṇamya sampade sa dīnamanvayukta tām
kimamba yakṣalakṣaṇaṃ vilakṣaṇoṣṭhavastviti

3.120

śrotraṃ na śrotrapyavaktṛṅga vaktaṃ
cittaṃ no vettīkṣakaṃ nākṣi yasya
vedyaṃ vedairvedyadṛhma sarvaṃ
yakṣaṃ vatsāvehi lakṣmīpatiṃ tam

3.121

iti daśaśatanetro bodhitaḥ prāpa bodhaṃ
sapadi harapadasthāṃ vibhradekāṃ dṛśaṃ saḥ
dharaṇidhara bhaveccellakṣmamekaṃ dṛśāṃ te
tvamapi paramabodhaṃ prāpnuyā vyaktamittham