[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Poetry (mahākāvya, lyric, messenger poems, stotra, Prakrit kāvya)](https://indike.org/pramana/in.lit.kavya) › [Shorter narrative and descriptive poems](https://indike.org/pramana/in.lit.kavya.khanda) › [Dialogue and debate poems](https://indike.org/pramana/in.lit.kavya.khanda.samvada) › [Alivilasisamlapa](https://indike.org/pramana/in.lit.kavya.khanda.samvada.alivilasisamlapa) › 8 # Alivilasisamlapa 8 Alivilāsisaṃlāpa 8 - **Language:** Sanskrit ### [8.1](https://indike.org/pramana/in.lit.kavya.khanda.samvada.alivilasisamlapa.8.1) aṣṭameśatakaviṣayānukramaṇikā viṣayadoṣakathā 'tha ca gautamā'bhimatasṛṣṭyapavarganirūpaṇam upaniṣanmatatarkabalācca tannirasanaṃ gaditaṃ śatake 'ṣṭame ### [8.1-2](https://indike.org/pramana/in.lit.kavya.khanda.samvada.alivilasisamlapa.8.1-2) alivilāsisaṃlāpe . aṣṭamaṃ śatakam muktābhūṣāṃ bhārabhāvaṃ nayantī bhāsvaddehodbhūtaśubhraprabhābhiḥ bhūyādbhūyo bhāvitā bhaktasaṅgaiḥ sacchāstrārthasphūrtaye bhāratī naḥ ### [8.2](https://indike.org/pramana/in.lit.kavya.khanda.samvada.alivilasisamlapa.8.2) ākarṇyālervācamitthaṃ vilāsī bhūyo gatvopavhare gavhare saḥ prāleyādreḥ svardhunīdhautamūle vyabhrākṣīttāṃ svasthacetāścirāya ### [8.4](https://indike.org/pramana/in.lit.kavya.khanda.samvada.alivilasisamlapa.8.4) addhā ''cāryaḥ prāha hitvā viraktiṃ bhūlokādibrahmalokāntasaukhye mokṣopāyo neti,sā ''dau prasādhyā, sā syādbhogairkiṃ nu taddoṣadṛṣṭyā ādye pakṣe sarvabhogaḥ kva labhyo, rocante 'mī sarvaevendriyārthāḥ ceto vīkṣyānyonyavaicitryameṣāṃ saundaryaṃ cāpekṣate tānaśeṣān ### [8.5](https://indike.org/pramana/in.lit.kavya.khanda.samvada.alivilasisamlapa.8.5) ramye sthāne vāhane 'thānnapāne satyapyāsastrīdhane yauvane ca cittaṃ vāñchatyamyadanyatsadaivetyapracchannaṃ śāntiśūnyāśayānām ### [8.8](https://indike.org/pramana/in.lit.kavya.khanda.samvada.alivilasisamlapa.8.8) niḥśeṣāṇāmarjanaṃ rakṣaṇaṃ vā bhogo vā syāt kiṃ śatenāpi kalpaiḥ navyā navyāste, manaścātitṛṣṇak tāmyatyekasyāpyalābhe svabhāvāt nāmī nityā, nāpi cānyairakāmyā, stasmādvairārātijaitatpraṇāśe svasyāśaktau prātilomye 'pyamīṣāṃ madhye madhye duḥkhabhogo 'pi bhūyāna citraṃ cānyatsvopayuktādhikeṣvapyartheṣvātmādhīnabhāvaṃ bhajatsu anyaṃ dṛṣṭvā svādhikaṃ svopamaṃ vā citte vyarthaṃ dīpyate matsarāgniḥ ### [8.9](https://indike.org/pramana/in.lit.kavya.khanda.samvada.alivilasisamlapa.8.9) tena pluṣṭā rājñi karṇejapatvaṃ kṛtyotkocairdurjanotthāpanaṃ vā viśvastāyāthopakartre 'pyakasmād druhyantyasmai sasmayā vismṛteśāḥ ### [8.10](https://indike.org/pramana/in.lit.kavya.khanda.samvada.alivilasisamlapa.8.10) nīcāḥ ke citkāñcanaṃ prāpya kiṃ cid durvidyāṃ vā parvatākharvagarvāḥ pūjārheṣvapyakṣiṇī mīlayantaḥ sarvopāyaiḥ svaprakarṣe yatante ### [8.11](https://indike.org/pramana/in.lit.kavya.khanda.samvada.alivilasisamlapa.8.11) adyaśvīnaprauyaṇā apyagaṇyātkārpaṇyenānye nijāyatavittāt dātuṃ bhoktuṃ kākiṇīmapyaśaktā nūnaṃ nitye dehavitte vidanti ### [8.14](https://indike.org/pramana/in.lit.kavya.khanda.samvada.alivilasisamlapa.8.14) dhigdhika tasmādbhogabhogyopabhoktṛn' satsaṃparkā'narhadurgatyudarkān ātanvānā ye budhānapyabhīkān śayyotthāyaṃ dhāvayante kṛtāntam ātpādityaṃ rāgarāhūparāgacchannaṃ dṛṣṭvā klṛptadoṣā̍vatāram śiṣṭāḥ svāntaḥ kilviṣaṃ śaṅkamānāḥ śuddhayai dānānyācarantīti yuktam īrṣyāmānakrodhadambhapramādān doṣānaiko rāga eva prasūte tasmāddeāṣārabdhabādhā'nutaptaiḥ sarvopāyai rāga unmūlanīyaḥ ### [8.15](https://indike.org/pramana/in.lit.kavya.khanda.samvada.alivilasisamlapa.8.15) nāyaṃ kāyaḥ pathyavaidyopacārānekāntenābhyasyatā 'pyāyuṣo'nte trātuṃ śakyastāvadannāñjaliścettrāṇe śakto 'syā, tra yukto na rāgaḥ ### [8.16](https://indike.org/pramana/in.lit.kavya.khanda.samvada.alivilasisamlapa.8.16) bhūpāvastraprītidāyaina vittaṃ sotprāsabhrūvāgvilāsaiśca cittam kṛtvā ''yattaṃ vañcayantyāṃ pramattaṃ mūrkho nāryāṃ sajjate nirnimittam ### [8.17](https://indike.org/pramana/in.lit.kavya.khanda.samvada.alivilasisamlapa.8.17) yatsamparkād vañcakācāryaduṣṭakṣoṇīpairkāgārikebhyaḥ sadā bhīḥ vikṣepaśca pratyavekṣāsu bhūyān nityaṃ bādhāsādhanaṃ taddhanaṃ dhik ### [8.18](https://indike.org/pramana/in.lit.kavya.khanda.samvada.alivilasisamlapa.8.18) mithyāstutyodyojayan svārthasiddhau niṣpanne 'rthe rūkṣasācīkṛtāsyaḥ arthinyasmin dṛṣṭimapyaprayacchan no rāgaurhaḥ kākavalloka eṣaḥ ### [8.19](https://indike.org/pramana/in.lit.kavya.khanda.samvada.alivilasisamlapa.8.19) chitvā svecchācāravicchedasārāḥ kārākārā eṣaṇāstriprakārāḥ jīveṃdannairyo 'prayāsopapannairmokṣādhvanyo dhanyamūrdhanya eṣaḥ ### [8.20](https://indike.org/pramana/in.lit.kavya.khanda.samvada.alivilasisamlapa.8.20) vāṇijyakṣmākarṣaṇasvāmisevāḥ śaśvatkurvan lipsayā śrāntakāyaḥ rāge satyapyakṣamaḥ kāpigatyā śāmyecettad ghaṭṭakuṭyāṃ prabhātam ### [8.21](https://indike.org/pramana/in.lit.kavya.khanda.samvada.alivilasisamlapa.8.21) ityabhyasyan doṣadṛṣṭiṃ vilāsī śuddhayai gaṅgāṃ sevamānastrikālam aśnannalpaṃ bhaikṣamavyānapekṣo dīrghaṃ kālaṃ ruddhabāhyendriyo 'bhūt ### [8.22](https://indike.org/pramana/in.lit.kavya.khanda.samvada.alivilasisamlapa.8.22) teṣu svasvārthapravṛttyakṣameṣvapyautsukyenātyaktaceṣṭāḥ sa khinnaḥ rāgaṃ mithyājñānanāśaikanāśyaṃ niścilyāgādbhūya ācāryapārśvam ### [8.23](https://indike.org/pramana/in.lit.kavya.khanda.samvada.alivilasisamlapa.8.23) naṣṭaprāyāhaṃkriyādambhadoṣaṃ lupyaddoṣaṃ vīkṣya rāgaikaśeṣam ālocyāliryuktamasyopadeśaṃ jijñāsuṃ taṃ brūhi vatsetyuvāca ### [8.24](https://indike.org/pramana/in.lit.kavya.khanda.samvada.alivilasisamlapa.8.24) iṣṭaṃ praṣṭuṃ so 'nuśiṣṭaḥ prahṛṣṭaḥ sāṣṭāṅgaṃ taṃ sampraṇamyopaviṣṭaḥ ācaṣṭaulūkyākṣapādaupadiṣṭaṃ dhṛṣṭo mokṣaṃ śiṣṭasaṃsatsu duṣṭam ### [8.27](https://indike.org/pramana/in.lit.kavya.khanda.samvada.alivilasisamlapa.8.27) sarvaṃ duḥkhasvedaimiśraṃ sukhākhaṃ prekṣāvadbhirastyājyamityabhyupaimi bhoktuṃ śakyaṃ tadviviktaṃ na saukhyaṃ, tenānāsthā dhīmatāṃ yujyate 'tra tanvāṃ satyāṃ taddvayī cānivāryā tasmāddehocchedayatno vidheyaḥ kārtāthryaṃ taddehavicchedamātrātnānyo bhāvī svārjitaiḥ karmabhiḥ saḥ tasmātpuṇyāpuṇyarūpapravṛttāvucchedyāyāṃ hetavo 'syā vināśyaḥ doṣā rāgadveṣamohāstrayo 'mī mithyājñāne nāśite nodbhaveyuḥ ### [8.28](https://indike.org/pramana/in.lit.kavya.khanda.samvada.alivilasisamlapa.8.28) mithyājñānaṃ tattvadhīmātranāśyaṃ tasmāttattvajñānanirbādhasiddhau hetūcchedātkāryanāśe praṇāḍyā siddhyenmokṣo 'śeṣaduḥkhapraṇāśaḥ ### [8.29](https://indike.org/pramana/in.lit.kavya.khanda.samvada.alivilasisamlapa.8.29) tattvajñānaṃ mokṣamāṇaiḥ prasādhyaṃ copāsyaṃ cetyāvayoraikamatyam bhūyānbhedaḥ kintu tasya svarūpe, tadgṛhṇīmo yatparīkṣopapannam ### [8.30](https://indike.org/pramana/in.lit.kavya.khanda.samvada.alivilasisamlapa.8.30) astvīśo 'smatkṛtyaśakyaprapañcasyaikaḥ kartā nityadhīcchāmayatnaḥ tannityatvaṃ cānavasthāprahāṇyai svīkāryaṃ, kiṃ brahmaṇā nirguṇena ### [8.32](https://indike.org/pramana/in.lit.kavya.khanda.samvada.alivilasisamlapa.8.32) sarvajñatvālpajñate ceśajīvau bhinto, jīvānyonyabhede tu hetuḥ eko jāto 'nyaḥ pramīto 'kṣa mukto jñānī kāmī baddha itthaṃ vyavasthā vālasyādyā saukhyahetutvadhījā vyāptijñānātstanyapānapravṛttiḥ prācyaṃ bhogaṃ vedayantī krameṇānādiṃ jīvaṃ grāhayatyantaśūnyam ### [8.35](https://indike.org/pramana/in.lit.kavya.khanda.samvada.alivilasisamlapa.8.35) dharmādharmau jñānavāñchāprayatnā jīve 'nyāḥ, kāyavākcittajau dvau cetoyogādantimāḥ saukhyaduḥkhe cotpadyante 'dhyakṣatāṃ copayānti iṣṭāniṣṭādhyakṣamevāsya bhoga, statsampattyai bhūjalāgnyāśugāṇūna nityānyastānīśvarecchāsahāyaṃ jīvādṛṣṭaṃ spandayatyādisarge anyonyaṃ tairyujyamānaiḥ krameṇārabdhāḥ sthūlā naikarūpā jaḍārthāḥ pratyakṣatvaṃ prāpya puṃsīṣṭaduḥkhe kurvantyā, bhyāṃ rāgaroṣau prathete ### [8.36](https://indike.org/pramana/in.lit.kavya.khanda.samvada.alivilasisamlapa.8.36) tajjā puṇyāpuṇyahetuḥ pravṛtti, stābhyāṃ janma, tena duḥkhāni ceti jīvo bhrāmyannatra saṃsāracakre tattvajñānāvadhyavāpnoti duḥkham ### [8.37](https://indike.org/pramana/in.lit.kavya.khanda.samvada.alivilasisamlapa.8.37) bhede svasmin dehacittendriyebhyaḥ samyag jñāte mohanāśena yogī teṣūpekṣāṃ prāpya nīrāgaroṣaḥ puṇyāpuṇye nārjayatyapravṛttyā ### [8.38](https://indike.org/pramana/in.lit.kavya.khanda.samvada.alivilasisamlapa.8.38) bhogād naṣṭārabdhadehādyapuṇyaḥ pūrvaṃ muktopekṣitasvāntavṛndam kāyavyūhaṃ cāpya bhogaiḥ purāṇe puṇyāpuṇye saṃcite prakṣiṇoti ### [8.39](https://indike.org/pramana/in.lit.kavya.khanda.samvada.alivilasisamlapa.8.39) dehārambhe dveṣarāgau sahāyau tābhyāṃ hīne te satī apyaśakte naṣṭaprāye tiṣṭhatāṃ nāma, tattvajñānenaite naśyato veti ke cit ### [8.43](https://indike.org/pramana/in.lit.kavya.khanda.samvada.alivilasisamlapa.8.43) evaṃ pracyāśeṣapuṇyāghanāśe bhogenaivārabdhatannāśasiddhau tūṣṇīṃ sthityā 'nudbhavāccottareṣāṃ jīvo mucyeteti yuktaḥ kramo 'yam brahmādvaitaṃ ko 'bhyupeyādamānaṃ, māne satyadvaitasiddhāntahāniḥ 'kiṃ cinnāpi svaprakāśaṃ, na hīṣṭe roḍhuṃ skandhaṃ svaṃ vaṭuḥ śikṣito 'pi nopādānaṃ cetanaṃ brahma viśvasyai, vaṃ hi syāccetanaṃ sarvameva dṛṣṭā loke mṛttikā''rabdhakumbhe svopādānasthāyimṛttvānuvṛttiḥ nedaṃ heturnāpi kāryaṃ kva cicced, vyarthaṃ brahmājāgalotthastanābham tenāmānaṃ niṣphalaṃ nirviśeṣaṃ śraddhāmātrāt kaḥ sudhīrabhyupeyāt ### [8.44](https://indike.org/pramana/in.lit.kavya.khanda.samvada.alivilasisamlapa.8.44) śuktau rūpyaṃ bādhyate sadya ityādau dṛṣṭasyānyathākhyātirāstām tadbādhyetārthakriyākāri kasmā, tkośe yatnādrakṣitaṃ tanna mithyā ### [8.45](https://indike.org/pramana/in.lit.kavya.khanda.samvada.alivilasisamlapa.8.45) brahmajñānenāsya bādho durāśā, bādhyavyāvṛttaikadharmāpratītau nādhiṣṭhāne bādha iṣṭo na dṛṣṭo, nirdharmatvād brahma bādhamāśrayo na ### [8.46](https://indike.org/pramana/in.lit.kavya.khanda.samvada.alivilasisamlapa.8.46) māyā tucchā 'jñānamātraṃ bhramo vo, pādānatvaṃ sarvathā 'syāṃ na yuktam vandhyāputre nāpyabhāve guṇe vā dravyārambhe hetutā dṛṣṭapūrvā ### [8.48](https://indike.org/pramana/in.lit.kavya.khanda.samvada.alivilasisamlapa.8.48) sattai| 'satvātaddvirūpānirūpyā māyā nūnaṃ bhikṣuṇaiveṣyamāṇā hrīṇā svantaṃ cāpyavantī vigānād vidvadgoṣṭhyāṃ naiti bhikṣoḥ kuṭīrāt prītyaprītyorbandhamuktyorvyavasthā jīvāddhaite bādhiko, siddhaye 'syāḥ brūṣe 'gatyopādhibhedaṃ, tataḥ syādante raṇḍodvāhanītiprasaṅgaḥ ### [8.51](https://indike.org/pramana/in.lit.kavya.khanda.samvada.alivilasisamlapa.8.51) tārtīyīke yat kṣaṇe naśyadevāśeṣaṃ dṛṣṭaṃ vedanaṃ vā sukhaṃ vā tattādātmyaṃ brahmaṇo dehino vā ko brūyāttasya nityatvamicchan prīterbhānaṃ duḥkhabhogakṣaṇe 'pi prāpnotyātmā cetsukhābhinnarūpaḥ navyairduḥkhaiḥ prācyasaukhyapraṇāśe tvātmocchedo'pattiratyantaduṣṭā ātmajñānābhedavāde suṣuptau kiṃ cinnājānāmiti syāt kathaṃ dhīḥ ? niḥsāmānye nirviśeṣe niraṃśe tadbhedenāsyā naṃ śakyopapattiḥ ### [8.52](https://indike.org/pramana/in.lit.kavya.khanda.samvada.alivilasisamlapa.8.52) bhogyān sarvānprāyaśo duḥkhahetūn bāhyān heyān vaktumābhyantarāṃśca teṣūpekṣādṛṣṭisiddhyai mumukṣorvedaḥ kiñcinneha nānetyuvāca ### [8.53](https://indike.org/pramana/in.lit.kavya.khanda.samvada.alivilasisamlapa.8.53) yogī tiṣṭhatyeva vaiśeṣikāṇāṃ nāśe jāte mokṣakāle guṇānām ityaidaṃparyāśrayādekamevetyādirvede gauṇavṛttyā pravādaḥ ### [8.55](https://indike.org/pramana/in.lit.kavya.khanda.samvada.alivilasisamlapa.8.55) tātparyasyaitādṛśasya grahe me karmopāstyāvedako vedarāśiḥ sāhāyyārthaṃ kalpate, tvanmate tu syād vaiyarthyaṃ tasya sarvasya, paśya naivauddhatyānnāpi cāśraddadhānaḥ pṛcchāmi tvāṃ, kiṃ tu vedākṣarasya ekasyāpi vyarthatāṃ na kṣame, 'tastattvajñānāyaiva tarkān śrayāmi ### [8.56](https://indike.org/pramana/in.lit.kavya.khanda.samvada.alivilasisamlapa.8.56) ityuktvā 'sau mastakanyastahastaḥ svācāryāṅghridvandvasaṃlagnadṛṣṭiḥ vācaṃ tasyāpekṣamāṇaḥ svaśaṅkāpaṅkātaṅkoddhārahetuṃ vyaraṃsīt ### [8.58](https://indike.org/pramana/in.lit.kavya.khanda.samvada.alivilasisamlapa.8.58) smitvā 'thālistasya vedākṣarāsthāṃ kārkaśyaṃ tadvimatīpe ca tarke nirvyājāṃ cālocya tattve bubhutsāṃ vatsa brūmo, 'trāvadhehītyuvāca diṣṭyā puṇyaiḥ kṣālitaṃ kalmaṣaṃ te, śraddhā vedeṣvīśvare cānyathā ka tatsevaina prāṇināṃ mokṣabījaṃ, vedāntaistu jñāpyate vastutattvam ### [8.59](https://indike.org/pramana/in.lit.kavya.khanda.samvada.alivilasisamlapa.8.59) vedāḥ sarve svārthayuktāḥ kathaṃ syuḥ, susthā sarvā syātkathaṃ lokayātrā jīvasya syātkena sarveṣṭasiddhiḥ, prājñairetaccintanīyaṃ sadaiva ### [8.60](https://indike.org/pramana/in.lit.kavya.khanda.samvada.alivilasisamlapa.8.60) vīkṣyā'kṣinyāmagrataḥsthaṃ phalaṃ vā dhūmenādrau vā 'numāyāśrayāśam buddhvā śabdairiṣṭavastvāraṇe vā lokaḥ prāpnotīṣṭamatra pravṛttaḥ ### [8.61](https://indike.org/pramana/in.lit.kavya.khanda.samvada.alivilasisamlapa.8.61) śuktau rūpyaṃ cākacakyena buddhvā nīhāreṇādrau ca niścitya vahnim yadvā śabdairvañcakasya pravṛttaḥ prāpnotīṣṭaṃ neti tāvatprasiddham ### [8.65](https://indike.org/pramana/in.lit.kavya.khanda.samvada.alivilasisamlapa.8.65) vargadvandve 'pi pravṛtteḥ samatvāddhetau prāmāṇyaṃ pramātvañca buddhau vijñāyete jñānaniṣpattiqāle, sā dhīḥ satyā ''stāṃ mṛṣā vā 'nyadetat doṣāśaṅkī jñānaniṣpattiqāle tūṣṇīṃ tiṣṭhan tatparīkṣāṃ vidhatte taṃ niścinvan bhrāntito vastuto vā jñātaṃ vastūpekṣate prekṣyakārī jñāne jāte tadgataṃ tu pramātvaṃ prāmāṇyaṃ caitasya hetau tadaiva doṣābhāve jāyate, tasya sattve bhrāntitvāprāmāṇyayogastayoḥ syāt yastvajñātaṃ doṣamutprekṣamāṇastasyābhāvaṃ niścikīṣurna kuryāt kiṃ citkāryaṃ tatparīkṣakakāryaḥ sa prāptavyaṃ nāpnuyānnityaśaṅko ### [8.66](https://indike.org/pramana/in.lit.kavya.khanda.samvada.alivilasisamlapa.8.66) āstāmeta,ttena puṃsāṃ pravṛttaviṣṭāvāptau hetutāniścayasya hetutvaṃ,tajjñānasatyatvabuddheratrāpekṣā nānavasthāprasaṅgāt ### [8.70](https://indike.org/pramana/in.lit.kavya.khanda.samvada.alivilasisamlapa.8.70) sāgnāvadrau ko 'pi nīhāralekhāṃ dhūmaṃ matvā 'thānumāyā 'nayā 'gnim ārūḍho 'driṃ prāpya vahniṃ bhramaṃ svaṃ prācyaṃ satyaṃ vetti saṃvādamātrāt dhūmenaivānyo 'numāyāgnimadbhāvārūḍho 'muṃ tāvadagnau vinaṣṭe aprāpyainaṃ tatra satyāmapi svāṃ vittiṃ mithyā manyate vipralambhāt mandāloke mālyavadbhūsthasarpaṃ mālyaṃ matvā ko 'pi pāṇiṃ prasārya sadyaḥ sarpe vidrute labdhamālyaḥprācyāṃ bhrāntiṃ manyate svāṃ yathārthām dīpālokenāvadhāryāhyabhāvaṃ ruddhadvāre mandire ko'pi suptaḥ prātarvīkṣyāhiṃ kutaścit praviṣṭaṃ prācyāṃ satyāṃ vetti vittiṃ mṛṣeti̍ ### [8.71](https://indike.org/pramana/in.lit.kavya.khanda.samvada.alivilasisamlapa.8.71) evaṃ śabde yojya,metena siddhaṃ saṃvādo 'syāṃ vipralambhaśca vittau yāthārthyasya bhrāntitāyāśca buddhau hetuḥ, sā dhīrvastugatyā mṛṣaiva ### [8.72](https://indike.org/pramana/in.lit.kavya.khanda.samvada.alivilasisamlapa.8.72) raṅgaṃ kaścidrūpyabuddhyā gṛhītvā tanmūlyena bhrāntavikretṛśāṭhyā̍t kācaṃ krītvā taṃ maṇiṃ manyamānaḥ saṃvāde 'pi bhrāmyati prājñamānī ### [8.73](https://indike.org/pramana/in.lit.kavya.khanda.samvada.alivilasisamlapa.8.73) evaṃ loke puṃpravṛttau matīnāṃ bādhajñānābhāvamātrāt kṣamatvam tāvatkālaṃ tatpramātvagrahaṃ cālocyopekṣe vastustatpramātvam ### [8.76](https://indike.org/pramana/in.lit.kavya.khanda.samvada.alivilasisamlapa.8.76) kaḥ pratyakṣe cānumāne purokte paścādvāṣejñānasāmagryabhāvāt tadyāthārthyaṃ na pratīyā,tkathaṃ vā lokaistasya bhrāntatā voddhumarhā tasmāllokaḥ svīyadṛṣṭyaiva bādhaṃ paśyan mithyā manyate 'nyattu satyam mithyātve 'pi vyāvahārikyabhīṣṭā sattā,'smākaṃ teṣu, nāsyāṃ vivādaḥ sadyo vāṃdhe prātibhāsikyataḥ syātsattā 'nyasmin vyāvahārikyabhīṣṭā, tatsāṅkaryaṃ proktalakṣyeṣu cintyaṃ, bhūyān dṛṣṭastadvivekaistu loke ### [8.77](https://indike.org/pramana/in.lit.kavya.khanda.samvada.alivilasisamlapa.8.77) tāvanmātrādvaidikī laukikī vā karmopāstijñānavārtāpravṛttiḥ sampannā ce,tpāramārthikyapīha jñātuṃ śakyā hetunā kena sattā ### [8.79](https://indike.org/pramana/in.lit.kavya.khanda.samvada.alivilasisamlapa.8.79) kastraikālyaṃ vettyaśeṣāṃśca doṣān vedaṃ muktvā tvādṛśaścarmacakṣuḥ sadyo bādhādarśane 'pyasya bādho bhāvī neti pratyaye sādhanaṃ kim jaiminyuktyā'pauruṣeyatvamāstā,māptoktatvaṃ gautamoktyā 'tha vā 'stu vaktuṃ bhrāntiṃ vipralipsāṃ pramādaṃ pakṣadvande nāsti vede 'vakāśaḥ ### [8.80](https://indike.org/pramana/in.lit.kavya.khanda.samvada.alivilasisamlapa.8.80) bādhavyāghālūnayāthārthyabhṛṅgānekajñānanyaṅguyūthapraviṣṭā yoddhuṃ nārhā nityanirdoṣavedavyāghreṇeyaṃ jīvagā dhīkuraṅgī ### [8.81](https://indike.org/pramana/in.lit.kavya.khanda.samvada.alivilasisamlapa.8.81) āsaṃsāraṃ labdhayathārthyarājyairapyadhyakṣairlaukikairbādhabhītaiḥ śakyò naikabrahmadurgapraviṣṭo vaśyaḥ kartuṃ tāttvikatvākhyasamrāṭ ### [8.82](https://indike.org/pramana/in.lit.kavya.khanda.samvada.alivilasisamlapa.8.82) rāgākrāntònantajīvapravṛttīṣṭāptijñānotpādarājyātisusthaḥ saubhrātrānna spardhate vedamūrdhnā karmopāstyāvedako vedabhūpaḥ ### [8.84](https://indike.org/pramana/in.lit.kavya.khanda.samvada.alivilasisamlapa.8.84) evaṃ tāvallaukikī vaidikī vā susthā jñātṛjñānameyavyavasthā vedāntoktāṃ tāttvikīṃ brahmasattāṃ no viddheṣṭyanyatra labdhāvakāśā candradvitve śuktirūpe 'himālye bhinnān doṣān gauraveṇāvadhīrya brahmānyatvaṃ bādhyatāyāṃ nidānaṃ svīkartavyaṃ lāghavena prayuktau ### [8.85](https://indike.org/pramana/in.lit.kavya.khanda.samvada.alivilasisamlapa.8.85) loke siddhaṃ bhedamāśritya karmopāstyormāyāklṛptajīveṣṭasiddhayai svaṃ tātparyaṃ bibhratā vedabhāgenādau jñāto naiva bhedo vidheyaḥ ### [8.86](https://indike.org/pramana/in.lit.kavya.khanda.samvada.alivilasisamlapa.8.86) ajñātatvā, darthavatvācca muktyā, bhūyo'bhyāsā, darthavādācca, yukteḥ, advaitaṃ tūpakramantaikarūpyād, vedāntānāṃ mukhyatātparyabhūmiḥ ### [8.88](https://indike.org/pramana/in.lit.kavya.khanda.samvada.alivilasisamlapa.8.88) tattvajñānasyāpavargasya cāntaḥ kāryaṃ kiṃ cinnaiṣyate dvārabhūtam ātmānaṃ tvaṃ jñātavāṃścābhayaṃ ca prāpto 'sīti brūhi vedo videham tvatsiddhānte tvātmadehādibhedajñānādūrdhvaṃ jāyamāno virāgaḥ audāsīnyādyuktadīrghapraṇāḍyā dehocchedānantaraṃ muktihetuḥ ### [8.89](https://indike.org/pramana/in.lit.kavya.khanda.samvada.alivilasisamlapa.8.89) tadvairāgyaṃ manmate tattvabuddheraṅgaṃ jijñāsaikatānatvahetuḥ tattvajñānāttu svabhāvādanādirmāyā naśyettatsukhaṃ hyāpavargaḥ ### [8.93](https://indike.org/pramana/in.lit.kavya.khanda.samvada.alivilasisamlapa.8.93) sarvocchedaṃ cātmani prītimatyormokṣaṃ vāñchan mūḍha bhaṅgyantareṇa ātmocchityai ceṣṭase, tadvināśe sanvā'sanvā ''tmā bhaved grāvatulyaḥ yaisyocchedaṃ ko 'pi necche, dyadarthaṃ bhāryāputrādīṣyate, yatparārtham neṣṭaṃ, prāhustatsukhaṃ, tādṛgātmā bhāva, stasmin nāpalāpyaṃ sukhatvam vṛttīrakṣanyāsidhīśabdajātā 'janmocchedākṣisajāḍyāḥ prakāśaya sarvāvasthāsākṣiṇi svaprakāśe svātmanyeva jñānatā 'nyatra gauṇī ||' anyā vṛttiḥ pūrvavṛttimakāśāyāpekṣyā ced durnivārā 'navasthā yatraiveṣṭaṃ svaprakāśatvamasmin janyatvoktau prāgvadevānavasthā ### [8.95](https://indike.org/pramana/in.lit.kavya.khanda.samvada.alivilasisamlapa.8.95) tasmānnityānandabodhātmabhittau saṃsiddhāyāmantato 'nanyagatyā māyā 'nādirbāhyasaṃsāracitraṃ sṛṣṭvā jīvān darśayennātra citram bādhyatvātsā no satī tṛptavṛttau hetuṃstasmānnāsatī na dvirūpā pakṣadvandveṣṭendrajālādimāyāsājātyenāstāmanirvvācyatā 'tra ### [8.96](https://indike.org/pramana/in.lit.kavya.khanda.samvada.alivilasisamlapa.8.96) ātmanyeṣā saccidānandarūpairjñāte sadyo bādhyate, tatpraṇāśe naśyatyeṣāṃ dharmatā, bādhyarūpābhāvādevāgre na kasyāpi bādhaḥ ### [8.97](https://indike.org/pramana/in.lit.kavya.khanda.samvada.alivilasisamlapa.8.97) sarpasraktvenānyavijñātarajjau nābhrāntasya sto nivṛttitpravṛtto vijñāyeta tvatpramāgocaratvenaite, jīvanmuktyavasthā tathaiva ### [8.98](https://indike.org/pramana/in.lit.kavya.khanda.samvada.alivilasisamlapa.8.98) anyoddeśenotthite 'pi pramātarthyasmin bhrāntā bhītilipsa yathā''huḥ prārabdhena spandite dehaitthaṃ mukte mūḍhāḥ kartṛtāṃ bhoktṛtāṃ ca ### [8.99](https://indike.org/pramana/in.lit.kavya.khanda.samvada.alivilasisamlapa.8.99) jīvanmuktirdurvaceṣā 'nyaśāstreṣvā, stāṃ bheda stanamatirvā ''tmatanvoḥ yoge dehasyānukūlapratīpaiḥ prītyaprītī ātmanaḥ kena vārye ### [8.102](https://indike.org/pramana/in.lit.kavya.khanda.samvada.alivilasisamlapa.8.102) duḥkhe 'haṃtā buddhimātraṃ na hetu, rdṛṣṭā hetuḥ svīyatādhīrapīha sā te satyā vastvabādhādanāśyā, kiṃ tajjīvādṛṣṭajo 'sau na kāyaḥ matsiddhānte 'syā manovikriyāyā॰mukto mithyātvaprakāśādasaṅgaḥ aṃstītyeva jñeya ācāryavadbhiḥ puṃbhiḥ sākṣī ceti bodhyaṃ rahasyam kiñcārthūṃstvaṃ nekṣase, kiṃ tu kāryaiḥ sthūlairete hetavaḥ kalpanīyāḥ brahmavopādānaṃmaśrāvi vede, tenāyuktā kalpanā bādhitā te ### [8.105](https://indike.org/pramana/in.lit.kavya.khanda.samvada.alivilasisamlapa.8.105) kārye bījāśeṣadharmānuvṛttau tvatpakṣe 'pi syādaṇutvānuvṛttiḥ kaściddharmo 'nveti cettuṣya dṛṣṭvā kārye 'śeṣe brahmasattvānuvṛttim rūpyārambhe śuktikāyā vivartopādānatvaṃ tatpratītyāspadatvam āsanne 'smin puṃṃpravṛtterupeyaṃ, tenābhyeyo nānyathākhyātivādaḥ brahmopādānatvamāsthāya tādṛk siddhā sarvā lokavedavyavasthā ityuktaṃ prāk, tvanmate bhūrinityādṛṣṭadravyāṅgīkṛtirniṣpramāṇā ### [8.106](https://indike.org/pramana/in.lit.kavya.khanda.samvada.alivilasisamlapa.8.106) hetuḥ śuktitvāgraho 'satyarūpye tasminbhraṣṭe rūpyanāśādupaiyaḥ māyopādānatvamevaṃ bhaveccenmāyākāryaṃ viśvamastviṣṭametat ### [8.109](https://indike.org/pramana/in.lit.kavya.khanda.samvada.alivilasisamlapa.8.109) sargārambhe tanvabhāvānna yatno jīve vaktuṃ śakyate 'ṇukiyārtham dṛṣṭo dehāntarhi janyaḥ prayatna,stasyābhāve 'ṇukiyā kiṃ nimittā prāgevāto 'ṇukiyāyāḥ prasaṅgājjīvādṛṣṭeśaprayatnātmayogāḥ vaktuṃ nārhā hetavo 'syāṃ, na carte puṃso yatnaṃ syājjaḍeṣu pravṛttiḥ karmasvābhāvye tvaṇūnāmupete sṛṣṭyāpattiḥ 'sarvadaiveti doṣān matvā śiṣṭā nāṇuhetutvavādaṃ vedādṛṣṭaṃ tarkamātrād bhajante ### [8.110](https://indike.org/pramana/in.lit.kavya.khanda.samvada.alivilasisamlapa.8.110) neme doṣāḥ saṃsṛtermāyikatve tasminpakṣe yadyathā dṛśyate 'tra aṅgīkurmastattathaiveti, kintu śrutyā bādhyaṃ tanmṛṣeti pratīmaḥ ### [8.111](https://indike.org/pramana/in.lit.kavya.khanda.samvada.alivilasisamlapa.8.111) pūrvā pūrvā bhrāntirevottarasyāṃ bhrāntau hetuḥ, saiva saṃsārakalpau bandhaṃ mokṣaṃ bhāvayeddarśayedvā, satyaṃ bādhādhāratatsākṣimātram ### [8.115](https://indike.org/pramana/in.lit.kavya.khanda.samvada.alivilasisamlapa.8.115) pāde śastryā tudyamāne 'nuliptasyānyāṅgeṣu prītisattve 'pi tattvam duḥkhotkaṭyācchādyate, tadvadāstāmātmajñāne tatsukhatvāgraho 'pi sākaṃ bāhyābhyantaraiḥ kalpitārthairātmajñānābhyāsadāḍhyat suṣuptau mūrcchāyāṃ vā jñānasattve 'pi doṣāj jñānatvasyāpratyayaḥ sūpapādaḥ bhrāmyaṃścetovikriyāyāṃ sukhatvajñānatvāṃśe tallayyādātmanāśam mā śaṅkiṣṭhā, ātmayogājjaḍāyāmadhyakṣtā 'syāṃ prītittā jñānatā ca duḥkhe dveṣo nāsti cette mumukṣo rāgo nāstyevātmasaukhye mamāpi pakṣadvandvopekṣayaivātmadarśī vindatyātmākhyaṃ sukhaṃ vastugatyā ### [8.118](https://indike.org/pramana/in.lit.kavya.khanda.samvada.alivilasisamlapa.8.118) mā bhaiṣīstvaṃ rāgaleśānuvṛtterbāhyārthebhyastaṃ samāhṛtya sarvam ātmāmbho dhau majjayannarthibhāvānmuktastvaṃ saṃpatsyase prārthanīyaḥ ityeṣā dig darśitā, prātikūlyaṃ vedāntānāṃ duṣṭatarkairvihāya matvā 'dyoktaṃ pūrvamuktaṃ ca sarvaṃ saumyottiṣṭha tvaṃ nididhyāsanāya śiṣṭācāraṃ pālayan yāvadāyuḥ kurvannīśāyārpaṇaṃ tatphalenām haste dhṛtvā vedadīpaṃ guhāyāmanviṣyaṃstvaṃ lapsyase brahmaratnam ### [8.119](https://indike.org/pramana/in.lit.kavya.khanda.samvada.alivilasisamlapa.8.119) iti prakāśyopaniṣadrahasyaṃ vilāsine 'lirbhajati sma maunam punaḥ sa pātañjalakāpiloktīrāśritya jijñāsurapṛcchadenam --- Source: [https://indike.org/pramana/in.lit.kavya.khanda.samvada.alivilasisamlapa.8](https://indike.org/pramana/in.lit.kavya.khanda.samvada.alivilasisamlapa.8) · Pramāṇa