Alivilasisamlapa 7

Alivilāsisaṃlāpa 7

Language: Sanskrit

7.110 — 1 part

7.1

sūkṣmaṃ paśyata saptame 'tra śatake tannāgamasttārtagīvedānteṣu vidhīnupāstiviṣaye bhūtārthavādapramām
yukti mukkimathānanaiyā ca triguṇabrahmapramā'saṃbhavaṃ
yuktyā caitadapākriyāṃmatha hitaṃ kṛtyaṃ ca mokṣārthinaḥ

7.1-2

alivilāsisaṃlāpe
saptamaṃ śatakam
śaradabhravibhramakaraprabhājharoditapuṇḍarīkasumarājahaṃsikā
pratibhātu me kavikulairūpāsitā sakalārthadarśanakarī sarasvatī

7.3

atha dīrghakālasatatādarānvitābhyupadeśavāgvijahitarṣadūṣaṇaḥ
bhramitī vilāsyayamanādyavidyayā na śaśāka hātumakhilaiṣaṇā''graham
alinā 'vadhīritamatirvihāya so 'dhvaramaṇḍapaṃ vijanametya kānanam
svahitaṃ samīhitamavāptumutsuko manasaiva tatra suciraṃ vyacīcarat

7.4

nanu kāmanā samanasā na sutyajā, manaso laye sati sukhaṃ kutastarām
aparokṣadhīrapi tadekasādhanā, tadasaccaraktahitasādhanaṃ manaḥ

7.5

na tu kāmanāṃ samanumanyate guru,rna ca śiṣyayajvasadasā 'pi sevyate
śrutirapyakāmahatamāha sarvato 'dhikasaukhya,metadupapadyate katham

7.6

bhavatu svayaṃ na sukaro 'sya nirṇayo, gururatra me śaraṇamityupetya saḥ
praṇipatya satyavasare 'limadya kiṃ mama kṛtyamityucitamityavocat

7.7

ayi sadguro ṛtuvidhiḥ suduṣkaro bahusādhano 'ghacayasaṅgasaṅkaṭaḥ
laghutāratamyayutanāśisaukhyakṛdbhavatā nyarūpi, tadupekṣyate mayā

7.8

yadi dānamuktaguṇapātrasampadaṃ niyamaṃ dhanārjanagamapyapekṣate
śubhadāmapīḍanakarīṃ tathā ''yatiṃ sudurācaraṃ tadapi manyate mayā

7.9

tanupīḍanaṃ triṣavaṇāghamarṣaṇairvirasāśanairanaśanaiśca duḥsaham
tapasīti kṛcchramukhapuṇyakarmaṇi kṣamate na mādṛśajanaḥ sudurbalaḥ

7.10

bhavadāśrayeṇa śucitīrthasevanaṃ bahudhā ''pi, nāsmi ca pureva nāstikaḥ
śrutivāci viśvāsimi,bhogatṛṣṇayā tadapi hiye,bhuvi tathā| vinā 'sti kaḥ

7.14

vasudhāsudhāśanapurā''pyasaukhyayorviṃrasena tadvayavināśabhīruṇā
dhruvasaukhyadeśvarasalokatāspṛhā na hi sutyajā, kimu sarūpatāspṛhā
tadupāyatāṃ bahuvidhāṃgamāṃditāḥ śrutisaṃmatāḥ smṛtipurāṇadarśitāḥ
dadhati svamātrasukarā upāsanā, na ca tāsvaśuddhikaṇikā 'pi lakṣyate
śrutivaccayā smṛtirapi pramāṇamityupagamyate tadavirodhadarśane
munibhāṣitaṃ nahi vṛthā 'pramāṇatāṃ sahate, yathārthamatayo hi te matāḥ
smṛtivatpurāṇavacasāṃ parāśarātmajabhāṣitatvavibhavena mānatā
bhavateṣyate yadi tadeśvaroditā''gamarāntarāśiravamanyate kutaḥ

7.18

iyati pramāṇagaṇapūrṇavāridhāvupalabdhavaidikaniṣedhagarhitam
paravaśyamāraṇavimohanādikaṃ na mayā 'dya kiñcana vidhitsyate guro
na niṣiddhadarśanabalāt kva cittathā 'parabhāgamānavimatirbudhocitā
iyameva sā yatipadaprasārikā smṛtiṣu prasaṅgyati tathā sati dhruvam
vidhayaḥ śrutismṛtipurāṇagocarā atha pañcarātramukhapāgamaṃ śritāḥ
śivabhāṣitāgaṇitatantrasaṃgatā vilasantyupāsyuditamuktiyodhakāḥ
atha tattadaṅgavividhārthavādagīravavāṃdhitā hariharādibhūmayaḥ
atuleṣṭāḥ kramikamuktihetavaḥ sulabhāḥ sakāmavihitairupāsanaiḥ

7.19

vacasāmidaṃprathamabodhahetutā paramaṃ nidānamiha mānatāṃ prati
na tu puṃpravartanaphalopalambhayorāpi bījateti bhavatoditaṃ purā

7.20

anuvādavāgbhavatu piṣṭapeṣaṇaṃ, guṇavādatāṃ śrayatu bādhitārthagīḥ
aviruddhabuddhaparalokabodhakaṃ kathamapramāṇamayi bhūtabhāṣitam

7.21

api ca prajāpatisalokatāṃ gatānadhikṛtya tadvividhasiddhiśaṃsinī
druhiṇopadiṣṭaparamātmadarśanādapavargamāha layaṃ āgate śrutiḥ

7.22

ata īśvarāḥ svavaśagāṣṭasiddhayastrijagajjanisthitilayakṣamāśritam
dadhatāmupāstividhikarmatā,mamī paripūrayeyurakhilānma̍norathān

7.23

śatakoṭikalpatadupāsanāvalāddalitāgharāśigiribhiḥ samāhitaiḥ
śatakoṭikalpasukhabhogataḥ paraṃ sulabhaiva mokṣapadavī davīyasī

7.24

surasadmanirmitijarattaduddhṛtimacuropacārasatatārcanotsavāḥ
yadi vikṣipanti hṛdayaṃ, dhanītarairasahāyakairasukarāśca tairalam

7.25

sthiramāsanaṃ surasarittaṭe sukhaṃ viracayya ruddhatanugānilakriyaḥ
nijarucyadaivataviśeṣavigrahe vidadhātu mādṛgapi cittasaṃyamam

7.26

acirādanugrahapare svadaivate varade tadīyapadamāpya nirbhayaḥ
vihariṣyate, pralayakāla āgate sa vimokṣyate tadupadeśamātrataḥ

7.28

nijabhaktasarvavidhavighnabhakṣaṇādiva tundilaḥ surasabhāgrapūjitaḥ
'sṛṇipāśamodakavarollasatkaro 'niśamāvirastu hṛdaye gajānanaḥ
jagadekacakṣuṣi samastavedavāṅmayavigrahe praṇatarogavairiṇi
svakarārpitāmṛtarasaudhitauṣadhau dinanāyake bhavatu me namaskriyā

7.30

aruṇā nateṣu karuṇā''rdravīkṣaṇā taruṇāmbujātacaraṇā guṇāmbudhiḥ
śaraṇāthirakṣaṇavicakṣaṇā kṣaṇāt pratibhātu me tripurasundarī hṛdi
rajatādrituṅgatamaśṛṅgasaṅgate vṛṣapuṅgave sthitamumāṅgapiṅgalam
lasitottamāṅgamurubhaṅgagaṅgayā bhajatāmanaṅgaripumāśu maṅgalam

7.33

kamalālayāmṛdulapāṇipallavātuladolitavyajanaśītalā'nilaiḥ
upalālito vimaladugdhavāridhau hṛdi kuṇḍalīndraśayano 'nucintyatām
dalitāddhiraṇyarakaśipūrasasrutāmiva tāṃ samandahasitāṃ jaganmatām
dayitāṃ vahan hṛdi payonidheḥ sutāṃ tanutāṃ śubhāni narakesarī satām
nakharāgrasaṃhṛtaviriñcimastako racitatrilokalayacaṇḍatāṇḍavaḥ
madaghūrṇitākṣiyugayoginīgaṇaiḥ pariveṣṭito jayati kālabhairavaḥ

7.36

śaradāhitāryaśubhakārivaibhavaḥ parituṣṭasarvajanakāntikāmalaḥ
satataścabhūmijainilakṣmaṇānvito hṛdi rāmacandra upasevyatāṃ sadā
avanīdurāparucimattarādhikāśayalālyamānakarapallavojjvalaḥ
khalamodakārinagarājijitvaro hṛdi kṛṣṇakalpaviṭapī vicintyatām
sarucimatpravṛttanaṭanāgarorcitā svadṛśomayām̐ praṇayamāpya nirvṛtā
hṛdaye 'tivelaśucirbhāvanāmiyā samupāsyatāṃ hariharādvayītanuḥ

7.37

nijabhaktapālanamanāvadātabhāṃ gaditā trayīśirasi bhītilāṃvyalam
śubhakṛnniṣevitapradodayārthibhaiḥ praṇayādumārdhatanurāvirastu naḥ

7.39

anayā diśā ''gamapurāṇavodhitārnavalambya daivatāviśeṣavigrahān
ciracintanādbhavati bhogamokṣayorbhruvamāptirityaguṇacintanairalam
atha cettava śrutiśiro'vavodhita paramādaraḥ saguṇavastucintane
kuru tatprakāmamayi sarvakāmadaṃ, kramamuktiriṣyata ihāpi vaidikaiḥ

7.43

tadupāsakasya maraṇottaraṃ surālayagasya sarvavidhakāmalābhavaḥ
parato 'mṛtatvaphalavodhikīṃ śrutiṃ paṭha bahvṛcopaniṣadaitareyamām
paramaṃ guhānihitamantavajitaṃ kṣitisatyarūpamiti veda yo naraḥ
amunā 'śnute saha sa sarvakāmanā iti taittirīyevacanaṃ vicāryatām
smaranāmavāgvalamaneo'nnatejasāṃ paramātmadṛṣṭiriti yā upāsanāḥ
nijagocarārthagatakāmacāradāḥ smara sāmagopaniṣadi śrutā na kim
atha muṇḍake 'pi paṭhitā atharvaṇepsitakāmalokasakalāptibodhikāḥ
gira ityupekṣya sakailaśrutīritaṃ vada nirviśeṣaciti kustavāgrahaḥ

7.44

api caikakalpamitakālamātrato niyamādupāsakatanuna naśyati
nanu saptakalpakṛtajīvanaḥśivārcanataḥprasiddhyati mṛkaṇḍunandanaḥ

7.45

pralaye samaiva kila baddhamuktayostanumānasendriyaviyogataḥ sthitiḥ
labhate 'dhikaṃ sukhamupāsako bhave tadupāstimārgasamupekṣaṇaṃ kutaḥ

7.47

bhavatāṃ mate śamadamādisaṃskriyā labhate 'nyarjanamasu yathā 'nuvartanam
anuvartate na kimupāstisaṃskriyottarajanmanīti na bhayaṃ tataścyuteḥ
ata eva nāradamukhā maharṣayaḥ prathitā videhaparamuktyapekṣayā
avagatya bhaktimadhikeṣṭasādhinīṃ parameśvaraikabhajane kṛtādarāḥ

7.48

labhate ca jaiminiparāśarātmajoditadarśanadvitayamekavākyatām
samaye mamaiva tadupastiṃrmatāmurarīkuru tvamaviśaṅkamātmanaḥ

7.49

saviśeṣameva padājòmupasthitiṃ pramitiśca vākyajanitāṃ vagāhate
kathamevamaupaniṣadatvamātmanastava nirviśeṣapadamātrabhāṣiṇaḥ

7.50

bhavatā 'pi tattvamasivākyajapramāprathamakṣaṇe na khalu muktiriṣyate
nahi śābdamindriyajavibhramaṃ haredaparokṣadhīḥ para mapohate bhramam

7.52

aparokṣasādhanamupāsanaṃ tvayā 'pyupagamyate, paramiyaṃ bhidā ''vayoḥ
mama bhuktimuktiyugalaṃ karāsthitaṃ, tava muktireva, cirakālikī ca sā
iti darśitonaṇuguṇāmupāsanāmahamāśraye saguṇavastugocarām
iha dūṣaṇaṃ kimapi nekṣyate mayetyabhidhāya joṣamabhavadvilāsryasau

7.54

atha taṃ tathā śramaśaṃte 'pyanuṣṭhite kavalīkṛtaṃ viṣayabhogatṛṣṇayā
muhurutpathaṃ jigamiṣuṃ vilāsinaṃ paricintayan sa cikhidetarāmaliḥ
avilokayan viṣayadoṣadarśanādaparāṃ gatiṃ bhavasukhādviraktaye
parisāntvayannatha virañjayaṃśca taṃ punarāha tatra karuṇāṃ vahannaliḥ

7.65

ayi sādhu paśyati bhavānupāsanā sukhamuktaye kramikamuktaye pya 'lam
iti, kintu bhogaparatā piśācikācalacetasā na puruṣeṇa sā ''pyate
na nisargajāḥ kṣaṇikacittavṛttayo vividhārthagāḥ samupayāntyupāstitām
bhavatastathā 'bhyupagame vinā śramaṃ sulabhā bhaveyurakhilā upāsanāḥ
na viruddhavṛttilavaiṃgarbhayā ''pyate samupāstitā 'bhimatavṛttidhārayā
sulabhā hi sā mahati kālasāgare sakalena kiñcana muhurvijānatā
labhatāmanādisukharāgavātyayā kṛtavānaraplam̐ti sadā manaḥ katham
kva cidekavastuni ciraikatānatā'paranāmikāmabhimatāmupāsanām
laghu kiṃcidiṣṭamabhilaṣya mānasaṃ parameśvare tricaturān kṣaṇān haṭhāt
yadi rotsyate, niyatamāpsyasi priyaṃ svaguṇānurūpamiti nātra saṃśayaḥ
yadi tāvataiva kṛtakṛtyatāṃ vidannanurañjayiṣyasi sukhe laghunyapi |'
svamana, stadā cyuta upāstitaḥ kuto 'dhikāriṣyase'dhikasukhāsu bhūmiṣu
dinamāsavarṣapuruṣāyuṣāhṛtāḥ phalatāratamyajanikā upāsanāḥ | -
nanu vikṣipanti puruṣaṃ svajanmabhirvividhaiḥ phalairviṣayarāgadūṣitam
kṣaṇikāṅganāratimukhe salokatāśatakalpalabdhyadhike 'khile'sukhe
sadṛśī kṣayātiśayite vibhāvayanna mumukṣurācarati kāmyamupāsanām
yadi cittaśuddhyacalataikasiddhaye pravidhāsyāsi prathamabhūmikādhiyā
kva cidapyupāstimiyamasmadīpsitā na nivāryate saralamodhapaddhatiḥ ||'
ne salokatāmaparamuktiśabditāṃ na samīpatāṃ na ca sarūpatāmapi |'
yadi lipsase paraviraktireva sā prathitā 'pavargasukhanityacitsakhī
na bhavatyasau viṣayadoṣadarśanaṃ pravihāya, kāmahatakaistu tadguṇān
anusaṃdadhadvividhabhogasaktadhīrlabhate dhruvaṃ maraṇajanmasaṃtātim

7.66

avanīsthasarvavidhavastunāśitā bhavataiva pūrvamasakṛtprakāśitā
avadhīritā tadupamānataḥ śatādhvaralabdhyadivyaviṣaye durāśatā

7.67

dvividhe 'pi tatra bhavataiva janyatā gaditā kṣaye niyamataḥ prayojikā
kimupāsanā 'pi nahi karma, tadbhavaṃ sukhamakṣayaṃ bhavati kena tadvada

7.68

bahukālasādhitaśivādyupāstayo rajatācalādisukhabhogabhūmiṣu
viharantu kalpaśatamanya, nantaraṃ bhavasaṅkaṭe nipātetāra eva te

7.73

api cātra cintaya sukhopabhojināṃ kṣaṇavatprayāti samayo mahānapi
atidīrghatāṃ vrajati duḥkhināṃ ghaṭīlyalamīśalokasukhabhogatṛṣṇayā
laghukāladīrghasamayerupāsanaiḥ kathamekarūpaphalalābhasambhavaḥ
yadi tāratamyamapi vakṣya, sūyayā bahulodhayaḥ śivapure 'pyupāsakāḥ
saśarīrakaṃ na jahitaḥ priyāpriye iti vedavāgbhiridameva kīrtyate
spṛśato 'śarīramatha te kadā 'pi netyupapadyate kathitatathyayuktibhiḥ
na ca vartamānatanupātamātrato 'viditātmakena sulabhā 'śarīratā
aparāṃ tanuṃ śrayati karmanirmitāmatha paurvikīṃ tyajati rāgavān yataḥ
śrutisaṃmatāṃ tṛṇajalāyukopamāśrayaṇāddṛśeyamaviraktacetasaḥ
viduṣastvaśeṣaviṣayapravādhanānna janirna mṛtyurapi na priyāpriye

7.76

api cādvayātmani guṇādikalpanā bhrama eva, tattatirupāsanā tava
paripoṣayet paramanādivibhramaṃ, na tu nāśaye,nna hi virodha etayoḥ
na hiraṇyagarbhapadagāmyapīdṛśo bhavasaktadhīrbhagavatopadiśyate
viphalaḥ kilānadhikṛtopadeśaityupagamyate, na bhagavāṃśca bāliśaḥ
śravaṇādhikāriṇi parā viraktatā 'tha mumukṣuteti niyataṃ viśeṣaṇam
dvayahīnadharmavaṇijastu saṃsṛtiḥ sukṛtānurūpasukhapṛṣṭhabhāvinī

7.84

abhisandhiśūnyamapi dharmyamācaran jagataḥ pravṛttyapariśuddhaye śamī
yadi kāyamātravibhavoḥbubhutsate, sa vibudhyate ta,dupadiśyate ca saḥ
vidhilokasaukhyasatatānurañjitākhilavṛttisaṃskriyatayā bhuvaṃ gataḥ
adhikaṃ pradhāvati sukhāya saktadhī,ratha duṣkṛtaṃ vidadhadeti durgatim
tanupālanādhikaviraktisaṃskriyāsatatānuvṛttyaparipūtacetasaḥ
avanīsthitasya vidhilokagasya vā sadṛśī rahastadupadeśayogyatā
saguṇasya sambhavati nāpyupāsanā, parameśvaro 'khilaguṇaikavāridhiḥ
katamairguṇairvada vicintyatāṃ na kaiḥ, sakalāṃstu vetti na hi ko 'pi tadguṇān
nijarucyapañcaṣaguṇairupāsane, 'pyacalansthite guṇagaṇe pradhāvataḥ
manasaḥ sthiratvamupapadyate kathaṃ, samupāsanā hi tadananyavṛttatā

7.85

ata eva kutra cana vigrahe lasadvividhāyudhe bahukarākṣikaibhave
ciradhāraṇā ''gamapurāṇasaṃmṛtā vahiraṅgatāṃ vahati gauṇyupāsanā
sthitakalpitaikaguṇadharmigocarā viṣayadvayaplutivaśena gauṇyapi
vipatho'lpatā''śrayaṇato 'ntaraṅgatāṃ samupāsanā bhajati vedamūrttagā
bhramabādhatadviṣayamāśrayaṃ vinā 'nupapadyamānamanucintya niścite
acalā manaḥsthitirakhaṇḍasākṣiṇi śrayati pradhānapadavīmupāsanā
anayā cirācaritayā 'parokṣadhīḥ paramātmano bhavati, yatprabhāvataḥ
laya āpyate drutataraṃ sakāryayā bhavahetubhāvadṛḍhanādyavidyayā

7.87

aparokṣavṛttikilayastu jāyate svayameva kāraṇavināśato 'pi vā
atha sākṣimātramavaśiṣyate dhruvaṃ sukhacitsvarūpa, mapavarga eṣa naḥ
aniśamya tattvamasivākyamanyato na jahāti bhāgayugalaṃ viśeṣaṇam
padavācyadharmiyugale 'dhikāryapī,tyupapannamaupaniṣadatvamātmanaḥ

7.98

aparokṣavṛttihatakatmakartṛtāmukhamāyikākhilaviśeṣaṇasya kā
adhikāritā vidhiṣu śeṣatā 'pi ve,tyupagamyatāmaparatantra eka saḥ
ata eva jaimininayāgatārthatā nanu bādarāyaṇamunīṣṭadarśane
avabodhya karmasu niyuṅkta ādimaḥ phalamatra vedanamavocadantimaḥ
tanumātrapālana mathātmacintanaṃ dvayameva kāryamapavargamicchatām
viṣayopabhogajasukhārthināṃ punaḥ śramadakriyāsvagaṇitā niyantraṇāḥ
saviśeṣacintanakṛtāṃ phalārthināṃ prakṛte dvayaṃ sadṛśameva yadyapi
phalabhogakālikatanuśramo 'dhiko, manaso'pyupāstisamaye mahān bharaiḥ
svaphalonmukhaprakṛtakarmacālitāṃ tanumaindrajālikavibhāvitāmiva
aparokṣayan bhṛśamimāmupekṣate mamatā'tyayānmuniravidyayojjhitaḥ
kriyamāṇasañcitaśubhāśubhakriyāsvapavādhitāsu nijahetubādhanāt
'acireṇa tattanucaye sa citsukhadhruvatattvaśeṣa iti mukta ucyate
pratibandhakapracurabhāvato yadi svaśarīrapātasamayāvadhi bhramaḥ
na nivartate, 'pi tu viraktyupāsane sudṛḍhe, dṛḍhā bhavati tajjasaṃskriyā
sa tayā bhavāntaragato 'pi niḥspṛhaḥ svapurākṛtāṃ punarupāstimācaran
kramaśo 'parokṣayati taddbhrave kva ci, nnirayaṃ na yāti, na ca naiva mucyate
yadi madhya eva viṣayān niṣevate, cyavate sa durgamavimuktipaddhateḥ
atha niḥspṛho 'pi vijahātyupāsanāṃ, sa vilambate 'nubhavituṃ na yātyadhaḥ
kathito 'pavargadṛḍhadurganirjayakrama eṣa eva, na viraktimantarā
amṛtatvalābha iti saṃsmaran śrutiṃ viṣayānvihāya viṣavadvimokṣyase
cirabhāvanāviditaveditavyatākṛtakṛtyanāradamukhādhikāriṇām
jagatāṃ hitāya parameśvarājñayā caratāmudāhṛtirihāprayojikā

7.101

viṣayotthitaṃ sukhamupāsyupakrame manasā 'rthayan tadupalambhamātrataḥ
prasajannupāstimavadhīrya duṣkṛtairacirādvinaśyati hi rāvaṇādivat
manasaḥ svabhāvacapalasya sundarairviṣayairhṛtasya pariṇāmanīrasaiḥ
na hi nigraho viṣayadoṣadarśanājjannitāṃ viraktimapahāya śakyate
avināśitā viṣayadehacetasāṃ na hiraṇyagarbhabhuvane 'pi yujyate
kuta eva tajjanitasaukhyasaṃtataṃ, jagadeva māyikatayā vinaśvaram

7.102

vinayādupaitya tava pṛcchato raho mama kṛtyamatyujjhitamadya kiṃ nviti
upapattibhirviṣayadoṣadarśanaṃ prathamaṃ vidheyamiti me saduttaram

7.107

amunā vineṣṭajanaviprayogajā budharājasaṃsadavamānajā 'pi vā
kṣaṇikī viraktisikatā 'pavāhyate cirasambhṛtodbhavarāgavātyayā
svatassaṃhitaṃ vidhivaśādupāragataṃ sukṛtāviruddhamaparityajan sukham
adhikeṣvagṛdhdhnuratha kiṃ cidekakaṃ bahirindriyaṃ svaviṣayādviyojaya
iyatā mano yadi na khidyate, tadā 'para indriye 'pi kṛtatādṛśodyamaḥ
svavaśeṃṣu teṣvapagatasmayo 'spṛhaḥ kuru sarvakarmajaphaleśvarārpaṇam
vidhayā 'nayoparataśāntamānaso bhayarāgaropamadamānadūragaḥ
manasaḥ sthitau kva cana devavigrahaṃ, saguṇe 'tha yatnamativelamāśraya
atha labdhabhūmikatayā 'dhikāravānupadiṣṭatattvamasivākyajapramām
vijahatpadārthagaviśeṣaṇadvayīmupapattibhirhṛdi cirāya dhāraya

7.110

gaditapramā'bhyasanajāparokṣadhīvalaluptajīvaparamātmabhedadhīḥ
bhavitāsyakhaṇḍaparanityacitsukhe prakaṭe 'bhayāmṛtapadamatiṣṭhitaḥ
iti guhyamapyanugatāya pṛcchate bhavate mayopaniṣadāṃ mataṃ hitam
kathitaṃ vicāraya, ciraṃ vrajādhunā, tyaja matsamādhisukhabhaṅgahetutām
sapamuddiśya vilāsinamityalirviramati sma samādhikṛtādaraḥ
atha kaṇāśanagautamadarśanoditapathena vivaktumiyerṣaṃ saḥ

7.110.p1

ityalivilāsisaṃlāpe khaṇḍakāvye saptamaṃ śatakam

Alivilasisamlapa 7

Contents