[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Poetry (mahākāvya, lyric, messenger poems, stotra, Prakrit kāvya)](https://indike.org/pramana/in.lit.kavya) › [Shorter narrative and descriptive poems](https://indike.org/pramana/in.lit.kavya.khanda) › [Dialogue and debate poems](https://indike.org/pramana/in.lit.kavya.khanda.samvada) › [Alivilasisamlapa](https://indike.org/pramana/in.lit.kavya.khanda.samvada.alivilasisamlapa) › 4 # Alivilasisamlapa 4 Alivilāsisaṃlāpa 4 - **Language:** Sanskrit ## Contents - [4.106](https://indike.org/pramana/in.lit.kavya.khanda.samvada.alivilasisamlapa.4.106) — 1 part ### [4.1](https://indike.org/pramana/in.lit.kavya.khanda.samvada.alivilasisamlapa.4.1) durmitroditavādibhedanavidhau-(1)tsāhastadākarṇanādalya-(2)jñasya kuhetubhiḥ śrutivacaḥsandūṣaṇāḍa-(3)mbaraḥ syādvādottthi-(4)ti rīśvare 'pyava-(5)mati rjīvettanmā-(6)nnatā tannirmūla-(7)namatra cānuśayino,(8)rūpaṃ śate dṛśyatām ### [4.1-2](https://indike.org/pramana/in.lit.kavya.khanda.samvada.alivilasisamlapa.4.1-2) aṃlivilāsisaṃlāpe. caturthaṃ śatakam itthaṃ nigadya virate vacanāccadā ḍalau bhaṅgamasaṅgamamucintya viṣaṇṇacetāḥ svīyaṃ vihāramapahāya viviktamīpsan tatra sthitena suhṛdā jagade vilāsī ### [4.2](https://indike.org/pramana/in.lit.kavya.khanda.samvada.alivilasisamlapa.4.2) kiṃ mitra vitrasasi panniduruktimātrā, dāmantrayātra tamathārcaya cātimātram 1 satrāṃyate na khalu ko'pi tathā 'nunītaḥ sa trāyate gurubhayādapi muktaśaṃkhaḥ ### [4.3](https://indike.org/pramana/in.lit.kavya.khanda.samvada.alivilasisamlapa.4.3) yadyasmadarpitavadhūjanabhuktamuktamādhvīkaleśamapi pāsyati, dāsyameṣaḥ nūnaṃ prayāsyati nirasya budhābhimānaṃ taddīyatāmatithaye madhupānapātram ### [4.4](https://indike.org/pramana/in.lit.kavya.khanda.samvada.alivilasisamlapa.4.4) yadyeṣa vanyasumanomakarandabindusandohatundilatayā madhu nābhinandet udyānabhūyadanavadyasugandhipuṣpairāmodyatā, mayamanena pathā vinodyaḥ ### [4.5](https://indike.org/pramana/in.lit.kavya.khanda.samvada.alivilasisamlapa.4.5) saṅgītalolupatayā 'yamavāpya bhṛṅgīmaṅgīkariṣyati kadācana saṅgataṃ naḥ raṅge naṭīva tadiyaṃ madhupāṅganainaṃ gānena rañjayatu mañjulaguñjitena ### [4.6](https://indike.org/pramana/in.lit.kavya.khanda.samvada.alivilasisamlapa.4.6) kāntārasantatagatāgatayātanābhiryadyeṣa vākkalahasāhasakaṇṭhaśoṣaiḥ śrānto nitāntamavasīdati hanta, tena santarpyatāṃ śiśiramārutatālavṛntaiḥ ### [4.7](https://indike.org/pramana/in.lit.kavya.khanda.samvada.alivilasisamlapa.4.7) aṅguṣṭhamātratanurambujakośabandhakhinno viśālanilayārthamihopayātaḥ vaśyo bhavedayamavaśyamabhīṣṭalābhā,ttatsthāpyatāṃ sapadi rājatapañjare 'smin ### [4.8](https://indike.org/pramana/in.lit.kavya.khanda.samvada.alivilasisamlapa.4.8) tiryagvacāṃsi na bhavanti hi buddhipūrvaṃ, kiñcid ghuṇākṣaranayena mṛṣā 'munoktam kā tena hāniradhunā samamāni tasmātsvacchandato vadatu yātvavatiṣṭhatāṃ vā ### [4.9](https://indike.org/pramana/in.lit.kavya.khanda.samvada.alivilasisamlapa.4.9) asmadvivakṣitavikalpacayaikadeśopanyāsasauhṛdalaghīkṛtakāryabhāraḥ śeṣoktipūraṇakṛtā paribṛṃhaṇīyo, bhṛṅgo 'yamatrabhavatā na tu dūṣaṇīyaḥ ### [4.10](https://indike.org/pramana/in.lit.kavya.khanda.samvada.alivilasisamlapa.4.10) āhūya vā sabahumānamahaṃyumenaṃ vādāhave saha mayā suhṛdā sahāsam uktvā vikalpaśatamalpamatiṃ jaya tvamasmān jayetkathamayaṃ hi sahāyahīnaḥ ### [4.11](https://indike.org/pramana/in.lit.kavya.khanda.samvada.alivilasisamlapa.4.11) na tveṣa niṣṭhuragirā paribhartsanīya,stāḍyo 'tha vā kuṭiladaṇḍakaśāgrahastaiḥ kruddho vidaṅkṣyati khalo 'ya,maniṣṭameta,rddehadvigarhitatarā 'pi ca bhūtahiṃsā ### [4.12](https://indike.org/pramana/in.lit.kavya.khanda.samvada.alivilasisamlapa.4.12) pārśve na jitaḥ ākarṇya karṇasubhagaṃ suhṛduktametadāpyāyitaḥ punaralaṃ vijigīṣamāṇaḥ 1 nāyaṃ tadā drutapadaṃ pracalan vadaṃśca kaupīnamapyagaṇayatskhalitaṃ vilāsī ### [4.13](https://indike.org/pramana/in.lit.kavya.khanda.samvada.alivilasisamlapa.4.13) mandākṣarocitaśironatisabhyasaṅghamandākṣarocitaniṣedhagiro 'vadhīrya uccairvihasya suhṛdā saha sāgrahastaṃ proce prasārya gagane sahasā 'grahastam ### [4.14](https://indike.org/pramana/in.lit.kavya.khanda.samvada.alivilasisamlapa.4.14) neyaṃ matistava viśuddhimatī vayasya brahmāprasiddhamapi satyamatīva yasya dṛśyaṃ tvasatyamiti darśanamucyamānaṃ saṃsatsu siddhyati na sādhainamucyamānam ### [4.15](https://indike.org/pramana/in.lit.kavya.khanda.samvada.alivilasisamlapa.4.15) viśvāsahetunijavaktṛguṇānapekṣe viśvāṃsahe tu mama nāsti rucirhi vede nirdoṣajīvavadhasādhanayajñaceṣṭau nāsmādṛśāṃ hṛdi kadāpi nayaiṅga ceṣṭā ### [4.16](https://indike.org/pramana/in.lit.kavya.khanda.samvada.alivilasisamlapa.4.16) yaiḥ sarvabhūtahitamujjhitapakṣapātamanyonyavādhavidhuraṃ punaruktimuktam vaktyātmanīnamapaśabdavihīnamalpaṃ śraddhīyate sa na tu tadviparītavādī ### [4.17](https://indike.org/pramana/in.lit.kavya.khanda.samvada.alivilasisamlapa.4.17) pāḍārpaṇe 'pi dharaṇī satatāvadhānaśikṣopadarśitadayaṃ jinaśāsanaṃ kva krandatpaśupasabhamāraṇagarhaṇīyayajñopadeśyakaruṇaṃ kva ca vedavākyam ### [4.18](https://indike.org/pramana/in.lit.kavya.khanda.samvada.alivilasisamlapa.4.18) tulye kilāgasi vayasyapi vipraśūdrabhedena daṇḍavidhilāghavagaurave yaḥ brūte sma satkṛtiphaleṣu ca vaiparītyaṃ vedaḥ kathaṃ sa vada hāsyati, pakṣapātam ### [4.19](https://indike.org/pramana/in.lit.kavya.khanda.samvada.alivilasisamlapa.4.19) tvaṃ ṣoḍaśigrahavidhānaniṣedhayugmamekatra duṣṭamatirotramakhe niśamya śrutvoditānuditahomavigānapūje vede parasparavirodhamavehyavāryam ### [4.20](https://indike.org/pramana/in.lit.kavya.khanda.samvada.alivilasisamlapa.4.20) kaḥ piṣṭapeṣaṇasamaṃ punaruktidoṣamaṅgīkariṣyati, na cāpsyati sūrigarhām vede niśamya navadhèā 'navadhānaśaṃsi tvaṃ viddhi tattvamasivākyamupekṣaṇīyam ### [4.21](https://indike.org/pramana/in.lit.kavya.khanda.samvada.alivilasisamlapa.4.21) sarvasvadānamapi viśvam̐jitīha sarvasvārkakratau ca yajamānatanūnipātam ko vā sudhīrupadiśedvidadhīta ko vā vedastathopaviśatīti sa nādarāham̐ḥ ### [4.22](https://indike.org/pramana/in.lit.kavya.khanda.samvada.alivilasisamlapa.4.22) na vyākṛtāvatumataḥ kilam̐ jarpharītvityādiprayoga upalabhyata eṣa vede tenāpaśabdaśatadūṣitavākyavaktaryācārya̍tā na hitukāṅkṣibhirarpaṇīyā ### [4.23](https://indike.org/pramana/in.lit.kavya.khanda.samvada.alivilasisamlapa.4.23) saṃkṣiptavāgbhavati śiṣyajanāvadhānatātparyavedanaparīkṣaṇadhāraṇāhā̍ śākhāsahasragahane śrutikānane tu nāpātabuddhirapi saṃbhavatī, tarat ka ### [4.24](https://indike.org/pramana/in.lit.kavya.khanda.samvada.alivilasisamlapa.4.24) prāmāṇyamardayati dūṣaṇasaptabhaṅgī vedeṣvi, yaṃ na suvacā jinaśāsaneṣu saṃkṣiptasārasakṛduktajanānukūlasādhāraṇātmahitaśuddhapadojjvaleṣu ### [4.25](https://indike.org/pramana/in.lit.kavya.khanda.samvada.alivilasisamlapa.4.25) syādasti kāryakaraṇena samastavastuṃ, syānnāsti tacca vilayātparataśca bādhāt syādasti nāsti . ca tayoḥ kathane krameṇam̐, tatsyādavācyamubhayoryugapadvirodhāt ### [4.26](https://indike.org/pramana/in.lit.kavya.khanda.samvada.alivilasisamlapa.4.26) syādastyavācya̍miha sattvaniruktyaśakteḥ, syānnāstyavācyamanirūpyanitāntabādhaim syādasti nāstyavacanīyamidaṃ tu sattā'sattāsamuccayavivakṣaṇaitaḥ samastam ### [4.27](https://indike.org/pramana/in.lit.kavya.khanda.samvada.alivilasisamlapa.4.27) sambhāvyate sakailamīdṛśasaptabhaṅgyā, niścīyate na kimapīti kuto virodhaḥ arhanmatasya paradārśanikaiḥ kadā 'pi, tasmādupāssva matayetadapakṣapātam ### [4.28](https://indike.org/pramana/in.lit.kavya.khanda.samvada.alivilasisamlapa.4.28) samyak‌caritramatidarśananaṣṭabandho mukto jinaḥ karuṇayedamuvāca śāstram sarvajña eṣa saṃkalāvaraṇaprahāṇāt, trailokyapūjitapadaḥ parameśvaraḥ saḥ ### [4.29](https://indike.org/pramana/in.lit.kavya.khanda.samvada.alivilasisamlapa.4.29) pātālabhūgaganasarvaparthīnam̐jīvāḥ svādṛṣṭayatnasahitā nijabhogyabhāgān utpādayantva,lamaśeṣakṛteśvareṇa, klṛptena sidhyati phale nahi kalpyate 'nyat ### [4.30](https://indike.org/pramana/in.lit.kavya.khanda.samvada.alivilasisamlapa.4.30) dehendriyaughamanasāṃ bhavaduktayuktyā caitanyabādhanamupaimi, paro 'stu jīvaḥ nānātvamatra niyataṃ, sukhaduḥkhabaddhamuktavyavasthitirasaṃbhavinī tadaikye ### [4.31](https://indike.org/pramana/in.lit.kavya.khanda.samvada.alivilasisamlapa.4.31) dehādvahirna hi sukhādi kadā 'pi dṛṣṭaṃ, tenā'stu dehaparimāṇaka eva jīvaḥ, bandho 'sya sambhavati dehamitatvaeva mokṣo 'pi vā svatanuyogaviyogabhedāt ### [4.32](https://indike.org/pramana/in.lit.kavya.khanda.samvada.alivilasisamlapa.4.32) tasmin vibhau tu satatākhilakāyayogādāpadyate satatabandhanaduṣprasaṅgaḥ dehān mṛṣeti manuṣe yadi, tarhi mokṣe siddhe mudhā kimavṛtiṣṭhasi sādhanāni ### [4.33](https://indike.org/pramana/in.lit.kavya.khanda.samvada.alivilasisamlapa.4.33) asmanmate tanumito nijapuṇyapāpadehādibhārabhṛdapārabhavābdhimagnaḥ samyañcaritramatidarśanalabdhabhāro jīvaḥ prayātyaniśamūrdhvamiyaṃ vimuktiḥ ### [4.34](https://indike.org/pramana/in.lit.kavya.khanda.samvada.alivilasisamlapa.4.34) bhaikṣāśitā vivasanatvamasaṅgatā ca tvāṃ sūcayanti yatimārhatadarśanajñam tasmānmudhā vivadase matileśamatto, jñeyāvaśeṣamadhigaccha sakhe 'dya mattaḥ ### [4.35](https://indike.org/pramana/in.lit.kavya.khanda.samvada.alivilasisamlapa.4.35) itthaṃ tathāmaitapathāgatavedanindāsarveśvarā''daravirodhavaco niśamya sotkampasarvatanurapyuditānukampastaṃ pratyuvāca śamapūrvakameva bhṛṅgaḥ ### [4.36](https://indike.org/pramana/in.lit.kavya.khanda.samvada.alivilasisamlapa.4.36) hā hanta santatamasantatavāsaghūka nānāvikalpamayadurmatajañjapūka prāmāṇiko nahi vadan viramedvikalpe', 'prāmāṇikoktiraparādhyati vādakāle ### [4.37](https://indike.org/pramana/in.lit.kavya.khanda.samvada.alivilasisamlapa.4.37) vastusthitipramitireva hi mānakṛtyaṃ, na tvasti vastu yugapatsadasadvirūpam, vastunyasadvividharūpamatirbhramaḥ syā,ttāṃ doṣa eva janaye, na kadā 'pi mānam ### [4.38](https://indike.org/pramana/in.lit.kavya.khanda.samvada.alivilasisamlapa.4.38) anyonyabādhakamasattvamathāpi sattvamekatra vakṣi yugapadyadi, saṃśayaḥ saḥ yatsarvasaṃśayanivarti tadeva śāstraṃ, saṃśāyayettadapi cet śaraṇaṃ kimanyat ### [4.39](https://indike.org/pramana/in.lit.kavya.khanda.samvada.alivilasisamlapa.4.39) nirṇaitumakṣamatayā vividhāgamārthocchiṣṭaikadeśalaghusaṃgrahamātrakārī ācāryalakṣaṇavihīnatayā na mānyaḥ saṃśāyakoktyupanamadṛṣṭājino jino naḥ ### [4.40](https://indike.org/pramana/in.lit.kavya.khanda.samvada.alivilasisamlapa.4.40) syādvādasiddhayupagame svamatasya hāni,statra pramāṇakathane 'pi sa eva doṣaḥ, sādhyapramāṇaviśaye tu kathaṃ pravṛttiḥ, seṣṭā sadā matimato 'dhyavasāyapūrvā ### [4.41](https://indike.org/pramana/in.lit.kavya.khanda.samvada.alivilasisamlapa.4.41) dvitretaretaraviruddhasaśaṅkavākyāvṛttyekasāramapi śāstramiti pravaktuḥ nīrājayantu vadanaṃ kṛtahastatālā jaināṅganā bahulagomayadīpikābhiḥ ### [4.42](https://indike.org/pramana/in.lit.kavya.khanda.samvada.alivilasisamlapa.4.42) jīvastvayaiva kṛtahānyakṛtāgamābhyāṃ bhītena nitya udito, 'sya tanūmitatve mātaṅgakīṭavapuṣoranayoḥ śarīravyatyāsa āpatati sambhavapūrtyabhāvaḥ ### [4.43](https://indike.org/pramana/in.lit.kavya.khanda.samvada.alivilasisamlapa.4.43) saṅkocavistṛtikathā 'tra vṛthā, tathātve 'syāpadyate 'vayavitā 'tha vināśitā ca kāpīkṣyate 'vayavinorubhayorna caikadeśasthiti, stadalamebhirasatpralāpaiḥ ### [4.44](https://indike.org/pramana/in.lit.kavya.khanda.samvada.alivilasisamlapa.4.44) kasmāttapaḥkṣatasaṃvāsanakarmajālo jīvaḥ prayātyupari, kiṃ bhayamatra vāse karmasvasastivaha paratra ca nāsti bandhaḥ karmasthitau tu gagane 'pyanivārya eṣaḥ ### [4.45](https://indike.org/pramana/in.lit.kavya.khanda.samvada.alivilasisamlapa.4.45) sārvajñyamāgamabhavaṃ, tava cāgamo 'pi sārvajñyamūla, itaretarasaṃśrayaṃ tat bījāṅkuropamitiratra gurutvadūṣyā, laghvī tu vedasakaleśvaranityataiva ### [4.46](https://indike.org/pramana/in.lit.kavya.khanda.samvada.alivilasisamlapa.4.46) sārvajñyamāgamakṛtaṃ kṛtakāṃ ca muktiṃ brūṣe jine, tadudayotprathamaṃ ya eva saṃsāracakraparicālanaśaktiśālī sarveśvaraḥ sakalavitsa sadā vimuktaḥ ### [4.47](https://indike.org/pramana/in.lit.kavya.khanda.samvada.alivilasisamlapa.4.47) dṛṣṭraikacetananirdeśavaśāṃ pravṛttiṃ kārye laghāvapi gṛhe bahucetanānām brahmāṇḍanirmitimenekakṛtāmapīcchannekaṃ samastavibhumīśvaramāśrayasva ### [4.48](https://indike.org/pramana/in.lit.kavya.khanda.samvada.alivilasisamlapa.4.48) kurvantu kāścana yathāsvaruci pravṛttī,rekā'pi kāpi parabhītikṛtā pravṛttiḥ dṛṣṭā kuṭumbanagarasthitacetaneṣu yadbhītijā 'khilakṛtiḥ, parameśvaraḥ saḥ ### [4.49](https://indike.org/pramana/in.lit.kavya.khanda.samvada.alivilasisamlapa.4.49) yattārtamyasahitaṃ kva cidasya dṛṣṭā viśrānti,ratra parimāṇamudāhṛtiḥ syāt jñānaṃ tathā, 'sya sakalātiśayānvitasya viśrāntibhūmirucitaḥ parameśa eva ### [4.50](https://indike.org/pramana/in.lit.kavya.khanda.samvada.alivilasisamlapa.4.50) tannityamiṣṭamupapattim,danyathā 'sya hetvantarānusaraṇe 'navasthitiḥ syāt nityaṃ gatatiśayamīśa idaṃ dadhānaḥ sādhāraṇaṃ sakalakāryavidhau nidānam ### [4.51](https://indike.org/pramana/in.lit.kavya.khanda.samvada.alivilasisamlapa.4.51) svasvārjitāśubhaśubhāvahakarmabhedātprāpnoti jīvanivahaḥ phalabhedamadgau ondhyena paṅgusadṛśākṣamakarmavṛndādhiṣṭhānatā''dṛūtanidānaguṇo maheśaḥ ### [4.52](https://indike.org/pramana/in.lit.kavya.khanda.samvada.alivilasisamlapa.4.52) kṣetrī labheta yadi karṣaṇabījavāpadākṣyapramādavaśataḥ phalasiddhayasiddhī doṣo 'tra naiva jaladasya, tatheśvarasya vaiṣamyanirghṛṇatayorna sataḥ prasaṅgaḥ ### [4.53](https://indike.org/pramana/in.lit.kavya.khanda.samvada.alivilasisamlapa.4.53) anyeṣu hetuṣu tu satsvapi kartṛceṣṭā syānniṣphalā, jaladharo yadi na pravarṣet sādhāraṇo jalaṃdharaḥ kila tena hetuḥ, sā rītirapratihatā parameśvare 'pi ### [4.54](https://indike.org/pramana/in.lit.kavya.khanda.samvada.alivilasisamlapa.4.54) jīvo na vetti sakalaṃ svamapīha karma, dūre parasya, kathameṣa tato 'dhitiṣṭhet sarvajñatāṃ taducitāṃ hi vahan pareśo 'dhiṣṭhānatābharasaho, 'lpamatirna jīvaḥ ### [4.55](https://indike.org/pramana/in.lit.kavya.khanda.samvada.alivilasisamlapa.4.55) ityuktayuktinivahaiḥ parameśasiddhau tasya prapañcahitasādhanamārgadarśī ādeśa eva kila vedapadābhidheyo, nollaṅghaya eṣa tadadhīnahitārthijīvaiḥ ### [4.56](https://indike.org/pramana/in.lit.kavya.khanda.samvada.alivilasisamlapa.4.56) asteyasatyahitavāgaparigrahāhiṃsābrahmacaryaniyamasya mahāvratatvam āghoṣitaṃ śrutiṣu, nārhadupejñamaitaccauryeṇa darśanamabhūṣayadātmanaḥ saḥ ### [4.57](https://indike.org/pramana/in.lit.kavya.khanda.samvada.alivilasisamlapa.4.57) uccādhikāribhirapīha suduṣkaraṃ tatsavaiairaśakyamiti sarvasamānadarśī mandādhikāribahule jagati krameṇa siddhayai vyadhādvividhayāgavidhīn maheśaḥ ### [4.58](https://indike.org/pramana/in.lit.kavya.khanda.samvada.alivilasisamlapa.4.58) āpto bhiṣag hi kaṭukauṣadhapānaruṣṭaṃ bālaṃ prapāyayati tad guḍajihvikābhiḥ yuktyā 'nusṛtya rucimasya, tatheśvaro 'pi rāgivrajopakṛtaye vidadhāṃti yāgān ### [4.59](https://indike.org/pramana/in.lit.kavya.khanda.samvada.alivilasisamlapa.4.59) tvacchāstraeva nipateyuramī avāryā vaiṣamyaniṣkaruṇatājaḍatākhyadoṣāḥ rāgābhibhūtajanatāsamupekṣaṇe vā, tatkṛtyaśakyakaṭusaṃyamabodhane vā ### [4.60](https://indike.org/pramana/in.lit.kavya.khanda.samvada.alivilasisamlapa.4.60) daṇḍārhaṇe gurulaghū guṇatāratamyadraṣṭuḥ prabhostu guṇaeva, na pakṣapātaḥ daṇḍalpatā na damayetkhala, malpapūjā notsāhayecca guṇinaṃ guṇavṛddhyupāye ### [4.61](https://indike.org/pramana/in.lit.kavya.khanda.samvada.alivilasisamlapa.4.61) mādyetkhalo gurutarārcanayā, kulīno daṇḍe mahīyasi kṛte bhṛśamudvijeta yāyādviparyayamanena ca lokayātrā, ''yaityāṃ śubhaṃ vidadhadeṣa na pakṣapātaḥ ### [4.62](https://indike.org/pramana/in.lit.kavya.khanda.samvada.alivilasisamlapa.4.62) bhūmiṃ muhuḥ kṛṣati yaḥ sa labheta puṣṭaṃ dhānyaṃ, kṛśaṃ tvalasa ityatirātrayāge yaṣṭā grahagrahaṇahānikṛtaprakarṣakārśyaṃ phalaṃ samadhigacchatu, ko virodhaḥ ### [4.63](https://indike.org/pramana/in.lit.kavya.khanda.samvada.alivilasisamlapa.4.63) āvaśyakatvamalasāśrukratorvivakṣurhomoditānuditakālayugaṃ vidhāya ekaṃ prarocayitumanyamadhikṣipantī tātparyato na labhate śrutivāgvirodham ### [4.64](https://indike.org/pramana/in.lit.kavya.khanda.samvada.alivilasisamlapa.4.64) mandeṣu vismaraṇaśāliṣu bodhanīyeṣvāvṛttireva dṛḍhasaṃskṛtidṛt prasiddhā, abhyasyate ca viparītamamardanāya, tatpaunaruktyamiha bhūṣaṇameva vede ### [4.65](https://indike.org/pramana/in.lit.kavya.khanda.samvada.alivilasisamlapa.4.65) kūṭāhvairādhikakarāhṛtabhūrivittasatyānṛtasaṃvṛpacittaviśodhanāya cedviśvajityakhiladānamuvāca veda,stannātmanīnamiti ko vivadeta mūrkhaḥ ### [4.66](https://indike.org/pramana/in.lit.kavya.khanda.samvada.alivilasisamlapa.4.66) ekāntaviprahananādimahādhanāśamīpsan tadaprakaṭayan śrutivit svaśuddhyai sutvā juhotu nijadehamapāyi sarvasvārakratau, prarvayaso 'stvatha vaiṣa panthāḥ ### [4.67](https://indike.org/pramana/in.lit.kavya.khanda.samvada.alivilasisamlapa.4.67) eṣā digeva kathitā, na tu sarvamadya śakyaṃ bhavaktumativistṛtaśāstragamyam śraddhāsyate yadi, tadā tava jaiminīyaṃ vaiyāsikañca vaditāsmi mataṃ krameṇa ### [4.68](https://indike.org/pramana/in.lit.kavya.khanda.samvada.alivilasisamlapa.4.68) sarvaṃ na vaidikavaco 'dhikaroti sarvān, lālāṭikaḥ śrutigirāmakhilo 'nukampyaḥ vīkṣyādhikāramupayojaya vedavākyaṃ, tenāpayātyahitavādavirodhaśaṅkā ### [4.69](https://indike.org/pramana/in.lit.kavya.khanda.samvada.alivilasisamlapa.4.69) navyā kṛtirbhavatu pāṇinisūtraniṣṭhā, na vyākṛtiḥ śrutivaconiyamāya śaktā śrautaṃ padaṃ tu muninaiva pṛṣodarādau śiṣṭopadiṣṭamiti sādhutayā 'numene ### [4.70](https://indike.org/pramana/in.lit.kavya.khanda.samvada.alivilasisamlapa.4.70) stokaṃ buvodhayiṣuralpamatiḥ śiśuṃrvā saṃkṣepamāśrayatu vāci, tathā na vedaḥ varṇāśrametarahitāhitabodhanāya baddhodyamo vadati yadbahu tanna duṣṭam ### [4.71](https://indike.org/pramana/in.lit.kavya.khanda.samvada.alivilasisamlapa.4.71) śākhāsahasragahane śrutikalpavṛkṣe svasyopayuktamadhigatya guruprasādāt tanmātramācara, śubhaṃ dhruvamāpsyasi tvaṃ, vede 'khile 'nadhigate 'pi na kā 'pi hāniḥ ### [4.72](https://indike.org/pramana/in.lit.kavya.khanda.samvada.alivilasisamlapa.4.72) nirhetuko na kṛtakaḥ sukhaduḥkhabhedaḥ, puṇyainasī iha nidānatayā tvaveṣṭe, ādeśane 'sya sakalasya bhava hyanādau nityā śrutiḥ śaraṇa,mādhunikaṃ na śāstram ### [4.73](https://indike.org/pramana/in.lit.kavya.khanda.samvada.alivilasisamlapa.4.73) ityuddhatā śrutiṣu dūṣaṇasaptabhaṅgī tvatprītaye tvaduditena pathaiva tāvat utsargabādhakabalābalacintayā tu jñeyaṃ gurum̐ściramupāsya rahasyamasya ### [4.74](https://indike.org/pramana/in.lit.kavya.khanda.samvada.alivilasisamlapa.4.74) kiñcittu tattvamadhunopadiśāmi tubhyaṃ, yenāśu nāśitaviparyayasaṃśayastvam viśvasya vaidikavacassu nijeṣṭasiddhau ceṣṭiṣyase, kramaśa eva vimokṣyase ca ### [4.75](https://indike.org/pramana/in.lit.kavya.khanda.samvada.alivilasisamlapa.4.75) janmasthitipralayakāraṇamasya viśvasyaikaṃ hi nityamakhilajñamupehi tattvam nityatvamasya jahatāmanavasthitiḥ syā,tsarvajñatā tvakhilakartṛtayā 'bhyupeyā ### [4.76](https://indike.org/pramana/in.lit.kavya.khanda.samvada.alivilasisamlapa.4.76) janye 'tra hetvanusṛtau niyatā 'navastho, pādānavīkṣaṇamṛte ca na kartṛtā 'sya, anyopayogavirahādatha lāghavāccāpyanyatra mānavi Clayton yācca tadekamiṣṭam ### [4.77](https://indike.org/pramana/in.lit.kavya.khanda.samvada.alivilasisamlapa.4.77) tad brahma nityasukhasattvacidamburāśestasya prakāśasukhasattvayujastaraṅgāḥ jīvā anādinijakarmajamūrttibhājo 'nyonyaṃ pṛthaksthitimṛto 'pi tato na bhinnāḥ ### [4.78](https://indike.org/pramana/in.lit.kavya.khanda.samvada.alivilasisamlapa.4.78) dehendriyaughamanasāṃ sthitiraiva mūrtti,rbandhaḥ sa eva hi cito, vilayo 'sya mokṣaḥ ādyaṃ vibhāvayati śaśvadanādyavidyā, mokṣaṃ vyanakti vimalā citirityavehi ### [4.79](https://indike.org/pramana/in.lit.kavya.khanda.samvada.alivilasisamlapa.4.79) astvanyadetadupapādyamitau vidūre, 'dya prastutaṃ tava hitaṃ kathayāmi vatsa āvidyakaistanumano'kṣagaṇairnibaddhā jīvā mithaḥ paracitaśca vidanti bhedam ### [4.80](https://indike.org/pramana/in.lit.kavya.khanda.samvada.alivilasisamlapa.4.80) tena bhrameṇa satatāvṛtacitprakāśā dehaṃ mano 'kṣagaṇamātmatayā vidantaḥ tattarpaṇaikaniratā niyataprakāśaṃ cittattvamalpaparimāṇamudāharanti ### [4.81](https://indike.org/pramana/in.lit.kavya.khanda.samvada.alivilasisamlapa.4.81) tāṃ bhrāntimeva sahaṭhaṃ pariniṣṭhiteti vākkauśalaiḥ pratisabhaṃ pratipādayantaḥ tatsaṃskṛterdṛḍhatayā vivaśāḥ patanti te 'ndhe tamasyatha parānapi pātayanti ### [4.82](https://indike.org/pramana/in.lit.kavya.khanda.samvada.alivilasisamlapa.4.82) śrutvetare gurukuleṣu cidātmatattvaṃ śābdapramaikakṛtakṛtyatayā puraiva dehādyabhīṣṭaghaṭanāniratā upāstīstanvanti manda,matha vā jahati pramādāt ### [4.83](https://indike.org/pramana/in.lit.kavya.khanda.samvada.alivilasisamlapa.4.83) bhrāntirna naśyati parokṣadhiyā 'parokṣā, 'nādiśca saṃskṛtirimāṃ muhurātanoti tenālpatākumatisaṃkucitātmabhāvo jīvo bhave 'nubhavati pralayodayau svau ### [4.84](https://indike.org/pramana/in.lit.kavya.khanda.samvada.alivilasisamlapa.4.84) evaṃ sthite prayatatāmiha mokṣamāṇo bhūmesvacintanavidhau, cirakālayogāt sākṣātkṛte vimalasarvagacitprakāśe kartavyamasya na hi kiñcana śiṣyate 'tra ### [4.85](https://indike.org/pramana/in.lit.kavya.khanda.samvada.alivilasisamlapa.4.85) kartavyamasti yadi kiñcanaṃ, tarhi matvā 'vidyānuvṛttimajahattadupāstimeṣaḥ taccintanāya niyataṃ svatanūpayogaṃ jānannavatvanatiyatnamimāmasaktaḥ ### [4.86](https://indike.org/pramana/in.lit.kavya.khanda.samvada.alivilasisamlapa.4.86) nopāsanāsvavasaro yadi dehacittākṣābhyastavāhyaviṣayārjanarakṣaṇādyaiḥ, rāgī vihāya sa nirarthakamokṣacarcāṃ sāṃsārike prayatatāṃ svasukhaprakarṣe ### [4.87](https://indike.org/pramana/in.lit.kavya.khanda.samvada.alivilasisamlapa.4.87) tatraihalaukikasukhārthiṣu daṇḍanītirvā̱rteti śāstrayugalaṃ guruṇopadeśyam, yaḥ pāralaukikamabhīpsati śarma, dharmaṃ trayyā prabodhayati taṃ kṛpayā maheśaḥ ### [4.88](https://indike.org/pramana/in.lit.kavya.khanda.samvada.alivilasisamlapa.4.88) ānvīkṣikī tu paripuṣyati daṇḍanītiṃ vārtā trayīṃ ca tadimaṃ tritayāṅgabhūtā, saikākinī śramamanarthakaśuṣkatarkaiḥ sūte, 'tha vā nṛpasabhāsu jayapramodau ### [4.89](https://indike.org/pramana/in.lit.kavya.khanda.samvada.alivilasisamlapa.4.89) āmuṣmikaihikavināśisukhārthibhistu vārtā trayī ca samayaṃ pravibhajya sevyā, trayyaintacintanamupekṣya na mokṣamāṇa āvaśyakādhikanimeṣamapi kṣipet ### [4.90](https://indike.org/pramana/in.lit.kavya.khanda.samvada.alivilasisamlapa.4.90) vāñchannihetyasukhamalpamapi prayatnaḥ svargaṃ na kāmayataityatidambha eṣaḥ tasmādapakkakaraṃṇaḥ śrutivartmanaiva karmmācaratvanuguṇaṃ vihitaṃ hitaṃ tat ### [4.91](https://indike.org/pramana/in.lit.kavya.khanda.samvada.alivilasisamlapa.4.91) sāmrājyamātmaduravāpamavekṣya ko vā necchetsvaśakyasukhakṛdvasudhādhikāram rāge muhuḥ sphurati mokṣasukhe nirāśaḥ svargye makhādi kurute yadi ko 'tra doṣaḥ ### [4.92](https://indike.org/pramana/in.lit.kavya.khanda.samvada.alivilasisamlapa.4.92) yo 'trālaso 'sthiramatiśca jahāti karmopāstī viraktividitātmakatābhinītyā ghnantyātmacoramimamātmahanaṃ dvimāgībhraṣṭaṃ svadurmatijasaṃskṛtayo 'timātram ### [4.93](https://indike.org/pramana/in.lit.kavya.khanda.samvada.alivilasisamlapa.4.93) dānavrataśrutijapādhvaratīrthasevāsampannanākasukhabhogatayā 'titṛptaḥ tannāśadarśanaviraktamatiścireṇa kaścidvipaścidiha mokṣapathe 'dhikārī ### [4.94](https://indike.org/pramana/in.lit.kavya.khanda.samvada.alivilasisamlapa.4.94) tasmātsvavṛttimanigṛhya nijādhikāramālocya duṣpathamapāsya bhṛśānusaptaḥ traividyaparṣadamathātmavidaṃ guruṃ vā namraḥ prasādya cara tadvacasā svadharmam ### [4.95](https://indike.org/pramana/in.lit.kavya.khanda.samvada.alivilasisamlapa.4.95) vidvāṃsamehi śaraṇaṃ suciraṃ parīkṣya niścitya rāgamadadambhanivṛttimasya dṛṣṭāḥ śaṭhā hi saralānvahu vañcayantaḥ santi svabhāvasadayāśca mahānubhāvāḥ ### [4.96](https://indike.org/pramana/in.lit.kavya.khanda.samvada.alivilasisamlapa.4.96) āmantrito rahasi sāptapadīnarītyā vatsa tvayā kuśadhiyā bhṛśa‌nindito 'pi prādīdṛśaṃ tava hitaṃ paratastvameva samyagvicārya yadabhīpsasi tatkuruṣva ### [4.97](https://indike.org/pramana/in.lit.kavya.khanda.samvada.alivilasisamlapa.4.97) śrutvā 'llivācamahitāgraharāgaroṣāspṛṣṭāṃ prakṛṣṭakaruṇāmṛtasekapuṣṭām utsṛjya nāstikamataṃ praṇipatya bhūyaḥ saṃtrāsagadgadapadaṃ nyalapadvilāsī ### [4.98](https://indike.org/pramana/in.lit.kavya.khanda.samvada.alivilasisamlapa.4.98) tāta prasīda viṣahasva mamāparādhaṃ trirnirjito 'ha, matha vā pratibodhito 'smi dīrghānuvṛttavitathābhiniveśaśuddhyai tvāmeva pūrṇakaruṇaṃ śaraṇaṃ prapadye ### [4.99](https://indike.org/pramana/in.lit.kavya.khanda.samvada.alivilasisamlapa.4.99) matvā 'prayāsasulabhau sukhabhogamokṣau cārvākavauddhamuni jainamṛtāśrayeṇa durvādivañcitamanā bahu hanta hetvābhāsairadūduṣamahaṃ śrutivākyareśau ### [4.100](https://indike.org/pramana/in.lit.kavya.khanda.samvada.alivilasisamlapa.4.100) adya tvayā tu dayayā sudṛḍhopapattīḥ śraute mate 'pyatha ca nāstikavādadoṣān hṛdyaṃ sphuṭaṃ ca vadatā nirayāddrumārūḍhātsantārito 'smi, bhagavan śataśo namaste ### [4.101](https://indike.org/pramana/in.lit.kavya.khanda.samvada.alivilasisamlapa.4.101) nānyā gatirmama bhavantamapāsya dāsyamaṅgīkaromyupadiśocitaśuddhimārgam bhīto rudanniti vilapya ciraṃ puro 'leḥ sāṣṭāṅgapātamaluṭhaddharaṇau vilāsī ### [4.102](https://indike.org/pramana/in.lit.kavya.khanda.samvada.alivilasisamlapa.4.102) ālokāyatamohitaṃ tvamanayānnyakṛtya durdarśanaṃ matyā nityacitaḥ sthiro 'bhikairaṇe dhikṛtya vauddhān balāt sadbhāvāśraya̍śūnyaśūnyavacasā nindyān vṛtātmālpatānarhannavyamataṃ śritān jahadathaśādeśavaśyo bhava ### [4.103](https://indike.org/pramana/in.lit.kavya.khanda.samvada.alivilasisamlapa.4.103) tathāga̍tapathāgatāhitakathāvitīrṇaprathā vyathāvahakusaṃskṛtīḥ suvitathā yathāṃ maṃsyase tathā''cara sakhe 'nyathā tava vṛthā śarīraṃ bhavedathā''suhi manorathān rahasi manmathāriṃ śrayan ### [4.104](https://indike.org/pramana/in.lit.kavya.khanda.samvada.alivilasisamlapa.4.104) tvaṃ cārvākalaya̍ṃniśamya gaditaṃ dehātmavādaṃ tyajan muñcan dūṣitahetuśūnyavacane śraddhāṃ ca bauddherite jainān hīnatamānapāsya kudhiyodyaitsaptabhaṅgīnaye mālinyaṃ tanucetasornuda ciraṃ saṃcchaurtatīrthāśrayāt ### [4.175](https://indike.org/pramana/in.lit.kavya.khanda.samvada.alivilasisamlapa.4.175) bhramandūre tiṣṭhannapi tava pavitreṇa tapasā viniścitya kṣīṇaṃ kaluṣamakhilaṃ śīghra̍muditaḥ ahaṃkāryāsādyaṃ prathamamupādiśyāsthirasukhaṃ kramātsākṣātkārādvṛtimapahariṣye, 'lamadhunā ### [4.106](https://indike.org/pramana/in.lit.kavya.khanda.samvada.alivilasisamlapa.4.106) āśvāsyapaṅkajagalanmakarandamitrairāśvāsya sāntvavacanairiti taṃ tato 'liḥ svacchandamacchasalilāṃ taṭinīmagaccha,ttaṃ cānvagacchadudayacchramadhīrvilāsī ### [4.106.p1](https://indike.org/pramana/in.lit.kavya.khanda.samvada.alivilasisamlapa.4.106.p1) ityalivilāsisaṃlāpe khaṇḍakāvye caturthaṃ śatakam --- Source: [https://indike.org/pramana/in.lit.kavya.khanda.samvada.alivilasisamlapa.4](https://indike.org/pramana/in.lit.kavya.khanda.samvada.alivilasisamlapa.4) · Pramāṇa