Mukundavilasa 2
Mukundavilāsa 2
- Language
- Sanskrit
2.1
prathamaḥ prabandhaḥ
tor̤īrāgeṇa gīyate
jaya parameśvara1rameśvara viṣṇo2
vijitajagadguṇaripugaṇajiṣṇo
dhruvapadamidam
2.2
jahi jagadīśa jagajjanamāyām
mohakṛte dhṛtaguṇa3samudāyām
2.3
tvāṃ pravadanti vaśīkṛtamāyam
sthiracarajīvasakalavaladāyam
2.4
tvaṃ khalu sakalamabhūriḍamagne
vyatyayamugramatha mahasi samagre
2.5
atha vidadhadbahubhavituṃ kāmam
tvamabhava idamakhilaṃ tu nikāmam
2.6
prakṛtivikṛtibahubhedamabhedam
rūpaṃ tava naṭaveśa ivedam
2.7
caramacaraṃ jar̤amajar̤amanantam
saguṇamaguṇamavayanti bhavantam
2.8
jagadudayasthitisaṃhṛtiheto
haṃsavṛṣabhabhujagāsanaketo
2.6-2
vāṇīśrīgirijātanudhārī
khelasi naṭavadakhilahitakārī
2.10
yastu bhajati bhagavantamabhedam
tyajati sa jagataḥ gatāgatakhedam
2.11
tvaṃ khalu śaraṇamakiñcanavittam
śodhaya kṛṣṇa raghūttamacittam
2.12
jagadapi kurute yadīyamāyā
svayamapi śuddhataro'pi tadvikārān
sphaṭikamiva dadhāti varṇabhedān
kusumagatān praṇamāmi taṃ pareśam¹