[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Poetry (mahākāvya, lyric, messenger poems, stotra, Prakrit kāvya)](https://indike.org/pramana/in.lit.kavya) › [Shorter narrative and descriptive poems](https://indike.org/pramana/in.lit.kavya.khanda) › [Dialogue and debate poems](https://indike.org/pramana/in.lit.kavya.khanda.samvada) › [Alivilasisamlapa](https://indike.org/pramana/in.lit.kavya.khanda.samvada.alivilasisamlapa) › 6 # Alivilasisamlapa 6 Alivilāsisaṃlāpa 6 - **Language:** Sanskrit ## Contents - [6.115](https://indike.org/pramana/in.lit.kavya.khanda.samvada.alivilasisamlapa.6.115) — 1 part ### [6.1](https://indike.org/pramana/in.lit.kavya.khanda.samvada.alivilasisamlapa.6.1) śāstrīyā iha vājapeyaviṣayāḥ prādhānyato darśitā(1) yuktyā kāmyamakhapravartanakarī mīmāṃsakaprakriyā(2) tadvarhyatvaphalā'lpatā'tiśayituṃānāśavyavasthāpanaistatsiddhāntanirākriyā(3)ca gaditā saṃkṣipya ṣaṣṭhe śate ### [6.1-2](https://indike.org/pramana/in.lit.kavya.khanda.samvada.alivilasisamlapa.6.1-2) alivilāsisaṃlāpe ṣaṣṭhaṃ śatakam śāradā'mṛtakarāvadātayā hastināṃ pidadhatī dṛśā radān bhaktapālanāvadhau viśāradā śāradā sphuratu mānase mama ### [6.2](https://indike.org/pramana/in.lit.kavya.khanda.samvada.alivilasisamlapa.6.2) jātu citsamamalivilāsinā svarṇadītaṭatapovanānyaṭan śrautakarmarasikasya kasya cidvājapeyamakhamaṇḍapaṃ yayau ### [6.3](https://indike.org/pramana/in.lit.kavya.khanda.samvada.alivilasisamlapa.6.3) tatra sāṅgasakalatrayīvidaḥ snātakāḥ sucaritā hutāgnayaḥ ūhatattvavividhāthakovidāḥ saṅghaśo dadṛśire mahīsurāḥ ### [6.4](https://indike.org/pramana/in.lit.kavya.khanda.samvada.alivilasisamlapa.6.4) nyāyasañcitadhanārpaṇotsukenārthinā ca viduṣā kṣameṇa saḥ dīkṣitena śaradi pravṛddhayā śraddhayā 'dhvaravaśe nyatāyata ### [6.5](https://indike.org/pramana/in.lit.kavya.khanda.samvada.alivilasisamlapa.6.5) ṛtvijāmiha hiraṇyamālināṃ maṇḍape pracaratāṃ yiyakṣayā sārciṣāmapi hiraṇyaretasāṃ sūkṣmadṛgbhirapi naikṣyatāntaram ### [6.6](https://indike.org/pramana/in.lit.kavya.khanda.samvada.alivilasisamlapa.6.6) ājidhāvanavidhāvahaṃyavo yajvanā yadapare vijigyire karmadevainivaheṣu tajjayastena nirviśayamanyamīyata ### [6.7](https://indike.org/pramana/in.lit.kavya.khanda.samvada.alivilasisamlapa.6.7) tatra saptadaśabhiḥ prajāpatistūparaiḥ paśubhirijyate sma yat saptalokadaśadigvisṛtvarīṃ tena kīrtirudiyāya sujvanaḥ ### [6.8](https://indike.org/pramana/in.lit.kavya.khanda.samvada.alivilasisamlapa.6.8) kaḥ praśāstari puronuvākyayā yājyayā suragaṇāya hottari dātumādiśati havyamīṃkṣako nānvamodata tayorvacaḥkramam ### [6.9](https://indike.org/pramana/in.lit.kavya.khanda.samvada.alivilasisamlapa.6.9) sāma sāmayikamudgiratyathodgātari vyuparatākhilakriyaḥ yajñavāṭagajano 'skhalatkramāttṛtvijo 'stuta nininda cādbhutam ### [6.10](https://indike.org/pramana/in.lit.kavya.khanda.samvada.alivilasisamlapa.6.10) kāścidatra vimataḥ surāgrahe tadviśeṣavidhikākyadarśinā jaiminīyanayapāradṛśvanā dhīmatā 'lpadhiṣaṇaḥ samādadhe ### [6.11](https://indike.org/pramana/in.lit.kavya.khanda.samvada.alivilasisamlapa.6.11) pāvanāni paṭhatā muhuryajūṃṣyārurohayiṣuṇā triviṣṭapam svargara (jyagatabādhasiddhaye 'dhvaryuṇā sthapatirabhyaṣicyata ### [6.12](https://indike.org/pramana/in.lit.kavya.khanda.samvada.alivilasisamlapa.6.12) taṃ bṛha̍spatisavadvayāntarādiṣṭadṛṣṭabahuvaibhavakramam vājapeyamakhilaṃ prapaśyatā sālinā 'tra mumude vilāsinā ### [6.13](https://indike.org/pramana/in.lit.kavya.khanda.samvada.alivilasisamlapa.6.13) vistṛtāśayatamānadīkṣito vāḍaॅvā'śitaraso 'tidustaraḥ dānaivārivaradattasadramo vājapeyajaladhiḥ sa paprathe ### [6.14](https://indike.org/pramana/in.lit.kavya.khanda.samvada.alivilasisamlapa.6.14) utkaiṃrambhamadhim̐pāśukāmitaṃ kāñcainacchavimalaukikīṃ śritam pāvanāni sarvanāni bibhrataṃ vājapeyakanakādrimaikṣata ### [6.15](https://indike.org/pramana/in.lit.kavya.khanda.samvada.alivilasisamlapa.6.15) sāraivaprasarayūpaśobhitādgraktitaḥ kuśailavādisevitāt vājapeyaraghunāthapattanānna vyaraṃsyata vilāsinā ciram ### [6.16](https://indike.org/pramana/in.lit.kavya.khanda.samvada.alivilasisamlapa.6.16) sāmairogarucidhārinandane somaiṃsaṅgatasurāgrahāśrite vājapeyasuradhāmni nirvṛtiṃ devarāḍiva vilāsyavindata ### [6.17](https://indike.org/pramana/in.lit.kavya.khanda.samvada.alivilasisamlapa.6.17) bhūyasā dhanavatā divaṃ parābhūya sādhanacayena yajñabhūḥ didyute surasabhājanādaraṃ prāptabhausurasabhājanādaram ### [6.18](https://indike.org/pramana/in.lit.kavya.khanda.samvada.alivilasisamlapa.6.18) tatra tūparavaisādhanātparaṃ bhūritūparavasā 'bhavaddrutā proktaśastrasadasīkṣitaṃ kṣataṃ prāyaśastrasadasīmaprātkramam ### [6.19](https://indike.org/pramana/in.lit.kavya.khanda.samvada.alivilasisamlapa.6.19) sādhikārajanapuṇyasādhikā vājapeyakṛtiraśravau jape vismayāya bhavati sma vismayākāmitāratabudhāsikā'mitā ### [6.20](https://indike.org/pramana/in.lit.kavya.khanda.samvada.alivilasisamlapa.6.20) vaidike vacasi viśvasannayaṃ sañjayaṃ śrutamasādhu sādhu vā sādhuvādaparavidvadīkṣito dīkṣito 'tra vidadhe yathoditam ### [6.21](https://indike.org/pramana/in.lit.kavya.khanda.samvada.alivilasisamlapa.6.21) taṃ śrutismṛtipurāṇapāragaiḥ karmamārgamanucintya saṃśritam brahmabhūyasukhaviślathādareṇālirityabhidadhe vilāsinā ### [6.22](https://indike.org/pramana/in.lit.kavya.khanda.samvada.alivilasisamlapa.6.22) paśya paśya vanavāsino 'pyamūnū vedarāśyudadhipauragānapi brāhmaṇānvidadhato yiyakṣayā dāradhenudhanadhānyasaṅgraham ### [6.23](https://indike.org/pramana/in.lit.kavya.khanda.samvada.alivilasisamlapa.6.23) aihalaukikasukhasya nāśitāmabhyupaimi, viramāmyatastataḥ pāralaukikasukhaṃ tvanaśvaraṃ saṃgire vibudhavādasaṃgare ### [6.24](https://indike.org/pramana/in.lit.kavya.khanda.samvada.alivilasisamlapa.6.24) āyuratra paramaṃ śatāvadhi, vyādhayo 'ntarabhavāstathā ''dhayaḥ svāpaśaiśavajarāsu kiṃ sukhaṃ, tyājyamalpasukhamaihikaṃ tataḥ ### [6.25](https://indike.org/pramana/in.lit.kavya.khanda.samvada.alivilasisamlapa.6.25) tarkayāmyuditadoṣakāraṇaṃ yonijatvamatha vā mahīsthitim karmamātrajanitā tu vindate duḥkhameva sukhameva vā tanuḥ ### [6.26](https://indike.org/pramana/in.lit.kavya.khanda.samvada.alivilasisamlapa.6.26) yena yena bhuvi janyate tanustyajyatāṃ sakalameva karma tat tena duḥkhasukhamiśratābhayaṃ sambhavenna hi vimṛśyakāriṇām ### [6.27](https://indike.org/pramana/in.lit.kavya.khanda.samvada.alivilasisamlapa.6.27) nārakitvajanakaṃ trayīvidā ninyakarma tu kathaṃ kāriṣyate na pravṛttariha duḥkhamātrade karmaṇīkṣitacarī vivekinām ### [6.28](https://indike.org/pramana/in.lit.kavya.khanda.samvada.alivilasisamlapa.6.28) yaḥ khalo 'vamatavedaśāsanaḥ karma kutsitamihācareddhaṭhāt nārakīṃ tanumavāpya karmajāṃ pacyatāṃ sa narakeṣu, kā kṣatiḥ ### [6.29](https://indike.org/pramana/in.lit.kavya.khanda.samvada.alivilasisamlapa.6.29) svargyakarma jahātāmanāsthayā nārakitvadharaṇijanikṣame karmaṇī dhruvamavārite nṛṇāṃ, sarvakarmaviraho hyasambhavī ### [6.30](https://indike.org/pramana/in.lit.kavya.khanda.samvada.alivilasisamlapa.6.30) nākagastridaśabhāvasṛdyuvā 'svapnatā''ptasatataprajāgaraḥ saukhyameva vigadaḥ sudhāśanāllapsyate kila sadeti sāmpratam ### [6.31](https://indike.org/pramana/in.lit.kavya.khanda.samvada.alivilasisamlapa.6.31) apsarogaṇavilāsasambhṛtavyomayānavarakāmacāriṇaḥ kalpavṛkṣapaṭalīsurabhyupacchanditasya vada ke durādhayaḥ ### [6.32](https://indike.org/pramana/in.lit.kavya.khanda.samvada.alivilasisamlapa.6.32) prāpya kalpatarumūlamātmano duḥkhaleśaharitaṃ dhruvaṃ sukham arthayeta sukṛtī labheta ca, prājña eṣa, na ca te mitampacāḥ ### [6.33](https://indike.org/pramana/in.lit.kavya.khanda.samvada.alivilasisamlapa.6.33) akṣayaṃ sukṛtamāha hi śrutirvaiśvadevamukhaparvayājinām somapānamamṛtatvadaṃ ca, tanna kṣayitvabhayamatra yujyate ### [6.34](https://indike.org/pramana/in.lit.kavya.khanda.samvada.alivilasisamlapa.6.34) vedabādhyaviṣayāmihānumāṃ janyatā niyatanāśasādhikām mānatāṃ śrutigirāmupetya kastārkikò 'rhati sabhāsu bhāṣitum ### [6.36](https://indike.org/pramana/in.lit.kavya.khanda.samvada.alivilasisamlapa.6.36) vyāpṛtirna khalu kāmanāṃ vinā, tvaṃ samādhimapi mokṣakāmukaḥ āśrayasya, hamihāśraye makhān svargakāma, iti kā bhidā ''vayoḥ rātrisatranayato 'nvitaṃ kva cit, kvāpi kāmapadasaṃnidhiśrutam viśvajinnayasukalpaimanyathā syātphalaṃ, na viphalā hi codanā ### [6.37](https://indike.org/pramana/in.lit.kavya.khanda.samvada.alivilasisamlapa.6.37) jñānato vadasi mokṣamātmana, stena janyamapi nityamicchasi yāgajaṃ sukhamupekṣase bhiyā 'nityamitya, haha pakṣapātitā ### [6.380](https://indike.org/pramana/in.lit.kavya.khanda.samvada.alivilasisamlapa.6.380) vedaṃ kaḥ śamadamādisādhanā'nuṣṭhitau kṣapayato 'khilaṃ januḥ āphalaṃ tadanuvṛttimuttareṣvaṅgaveṣviha,tarathā vṛthā śramaḥ ### [6.39](https://indike.org/pramana/in.lit.kavya.khanda.samvada.alivilasisamlapa.6.39) astitaikaparamārthamadvayaṃ mokṣamāttha, vada tatra kiṃ sukham taddhi siddhamiti kāmanā kathaṃ, tāṃ vinā 'tra kimiti pravartase ### [6.40](https://indike.org/pramana/in.lit.kavya.khanda.samvada.alivilasisamlapa.6.40) karmiṇā sakṛdanuṣṭhitoditāṅgānvitābhimatasaṃsatantunā gamyate svaratha bhujyate sukhaṃ, karmamārgamivi rocayāmahe ### [6.41](https://indike.org/pramana/in.lit.kavya.khanda.samvada.alivilasisamlapa.6.41) ātmabhinnasakalārthanāśabhṛtkena vā pralayakāla īkṣitaḥ vyāptidarśanamṛte ca nānumā, nākalokalayavāk tato mṛṣāṃ ### [6.41-2](https://indike.org/pramana/in.lit.kavya.khanda.samvada.alivilasisamlapa.6.41-2) ko 'pi nojjhati dinodayaḥ svataḥ ṣaṣṭidaṇḍaparatāṃ tathekṣaṇāt vyāptidhīḥ pralayavādhikā budhaiḥ pratyanīkavidhayā 'tra cocyate ### [6.43](https://indike.org/pramana/in.lit.kavya.khanda.samvada.alivilasisamlapa.6.43) adhvareṣu paśubījahiṃsanātpratyavāyalavaśaṅkayā 'pyalam veda eva khalu puṇyapāpayorvedakaḥ, sa vidadhāti tān yataḥ ### [6.44](https://indike.org/pramana/in.lit.kavya.khanda.samvada.alivilasisamlapa.6.44) adhvaraprakaraṇasthitā liṅaḥ svārthasaṅgataniṣiddhakarmaṇām bodhayanti hi makhopakāritāṃ, te na puṇyajanakatvabodhakāḥ ### [6.45](https://indike.org/pramana/in.lit.kavya.khanda.samvada.alivilasisamlapa.6.45) vākyabhedabhayata,stathā ca tairryāgasiddhirapi kāmamucyatām syānniṣedhavacanaiśca pātakaṃ hiṃsayeti, yadi kaiściducyate ### [6.46](https://indike.org/pramana/in.lit.kavya.khanda.samvada.alivilasisamlapa.6.46) tanna yukta, makhilāṅgakarmaṇāṃ na pradhānaphalato 'paraṃ phalam dṛśyate kva cana laukike mahāvākya, itthamucitaṃ hi vaidike ### [6.47](https://indike.org/pramana/in.lit.kavya.khanda.samvada.alivilasisamlapa.6.47) laukikā iva hi vaidikām̐ api svārthabodhanakṛtaḥ padoccayāḥ tena puṇyajanakatvabodhanādvādhyate 'ṅgatapāpahetutā ### [6.48](https://indike.org/pramana/in.lit.kavya.khanda.samvada.alivilasisamlapa.6.48) sādhyasādhanatayorviruddhayornaikavastuni kadāpi sambhavaḥ tena sādhanatayā 'nvitā kriyā sādhyatāṃ spṛśati na pradhānagā ### [6.49](https://indike.org/pramana/in.lit.kavya.khanda.samvada.alivilasisamlapa.6.49) āditeyanivaho nipīḍyatāṃ svargato ditisutairvirodhataḥ karmadevagaṇa etayoḥ sama, stena kairapi na pīḍyate vṛthā ### [6.50](https://indike.org/pramana/in.lit.kavya.khanda.samvada.alivilasisamlapa.6.50) duḥkhamiśraṇavināśite diśā proktayetyamupamṛdya hṛdyayā svargalokasukhasarvakāṅkṣyatā leśato 'tiśayavarjamucyate ### [6.51](https://indike.org/pramana/in.lit.kavya.khanda.samvada.alivilasisamlapa.6.51) kāñcanāmbujamakarandasaurabhāsvādatundilamilindaguñjitā nākinā 'mṛtajalā surāpagā kalpapādapavane 'vagāhyate ### [6.52](https://indike.org/pramana/in.lit.kavya.khanda.samvada.alivilasisamlapa.6.52) mauktikaiḥ sikatile 'tha tattaṭe padmarāśaharidaśmavediṣu sāndhivelamupacīyate tapa, śrarcyate ca saha nāradādibhiḥ ### [6.53](https://indike.org/pramana/in.lit.kavya.khanda.samvada.alivilasisamlapa.6.53) kāmagojvalavimānamadhyagenāpsaraḥsarasagītibhiḥ samam gandhavāhamapuyujya śītalaṃ sphāṭikaṃ svasadanaṃ praviśyate ### [6.54](https://indike.org/pramana/in.lit.kavya.khanda.samvada.alivilasisamlapa.6.54) ka̍lpapādapaphalaiḥ sahātra sa prahvayā subhagadevakanyayā svādunā 'mṛtarasena tarpyate, taddhi tena jitamātmakarmabhiḥ ### [6.55](https://indike.org/pramana/in.lit.kavya.khanda.samvada.alivilasisamlapa.6.55) haṃsatūlaśayanāptaviśramaṃ candrikā''tapavibhedavarjite svaprabhe surapure 'ṭatā ''pyate vaijayantamaṇicandraśālikau ### [6.56](https://indike.org/pramana/in.lit.kavya.khanda.samvada.alivilasisamlapa.6.56) adbhutaṃ vibhavamatra paśyatā svopamādhvarisuhṛtsahasrikā labhyate sukhakarī, tatastataścāvaruhya purasaṃpadīkṣyate ### [6.57](https://indike.org/pramana/in.lit.kavya.khanda.samvada.alivilasisamlapa.6.57) ām̐śramaḥ surasarittaṭe kva cit, kāpyahiṃsrapaśupakṣikaṃ vanam kāpi ratnagiriśṛṅgakandarā, vedaśāstravimalāḥ kva citkathāḥ ### [6.58](https://indike.org/pramana/in.lit.kavya.khanda.samvada.alivilasisamlapa.6.58) de̱rvakoṭikuralī kva cit, kva cidvīrapāṇavivaśā marudghaṭāḥ kvāpi hetitatikāntividyuto, 'nyatra vājirathakuñjaratrajāḥ ### [6.59](https://indike.org/pramana/in.lit.kavya.khanda.samvada.alivilasisamlapa.6.59) ratnarāśiraparatra, cānyato vāsasāṃ virajasāṃ cayo 'dbhutaḥ gandhamālyavipaṇiḥ phalaiścitā, godhanaṃ kva cana kāmadhuksukham ### [6.60](https://indike.org/pramana/in.lit.kavya.khanda.samvada.alivilasisamlapa.6.60) sīdhupānabahulaskhalatpadaṃ gītayo 'tha gatayaśca kāminām nāṭyanṛttamaṇidarpaṇālayā, vaiṇikā amaragāyanaiḥ saha ### [6.61](https://indike.org/pramana/in.lit.kavya.khanda.samvada.alivilasisamlapa.6.61) eṣu ceṣṭamupabhujya mandire māninī vibudhavārakāminī kelayo caṭulagirā 'nunīyate, budhyate 'tha pikasārikārutaiḥ ### [6.62](https://indike.org/pramana/in.lit.kavya.khanda.samvada.alivilasisamlapa.6.62) sarvanākisulabhaṃ phalaṃ tvidaṃ, ko vasantaśaradutsavādiṣu kalpate 'khilaviśeṣavarṇane, nākalokavibhavo vaco'tigaḥ ### [6.63](https://indike.org/pramana/in.lit.kavya.khanda.samvada.alivilasisamlapa.6.63) kiñca karmacayacodikā śrutirbhūyasī, hyupaniṣatkanīyasī karmiṇaśca bahavo janāḥ kṣitau, bahvanugrahanayo na sutyajaḥ ### [6.64](https://indike.org/pramana/in.lit.kavya.khanda.samvada.alivilasisamlapa.6.64) ṛtvapekṣitaphalārhacetanaṃ vāstavairatha ca kalpitairguṇaiḥ stauti cedupaniṣat stavītu sā, tāvatā tyajati na kriyānvayam ### [6.65](https://indike.org/pramana/in.lit.kavya.khanda.samvada.alivilasisamlapa.6.65) bhūtavastukathanena kiṃ phalaṃ, śeṣatā 'sya niyatā kriyāvidhau śeṣi karma vihitaṃ niṣevyatāṃ, kiṃ vane viṣayaśūnyacintanaiḥ ### [6.66](https://indike.org/pramana/in.lit.kavya.khanda.samvada.alivilasisamlapa.6.66) ityudīrya virataṃ vilāsinaṃ cañcalaṃ viṣayabhogatṛṣṇayā bhīṣayan praśamayaṃśca sādhvālaḥ pratyuvāca tadabhīṣṭavartmanā ### [6.67](https://indike.org/pramana/in.lit.kavya.khanda.samvada.alivilasisamlapa.6.67) āśayaiva bhṛśamatsi modakā, nīkṣase madhu, bhṛguṃ na saṅkaṭam nāpaṭhīḥ kimakhilāḥ śrutīrguroḥ, kiṃ pralobhayasi māṃ, parīkṣase ### [6.68](https://indike.org/pramana/in.lit.kavya.khanda.samvada.alivilasisamlapa.6.68) yājyayājayitṛdakṣiṇā havirdeśakālagattaśuddhayapekṣiṇaḥ duṣkarā avikalāṅgasampadaḥ kāmyakarmavidhayaḥ śrutīritāḥ ### [6.96](https://indike.org/pramana/in.lit.kavya.khanda.samvada.alivilasisamlapa.6.96) dvitradaṇḍavamukhaṇḍapaṇḍitān saṃghaṭayya yadi ko 'pyadūṣitān yāgamatra vidadhīta, tāvatā syātkathaṃ bahu phalaṃ tvadīritam ### [6.70](https://indike.org/pramana/in.lit.kavya.khanda.samvada.alivilasisamlapa.6.70) agnihotravividheṣṭisomayāgāśvamedhaphalamekarūpatām cedbhaje, tprayatatāṃ prayāsade kaḥ kratau suvihitāgnihotrakaḥ ### [6.71](https://indike.org/pramana/in.lit.kavya.khanda.samvada.alivilasisamlapa.6.71) tāratamyamakhilairupāyagaṃ procyate svaphalatāramyadam anyathā śramadacodanāvṛthābhāva āpatati, neṣyate tu saḥ ### [6.72](https://indike.org/pramana/in.lit.kavya.khanda.samvada.alivilasisamlapa.6.72) svargato laghuni sadmani kṣaṇān kāṃścidāptavasudhādhikapriyaḥ devadūtagaṇapātito mahīmagnihotrakṛdupaityatau dhruvam ### [6.73](https://indike.org/pramana/in.lit.kavya.khanda.samvada.alivilasisamlapa.6.73) somayājina ito 'dhikaṃ sukhaṃ svargarājyamanu vājapeyinaḥ indratā 'pi ca śatāravamedhinaḥ śrūyate svakṛtitāratamyataḥ ### [6.74](https://indike.org/pramana/in.lit.kavya.khanda.samvada.alivilasisamlapa.6.74) anyagāṃ śriyamavekṣya bhūyasīṃ dahyamānamanasāmasūyayā ādhayo hi niyatāstriviṣṭape, kāmyakarma na tadiṣyate budhaiḥ ### [6.75](https://indike.org/pramana/in.lit.kavya.khanda.samvada.alivilasisamlapa.6.75) kalpavṛkṣasuradhenusaṃnidhiṃ prāptavānapi na karmayantritaḥ kāmayeta niyatādhikaṃ sukhaṃ, te 'pi karmavaśagā mitapradāḥ ### [6.76](https://indike.org/pramana/in.lit.kavya.khanda.samvada.alivilasisamlapa.6.76) kāmyakarmaṇi kṛte 'pi tatphalaṃ sadya eva paripacyate kutaḥ duṣkṛte sati purākṛte tadā tatphalaṃ kimiti na prasoṣyate ### [6.77](https://indike.org/pramana/in.lit.kavya.khanda.samvada.alivilasisamlapa.6.77) durbalatvasabalatvanirṇayo durlabho 'tra parameśvarāhate vetti yo 'khilajagadvicitratāṃ karmaśaktimayameva budhyate ### [6.78](https://indike.org/pramana/in.lit.kavya.khanda.samvada.alivilasisamlapa.6.78) pūrvameva parameśvarāstitāṃ pratyapādayamato 'tra na bruve karmamātravaśagasya te dhruvāścitraduḥkhasukhasaṅgatikramaḥ ### [6.79](https://indike.org/pramana/in.lit.kavya.khanda.samvada.alivilasisamlapa.6.79) vīkṣya karmacitalokasaṃkṣayaṃ bhuvya,mutra ca tathaiva tatkṣayam niścinu śrutirapītthamūca ityakṣayitvamupacārabhāṣitam ### [6.80](https://indike.org/pramana/in.lit.kavya.khanda.samvada.alivilasisamlapa.6.80) karmaṇā na na dhanena natmajaiścāmṛtatvamiti vedabhāṣitam somapānajanitā'mṛtatvagīstena kālavipulutvabodhikā ### [6.81](https://indike.org/pramana/in.lit.kavya.khanda.samvada.alivilasisamlapa.6.81) yā niṣedhabalaivattvasādhanā vyāptisaṃbhṛtabaॅlā ca yā śrutiḥ svārthamīṣadapi sā jahāti no gauṇamarthamaparā nayatyataḥ ### [6.82](https://indike.org/pramana/in.lit.kavya.khanda.samvada.alivilasisamlapa.6.82) nityatāśrutibhaṭe parājite bhūriśaḥ pralayabodhinī śrutiḥ tanniṣedhryanumitāvāsiddhatāṃ saṃśayādapi karoti hetugām ### [6.83](https://indike.org/pramana/in.lit.kavya.khanda.samvada.alivilasisamlapa.6.83) durbalāṃ svaphalasiddhimantharāṃ prāk tvayā 'numitimāhatāmataḥ janyatāniyaṃtanāśitā'numā nirbhayā śrutibalāt prabādhate ### [6.84](https://indike.org/pramana/in.lit.kavya.khanda.samvada.alivilasisamlapa.6.84) arthavādavacanāni santu tā,nyevamapyaviditārthabodhanāt mānatā 'sati virodha eṣu, bhūtārthavādamapi yāṃti mānatā ### [6.85](https://indike.org/pramana/in.lit.kavya.khanda.samvada.alivilasisamlapa.6.85) bādhitārthakamamuṣaitvamānatā, kāmamasya guṇavādatā 'stu vā bādhavarjitamabuddhabodhakaṃ cāpramāṇamiti vāliśoktayaḥ ### [6.86](https://indike.org/pramana/in.lit.kavya.khanda.samvada.alivilasisamlapa.6.86) tena sātiśayatāvināśitāpākakālaniyamāsvatantratāḥ jānatā 'pi suralokaśarmaṇaḥ kena kāmyamidametaducyatām ### [6.87](https://indike.org/pramana/in.lit.kavya.khanda.samvada.alivilasisamlapa.6.87) kiṃñca bījapaśuhiṃsayotthitaṃ pātakaṃ bahulamāpatetkratau bādhakatvakathanaṃ tu tadvidhernocitaṃ nipuṇadarśināṃ puraḥ ### [6.88](https://indike.org/pramana/in.lit.kavya.khanda.samvada.alivilasisamlapa.6.88) svargasādhyakavidhau śruto hi liṅ karma sādhanatayā samīpagam procya labdhanijasādhyasādhanastatprakāraviṣayānapekṣate ### [6.89](https://indike.org/pramana/in.lit.kavya.khanda.samvada.alivilasisamlapa.6.89) tatkriyāprakaraṇaśrutā liṅaḥ svargasādhanatayā 'nvitāṃ kriyām sādhyabhāvamupanīya nirvṛtāḥ svargamaśrutamihākṣipanti no ### [6.90](https://indike.org/pramana/in.lit.kavya.khanda.samvada.alivilasisamlapa.6.90) sādhyate svayamasiddharūpiṇā 'sādhitena nahi karmaṇā phalam sādhayetprakaraṇoktahetubhiḥ sādhitā nijaphalaṃ kriyā tu sā ### [6.91](https://indike.org/pramana/in.lit.kavya.khanda.samvada.alivilasisamlapa.6.91) sādhyasādhanatayorviruddhatā naikakālamanapekṣya saṃmatā mṛtprasādhitaghaṭena sādhitā dṛśyate nanu jalāhṛtikriyā ### [6.92](https://indike.org/pramana/in.lit.kavya.khanda.samvada.alivilasisamlapa.6.92) aśrutārthaparikalpanā tato, yāgakāṅkṣitavidhā'samarpaṇam svargamaṅgaphalamicchato bhaved, vākyabheda ubhayānvaye dhruvaḥ ### [6.93](https://indike.org/pramana/in.lit.kavya.khanda.samvada.alivilasisamlapa.6.93) jyāya iṣṭamabhikāṅkṣatārpaṇaṃ, viśvajinnayakathā tu mukhryagā tena yāgamupakurvadapyalaṃ pratyavāyajananāya hiṃsanam ### [6.94](https://indike.org/pramana/in.lit.kavya.khanda.samvada.alivilasisamlapa.6.94) mukhyakarmaphalapākakāliko syādyadā 'ṅgaphalapaktiramriyā kiṃ sukhaṃ vada tadā, krame 'pi sā syātkadācana, vṛthā na tajjaniḥ ### [6.95](https://indike.org/pramana/in.lit.kavya.khanda.samvada.alivilasisamlapa.6.95) pratyavāyaparihāribhirmakhaistadvināśanupayanti no budhāḥ paṅkasaṅgamalinasya kardamairmardanaṃ na tanuśodhanaṃ viduḥ ### [6.96-2](https://indike.org/pramana/in.lit.kavya.khanda.samvada.alivilasisamlapa.6.96-2) kṛcchradānajapatīrthasevayā taṃ vināśayasi cetpuraiva tām ācaran vividhapātakakṣatiṃ lapsyase, bahu sukhaṃ yadicchasi ### [6.97](https://indike.org/pramana/in.lit.kavya.khanda.samvada.alivilasisamlapa.6.97) teṣu sātiśayanāśikāmyatā duḥkhamiśraṇamṛte samā makhaiḥ tāratamyamanuvartate hyamīṣvetadīyaphalagā ca janyatā ### [6.98](https://indike.org/pramana/in.lit.kavya.khanda.samvada.alivilasisamlapa.6.98) brāhmaṇā vividiṣanti cetparaṃ brahma tairbahubhirupāsitaiḥ param yajñadānatapasāmanāśakasyaikarūpyamanumanyate śrutiḥ ### [6.99](https://indike.org/pramana/in.lit.kavya.khanda.samvada.alivilasisamlapa.6.99) nāṅgasamyadakhilā 'tra mṛgyate nityatā'dhikṛtimātracoditaiḥ kāmanaiva sukhaduḥkhasādhanaṃ, jñānameva niyataṃ tayā vinā ### [6.100](https://indike.org/pramana/in.lit.kavya.khanda.samvada.alivilasisamlapa.6.100) granthavistara laghutvamūlikā 'saṃkhyaśākhaghnavedakānane labdhayeva bhavataikadeśinā durlabhā 'numitivījamūlikā ### [6.101](https://indike.org/pramana/in.lit.kavya.khanda.samvada.alivilasisamlapa.6.101) kāmanāttaditaradvayīkṛtaṃ svārthasaṅgatini kāṇḍayugmakaṃ āgrahādaviduṣocyate vṛthā bādhyabādhakakathā 'virodhataḥ ### [6.103](https://indike.org/pramana/in.lit.kavya.khanda.samvada.alivilasisamlapa.6.103) ṛtvapekṣitaphalārthibodhanaṃ nirviśeṣavacasāmasambhāvi syācca te prakaraṇāntaraṃ vṛthā, nāsti kiṃ prakaraṇe nije 'pi liṅ tatra kaṃ cana viśeṣamāśrayat kartṛgaṃ puruṣacodanāparam karmakāṇḍamatha cā 'pyupāsanākāṇḍamityupagataṃ śrutidvayam ### [6.104](https://indike.org/pramana/in.lit.kavya.khanda.samvada.alivilasisamlapa.6.104) yā tu bodhayāti saṃsṛtibhramādhāramātraparamārthamadvayam ātmatattva,matha na pravartayedguhyamityupaniṣanmatā hi sā ### [6.105](https://indike.org/pramana/in.lit.kavya.khanda.samvada.alivilasisamlapa.6.105) anyamānaśatabādhiko 'pi sā prāgabuddhaparamātmabodhanāt mānameva, natu mānatātanau tāvadeva bahu, na pravartanā ### [6.106](https://indike.org/pramana/in.lit.kavya.khanda.samvada.alivilasisamlapa.6.106) astu vastu tava yanna saṃstutaṃ, prastutaṃ śṛṇu vacastu nistulam niḥspṛho yajasi cedyajeśvaraprītaye, na makhavidviṣo vayam ### [6.107](https://indike.org/pramana/in.lit.kavya.khanda.samvada.alivilasisamlapa.6.107) darśitāstava tu kāmyakarmaṇāṃ duṣkaratvaphalaphalgutādayaḥ hetavaḥ śamavatāmupekṣage, tāvataiva vayamarthino 'dhunā ### [6.108](https://indike.org/pramana/in.lit.kavya.khanda.samvada.alivilasisamlapa.6.108) kāmyavarjamaniṣiddhamācaran tatphalaṃ vidadhadīśvarāpitam santatotthitaviraktisaṃskṛtirjāyate śamikuleṣvasaktadhīḥ ### [6.109](https://indike.org/pramana/in.lit.kavya.khanda.samvada.alivilasisamlapa.6.109) tatra ca śravaṇamāpya sadguroḥ śāstradṛṣṭamananojjhitabhramaḥ dhyānayogavalataḥ parātmanaḥ svātmanaikyamaparokṣamīkṣate ### [6.110](https://indike.org/pramana/in.lit.kavya.khanda.samvada.alivilasisamlapa.6.110) tāvataiva kṛtakṛtyatāṃ gato bādhitākhilajagadbhramaḥ śamī mukta eva hi vimucyate, jagadbhrāntināśajanirātmadarśanāt ### [6.111](https://indike.org/pramana/in.lit.kavya.khanda.samvada.alivilasisamlapa.6.111) janyabhāvaniyatā vināśitā na spṛśatyubhabhāvamityayam nā'dhruvo 'dhikaraṇasvarūpatā dvaitamasya na kadāpi mṛṣyate ### [6.112](https://indike.org/pramana/in.lit.kavya.khanda.samvada.alivilasisamlapa.6.112) kāmyate bhramalayo mumukṣubhistena muktirapi bhāti kāmyavat ātmatattvagatanirviśeṣatā bādhate 'sya khalu karmaśeṣatām ### [6.113](https://indike.org/pramana/in.lit.kavya.khanda.samvada.alivilasisamlapa.6.113) adya yāhya, vasare savistaraṃ sarvametadupapādayiṣyate yuktidūṣitavilāsilāpalenālineti gadatā vyaramyata ### [6.114](https://indike.org/pramana/in.lit.kavya.khanda.samvada.alivilasisamlapa.6.114) saṃlāpe 'livilāsinoḥ pracalati prāyeṇa śāstrīyavāgāṭopairjaṭile 'pi ramyakavitasāraprasāḍhojjvale mādhyasthādubhayorvacāṃsi nuvatāmadhyeṣuṣāṃ maṇḍapaṃ sabhyānāmalimātragā natitatistene vilāsihriyam ### [6.115](https://indike.org/pramana/in.lit.kavya.khanda.samvada.alivilasisamlapa.6.115) daivātasaṃghaṭite śucidvijagaṇe vittaiśca śiṣyārpitaiḥ sambhārai sakale kramādupannate kartavyabuddhyā 'spṛhaḥ rakṣannadhvarasampradāyamayajaṃ nārāyaṇaṃ prīṇayan itthaṃ dīkṣitavāgvilāsrayupaśame cakre 'lisāhāyakam ### [6.115.p1](https://indike.org/pramana/in.lit.kavya.khanda.samvada.alivilasisamlapa.6.115.p1) ityalivilāsisaṃlāpe khaṇḍakāvye ṣaṣṭhaṃ śatakam --- Source: [https://indike.org/pramana/in.lit.kavya.khanda.samvada.alivilasisamlapa.6](https://indike.org/pramana/in.lit.kavya.khanda.samvada.alivilasisamlapa.6) · Pramāṇa