[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Poetry (mahākāvya, lyric, messenger poems, stotra, Prakrit kāvya)](https://indike.org/pramana/in.lit.kavya) › [Messenger poems (sandeśakāvya)](https://indike.org/pramana/in.lit.kavya.duta) › [Jain messenger poems](https://indike.org/pramana/in.lit.kavya.duta.jaina) › [Shiladutakavya](https://indike.org/pramana/in.lit.kavya.duta.jaina.siladutakavya) › 2.2 # Shiladutakavya 2.2 Śīladūtakāvya 2.2 - **Language:** Sanskrit ### [2.2](https://indike.org/pramana/in.lit.kavya.duta.jaina.siladutakavya.2.2) tataśca ruṣṭo'sau vararuciḥ chidrānveṣaṇatatparaḥ kathamapi śakaṭālaṃ rājavidrohaṇaṃ pramāṇayāmāsa | tato rājñā śakaṭālo'vamataḥ tadapamānaṃ vijñāya buddhimatā śakaṭālena kadācidayaṃ rājā ruṣṭaḥ kulavināśāya prayateteti matvā rājāgre eva svaputreṇa svavadhaṃ kārayāmāsa | tasya kaniṣṭhaḥ putraḥ śrīyakastat kāraṇaṃ rājñā pṛṣṭa uvāca devenāyaṃ svāparādhī vijñāta iti rāja sandigdhasyāsya maraṇamevocitamiti jñātvā mayā'yaṃ māritaḥ iti śrutvā rājā śrīyakopari santuṣṭa staṃ sarvādhikārasahitaṃ mantripadaṃ svīkartu māha | sa ca jyeṣṭhe bhrātari sthūlabhadre sthite mama mantritvaṃ nocitamiti manasi kṛtvā rājānamāha-"deva ! mama jyeṣṭho bhrātā sthūlabhadro mahāmatiḥ sarvamantriguṇasampanno dvādaśavarṣebhyaḥ kośāyā veśyāyāḥ premapāśena tallīnastadgṛhe eva tiṣṭhati | sa evānena padena yojayituṃ yukto'haṃ tu devasyānucaraḥ sarvadaivāsmi” iti tato rājñā dūtadvārā sthūlabhadra āhūto mantripadaṃ grahītuṃ kathitaḥ | tenoktam-vicārya śrīmaduttaraṃ dāsyāmīti tato'pasṛtya mahāmatiḥ sa kasyāpi niyoge sthitiḥ mahadduḥkhakāraṇaṃ bhavati, kadācinmama piturivānarthāyāpi kalpeteti mantripadāt pravrajyaiva varamiti vicārya locādikaṃ sādhubhāvapūrvakṛtyaṃ sampādya rājño'gre gatvā 'dharmalābhaṃ' uvāca citte matvā viṣayanicayaṃ sattvaraṃ gatvaraṃ vai, gacchanneṣo'dhvani ghanajinadhyānasaṃlīnacittaḥ śāntaṃ kāntaṃ rasamiva girau śrīguruṃ bhadrabāhuṃ, vaprakrīḍāpariṇatagajaprekṣaṇīyaṃ dadarśa - [Previous: 2.1](https://indike.org/pramana/in.lit.kavya.duta.jaina.siladutakavya.2.1) - [Next: 2.3](https://indike.org/pramana/in.lit.kavya.duta.jaina.siladutakavya.2.3) - [Up: 2](https://indike.org/pramana/in.lit.kavya.duta.jaina.siladutakavya.2) ## Linked texts (4) - [Meghadūta (Vikrama)](https://indike.org/pramana/in.jaina.post.kavya.laghu.meghaduta-vikrama.2) — Vikrama, Sanskrit - [Critical edition (S. K. De)](https://indike.org/pramana/in.lit.kavya.duta.meghaduta*crit.2) — Sanskrit - [Kāvyasaṅgraha](https://indike.org/pramana/in.lit.subhasita.subhasita.kavyasangraha.38.2) — Sanskrit - [Tarkakaumudī](https://indike.org/pramana/in.darsana.nyaya_vaisesika.tarkakaumudi.5.2) — Laugākṣi Bhāskara 1600, Sanskrit --- Source: [https://indike.org/pramana/in.lit.kavya.duta.jaina.siladutakavya.2.2](https://indike.org/pramana/in.lit.kavya.duta.jaina.siladutakavya.2.2) · Pramāṇa