[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Historical poems, biographies and chronicles](https://indike.org/pramana/in.lit.historical) › [Poems on Sultanate, Mughal, Marāṭhā and British rule](https://indike.org/pramana/in.lit.historical.uttarakalina) › Rajavinoda # Rajavinoda (Rājavinoda) राजविनोद In seven cantos, celebrates the life and doings of Sultan Mahommad. - **Language:** Sanskrit - **Author:** [Udayarāja](https://indike.org/pramana/person/udayaraja) - **Extent:** 350 passages, 3,994 words - **Text:** partly digitised - **Source:** archiveorg · Raj Vinod Maha Kavyam Of Udairaj Series No. 8 Rajasthan Puratan Granthmala; ed. Gopal Narayan Bahura;… · Scan of a printed edition hosted by the Internet Archive (archive.org); the ancient text is in the public… ## Contents - [6](https://indike.org/pramana/in.lit.historical.uttarakalina.rajavinoda.6) — 27 parts - [7](https://indike.org/pramana/in.lit.historical.uttarakalina.rajavinoda.7) — 31 parts - [8](https://indike.org/pramana/in.lit.historical.uttarakalina.rajavinoda.8) — 33 parts - [9](https://indike.org/pramana/in.lit.historical.uttarakalina.rajavinoda.9) — 33 parts - [10](https://indike.org/pramana/in.lit.historical.uttarakalina.rajavinoda.10) — 35 parts - [11](https://indike.org/pramana/in.lit.historical.uttarakalina.rajavinoda.11) — 35 parts - [12](https://indike.org/pramana/in.lit.historical.uttarakalina.rajavinoda.12) — 43 parts - [13](https://indike.org/pramana/in.lit.historical.uttarakalina.rajavinoda.13) — 27 parts ## Text ### [6.1](https://indike.org/pramana/in.lit.historical.uttarakalina.rajavinoda.6.1) śrī ganeśrāmakaphanayā likhayutrakama kṛtaṃ kavi-udayarājaviracitaṃ rājavinodamahākāvyam prathamaḥ sargaḥ oṃ namaḥ sarasvatyai || śrī jagatkartre namaḥ jagatkarttā vijayate karuṇāvaruṇālayaḥ rājarūpeṇa ramate yaḥ prajānugrahecchayā ### [6.2](https://indike.org/pramana/in.lit.historical.uttarakalina.rajavinoda.6.2) rājanyacūḍāmaṇimatyudāramāśāsmahe śrīmahamūdasāhim kalānidheryasya padaṃ śrayete sarasvatī śrīśca samānameva ### [6.3](https://indike.org/pramana/in.lit.historical.uttarakalina.rajavinoda.6.3) etaccaritraiṃ kva labheta pāraṃ pade pade hanta matiḥ skhalantī udārakīrttermahamūdasāhestāvadguṇāneva gurukarāmi ### [6.4](https://indike.org/pramana/in.lit.historical.uttarakalina.rajavinoda.6.4) amuṣya rājñāṃ parameśvarasya pūjopahārāya mayopanītaḥ kavitvapuṣpāñjalireṣe ramyaḥ santastadāmodabharaṃ bhajantu ### [6.5](https://indike.org/pramana/in.lit.historical.uttarakalina.rajavinoda.6.5) utkarṣamālakṣya sadaiva lakṣmyāḥ saubhāgyalābhānmahamūdasāheḥ utsaṅmutsṛjya pitāmahasya sarasvatī kṣmāvalayaṃ prapannā ### [6.6](https://indike.org/pramana/in.lit.historical.uttarakalina.rajavinoda.6.6) praṣṭuṃ kvacit keli \[pṛ01B\] parāṃ tanūjāṃ caturbhujasyeva diśaścatasraḥ vidhernideśāt prathamo digīśaḥ sahasramakṣaṇāmadiśat pṛthivyām ### [6.7](https://indike.org/pramana/in.lit.historical.uttarakalina.rajavinoda.6.7) kṣaṇādatha kṣoṇitalaṃ vigāhya madhuvratānāmiva paṅktirakṣṇām paurandarī śrīmahamūdasāheḥ padmākare rājapure'vatīrṇā ### [6.8](https://indike.org/pramana/in.lit.historical.uttarakalina.rajavinoda.6.8) vīthīṣu vīthīṣu ca rājadhānyāṃ dvāre narendrasya ca mandireṣu śreṇī surendrasya dṛśāṃ vyarājad vyālambitā vandanamālikeva ### [6.9](https://indike.org/pramana/in.lit.historical.uttarakalina.rajavinoda.6.9) divaspaternetrasahasramālā dīpāvaliśrīrbhavane bhramantī ārātrikaṃ saṃsadi kurvvatīva prāptā mudā śrīmahamūdasāheḥ ### [6.10](https://indike.org/pramana/in.lit.historical.uttarakalina.rajavinoda.6.10) sadvṛttisthapadakramā parilasattarkānumeyodarā mīmāṃsādvayasundarastanabharā tattvārthavādānanā vāgdevī varanavyakāvyaracanāśṛṅgāriṇī prekṣitā \[pṛ02A\] sutrāvṇā mahamūdasāhanṛpatervidvatsabhāmāśritā ### [6.12](https://indike.org/pramana/in.lit.historical.uttarakalina.rajavinoda.6.12) brāhmi ! brahmasabhāṃ subhāṣitarasatyāgena rūkṣānanāṃ kṛtvā krīḍasi bhūtale kimiti sā śakreṇa pṛṣṭā'bravīt sutrāman mahamūdasāhinṛpatervidyāvidāṃ saṃsadi svacchandaprasaratkavitvalaharīṃ tyaktuṃ kathaṃ śakyate ||11||, indraḥ kiṃ kamalāpatiḥ kimathavā kiṃ vā ratervallabhaḥ śṛṅgāraḥ kimu mūrtimāniti budhaissollāsamālokitaḥ cañcaccāmaravījitaḥ sumahacchatreṇa vibhrājitaḥ so'yaṃ śrīmahamūdasāhinṛpatiḥ siṃhāsane rājate ### [6.13](https://indike.org/pramana/in.lit.historical.uttarakalina.rajavinoda.6.13) audāryaṃ paramasya śauryamatulaṃ gāmbhīryamukhyān guṇān prekṣya śrīmahamūdasāhanṛpaterāścaryamāseduṣām keṣāṃ vā viduṣāṃ dadhīciruruciṃ dhatte na citte ciraṃ karṇaḥ karṇakaṭutvameti \[pṛ02B\] bhavati prāyo balirvismṛtaḥ ### [6.15](https://indike.org/pramana/in.lit.historical.uttarakalina.rajavinoda.6.15) pūrṇodhnyaḥ suradhenavaḥ phalabharairbhagnāśca kalpadrumāste cintāmaṇayo dṛṣadvurutayā yogyāstulārohaṇe vīraśrīmahamūdasāhanṛpateḥ satpātrakoṭimbharerjātaṃ dānaguṇena samprati yato yāñcāvimuktaṃ jagat ||14||. cintāmaṇerlocanamāśritā śrīḥ karaṃ ca kalpadrumadānaśaktiḥ vāṇī vilāsena ca dogdhi kāmān jiṣṇorjagatyāṃ mahamūdasāheḥ ### [6.16](https://indike.org/pramana/in.lit.historical.uttarakalina.rajavinoda.6.16) uccairdviṣadbhūdharalakṣapakṣacchedaikakarttuḥ śatakoṭibharttuḥ saṃlakṣyate śrīmahamūdasāherākhaṇḍalatvaṃ kṣitimaṇḍale'pi ### [6.17](https://indike.org/pramana/in.lit.historical.uttarakalina.rajavinoda.6.17) yaśobharaiḥ śrīmahamūdasāhervasundharāyāṃ kumudāvadātaiḥ udasya doṣākaramabjajanmā vidhitsatāṃ candramasāṃ sahasram ### [6.18](https://indike.org/pramana/in.lit.historical.uttarakalina.rajavinoda.6.18) prācyāṃ pratīcyāmapi diśyavācyāmuccairudī \[pṛ03A\] cyāmūdayaṃ dadhānaḥ pratāpabhānurmahamūdasāheḥ karoti nirvairitamaḥ samastam ### [6.19](https://indike.org/pramana/in.lit.historical.uttarakalina.rajavinoda.6.19) śrīcandrahāso mahamūdasāheḥ sṛjatyaho vairiśirāṃsi rāhūn teṣāṃ yaśaścandramasaḥ pratāpabhānośca sarvvagrahaṇe .raṇeṣu. ### [6.20](https://indike.org/pramana/in.lit.historical.uttarakalina.rajavinoda.6.20) sottālapātaṃ ripukandharāsu tūryasvanaistāṇḍavitā raṇeṣu kṛpāṇayaṣṭirmahamūdasāheryaśaḥprasūnāñjalimātanoti ### [6.21](https://indike.org/pramana/in.lit.historical.uttarakalina.rajavinoda.6.21) pravartitaṃ dakṣiṇavāmabhāgayorjavena paśyadbhiralakṣitakramam dhanurhi śāṅgaṃ mahamūdabhūpatervyanakti yuddheṣu caturbhujaśriyam ### [6.22](https://indike.org/pramana/in.lit.historical.uttarakalina.rajavinoda.6.22) balīyasā śrīmahamūdabhūbhujā hatā hi ye hetibhirāhave'hitāḥ vibhidya te maṇḍalamaṃśumālino gatāssvarākhaṇḍaladṛṣṭacaṇḍatāḥ ### [6.23](https://indike.org/pramana/in.lit.historical.uttarakalina.rajavinoda.6.23) akṣṇāṃ jighṛkṣati sahasrakaraḥ sahasramasmāt sahasrakaratāṃ ca sahasranetraḥ śrīpā \[pṛ0 3 B\] tasāhamahamūdanṛpaprayāṇe reṇuvraje diśi diśi pravijṛmbhamāṇe ### [6.24](https://indike.org/pramana/in.lit.historical.uttarakalina.rajavinoda.6.24) kiṃ bhāskaro'yamudayācalamadhyavartī jambhārirabhramupatiṃ kimathādhirūḍhaḥ itthaṃ vadanti samudaṃ mahamūdasāhaṃ dṛṣṭvā viśiṣṭamatayo varavāraṇastham ### [6.25](https://indike.org/pramana/in.lit.historical.uttarakalina.rajavinoda.6.25) durnītidāvadahanaṃ nijamaṇḍalāgradhārājalaiśśamayatā sakalāvanīyam etena sāndrakaruṇāmbughanena kāmaṃ sampattibhissapadi pallaviteva bhāti ### [6.26](https://indike.org/pramana/in.lit.historical.uttarakalina.rajavinoda.6.26) muktojjvalābhirabhitaḥ kilaśātakumbhadhārābhiragrakarapallavasambhṛtābhiḥ paṭṭābhiṣekasamaye svayameva rājñā premṇā ghanena mahiṣīva sudhābhiṣiktā ### [6.27](https://indike.org/pramana/in.lit.historical.uttarakalina.rajavinoda.6.27) līnā kvacitkvacidapi prakaṭībhavantī bhrāntvā jagajjaḍatayādhipayodhisvinnā sā'haṃ prakāśamadhunā'dhigatā'smi loke vidyāvivekarasikasya sadasyamuṣya ### [6.28](https://indike.org/pramana/in.lit.historical.uttarakalina.rajavinoda.6.28) \[pṛ04A\] iti nigadya supadmamanoramaṃ sucaritaṃ mahamūdamahīpateḥ śatamakhābhimukhī kila bhāratī punaravocadidaṃ madhuraṃ varcaḥ ### [6.29](https://indike.org/pramana/in.lit.historical.uttarakalina.rajavinoda.6.29) śrīmān sāhimudappharassamajani śrīgūrjjarakṣmāpatistasmāt sāhimahammadassamabhavat sāhistato'hammadaḥ jātassāhimahammado'sya tanujo gāyāsadīnākhyayā khyātaḥ śrīmahamūdasāhinṛpatirjīyāt tadīyātmajaḥ ### [6.29.p1](https://indike.org/pramana/in.lit.historical.uttarakalina.rajavinoda.6.29.p1) iti śrīmamahārājādhirāja-jarabaksapātasāha-śrīmahamūdasuratrāṇacaritre rājavinode mahākāvye surendrasarasvatīsamvādo nāma prathamassargaḥ ### [7.1](https://indike.org/pramana/in.lit.historical.uttarakalina.rajavinoda.7.1) dvitīyaḥ sargaḥ vaṃśassahasrāṃśubhavo jagatyāṃ jāgartyasau rājabhirarccanīyaḥ karṇopamo yatra kilāvatīrṇaḥ śrīmān purā sāhimudaphpharendraḥ ### [7.2](https://indike.org/pramana/in.lit.historical.uttarakalina.rajavinoda.7.2) līnasya vārddhau1 kalikālabhītyā kṛṣṇasya sāhāyyacikī\[pṛ0 4 B \]rṣayeva dillīpurād gūrjjaradeśametya dadhāra yo mūrddhani sitātapatram ### [7.3](https://indike.org/pramana/in.lit.historical.uttarakalina.rajavinoda.7.3) samudgiran kacchamahīṣu yena ḍiṇḍīrapāṇḍūni yaśāṃsi khaḍgaḥ sphūrjadviṣacchoṇitapaṅkaliptaḥ prakṣālitaḥ paścimavārirāśau ### [7.4](https://indike.org/pramana/in.lit.historical.uttarakalina.rajavinoda.7.4) vilaṅghya vārānidhimekavīro laṅkābhidhaṃ dvīpamagāt kapīndraḥ tatsparddhayevogrataraścacāra dvīpeṣu saptasvapi yatpratāpaḥ ### [7.5](https://indike.org/pramana/in.lit.historical.uttarakalina.rajavinoda.7.5) mumoca vandīkṛtamalpakhānamanalpavīryaṃ balavattaro yaḥ vaṃś‍yāstato mālavarājabandimokṣapadākhyaṃ virudaṃ vahanti ### [7.6](https://indike.org/pramana/in.lit.historical.uttarakalina.rajavinoda.7.6) tasyātmajassāhimaharmmadado'bhūd yasya kṣamābhogapurandarasya audāryyasūryeṇa jagatyajasraṃ vyadāri dāridryamayaṃ tamisram ### [7.7](https://indike.org/pramana/in.lit.historical.uttarakalina.rajavinoda.7.7) dadhāra śastraṃ na ripurna mitraṃ yasmin dadhatyāyudhamekavīre pūrvastata\[pṛ0 5 A\]ssaṅgarabhaṅggabhīteranyat punastasya balapratīteḥ ### [7.8](https://indike.org/pramana/in.lit.historical.uttarakalina.rajavinoda.7.8) uditvaro yasya babhau jagatyāṃ sahasrabhānupratimaḥ pratāpaḥ yo mallakhānākhyamulūkamindraprasthasthamudvejitavān dviṣantam ### [7.9](https://indike.org/pramana/in.lit.historical.uttarakalina.rajavinoda.7.9) yasya prasiddhairdviradairvibhinnaprākārasaudhasphuradaṭṭamālāḥ adyāpyaho nandapadādhināthā bhallūkavat pallivane bhramanti ### [7.10](https://indike.org/pramana/in.lit.historical.uttarakalina.rajavinoda.7.10) tasmāt samudrādiva pūrṇacandraḥ śrīmānabhūt sāhirahammadandraḥ nirastadoṣāvasarairaśobhi jyotsnojjvalairyasya jagad yaśobhiḥ ### [7.11](https://indike.org/pramana/in.lit.historical.uttarakalina.rajavinoda.7.11) huśaṅgasāheradhivāsadurgamākrāmatā maṇḍapamāgraheṇa yenoccakairācakṛṣe kareṇa pade pade mālavamaṇḍalaśrīḥ ### [7.12](https://indike.org/pramana/in.lit.historical.uttarakalina.rajavinoda.7.12) vibhajya durgāṇi nihatya vīrān haṭhān mahārāṣṭrapatiṃ vijitya jagrāha \[pṛ0 5 B\] ratnākarasārajātamanargalairdhaḥ svavalairbaṃlīyān ### [7.13](https://indike.org/pramana/in.lit.historical.uttarakalina.rajavinoda.7.13) kurvantu garvaṃ bahavo'pyakharvvamurvvīśvarāḥ śrīguṇagauraveṇa ahammadendrasya janānurāgasaubhāgyaleśaṃ na pare labhante ### [7.14](https://indike.org/pramana/in.lit.historical.uttarakalina.rajavinoda.7.14) ānandanaḥ sumanasāmatha nanduno'bhūd bhāgyaśriyāmaṃ nidhirahammadapātasāheḥ gāyāsaॅdīna iti sāhimahammadendraḥ kṣoṇībhujāṃ mukuṭaghṛṣṭapadāravindaḥ ### [7.15](https://indike.org/pramana/in.lit.historical.uttarakalina.rajavinoda.7.15) sūryo divaiva kurute jagati prakāśaṃ kānti śaśī vitanute niyataṃ niśāyām śrīmanmahammadanarādhipateḥ pṛthivyāṃ dṛṣṭaḥ pratāpayaśasoryugapatpracāraḥ ### [7.16](https://indike.org/pramana/in.lit.historical.uttarakalina.rajavinoda.7.16) rūpaśriyaiva vijitaḥ samabhūn manobhūḥ śrīmanmahammadanarādhipateranaṅgaḥ astraṃ striyaḥ khalu jagajjayino'pi tasya vīkṣyaiva tatkṣaṇamamuṃ vivaśī babhuvuḥ ### [7.17](https://indike.org/pramana/in.lit.historical.uttarakalina.rajavinoda.7.17) yo bhāratasya \[pṛ0 6.A\] bharatasya ca samprayogāduccairajāyata naye'bhinaye pravīṇaḥ vīro raṇe vitaraṇe ca viśiṣṭaśaktiḥ karṇārjunauvapi jigāya jagatprasiddhau ### [7.18](https://indike.org/pramana/in.lit.historical.uttarakalina.rajavinoda.7.18) yasya pratāpabharapāvakasaṅgamena dagdhasya pāvakagireḥ śikharāntareṣu prakṣanta jarjarasudhāvidhurāṇi bhasmarāśiprabhāṇi ripavo nijamandirāṇi ### [7.19](https://indike.org/pramana/in.lit.historical.uttarakalina.rajavinoda.7.19) nityaprasādaparivarddhitaharṣayogāḥ sammānadasya mahatā mahitāpakartuḥ yasya prabhoḥ kanakavetradharāḥ purastāt kṣoṇībhujo'pi paricārakatāṃ prapannāḥ ### [7.20](https://indike.org/pramana/in.lit.historical.uttarakalina.rajavinoda.7.20) tasyātmajaḥ kila mahammadapātasāheḥ śrīmānayaṃ vijayate mahamūdasāhiḥ rāgeṇa gūrjjarabhuvāṃ'pyupasevyamāno dhārāpurīkaraparigrahasāgraho yaḥ ### [7.21](https://indike.org/pramana/in.lit.historical.uttarakalina.rajavinoda.7.21) pūrvvairviśiṣṭamatibhirvihitāḥ kṣitīndrairyeśāṃ prasādhanavi\[pṛ0 6 B\]dhau bahudhā prayatnāḥ durgāṇyanena sahasā prabhuṇā svaśaktyā bhagnāni tāni balavadripurakṣitāni ### [7.22](https://indike.org/pramana/in.lit.historical.uttarakalina.rajavinoda.7.22) pāṇau cakāsti mahamūdanareśvarasya khaḍgo raṇe vibhajanākṣarapaṭṭa eṣaḥ pratyarthine diśati yaddruvamarthidainyaṃ pratyarthivaibhavamihāthiijanāya datte ### [7.23](https://indike.org/pramana/in.lit.historical.uttarakalina.rajavinoda.7.23) etaccamūcaraturaṅgamacaṅkramārthaṃ kṣmāmaṇḍalaṃ khalu kulācalaklṛptasīmam abdhiṃ vilaṅghya dahati dviṣato vimuktamaryyādamasya jagati prasaran pratāpaḥ ### [7.24](https://indike.org/pramana/in.lit.historical.uttarakalina.rajavinoda.7.24) śākhoṭaiḥ kuṭajaiśca śālmalivanaiśchannāśca yā bhūmayastatrāśokarasālavālabakulairamyāḥ kṛtā vāṭikāḥ ākrāntāḥ kiṭikoṭimarkaṭakulairharyyaṃkṣayakṣaiśca yāstatrrānena purāṇi puṇyajanatāpūrṇāni klṛptāni ca ### [7.25](https://indike.org/pramana/in.lit.historical.uttarakalina.rajavinoda.7.25) uddaṇḍasphuṭapuṇḍarīkaruciracchāyāḥ paraṃ visphurad-\[pṛ0 7 A\] vīcīcāmaravījitāḥ parisarutsadvāhinīsaṅgatāḥ rājante sthirakambukūrmamakaraiḥ kośaiḥ samṛddhāḥ sadā kāsārāḥ kṣitipā ivāsyaṃ nṛpaterhaṃsollasatkīrttayaḥ ### [7.26](https://indike.org/pramana/in.lit.historical.uttarakalina.rajavinoda.7.26) saundarye makaradhvajapratinidhi dāne ca karṇopamaṃ kāruṇye raghunandanena sadṛśaṃ bhīmena tulyaṃ raṇe vācāṃ siddhiṣu vākpateḥ samadhikaṃ līlāsu lakṣmīvaraṃ bharttāraṃ mahamūdasāhamanaghaṃ vāñchanti nityaṃ prajāḥ ### [7.27](https://indike.org/pramana/in.lit.historical.uttarakalina.rajavinoda.7.27) ālokodyatalokavāridhisadā''nandormmisaṃvarddhanaṃ darpāndhaḥ prasaratpratīpanṛpatidhvāntaughaviddhvaṃsanam vīraśrīmahamūdasāhanṛpateḥ śaśvad dhṛtaṃ mūrddhani śvetacchatramuditavaraṃ vijayate pūrṇenduśobhādharam ### [7.28](https://indike.org/pramana/in.lit.historical.uttarakalina.rajavinoda.7.28) uccairaṅkuśatāṃ bibhartti valināṃ yā sarvvadā mauliṣu pratyarthikarowkṣitipālamūrddha\[pṛ0 7 B\]su punaryā cakravad bhrāmyati mānyānāṃ mahatāṃ ca śekharapade māleva yā bhrājate vīraśrīmahamūdasāhanṛpaterājñā jagad rakṣati ### [7.29](https://indike.org/pramana/in.lit.historical.uttarakalina.rajavinoda.7.29) maryyādāṃ na vilaṅghayanti nidhayo vārāmavārormmayaścandrākarkāvudayāstakālaniyamaṃ naivāpyatikrāmataḥ yasyājñāvaśataścaranti paritastārā nirālambane so'yaṃ śrīmahamūdasāhamavatāt karttā jagattārakaḥ ### [7.30](https://indike.org/pramana/in.lit.historical.uttarakalina.rajavinoda.7.30) ityāśīrvacanaparamparāḥ sṛjantī vāgdevī viracitanavyakāvyavandhā śiṣyāya tridaśaguroḥ purogatāya vyākarttuṃ punarudayuṅkta rājacaryyām ### [7.31](https://indike.org/pramana/in.lit.historical.uttarakalina.rajavinoda.7.31) śrīmān sāhimudappharassamajani śrīgūrjjarakṣmāpatistasmāt sāhimahammadassamabhavat sāhistato'hammadaḥ jātassāhimahammado'sya tanujo gāyāsadīnākhyayā khyātaḥ śrīmahamūdasāhinṛpati\[pṛ0 8 A\]rjīyāt tadīyātmajaḥ ### [7.31.p1](https://indike.org/pramana/in.lit.historical.uttarakalina.rajavinoda.7.31.p1) iti śrīmahārājādhirāja-jarabaksapātasāha-śrīmahamūdasuratrāṇacaritre rājavinode mahākāvye vaṃśānusaṅkīrttano nāma dvitīyaḥ sargaḥ ### [8.1](https://indike.org/pramana/in.lit.historical.uttarakalina.rajavinoda.8.1) tṛtīyaḥ sargaḥ uccaistarāṃ kuñjaragarjitena prahṛṣyamāṇo hayaheṣitena sāndreṇa nādena ca dundubhīnāṃ prabuddhyate'sau samaye narendraḥ ### [8.2](https://indike.org/pramana/in.lit.historical.uttarakalina.rajavinoda.8.2) ullāsayantyo rahasi svareṇa vīṇākvaṇaissamvadatānurāgam saubhāgyavatyo'sya vilāsagītaiḥ prābhātikaṃ maṅgalamācaranti ### [8.3](https://indike.org/pramana/in.lit.historical.uttarakalina.rajavinoda.8.3) ālokanīyaṃ ghanapakṣmalābhyāṃ vilocanābhyāmalimañjulābhyām mukhāravindaṃ svayamāśritā'sya prabodhalakṣmīrmudamādadhāti ### [8.4](https://indike.org/pramana/in.lit.historical.uttarakalina.rajavinoda.8.4) prābhātikācāravidhau jalena prakṣālitaṃ vīkṣya mukhaṃ nṛpasya saroruhaṃ muñcati nāmbuvāsaṃ śaśī punarmajjati vāri\[pṛ0 8 B\]rāśau ### [8.5](https://indike.org/pramana/in.lit.historical.uttarakalina.rajavinoda.8.5) suvarṇavarṇe'sya viśeṣamaṅge kaṃvarṇyarāgaḥ kurute'dhivarṇyam alaṃkṛtānètu kuraṅganābhiḥ śrīkhaṇḍakāśmīravilepanaśrīḥ ### [8.6](https://indike.org/pramana/in.lit.historical.uttarakalina.rajavinoda.8.6) vilāsinaḥ śrīmahamūdasāheḥ sadbhiḥ sabhāyāmabhiśobhitāyām karpūravāsaiḥ kakubhāṃ mukhāni tāmbūlayogaḥ surabhī karoti ### [8.7](https://indike.org/pramana/in.lit.historical.uttarakalina.rajavinoda.8.7) mṛṇālasūtrairiva nirmitaṃ yad ayaṃ navīnairmṛdulaṃ mahīndraḥ vāsaḥ śaraccandramarīcigauramaṅgasya tanmaṇḍanamāvibharti ### [8.8](https://indike.org/pramana/in.lit.historical.uttarakalina.rajavinoda.8.8) viśleṣya pūṣṇorvapuṣaḥ prayatnāt tvaṣṭreva pūrvaṃ ghaṭitaṃ mayūkhaiḥ ratnaprabhābhūṣitadigvibhāgamayaṃ mahīndro mukuṭaṃ vibharti ### [8.9](https://indike.org/pramana/in.lit.historical.uttarakalina.rajavinoda.8.9) parisphuratkuṇḍalapadmarāgaprabhāṅkurairañjitamāsyamasya smitāṃśuleśairhasatīvagūḍhaṃ vālāruṇaspṛṣṭasarojalakṣmīm ### [8.10](https://indike.org/pramana/in.lit.historical.uttarakalina.rajavinoda.8.10) alaṃ viśālaṃ nṛharervibhāti vakṣaḥsthalaṃ śrīmahamūdasāheḥ | \[pṛ0 9 A\] lakṣmīryadāliṅgya sadā sahāraṃ mudā karoti pramadāvihāram ### [8.11](https://indike.org/pramana/in.lit.historical.uttarakalina.rajavinoda.8.11) ayaṃ bhujābhyāṃ sphuradaṅgadābhyāmāliṅgitābhyāṃ caturaṅga lakṣmyā virājate śrīmahamūdasāhiḥ sāmrājyamudrāṅkitapāṇipadmaḥ ### [8.12](https://indike.org/pramana/in.lit.historical.uttarakalina.rajavinoda.8.12) pādāravindaṃ mahamūdasāheḥ śriyo'dhivāsaṃ vayamānamāmaḥ dāridryasantāpanude sadaiva yadātapatrīkriyate dharitryā ### [8.13](https://indike.org/pramana/in.lit.historical.uttarakalina.rajavinoda.8.13) ātmānamādarśatale salīlamālokayantaṃ mahamūdasāhim muhyanti sākṣāt madanāvatāramudīkṣyamāṇā madirāyatākṣyaḥ ### [8.14](https://indike.org/pramana/in.lit.historical.uttarakalina.rajavinoda.8.14) āsīnamaṣṭāpadapīṭhapṛṣṭhe rājānamenaṃ nayanābhirāmam nīrājya nāryo navaratnadīpairmuktākṣataiḥ saspṛhamārcayanti ### [8.15](https://indike.org/pramana/in.lit.historical.uttarakalina.rajavinoda.8.15) evaṃ sadāntaḥpurasundarībhirmudā prasanno varivasyamānaḥ bahiḥsamājasthitarāja \[pṛ0 9 B\] lokavilokinecchāṃ saphalī karoti ### [8.16](https://indike.org/pramana/in.lit.historical.uttarakalina.rajavinoda.8.16) siṃhāsanaṃ śrīmahamūdasāhe sahelamārohati rājasiṃhe jayetiśabdaḥ prasaran purastājjanasya karṇotsavamātanoti ### [8.17](https://indike.org/pramana/in.lit.historical.uttarakalina.rajavinoda.8.17) sahasrapatraṃ dhruvamātapatraṃ śirasyudāraṃ mahamūdasāheḥ suvarṇakumbhaśritakarṇikāśri cakāsti gārutmad daṇḍanālam ### [8.18](https://indike.org/pramana/in.lit.historical.uttarakalina.rajavinoda.8.18) tatapaḥ purā'tapyata yābhirindorarkasya samparkamavāpya bhābhiḥ etāścalaccāmaracārubhāvānnarendracandraṃ parivījayanti ### [8.19](https://indike.org/pramana/in.lit.historical.uttarakalina.rajavinoda.8.19) ālokamātrādapi sarvalokānāhlādayantaṃ kamanīyakāntim necchanti ke draṣṭumimaṃ narendraṃ satāṃ sabhāparvaṇi pūrṇacandram ### [8.20](https://indike.org/pramana/in.lit.historical.uttarakalina.rajavinoda.8.20) siṃhāsanasthasya padāravindaṃ dūrān namatyasya narendravṛndam tatpīṭhabhūmau viluṭhatyudārā tanmaulimāṇikyamayūkhadhārā ### [8.21](https://indike.org/pramana/in.lit.historical.uttarakalina.rajavinoda.8.21) niraṅkuśatvena madātirekā \[pṛ010A\] nojjhanti ye svairavihāradarpam sthitā niṣiddhā mahamūdasāherdvāre gajendrā iva te narendrāḥ ### [8.22](https://indike.org/pramana/in.lit.historical.uttarakalina.rajavinoda.8.22) samaṃ samāsthāya narendravṛndairakuṇṭhakaṇṭhaṃ madhuraṃ paṭhantaḥ vaitālikāḥ śrīmahamūdasāhaṃ chandovidaḥ saṃsadi saṃstuvanti ### [8.23](https://indike.org/pramana/in.lit.historical.uttarakalina.rajavinoda.8.23) upāyanānāmapi lakṣakoṭī rājanyakoṭīramaṇeḥ1 purastāt dṛkpātamātreṇa kṛtaprasādā yadṛcchayaivārthijanā labhante ### [8.24](https://indike.org/pramana/in.lit.historical.uttarakalina.rajavinoda.8.24) yato yato bhūmibhujo'vatīrṇaḥ prasādapūrṇaḥ khalu dṛktaraṅgaḥ tatastataḥ saṃsadi ratnamālā lakṣyeṇa lakṣmīrbhajate viśālā ### [8.25](https://indike.org/pramana/in.lit.historical.uttarakalina.rajavinoda.8.25) ākarṇyate karṇaviśeṣavarṇyat suvarṇavarṣān mahamūdasāheḥ prāgeva siddhārthamanorathatvād dehīti kasyāpi na dīnaśabdaḥ ### [8.26](https://indike.org/pramana/in.lit.historical.uttarakalina.rajavinoda.8.26) kavīśvarāṇāṃ mahamūdasāherdvāri prasādādhigatā dvipendrāḥ dānāmbunā kīrttisaroji \[pṛ010B\] nīnāṃ sphuṭermṛṇālairiva bhānti dantaiḥ ### [8.27](https://indike.org/pramana/in.lit.historical.uttarakalina.rajavinoda.8.27) kavitvarūpeṇa mahākavīnāṃ kīrttiḥ sphurantī mahamūdasāheḥ vigāhate rājasabhāntarāṇi sudhāmiṣekotsavamāvahanti ### [8.28](https://indike.org/pramana/in.lit.historical.uttarakalina.rajavinoda.8.28) siṃhāsane bhāti nareśvaro'sau vyāpnoti tejomahimā'sya viśvam kośaṃ śrayatyasya kṛpāṇayaṣṭirājñāmayaṃ rakṣati dikṣu cakram ### [8.29](https://indike.org/pramana/in.lit.historical.uttarakalina.rajavinoda.8.29) ākramya digadaśakacakramapākariṣṇorandhaṃ tamo gaganamūrddhinaṃgaṃtasya pūṣṇaḥ dṛggocare carati ko'pi na bhūtale yastulyo raṇe vitaraṇe mahamūdasāheḥ ### [8.30](https://indike.org/pramana/in.lit.historical.uttarakalina.rajavinoda.8.30) uccaiḥ pratāpadahanaṃ samare pradīptyajjuhvan muhurbahalaśātravakīrttilājān ratnākarocitasamujjvalamekhalāyā vīraḥ karagrahamayaṃ kurute dharāyāḥ ### [8.31](https://indike.org/pramana/in.lit.historical.uttarakalina.rajavinoda.8.31) ullāsayan śriyamamukhyakaraḥ samudraḥ sāndrāḥ pradā \[pṛ0 11 A\] nalaharīramito bibhartti yāstanvate daśadigantarasaikatāni muktāphalairiva yaśobhiralaṃkṛtāni ### [8.32](https://indike.org/pramana/in.lit.historical.uttarakalina.rajavinoda.8.32) iti daśaśatanetrasyāpi devī samakṣaṃ kṣitiśatamakhakīrti kurvvatī brahmaputrī vyalasadiha kaṭākṣaśreṇibhṛṅgāṃnuyātaḥ smitakusumasamūhaiḥ pūjayantī samājam ### [8.33](https://indike.org/pramana/in.lit.historical.uttarakalina.rajavinoda.8.33) śrīmān sāhimudappharassamajani śrīgūrjjarakṣmāpatistasmāt sāhimahammadassaṃbhavat sāhistato'hammadaḥ jātassāhimahammadau'sya tanujo gāyāsadīnākhyayā khyātaḥ śrīmahamūdasāhinṛpatirjīyāt tadīyātmajaḥ ### [9.1](https://indike.org/pramana/in.lit.historical.uttarakalina.rajavinoda.9.1) iti śrīmamahārājādhirāja-jaravaksapātasāha-śrīmahamūdasuratrāṇacaritre rājavinode mahākāvye sabhāsamāgamo nāma tṛtīyaḥ sargaḥ ||\[pṛ0 11 B\] caturthaḥ sargaḥ bhūyo'pyabhāṣata subhāṣitabhāvapūrṇā sā pūrṇacandravadanā tridaśendramevam rājño'sya vetradharadattapadāvakāśān deśādhipān sadasi paśya kṛtapraveśān ### [9.2](https://indike.org/pramana/in.lit.historical.uttarakalina.rajavinoda.9.2) deśasya yasya mahimānamivopagātuṃ gaṅgā virājati sahasramukhī bhavantī vaṅgasya tasya nṛpatiḥ praṇatiṃ vidhatte prācīpayonidhisamarpitaratnapāṇiṃḥ ### [9.3](https://indike.org/pramana/in.lit.historical.uttarakalina.rajavinoda.9.3) muktaphalānyamalatārakasaṃnibhāni vyaktendukhaṇḍaśuciśuktipuṭārpitāni asyeśvarasya yaśasā tulayā dhṛtāni rāśīkaroti purataḥ praṇipatya pāṇḍyaḥ ### [9.4](https://indike.org/pramana/in.lit.historical.uttarakalina.rajavinoda.9.4) strīṇāṃ vicitravaraveśavibhūṣaṇānāmagre nidhāya śatakaṃ hariṇekṣaṇānām oḍrādhayatyamumanaṅgajidaṅgarūpamaṅgādhipaḥ sarasanṛtyasamutkalo'sau ### [9.5](https://indike.org/pramana/in.lit.historical.uttarakalina.rajavinoda.9.5) nirgacchatāṃ praviśatāṃ muhu\[pṛ012A\]raṅgadebhyo hīraiścyutaiḥ kṣitibhujāṃ bhujaghaṭṭanena dvārapradeśamatidṛśyamamuṣya paśyan mānaṃ jahāti kila ratanapurādhirājaḥ ### [9.6](https://indike.org/pramana/in.lit.historical.uttarakalina.rajavinoda.9.6) āyāti manyara tayaiṣa kaliṅganāthaḥ śrīgūrjjarakṣitipateḥ pratihārabhūmau uddāmayāmikamahat rahastiyūthadānadravaprasarapaṅkilapicchilāyām ### [9.7](https://indike.org/pramana/in.lit.historical.uttarakalina.rajavinoda.9.7) aśrāntameva samareṣu kṛtaśramā ye prāgeva sāmpratamamuṣya sabhāṅgaṇasthāḥ te'mī triliṅgasubhaṭā naṭatāṃ prapannāḥ proddaṇḍatāṇḍavakalāṃ paridarśayanti ### [9.8](https://indike.org/pramana/in.lit.historical.uttarakalina.rajavinoda.9.8) bhaktyā na laṃṅghayati rāghavasetusīmā laṅkāpatiṃ tadapi yastanute saśaṅkam so'pyasya paśya caraṇau śaraṇaṃ prapannaḥ karṇāṭakaḥ samupaḍhaukitahemakūṭaḥ ### [9.9](https://indike.org/pramana/in.lit.historical.uttarakalina.rajavinoda.9.9) muktācalairiva payodhiniveśabādhāmurvyāmivañjadharabhīru \[pṛ0 12B\]tayā caradbhiḥ airāvatapratibalairavanīndramenaṃ dantābalairbhajati siṃhalabhūmipālaḥ ### [9.10](https://indike.org/pramana/in.lit.historical.uttarakalina.rajavinoda.9.10) veṣaṃ viśeṣaruciraṃ dadhatādareṇa hastāravindasamudañcitacāmareṇa rājā virājatitarāṃ parihṛṣyamāno (ṇo) goṣṭhīṣu dakṣiṇanṛpeṇa vicakṣaṇena ### [9.11](https://indike.org/pramana/in.lit.historical.uttarakalina.rajavinoda.9.11) etasya caṇḍabhujadaṇḍaparākrameṇa niśśeṣakhaṇḍitaraṇāṅgaṇaśauṇḍabhāvaḥ sarvvasvameva nijajīvitarakṣaṇāya daṇḍaṃ samarpayati mālavamaṇḍaleśaḥ ### [9.12](https://indike.org/pramana/in.lit.historical.uttarakalina.rajavinoda.9.12) yaḥ pārthivaḥ pṛthutaraḥ khalu kumbhakarṇaḥ karṇena varṇamucitaṃ sahate tulāyāḥ so'yaṃ karoti mahamūdatṛpasya sevāṃ daṇḍe vitīrṇavarabhūrisuvarṇabhāraḥ ### [9.13](https://indike.org/pramana/in.lit.historical.uttarakalina.rajavinoda.9.13) yaḥ kāmarūpa iti deśapatiḥ prasiddho na kṣobhyate parabalairdhruvamānasasthaḥ asyāgrato viluṭhati prabhuśaktiyogād ākṛṣṭa eva vinivedi \[pṛ0 13 A\] taratnadaṇḍaḥ ### [9.14](https://indike.org/pramana/in.lit.historical.uttarakalina.rajavinoda.9.14) etasya kelivanarājivihāralābhād gantuṃ na rājavanamicchati māgadhendraḥ na stauti puṣpamayamaṇḍapavāsayogād bhogāya puṣpapuravāsamapi prakāmam ### [9.15](https://indike.org/pramana/in.lit.historical.uttarakalina.rajavinoda.9.15) yaddeśametya saritau pariṣvajāte jahnoḥ sutā ca yamunā ca taraṅgadorbhiḥ so'yaṃ prayāgapatirujjvalaśātakumbhakumbhaiḥ payo vahati peyamamuṣya rājñaḥ ### [9.16](https://indike.org/pramana/in.lit.historical.uttarakalina.rajavinoda.9.16) yaḥ śūrasena iti śūratayā prasiddho deśo'sti tasya patireṣa viśeṣa śūraḥ kṣmācakravarttimukuṭasya samīpavarttī senādhipatyamadhigatya jayatyarātīn ### [9.17](https://indike.org/pramana/in.lit.historical.uttarakalina.rajavinoda.9.17) pārśve caran haricaritrakathāprasaṅgāt koṭimbharermahammadakṣitipālasūnoḥ kṛtyeṣu nityamadhikṛtya padaṃ hi rājñāṃ vijñāpanāṃ vitanute mathurādhanāthaḥ ### [9.18](https://indike.org/pramana/in.lit.historical.uttarakalina.rajavinoda.9.18) etasya samprati mudaphpharapātasāhervvaṃśai \[pṛ013B\] kabhūtraṇagaṇeścaraṇe'vanamraḥ ḍhillīpurīparidṛḍho'pyabhimānagāḍhāṃ prauḍhiṃ parityajati nirjjitakānyakubjaḥ ### [9.19](https://indike.org/pramana/in.lit.historical.uttarakalina.rajavinoda.9.19) etatsamājamaṇimaṇḍitavedikāyāmālokayan ghanavilepanameṇanābheḥ nepālamaṇḍalapatiḥ śithilīkaroti svasyāḥ kṣiterapi tadākaratābhimānam ### [9.20](https://indike.org/pramana/in.lit.historical.uttarakalina.rajavinoda.9.20) indro'si vīra varuṇo'si vasuprado'si lokeśvaro'pyasi purārimurārimūttiḥ itthaṃ hi sāhimahamudanṛpasya sākṣāt kāśmīramaṇḍalapatistanute praśaṃsād ### [9.21](https://indike.org/pramana/in.lit.historical.uttarakalina.rajavinoda.9.21) vīraḥ svayaṃ samiti vidviṣatāṃ nihantā prakhyātapauruṣamaśeṣadhanurddhareṣu ārohaṇe citavicitraturaṅgamāṇāṃ saṃvāhanāvidhiṣu sindhupatiṃ niyuṅkte ### [9.22](https://indike.org/pramana/in.lit.historical.uttarakalina.rajavinoda.9.22) lakṣyeṇa śārṅgadhanuṣāmapi vājināṃ ca tejasvināṃ samupaḍhaukitabhāgadheyaḥ asyāgrato bhavati gūrjjara \[pṛ0 14 A\] pātasāherānamramauliradhipaḥ kila mudgalānām ### [9.23](https://indike.org/pramana/in.lit.historical.uttarakalina.rajavinoda.9.23) etasya sāhimahamudanṛpasya satraṃ sarvveśaheśvaratayādhikavarddhitarddheḥ sparddheta kastulanayā malayādrimādrimastācalādudayabhūmidharaṃ ca yāvat ### [9.24](https://indike.org/pramana/in.lit.historical.uttarakalina.rajavinoda.9.24) siṃhāsane mahati tiṣṭhati cakravartī yasmin viśiṣṭamaṇidarpaṇadarśanīye pārśvastharājapariṣatprativimbitāṅgī sākṣād vibhartti padamasya nijottamāṅge ### [9.25](https://indike.org/pramana/in.lit.historical.uttarakalina.rajavinoda.9.25) asyāvanīndratilakasya 1 sabhāḥ kavīnāṃ keṣāṃ na cetasi camatkṛtimāvahanti vaktrāravindanivaheṣu samullasantaḥ svacchandamindurucayo vacasāṃ vilāsāḥ ### [9.26](https://indike.org/pramana/in.lit.historical.uttarakalina.rajavinoda.9.26) asya prabhorvitaraṇārjita 2 karṇakīrttervidvajjanāḥ praṇayadṛṣṭikṛtaprasādāḥ paṭṭāmbaraiśca mukuṭaiśca samapratiṣṭhāsambhāvanāṃ sadasi bhūpa \[pṛ0 14 B\] tibhilarbhante ### [9.27](https://indike.org/pramana/in.lit.historical.uttarakalina.rajavinoda.9.27) rāgeṇa susvaratayā praguṇena hā hā hū hūpahāsapaṭusadgamakaprayogāḥ gītāni gāyanavarāścaritairudārairgāyanti gumphitapadāni mahīmakhonaḥ ### [9.28](https://indike.org/pramana/in.lit.historical.uttarakalina.rajavinoda.9.28) anyonyamuṣṭihativaktritapṛṣṭhadeśāḥ pādābhighātaparighaṭṭitahṛtkapāṭāḥ khelantyanargalabhujārgaladurnivārāḥ kautūhalāya balinaḥ purato'sya mallāḥ ### [9.29](https://indike.org/pramana/in.lit.historical.uttarakalina.rajavinoda.9.29) bhāti prasṛttarataraiḥ parito janaughairvibhrājamānavaharatnasamṛddhimadbhiḥ kṣoṇīsahasranayanasya mahān samājaḥ pūrṇastaraṅganivahairiva vārirāśiḥ ### [9.30](https://indike.org/pramana/in.lit.historical.uttarakalina.rajavinoda.9.30) svacchandameva nijamandirabhūmikāsu yaṃ yaṃ pradeśamabhilaṣya padaṃ dadhāti sabhyāḥ pratāpanidhimenamanuvrajantaḥ sarvatra tatra kiraṇā iva visphuranti ### [9.31](https://indike.org/pramana/in.lit.historical.uttarakalina.rajavinoda.9.31) amṛtasamarasābhidṛṣṭibhiḥ \[pṛ0 15 A\] prītiyogānmuhurapi bahumānaṃ bhāvayan bhṛtyavargam viśati madhuragītaireṣa mṛtyotsavārthaṃ racitasadupacāraṃ mandiraṃ sundarībhiḥ ### [9.32](https://indike.org/pramana/in.lit.historical.uttarakalina.rajavinoda.9.32) iti kila mahamūdasāherabhinavavaibhavavarṇane prasaktā punarapi puruhūtakautukārthaṃ sarasapadāni sarasvatī vyatānīt ### [9.33](https://indike.org/pramana/in.lit.historical.uttarakalina.rajavinoda.9.33) śrīmān sāhimudappharastasamajani śrīgūrjjarakṣmāpatistasmāt sāhimahammadassamabhavat sāhistato'hammadaḥ jātassāhimaemmadojsya tanujo gāyāsadīnākhyayā khyātaḥ śrīmahamūdasāhirnṛpatirjīyāt tadīyātmajaḥ ### [9.33.p1](https://indike.org/pramana/in.lit.historical.uttarakalina.rajavinoda.9.33.p1) iti śrīmahārājādhirāja-jarabaksapātasāha-śrīmahamūdasuratrāṇacaritre rājavinode mahākāvye sarvāvasaro nāma caturthaḥ sargaḥ ### [10.1](https://indike.org/pramana/in.lit.historical.uttarakalina.rajavinoda.10.1) śrīḥ kalyāṇamastu lekhaka pāṭhakayoḥ ||śrīḥ|| \[pṛ015 B\] pañcamaḥ sargaḥ ito mṛdaṅgadhvaninā mṛgīdṛśo muhurvahantyo'bhinayāya vibhramam raṇajjhaṇannūpūrasūcitāgamā viśanti saṅgītakaraṅgamaṇḍapam ### [10.2](https://indike.org/pramana/in.lit.historical.uttarakalina.rajavinoda.10.2) sugandhinānākusumastrajāṃbharaiḥ praklṛptamuddiśya vilāsamaṇḍapam samāpatantaḥ parito madhuvratāḥ sṛjanti jhaṅkāramanoharā diśaḥ ### [10.3](https://indike.org/pramana/in.lit.historical.uttarakalina.rajavinoda.10.3) samīraṇo raṅgabhuvaḥ samullasan vilepitā yā ghanayakṣakarddamaiḥ sabhājanaṃ bhāvayatīva saurabhaiḥ kṛtārthayiṣyanniva gandhavāhatām ### [10.4](https://indike.org/pramana/in.lit.historical.uttarakalina.rajavinoda.10.4) samantato'pi prasṛtaṃ nṛpālaye prakṛṣṭakṛṣṇāgaru1dhūpasañcayam gavākṣamārgerniyatā muhurbahirnabhasvatā vāsitamambaraṃ mahat ### [10.5](https://indike.org/pramana/in.lit.historical.uttarakalina.rajavinoda.10.5) tamo nudatyo nijabhūṣaṇasphuranmaṇiprabhābhiḥ paritaḥ purandhrayaḥ nṛpasya nīrājanamaṅgalotsavaṃ sṛjanti sāyaṃtanadīpamālayā ### [10.6](https://indike.org/pramana/in.lit.historical.uttarakalina.rajavinoda.10.6) udāraśṛṅgāramanoharākṛtirvibhāti rājā kanakāsanasthitaḥ sphuratsupa\[pṛ0 16A\]rṇopari sanniṣeduṣaḥ śrayanmurāreranurūpatāmiva ### [10.7](https://indike.org/pramana/in.lit.historical.uttarakalina.rajavinoda.10.7) samaṃ samantāt parivṛtya vallabhaṃ vibhāntyamūrścandramivoḍavaḥ sthitāḥ vilocanairañcitavibhramaistriyaḥ kṛtopahārā vikacotpalairiva ### [10.8](https://indike.org/pramana/in.lit.historical.uttarakalina.rajavinoda.10.8) imāḥ prakṛtyaiva paraṃ manoramāḥ punarvicitrābharaṇairvibhūṣitāḥ tathā ca nṛtyābhinayārthamutsukāḥ kathaṃ na rāmā ramayanti mānasam ### [10.9](https://indike.org/pramana/in.lit.historical.uttarakalina.rajavinoda.10.9) amuktayā pāṇitalādapi kṣaṇaṃ rahasyasakhyetra nibaddharāgayā kalaṃ kvaṇantyā varavīṇayā'nayā pravīṇayā rājamano vinodyate ### [10.10](https://indike.org/pramana/in.lit.historical.uttarakalina.rajavinoda.10.10) jitaṃ hi vāditraśate'pi veṇunā svayaṃ nidhāyādharapallave'nayā yadeva rāgātiśayena mugdhayā svakaṇṭhamādhuryamivopaśikṣayate ### [10.11](https://indike.org/pramana/in.lit.historical.uttarakalina.rajavinoda.10.11) digantarāleṣu narendramandirād vijṛmbhate sāndramṛdaṅganisvanaḥ amuṃ samabhyasyati garjjitacchalād valāhakastāṇḍavayan śikhaṇḍinaḥ ### [10.12](https://indike.org/pramana/in.lit.historical.uttarakalina.rajavinoda.10.12) \[pṛ016B\] kalāvatīyaṃ madhureṇa gāyati svareṇa saṃvāsitarāgamūrcchanam nijaṃ mano majjulakāṃsyatālajasvanairivojjāgarayantyanukṣaṇam ### [10.13](https://indike.org/pramana/in.lit.historical.uttarakalina.rajavinoda.10.13) iyaṃ mukhāmbhoruhasaurabhārthinī vilāsinīnāṃ madhupāvalirmuhuḥ manoramālaptiṣu gītiṣu śruteḥ karoti huṃkārabhareṇa pūraṇam ### [10.14](https://indike.org/pramana/in.lit.historical.uttarakalina.rajavinoda.10.14) alaṅkṛtaṃ ṣoḍaśabhiḥ padairiyaṃ samagrasūḍakramagānapaṇḍitā prabandhamelākhyamakhaṇḍalakṣaṇaṃ vicakṣaṇā gāyati bhūpateḥ puraḥ ### [10.15](https://indike.org/pramana/in.lit.historical.uttarakalina.rajavinoda.10.15) padairudārairviśadaiḥ svarairapi sphuṭaiśca pāṭairatiharṣavarddhanam amuṣya rājñaḥ kalakaṇṭhabhāṣiṇī kutūhalād gāyati harṣavarddhanam ### [10.16](https://indike.org/pramana/in.lit.historical.uttarakalina.rajavinoda.10.16) priyeṇa vṛttaiḥ svayameva nirmitaiḥ svayaṃ ca kaṇṭhābharaṇīkṛtairiyam śucismitā gāyati vīṇayā samaṃ manoramaṃ rāgakadambakaṃ mudā ### [10.17](https://indike.org/pramana/in.lit.historical.uttarakalina.rajavinoda.10.17) iyaṃ viśantī navaraṅgamaṅganā sphuratprasūnaiḥ paripūritāñjaliḥ | \[pṛ0 17 A\] priyasya saundaryavinirjitāt smarāt svayaṃ gṛhītairiva bhāti mārgaṇai : ### [10.18](https://indike.org/pramana/in.lit.historical.uttarakalina.rajavinoda.10.18) samullasantī karapallavaśśriyā smitena tanvī kusumāni tanvatī iyaṃ kaṭākṣabhramaropaśobhitā manobhuvaḥ kalpalateva nṛtyati ### [10.19](https://indike.org/pramana/in.lit.historical.uttarakalina.rajavinoda.10.19) vidhāya viśrāmyati nṛtyamekikā parānusandhānaparā ca nṛtyati samānasaundaryaviśiṣṭayordvayorvivicyate naiva parāparakramaḥ ### [10.20](https://indike.org/pramana/in.lit.historical.uttarakalina.rajavinoda.10.20) samānalāvaṇyavayovibhūṣaṇāḥ pratanvate lāsyavilāsa maṅganāḥ imāḥ susaṅgītakalākutūhalāt karoti manye bahurūpavibhramam ### [10.21](https://indike.org/pramana/in.lit.historical.uttarakalina.rajavinoda.10.21) pradarśayantyo vadanaiḥ sudhānidheḥ sphuṭaṃ vapurvyūhamudārakāntibhiḥ śarairdadhatyaśca kuśeśayaśśriyaṃ vivṛṇvate bhāvamapūrvamaṅganāḥ ### [10.22](https://indike.org/pramana/in.lit.historical.uttarakalina.rajavinoda.10.22) yathāṅgahārairhariṇekṣaṇāḥ kṣaṇāt navaṃ navaṃ bibhrati vibhramodayam tathātidarpādadhunā puradviṣo jayāya sajjībhavatīva manmathaḥ ### [10.23](https://indike.org/pramana/in.lit.historical.uttarakalina.rajavinoda.10.23) \[pṛ0 17 B\] gatāni līlālalitāni śikṣituṃ nitambinīnāṃ caraṇābjasaṅgataiḥ kalaṃ kvaṇadbhirmaṇihaṃsakāvalicchalena haṃsairabhiramyate manaḥ ### [10.24](https://indike.org/pramana/in.lit.historical.uttarakalina.rajavinoda.10.24) samuccayairbhūṣaṇaratnararociṣāṃ sphuṭaṃ dadhānāḥ pariveṣamujjvalam nataḥbhruvo bibhrati netravāsasastiraskariṇyantaritā iva bhramīḥ ### [10.25](https://indike.org/pramana/in.lit.historical.uttarakalina.rajavinoda.10.25) samīrauḥ pallavalālanodgataiḥ prasaktanṛtyaśramavārihāribhiḥ karoti raṅgāṅgaṇakelivaṭikā vadhūjanānāṃ vyajanaucitīmiva ### [10.26](https://indike.org/pramana/in.lit.historical.uttarakalina.rajavinoda.10.26) priyasya saṅgītarase mano manāk prasaktamākarṣati cāruhāsinī iyaṃ calaccāmaracārudolaṃtā samullasatkāñcanakaṅkaṇakvaṇaiḥ ### [10.27](https://indike.org/pramana/in.lit.historical.uttarakalina.rajavinoda.10.27) prakṛṣṭaromāñcasamucchravasattarastanadvayābhogavigāḍhabandhanam iyaṃ sunetrā priyapāṇirṇāpitaṃ bibharti ratnāvalicārukañcukam ### [10.28](https://indike.org/pramana/in.lit.historical.uttarakalina.rajavinoda.10.28) svayaṃ prasannena kucāvalaṅkṛtau priyeṇa hāreṇa nitānta hā\[pṛ0 18 A\]riṇā atīva tuṅgau pṛthulau sumadhyamā sakhījane sākṣiṇi kā na manyate ### [10.29](https://indike.org/pramana/in.lit.historical.uttarakalina.rajavinoda.10.29) kare gṛhītāṃ maṇikaṅkaṇārpaṇe priyeṇa tanvī tanukampamātmanaḥ maruccalānāṃ caturā vinuhute muhurlatānāmabhitīya vibhramam ### [10.30](https://indike.org/pramana/in.lit.historical.uttarakalina.rajavinoda.10.30) itaḥ praphullena navāmbujanmanā sarojinī bhānumivopatasthuṣī vibhāti bālā prasṛtena pāṇinā prasādayantī priyamūrmikākṛte ### [10.31](https://indike.org/pramana/in.lit.historical.uttarakalina.rajavinoda.10.31) itaḥ kavitvaiḥ pratibhāvatī prabhuṃ navairnavaistoṣayati pratikṣaṇam sphuṭaṃ paṭhantī kila tāni pañjare karoti kīrāvalirasya kautukam ### [10.32](https://indike.org/pramana/in.lit.historical.uttarakalina.rajavinoda.10.32) jayetiśabdaṃ samudīrayantyamī kalāvido maṅgalasūcakaṃ muhuḥ narendralakṣmīninadena dantināṃ tameva saṃvarddhayatīva sammadāt ### [10.33](https://indike.org/pramana/in.lit.historical.uttarakalina.rajavinoda.10.33) yo dattavāniha hi bhūri suvarṇavarṣikarṇāya kuṇḍalayugaṃ jagadekadīpaḥ so'yaṃ prasāritakaraḥ kila suprabhātaṃ kurvannṛpasya purataḥ pratibhāti bhānuḥ ### [10.34](https://indike.org/pramana/in.lit.historical.uttarakalina.rajavinoda.10.34) \[pṛ0 18 B\] ityasya sāhimahamūdanṛpasya gehe saṅgītakeliṣu śatakratumālapantī vīṇākvaṇairiva virañcisutāvacobhirścitte camakṛtimadhatta samājabhājām ### [10.35](https://indike.org/pramana/in.lit.historical.uttarakalina.rajavinoda.10.35) śrīmān sāhimudappharassamajani śrīgūrjjarakṣmāpatistasmāt sāhimahammadassamabhavat sāhiṃstato'hammadaḥ jātassāhimahammadò'sya tanujo gāyāsadīnākhyayā khyātaḥ śrīmahamūdasāhinṛpatirjīyāt tadīyātmajaḥ ### [10.35.p1](https://indike.org/pramana/in.lit.historical.uttarakalina.rajavinoda.10.35.p1) iti śrīmamahārājādhirāja-jarabaksapātasāha-śrīmahamūdasuratrāṇacaritre rājavinode mahākāvye saṅgītaraṅgaprasaṅgo nāma pañcamaḥ sargaḥ ### [11.1](https://indike.org/pramana/in.lit.historical.uttarakalina.rajavinoda.11.1) ṣaṣṭhaḥ sargaḥ atha vikasvaravāriruhekṣaṇā śaradiva sphuṭakāśasitāṃśukā punaravocata haṃsamṛdusvanā surapatiṃ prati vāgadhidevatā ### [11.2](https://indike.org/pramana/in.lit.historical.uttarakalina.rajavinoda.11.2) ayamanargalabāhubaloddhataḥ prayatate paracakrajigī\[pṛ0 19 A\]ṣayā vasudhayāpi nṛpā dhanino na kiṃ na vijayena vinā tu yaśasvinaḥ ### [11.3](https://indike.org/pramana/in.lit.historical.uttarakalina.rajavinoda.11.3) bhajati mantramaśeṣaviśeṣavit prakṛtibhiḥ sukṛtī kṛtaniścayam abhimataṃ sakṛdudyamināmapi sphurati mantravale khalu siddhyati ### [11.4](https://indike.org/pramana/in.lit.historical.uttarakalina.rajavinoda.11.4) karagataiva sadā parakhaṇḍane prakharatarkamateriva vādinaḥ vijayasampadamuṣya suniścittā samarasaṃsadi vikramaśālinaḥ ### [11.5](https://indike.org/pramana/in.lit.historical.uttarakalina.rajavinoda.11.5) bhujabalena vinirjjitabhūtalaṃ pratibalo na hiṃ kaścidamuṃ prati nijacamūramunātigarīyasī parijanapraṇayena puraskṛtā ### [11.6](https://indike.org/pramana/in.lit.historical.uttarakalina.rajavinoda.11.6) kṣitibhṛtaḥ kaṭake gaṇanā kṛtā subhaṭakoṭiṣu mukhyatayā sthiteḥ kariṣu yūthaśatairatha paṅktibhirhayavareṣu ratheṣu ca maṇḍalaiḥ ### [11.8](https://indike.org/pramana/in.lit.historical.uttarakalina.rajavinoda.11.8) agaṇitaṃ vitaratyavanīpatāvavirataṃ vasu vaiśravaṇopame hasati gūrjjaravīravasundharā na nagarīṃ na vibhīṣaṇagopitām ||7||\[pṛ0 19 B\] asiṣu nirmaliteṣu śarāsaneṣvadhiguṇeṣu tathā kavaceṣu ca dhruvamabhedyatareṣu raṇaiṣiṇāṃ prakaṭayata navīnamivādaram ### [11.9](https://indike.org/pramana/in.lit.historical.uttarakalina.rajavinoda.11.9) smarati yanmanasā tadupasthitaṃ saṃpadi vastu purākṛtasaṃgraham bhavati bhūmipaterativallabhaṃ kimiha bhāgyavataḥ khalu durlabham ### [11.10](https://indike.org/pramana/in.lit.historical.uttarakalina.rajavinoda.11.10) narapaterbahumānapade sthitāḥ prakṛtayaḥ puruṣāḥ samupasthitāḥ nijanijādhikṛtiṣvadhikādarā avahitād bahusainyasamanvitāḥ ### [11.11](https://indike.org/pramana/in.lit.historical.uttarakalina.rajavinoda.11.11) kṣitipatau vijayāya thiyāsati prasṛmaraḥ paṭudundubhisambhavaḥ dhvanirudetitarāṃ paripūrayan giridarīrmukharīkṛtadiṅmukhaḥ1 ### [11.12](https://indike.org/pramana/in.lit.historical.uttarakalina.rajavinoda.11.12) sakalabhūvalayasya purandaraḥ pravalaśastrabhṛtāmatisundaraḥ vilasadabhramuvallabhabandhuraṃ samadhirohati samprati sindhuram ### [11.13](https://indike.org/pramana/in.lit.historical.uttarakalina.rajavinoda.11.13) viditavīrasahasrapurassaraṃ jaya jayeti \[pṛ020A\] giraḥ pṛthivīśvaram caṭulacāraṇabandijaneritāḥ śrutigatāḥ sukhayanti samantataḥ ### [11.14](https://indike.org/pramana/in.lit.historical.uttarakalina.rajavinoda.11.14) diśi diśi dviṣatāmatidussaho bahirasāvudayannijamandirāt adhikadīptidharā samudīkṣyate dinakaraḥ śaradambudharādiva ### [11.15](https://indike.org/pramana/in.lit.historical.uttarakalina.rajavinoda.11.15) narapateranukāritayā śriyāṃ sphuṭataraṃ bahurūpaguṇāśrayaiḥ avanipermadanairiva saṅgataṃ calati cārubalaṃ makaradhvajaiḥ ### [11.16](https://indike.org/pramana/in.lit.historical.uttarakalina.rajavinoda.11.16) atha sumaṅgalalambhitagopuro niviśate'natidūratare puraḥ upavane'nugatairbahuśo'bhitaḥ purajanaiḥ praṇayādupaśobhitaḥ ### [11.17](https://indike.org/pramana/in.lit.historical.uttarakalina.rajavinoda.11.17) aruṇarāgabharasphuritāmbaraṃ pratataraśmisahasramavekṣate iha bhuvo'dhibhuvo navamaṇḍapaṃ dinakṛteḥ pratirūpamivoditam ### [11.18](https://indike.org/pramana/in.lit.historical.uttarakalina.rajavinoda.11.18) sitapaṭaprabhavaiḥ śaradambudapratibhaṭaiḥ kaṭakasya niveśabhūḥ himagireriva sānubhirunna\[pṛ0.20A\]tairupacitā kva na rājati maṇḍapaiḥ ### [11.19](https://indike.org/pramana/in.lit.historical.uttarakalina.rajavinoda.11.19) vijayinaḥ kaṭake'sya mahīpateḥ prakaṭitairniśi dīpasahasrakaiḥ pratihatā vijaneṣu vijṛmbhitā ripupureṣu ghanā tamasāṃbharāḥ ### [11.20](https://indike.org/pramana/in.lit.historical.uttarakalina.rajavinoda.11.20) amṛtakumbhamivaindavamaṇḍalaṃ kṣitibhujaḥ surarājadigaṅganā abhimukhaṃ kurute dhruvamuccakairūdayaparvva tamaulisamarpitam ### [11.21](https://indike.org/pramana/in.lit.historical.uttarakalina.rajavinoda.11.21) krīḍāvicitranavanāṭakakautukena nidrāṃ dṛśoḥ priyatamāmapi vañcayitvā kaṃ vā na vīrakaṭake ramayatyudārā vārāṅganeva rajanī śiśirapragalbhā ### [11.22](https://indike.org/pramana/in.lit.historical.uttarakalina.rajavinoda.11.22) prācyāṃ haritparuṇasaṅgamapāṭalimnā vyaktena lakṣitavibhātaniśāvibhāgāḥ ārādhyanti mahamūdaṃnarādhirājaṃ vaitālikāḥ sulalitairvvacasāṃ vilāsaiḥ ### [11.23](https://indike.org/pramana/in.lit.historical.uttarakalina.rajavinoda.11.23) yanmaṅgalaṃ purariporgirijāvivāhe lakṣmyāḥ svayaṃmvaravidhau ca janārdanasya śrīpātasāhamahamūdanarendra nityaṃ \[pṛ021A\] lābhāttadastu raṇamūrddhina jayaśriyasta ### [11.24](https://indike.org/pramana/in.lit.historical.uttarakalina.rajavinoda.11.24) kāntā nitāntaratakelibhareṇa khinnā drāgeva talpamiva nojjhitumicchatīyam vyomnastalaṃ nṛpavicakṣaṇadīrghayāmāṃ rātriḥ sphuradviralatārakapuṣpahārā ### [11.25](https://indike.org/pramana/in.lit.historical.uttarakalina.rajavinoda.11.25) asmābhiretadanaghaṃ tava gīyamānamākarṇayanniva yaśaḥ śravaṇābhirāmam candraḥ kuraṅgamadhunā parihartumicchurnātidrutaṃ pramitakāntirapi prayāti ### [11.26](https://indike.org/pramana/in.lit.historical.uttarakalina.rajavinoda.11.26) yāvatkathābhiranunīya kathaṃ kathañcit kāntaḥ priyāṃ nayati manmathabāṇavaśyam tāvacchruteḥ kaṭu raṭatyanuvelamuccairvairībhavaṃstaruṇayoriva tāmracūḍaḥ ### [11.27](https://indike.org/pramana/in.lit.historical.uttarakalina.rajavinoda.11.27) prācīmukhaṃ bhramavaśāt paricumbya kiñcid rāgādivāmbaravaśāttvavalambamānaḥ dūrāt prasārayati samprati padminīnāṃ prāṇādhipaḥ kila karān parirambhahetoḥ ### [11.28](https://indike.org/pramana/in.lit.historical.uttarakalina.rajavinoda.11.28) utkaṇṭhayā niśi bhṛśaṃ virahaṃ vipahya tīrāntareṣu sarasaḥ sarasaṃ rasanti | \[pṛ0 21B\] rājan parasparavitīrṇamṛṇālanālānyetāni hanta mithunāni rathāṅganāmnām ### [11.29](https://indike.org/pramana/in.lit.historical.uttarakalina.rajavinoda.11.29) prābhātikena pavanena himāgame'pi bhūyaḥ prabodhitamahāvirahānalāciḥ tvadvairiṇāmaviralairjagadekavīra siñcanti locanajalairhṛdayaṃ taruṇyaḥ ### [11.30](https://indike.org/pramana/in.lit.historical.uttarakalina.rajavinoda.11.30) śrīmaṇḍape tava navāruṇabhāviśiṣṭamāñjiṣṭhamāñjimani maṅgalagāyanīnām niḥśvāsasaurabhaguṇena muhurbhramanto vīṇāravairmadhukarā nṛpa samvadante ### [11.31](https://indike.org/pramana/in.lit.historical.uttarakalina.rajavinoda.11.31) dantābaleṣvadhikṛtā yudhi yodhamukhyān grāsāya cāṭubhiramūna prativodhayanti dhīrāḥ parābhavamapi praṇayāt sahante mānojjhitāṃ na nṛpasampadamādriyante ### [11.32](https://indike.org/pramana/in.lit.historical.uttarakalina.rajavinoda.11.32) anyonyamatsarabhṛto navamandurāsu kṣuṇṇodarāsu khuralīkhuralīlayāta ceto haranti madhuraṃ nṛpa heṣamānāḥ prābhātakāya yavasāya hayāstvadīyāḥ ### [11.33](https://indike.org/pramana/in.lit.historical.uttarakalina.rajavinoda.11.33) nādaḥ samullasati \[pṛ0 22 A\] mardalajhallarīṇāṃ sevārtharājakasamājaniveśaśaṃsī rājan mukhāni ghanamaṅgalabhūribherībhāṅkārabhāñji kukubhāmabhito bhavanti ### [11.34](https://indike.org/pramana/in.lit.historical.uttarakalina.rajavinoda.11.34) iti madhuravacobhirmagadhaistūyamānaḥ kṣitipatiśatacūḍāratnanīrājitāṅghriḥ dinakara iva bhūyastejasā varddhamāno mahamadanṛpasūnūḥ svāṃ sabhāmabhyupaiti ### [11.35](https://indike.org/pramana/in.lit.historical.uttarakalina.rajavinoda.11.35) evaṃ nigadya vacasāmadhidevatā sā sānandamullasitakundasamānahāsā etatsamājakavirājakulaṃ kaṭākṣairālakṣitapracalaṣaṭpadalakṣaṇīyaiḥ ### [11.36](https://indike.org/pramana/in.lit.historical.uttarakalina.rajavinoda.11.36) śrīmān sāhimudappharassamajani śrīgūrjjarakṣmāpatistasmāt sāhimahammadassamabhavat sāhistato'hammadaḥ jātassāhimahammadau'sya tanujo gāyāsadīnākhyayā khyātaḥ śrīmahamūdasāhinṛpatirjīyāt tadīyātmaja : ### [11.36.p1](https://indike.org/pramana/in.lit.historical.uttarakalina.rajavinoda.11.36.p1) iti śrīmamahārājādhirāja-jarabaksapātasāha-śrīmahamūdasuratrāṇacaritre rājavinode mahākāvye vijayayātrotsavo nāma ṣaṣṭhaḥ sargaḥ ### [12.p1](https://indike.org/pramana/in.lit.historical.uttarakalina.rajavinoda.12.p1) \[pṛ0 22 B\] _First 200 of 359 passages. [Read on](https://indike.org/pramana/in.lit.historical.uttarakalina.rajavinoda)_ --- Source: [https://indike.org/pramana/in.lit.historical.uttarakalina.rajavinoda](https://indike.org/pramana/in.lit.historical.uttarakalina.rajavinoda) · Pramāṇa