[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Poetry (mahākāvya, lyric, messenger poems, stotra, Prakrit kāvya)](https://indike.org/pramana/in.lit.kavya) › [Shorter narrative and descriptive poems](https://indike.org/pramana/in.lit.kavya.khanda) › [Dialogue and debate poems](https://indike.org/pramana/in.lit.kavya.khanda.samvada) › [Alivilasisamlapa](https://indike.org/pramana/in.lit.kavya.khanda.samvada.alivilasisamlapa) › 9 # Alivilasisamlapa 9 Alivilāsisaṃlāpa 9 - **Language:** Sanskrit ## Contents - [9.121](https://indike.org/pramana/in.lit.kavya.khanda.samvada.alivilasisamlapa.9.121) — 1 part ### [9.1](https://indike.org/pramana/in.lit.kavya.khanda.samvada.alivilasisamlapa.9.1) gahyaṃtvaṃ mametādhiyo'kṣacaraṇādiṣṭāpavargākṣamo śīlaṃ śāntadhiyo'tha yogaviṣayo hetuśca tatrāaudare vastutvaṃ ca bhidāsu tanmatimatāṃ muktiḥ parā jīvaitāṃ brahmādvaitadṛśaiva seti navame dṛśyaṃ śate'nte'dbhūtam ### [9.1-2](https://indike.org/pramana/in.lit.kavya.khanda.samvada.alivilasisamlapa.9.1-2) alivilāsisaṃlāpe . navamaṃ śatakam śeṣāśeṣasmayaharaharāhoryasaundaryajetrā svatrātānyānatajaneḍhayādyātimandasmitena advaitaṃ yā prathayati sadā dhyāyatāmātmabhāsaiḥ siddhāntārthapramitivaradā sā 'stu vāgīśvarī naḥ ### [9.2](https://indike.org/pramana/in.lit.kavya.khanda.samvada.alivilasisamlapa.9.2) itthaṃ śrutvā giramupaniṣatstokavaktavyaśeṣāṃ niścityālermatimavihatāṃ darśanārthopapattau tīrthaikāntoparatisucirā''sevanaiḥ pūtacitto hṛṣyan bhūyo vyamṛśadakhilaṃ tadvaco 'sau vilāsī ### [9.3](https://indike.org/pramana/in.lit.kavya.khanda.samvada.alivilasisamlapa.9.3) āścaryaṃ kiṃ samadhikamito yanmamādhyātmacintāgandhāsparśikṣaṇikaviṣayaikāgradurmedhaso 'pi ānando 'yaṃ viratisatatābhyāsamātreṇa siddhaḥ, kā 'vastheto 'pyadhikamahitā 'vasthitau draṣṭurastu ### [9.4](https://indike.org/pramana/in.lit.kavya.khanda.samvada.alivilasisamlapa.9.4) kvāhaṃ pūrvaṃ janakajananīpreyasīputrakanyātatsaṃbaddhaprabhugurujane duḥkhite duḥkhamāpam dehe 'pyadyāniyatavirasāhāraśītā'vagāhaiḥ prāptāyāse sthiramatiraho tattvamanveṣayāmi ### [9.5](https://indike.org/pramana/in.lit.kavya.khanda.samvada.alivilasisamlapa.9.5) ātmatvaṃ cedbhavati mamatāpātramātre 'tidīrghaṃ sarvatra syāttadiha suvacāḥ ke'pi sambandhabhedāḥ kastān śaktaḥ parigaṇayituṃ, kalpanāmātrasārairātmānaṃ tairalayaniyaterbuddhimān khedayet kaḥ ### [9.6](https://indike.org/pramana/in.lit.kavya.khanda.samvada.alivilasisamlapa.9.6) bāhyā arthā atha nijatanorrtaiśca sambandhabhedāstadvijñānānyapi ca janite duḥkhasaukhye amībhiḥ sarve satyaṃ yadi, samavayatsveṣu tarhyātmatattve durvā̱rā syāt pariṇatikṛtā 'nityatā, tanna yuktam ### [9.7](https://indike.org/pramana/in.lit.kavya.khanda.samvada.alivilasisamlapa.9.7) dehādvāhye viśadamamatāgocare 'rthe 'pyahaṃtāmadhyāropyānubhavati sukhaṃ tasya sākalyasiddhau tadvaikalye bhavati vikalo loka āpātadarśī tatsārvārmyaṃ kimu,ta mamatābhikṣupādaprasāraḥ ### [9.8](https://indike.org/pramana/in.lit.kavya.khanda.samvada.alivilasisamlapa.9.8) putrādyārteḥ sṛjati mamatāmātrataḥ puṃsi duḥkhaṃ, dehākṣaurcā bhavati mamatā'haṃtayoryoga etat śuddhāhaṃtāmatijanuṣi nodāhṛtiḥ kā 'pyamuṣmina, tattvajñānakṣapitamamatāmātradhīstena dhanyaḥ ### [9.9](https://indike.org/pramana/in.lit.kavya.khanda.samvada.alivilasisamlapa.9.9) yaḥ sopekṣo viṣayajanite naśvare svopakāre hantā'hantāṃ jagati vitatāṃ bhāvayan bhrāntito 'pi tadvaikalyādbhavati vikala,stasya cittaprasādaṃ sūte 'vaśyaṃ sapadi karuṇānnāmikā kāmadhenuḥ ### [9.10](https://indike.org/pramana/in.lit.kavya.khanda.samvada.alivilasisamlapa.9.10) saivāhantā yadi tu mamatāṃ garbhitasvopakārāmāśrityārthe prasarati, valādetayā ''cchādyate vā duḥkhāyaiṣā, na tu sukhakarī kahim̐ ci,ttarhi dhīrairādau bādhyā bhavati mamatā, duḥkhabījaṃ hi saiva ### [9.11](https://indike.org/pramana/in.lit.kavya.khanda.samvada.alivilasisamlapa.9.11) maddehe 'dya prasarati rujā, cakṣuradyākṣamaṃ me, cetaḥ kāntāvirahaviklaṃ māmakaṃ, matsuto 'ṅgaḥ ityullikhya kva cana mamatāṃ prāgjano nirvicāro duḥkhī tasmādahamiti vadan sarva evātra sākṣī ### [9.12](https://indike.org/pramana/in.lit.kavya.khanda.samvada.alivilasisamlapa.9.12) tenātyantaprasṛtamamatāpāśanirmūlanāśopāyo yena śrutipathamataḥ procyate taddhi śāstram nopāyaḥ ko 'pyayamabhidadhe darśane gautamīye śiṣṭāstasmādbhavavihataye tanna paryagrahīṣuḥ ### [9.13](https://indike.org/pramana/in.lit.kavya.khanda.samvada.alivilasisamlapa.9.13) puṇyā'puṇye taduditaphale taddviyo rāgaroṣau tatsaṃsaṃskārā yadi hiṃ puruṣe vastugatyodbhavanti rūpānyatvātpariṇatirasāvātmanaḥ, kiñca bhāro, dṛṣṭā vedeṣvatha ca puruṣe 'saṅgatā 'saṅgatā syāt ### [9.15](https://indike.org/pramana/in.lit.kavya.khanda.samvada.alivilasisamlapa.9.15) yāgabrahmavadhādi manmatikṛtiprotyakriyābhṛttannirvṛttaṃ, tadupāttapuṇyadurite mayyeva tena sthite, tajje svargatidurgatī api mama syātā,mitīhañcaterbādho nāsti hi tārkikasya samaye, bhrānterlavo 'pyatra kaḥ sthūlaḥ kṛśo 'hamiti buddhibalena dehe kāṇo 'hamityavagateratha cendriyeṣu prāptātmavibhramanivartakatarkamāntrānnaiyāyikāḥ śrutivacassu kṛtopakārāḥ ### [9.16](https://indike.org/pramana/in.lit.kavya.khanda.samvada.alivilasisamlapa.9.16) manoyogādevā''tmani hi sukhaduḥkhe kaṇabhujo mate, citte stāṃ te, śrutirapi tathaivāha bahuśaḥ tayoḥ sākṣātkāraḥ kṣaṇika udito vṛttyabhidhayā''śrayaikyāttatraivāstva,khilabhavasākṣyeva tu pumān ### [9.17](https://indike.org/pramana/in.lit.kavya.khanda.samvada.alivilasisamlapa.9.17) sukhaduḥkhatadīyavedanavyavahāre manasā 'pi sidhyati triguṇasya jaḍasya tasya tu sphuraṇāyaiva sa sākṣyapekṣyate ### [9.18](https://indike.org/pramana/in.lit.kavya.khanda.samvada.alivilasisamlapa.9.18) bāhyadravyaguṇakriyā,stadanugaṃ sāmānya,masyāśrayairyogaṃ dṛṣṭaviśiṣṭadhījanipadaṃ,kāṃścidviśeṣānapi caitanyādyanupapattimindriyagaṇe dehe ca, takaiṃ raṭan śrāntastena manomaye 'kṣacaraṇaḥ kośe cirāyāsvapat ### [9.19](https://indike.org/pramana/in.lit.kavya.khanda.samvada.alivilasisamlapa.9.19) tāvanmātre tasya tātparyamāstāṃ śāstrairnānyairvistarād yannyarūpi aidaṃparyaṃ tvātmatattve na yuktaṃ, tad vyutpādyaṃ sāṃkhyapātañjalānām ### [9.20](https://indike.org/pramana/in.lit.kavya.khanda.samvada.alivilasisamlapa.9.20) prāmāṇyamatrāpi na cedamīṣāṃ taddarśanasyānavakāśatā syāt tasmādviśramya kaṇādavāṇyātmāpavargau punareva cintyau ### [9.22](https://indike.org/pramana/in.lit.kavya.khanda.samvada.alivilasisamlapa.9.22) iti sa hṛdi vicintya bhedadṛṣṭiṃ tvaritamanādibhavārjitāmamuñcan vividiṣurucite kṣaṇe 'lipāśrve kati cidahāni gatāgatairnināya nididhyāsanāyā'nuśiṣṭo'linā prāk tadīyopasattau rato 'pyanyakāle yamādyaṣṭayogāṅgakarmānutiṣṭhannaśuddhikṣayaṃ cetaso 'sādhaiyat saḥ ### [9.24](https://indike.org/pramana/in.lit.kavya.khanda.samvada.alivilasisamlapa.9.24) atha sādhitasaṃyamapratiṣṭhaḥ kramaśaḥ 'yaṃ svattapovanopakaṇṭhe avalokayati sma divyabhāvān svayamevopanatān nitāntakāntān tatra prādurbhūtkilāmarasarittīre samīreritavyākocāṃtulapārijātakusumaprāmodaḥ pramodāvahaḥ sapremopanimantraṇodyatasurastrīnṛtyagītojjvalrai ramyaiḥ kāmavihāribhirmaṇimayai reje vimānairnabhaḥ ### [9.25](https://indike.org/pramana/in.lit.kavya.khanda.samvada.alivilasisamlapa.9.25) siddhāḥ saṃnidhimāpya sādhuvacanaiḥ śraddhāmamuṣyaidhayan,ḥ dhuryādhāya sudhāṃ surā abhidadhurbuddhvā dhayaitāmiti, lokeśāśca saśaṅkamaṅkuritayā naisargikāmūyayā yogabhraṃśakarān pralobhanabhayārambhādyupāyān vyadhuḥ ### [9.26](https://indike.org/pramana/in.lit.kavya.khanda.samvada.alivilasisamlapa.9.26) evaṃvidhe vyatikare sa cirāt samādhervyutthāya tatra tadadṛṣṭacaraṃ nirīkṣya vismeradhīrapi gatasmaryasaṅga āgād dhṛṣṭaḥ sabhīśca yatavāgalipādamūlam ### [9.27](https://indike.org/pramana/in.lit.kavya.khanda.samvada.alivilasisamlapa.9.27) guñjantamambujavane madhupāṅganābhiḥ sākaṃ carantamaravindamarandavindūn āsvādayantamayamantikago 'pyaliṃ taṃ dṛṣṭvā 'pi so 'yamiti nādhyagaṃmadvilāsī ### [9.28](https://indike.org/pramana/in.lit.kavya.khanda.samvada.alivilasisamlapa.9.28) kva syādviraktiparamuktipade sthitaḥ sa, saktā amī, tadapayāmipureti vāñchan svābhāvikīṃ sthitiriyaṃ mama, tāvakī tu yogarddhije,tyaligirā gurumabhyajānāt ### [9.39](https://indike.org/pramana/in.lit.kavya.khanda.samvada.alivilasisamlapa.9.39) namraḥ sa vatsa kimu bhīta ivāsi, mā gāḥ kāpī, tivādini gurāvakṛtāntarāyaḥ gaṅgāmbusādhitavidhiḥ savidhe 'sya tasthau tattīranīrabhavakandamṛṇālavṛttiḥ ### [9.32](https://indike.org/pramana/in.lit.kavya.khanda.samvada.alivilasisamlapa.9.32) āyātairaghamarṣaṇāya munibhistatrāsya sevākramabrahmādvaitabubhutsute, sakaruṇāṃ sarvajñatāṃ cāpyaleḥ niścinvadbhirathaikadā 'nurahasaṃ saṃprārthito 'lirmuhuḥ prītyā ''hūya vilāsine padanataṃ pṛccheṣṭamityādiśat vinayādavadattato vilāsī galitaprāyabhavaḥ kṛtārthakalpaḥ bhagavan bhavatoditāni pūrvaṃ sakalānyeva vacāṃsyanusmarāmi dehe vināśini gadairbahudhā 'bhibhūte caitanyavibhramavaśo bhavatā 'nugṛhya tādātvikāyatitihāhitānirvikāravyarthaprayāsaniryānnanu tārito'ham ### [9.33](https://indike.org/pramana/in.lit.kavya.khanda.samvada.alivilasisamlapa.9.33) dairūpyamarthyavigaṇayya tanāvathākṣāṇyāsthāya cetanatayā tadupāstisaktaḥ śūnye 'khile sphurati nityasukhe nirāśò vijñānakūṭagahanānmuhuruddhṛto'smi ### [9.34](https://indike.org/pramana/in.lit.kavya.khanda.samvada.alivilasisamlapa.9.34) malā 'pi nitya, matha saṅkucitaprasāricaitanyaśakti niyatāvayuvaṃ ca tattvam 'tasyordhvamātragamanena kṛtārthamānī sarvatra sāṃśikadhīrdayayā 'nvaśiṣye ### [9.35](https://indike.org/pramana/in.lit.kavya.khanda.samvada.alivilasisamlapa.9.35) samārabdhe śuddhayai prayatabahutīrthā'bhigamane vinodyālaṅkāraprasarasarasaiḥ sūktikikaraiḥ anāyāsāt pūjyāmakhabahuvidhā''ścaryaviṣayān pradarśya dvau lokāvapi ca bhavatā me saphalitau ### [9.41](https://indike.org/pramana/in.lit.kavya.khanda.samvada.alivilasisamlapa.9.41) tretādhūmāndhakārākulanayanatayā 'tyalpakāle 'pyanantabhrāntyaiva vrīhimuṣṭyā 'pyamarapurajayaṃ manyamānaḥ susādham samyagjñānāñjanenāvati bhavati mahākālapāthodivīcīpātotpātāviśiṣṭaṃ phalamanumatayā 'pyarthaye hiṃsayā na āstāṃ kalpaśatāvadhiṣvapi sukheṣvāvaśyakī nāśitā, tiṣṭhatvīśvaradāsyanāmnyavamatau saṃmānadhīrarthinām, anyonyādhikanīcabhāvaniyatamekṣā'bhyasūyaiva me devopāstiṣu viśramaṃ na sahaṃte, kāryaṃ kimanyad vada cetoyogakṛtā śubhāśubhaphalā vāñchā ''tmanā dustyajā, bhikṣārthe 'pi gatāgate tanubhavau hiṃsāpakārau dhruvau, syādekā 'pyanṛtā hitā kka cana vāk, maune 'pi sūkṣmā 'sti sā; 'nāraṃbhāstrividhasya karmaṇa iti svapne 'pi notprekṣyate nityaṃ citta, matho vibhuśca puruṣo, 'nādiśca yogastayo,rbhāvo 'nādiraśakyanāśa, iti ca proce svayaṃ tārkikaiḥ nirvedā'bhyasane 'ntarā ''tmamanasoryoge kathaṃ vā tanau tiṣṭhantyāṃ sukhaduḥkhatanmatisadā'nutpāda āsthīyatām maṇimantranayena kasya cit satkāripratibandhakatvayoḥ kathanaṃ tviha mūrkhavañcanā na tadāśvāsapadaṃ vicāriṇām tasmāllaukikaduṣṭadarśanapathānutsṛjya pātañjale śāstre darśitadivyasiddhikatayā saṃpratyahaṃ śraddadhe vyaktāvyaktaparārthatābhavajanisthityapyayātmāstitābhūyastvādyupapādanena kapilaḥ śāstraṃ tadaṅgaṃ vyadhāt ### [9.42](https://indike.org/pramana/in.lit.kavya.khanda.samvada.alivilasisamlapa.9.42) vyakte hyadarśi sakale sukhaduḥkhamohahetutvamityabhimataṃ triguṇaṃ jagannaḥ avyaktamasya janakaṃ prakṛti,rvikṛtyāḥ sāmyena saṃsthitvaha ca sattvarajastamassu ### [9.43](https://indike.org/pramana/in.lit.kavya.khanda.samvada.alivilasisamlapa.9.43) sukhayati patimekaivāṅganā, sā sapatnīrvyathayati ca, sakāmān mohayatyanyapuṃsaḥ triguṇatanurataḥ se,tyevamanye 'pi bhāvāstriguṇatanava, itthaṃ kāpilāḥ sādhayanti ### [9.46](https://indike.org/pramana/in.lit.kavya.khanda.samvada.alivilasisamlapa.9.46) saṅghātatvātteṣu parārthyasiddhau saṃghātānyaścetanaḥ sādhanīyaḥ saṅghātatve syādguṇyā 'navasthā ', to 'traiguṇyaṃ tasya sarvairupeśyam svābhāsāntaḥkaraṇavṛttyā jñeyā vastugatiḥ parā upādeyakāryasya hetvaikarūpyāt prakṛtyāṃ guṇāste trayaḥ, sā tato'jñā svabhāvādiyaṃ puṃsi bhogā'pavargau vidhātuṃ bhavādau mahāntaṃ prasūte svacchatvādiha buddhināmani citicchāyā patatye, tayā traiguṇyena jaḍā 'pi pāmarajanaiḥ sā cetanevekṣyate sī 'haṃkāramiti dvitīyavikṛtiṃ sūte, sa caikādaśākṣāṇāṃ pañcavidhāviśeṣanivahasyārambhako 'smanmate ### [9.48](https://indike.org/pramana/in.lit.kavya.khanda.samvada.alivilasisamlapa.9.48) tanmātranāmāna ime 'viśeṣāḥ sthūlāni bhūtāni sṛjanti pañca tebhyo jagad bhautika, metadante 'pyavyaktabhāvānvitamasti hetau avyaktaṃ hi tileṣu tailamiti tat prādurbhavatyudyamai,rnāsattvāt sikatābhya uddhardhati tat, satkāryavādastataḥ nirgacchad bahirakṣapañcakapathāt saṃyuktamarthairmanastadrūpatvamupaitya, sā pariṇatirvṛttyākhyayā gīyate ### [9.50](https://indike.org/pramana/in.lit.kavya.khanda.samvada.alivilasisamlapa.9.50) vastthālocitamindriyeṇa bahudhā saṃkalpitaṃ cetasā 'haṃkāro hyabhimanyate, śamiśarairapyeṣa nocchidyate nirbījena samādhinaiva sujayo buddheḥ phalaṃ niścayo, yanmūlā akhilāḥ kriyā iti mahattattvākhyayā socyate svopāttasarvaviṣayānupakāramātratātparyato 'rpayati puṃsyupasṛtya, buddhiḥ tenākriye vigataduḥkhasukhe 'pi tasmin kartā sukhīti kudhiyaḥ parikalpayanti ### [9.51](https://indike.org/pramana/in.lit.kavya.khanda.samvada.alivilasisamlapa.9.51) bhogaḥ sa eva puruṣasya, sa eva yogo 'nādistayā saha, sa eva ca bandhanāmā duḥkhākaroti puruṣāni, ti tasya yogairātyantikoparataye sudhiyo yatante ### [9.52](https://indike.org/pramana/in.lit.kavya.khanda.samvada.alivilasisamlapa.9.52) autsukye sati cetanasya vividhānāśritya veṣāniyaṃ śailūṣīva cirāya rañjayati taṃ yāvanna nirvidyate nirviṇṇāt prakṛātarvikārasahitasvānyatvasākṣātkriyāmārabhyaiva nivartate svayamataḥ sā badhyate mucyate ### [9.54](https://indike.org/pramana/in.lit.kavya.khanda.samvada.alivilasisamlapa.9.54) samrāḍityanayā tathopacarito bhogāpavargocitārambhaiḥ svāmyapi cetano 'kriyatayā sākṣī bhṛśaṃ nirguṇaḥ alpaṃ pratyupakāramapyavidadhattāṃ pratyutopekṣate, sā 'vasthā paramā mukti,ratra tu paraṃ draṣṭuḥ svarūpasthitiḥ nivṛttaivaṃ muktāt prakṛtirapi puṃsāṃ bahutayā yathāpūrvaṃ sarvai prakaṭayati rūpāṇi satatam na puṃsāmautsukyaṃ viramati, na ca pīyamalasā, tataḥ saṃsāro 'yaṃ prasarati pareṣāṃ niravadhiḥ ### [9.55](https://indike.org/pramana/in.lit.kavya.khanda.samvada.alivilasisamlapa.9.55) itthaṃ nirantaracaladbhavacakravegairūdhveṃ kadā ci,dadha eva tu bhūri nītaḥ āyāsyate trividhaduḥkhaśatai, rathātmā kaścid vicārayati madhyamalokavāsī ### [9.56](https://indike.org/pramana/in.lit.kavya.khanda.samvada.alivilasisamlapa.9.56) tasya pratikṣaṇabhavatpariṇāmatāpasaṃskāraduḥkhaguṇavṛttivirodhacintā vairāgyamutkaṭamaśeṣaguṇādhikāre saṃpādya codayati vṛttinirodhamārge ### [9.58](https://indike.org/pramana/in.lit.kavya.khanda.samvada.alivilasisamlapa.9.58) sa dīrghakālādarasakriyābhirnirantarāsevitatīvrayatnaḥ vaśyaṃ mano dhārayatīṣṭaśāstrādiṣṭapradeśeṣvacalāsanasthaḥ tad dhyāyataḥ sphurati vastuni śabdavittiśūnyārthamātravapuṣi sthirasaṃyamasya āvirbhavanti vividhā atha siddhayastāḥ śāstre śrutā api hi yāḥ pravilobhayanti ### [9.60](https://indike.org/pramana/in.lit.kavya.khanda.samvada.alivilasisamlapa.9.60) antarāyapadavīpradānatastā visarjati yo 'smayo 'sajan taṃ samādhirupatiṣṭhate sa yo dharmamegha iti yogibhiḥ stutaḥ kleśeṣu karmasu ca tena nivartiteṣu prāpte pratiprasavamatra guṇatraye 'pi sarvajñatāṃ samadhigacchati tāṃ saṃ yuktaḥ, proce kaṇādamunineśvaramātragā yā ### [9.61](https://indike.org/pramana/in.lit.kavya.khanda.samvada.alivilasisamlapa.9.61) yogī yadā laṣati vastu, yathā ca vetti, sadyastathā bhavati tat, kimito 'pi citram tenākṣapādamatamokṣamupekṣya rūkṣaṃ muktiṃ patañjalimatāṃ bahu mānayāmaḥ ### [9.52-2](https://indike.org/pramana/in.lit.kavya.khanda.samvada.alivilasisamlapa.9.52-2) kāyākhilāmayanivartakasūtrakārād bhāṣyā'nuśāsananivartitavāgvikārāt yogopadeśavidhisodhitacittaśuddherāptaṃ patañjalamuneraparaṃ na vidmaḥ ### [9.64](https://indike.org/pramana/in.lit.kavya.khanda.samvada.alivilasisamlapa.9.64) prauḍhivādavidhayaiva kāpilā īśvaraṃ niṣiṣidhuḥ, ka uddharet taṃ vihāya sadupāyabodhanā'nugraheṇa puruṣān bhavāmbudheḥ vairūtyamastviyati nāma, tayostvasaṅgānekatvacetanavibhutvamukheṣu puṃsām dharmeṣu nāsti vimatiḥ, prakṛtau ca sattvapārārthyajāḍyaguṇasaṃhatikartṛtāsu ### [9.65](https://indike.org/pramana/in.lit.kavya.khanda.samvada.alivilasisamlapa.9.65) raktaprasūnanikaṭasthitimātradoṣād raktaḥ samīkṣyataiha sphaṭikaḥ sito 'pi evaṃ pumān vigataduḥkhasukho 'pi buddhisāṃniddhayataḥ sphurati duḥkhitavat sukhīva ### [9.66](https://indike.org/pramana/in.lit.kavya.khanda.samvada.alivilasisamlapa.9.66) naisargikīṃ dhavalatā 'pagate tu puṣpe yadranmaṇeḥ sphurati, puṃsyapi saiva rītiḥ nediṣṭhabuddhiguṇapratibimbamātrānnāsaṅgatā 'sya niyatā kathamapyapaiti ### [9.67](https://indike.org/pramana/in.lit.kavya.khanda.samvada.alivilasisamlapa.9.67) ucchidyate śrutiśatairapi nauṣṇyamagneḥ, svābhāvikaṃ hi ta,dataḥ kathamasya hāniḥ udyuñjate tu sudhiyaḥ puruṣasya muktyai, vede 'pyapāṭhi viśadaṃ puruṣo hyasaṅgaḥ ### [9.69](https://indike.org/pramana/in.lit.kavya.khanda.samvada.alivilasisamlapa.9.69) tattvajñānādvāmadevo vimukto, baddhā anye,'jāyatāyaṃ, mṛtaḥ saḥ caitro duḥkhī, tvaṃ sukhīti vyavasthā puṃsāṃ bhedāt kāpilaiḥ sūpapādā sākṣyeva kevalamapekṣyata ityupete mādhyasthyacetanatayoriha ko vivādaḥ brahmāṇḍakoṭiviṣayapratibimbabhājaḥ pāre girāṃ kimapi vaibhavamasya puṃsaḥ ### [9.70](https://indike.org/pramana/in.lit.kavya.khanda.samvada.alivilasisamlapa.9.70) vibhutvādaspando janayitumaśakto jagadayaṃ, na kāryaṃ nirhetu, śrutirapi jagatsṛṣṭimavadat tato 'rthāpattyā ca prakṛtimaparāṃ cetanagaṇād vadadbhiḥ kiṃ sāṃkhyaiḥ kṛtamanucitaṃ, tat prakathaya ### [9.71](https://indike.org/pramana/in.lit.kavya.khanda.samvada.alivilasisamlapa.9.71) prakṛtisthaguṇeṣu bhinnatā na bhavet sattvarajastamaḥsu cet sukhaduḥkhavimohabhedavat jagadetat kathamityudīryatām ### [9.72](https://indike.org/pramana/in.lit.kavya.khanda.samvada.alivilasisamlapa.9.72) bhedapramāvikalayośca samādhisuptyoḥ prācyānubhūtibhavasaṃskṛtibhedasattā vyutthānajāgaraṇakālikapuṃpravṛttibhedakṣaṇena bhavatā na kadarthanīyā ### [9.73](https://indike.org/pramana/in.lit.kavya.khanda.samvada.alivilasisamlapa.9.73) kiṃ vistareṇa, guruśiṣyagaṇapramāṇatatsādhanīyaphalabhedamṛṣātvavāde ko bodhaye,davadadhīta ca, kaiśca mānaiḥ, kasmai phalāya, tadihāstu bhidaiva vastu ### [9.75](https://indike.org/pramana/in.lit.kavya.khanda.samvada.alivilasisamlapa.9.75) prītyaprītyoḥ prakṛtigatayoḥ puṃsyasattvapramityā jīvanmuktiḥ prakṛtipuruṣadvaitadṛṣṭyaiva sidhyet etāṃ labdhuṃ vijahadakhilaṃ seyamānaḥ samādhiṃ lobhye pīḍye tadasahasurairvyutthito, 'to bibhemi vastvāparokṣyamapahāya na mokṣasiddhirbhedaśca vastviti mamaitadupāsakasya vighnaugha eṣa bhavatā 'dya nivāryatā,mityuktvā kṛtāñjalipuṭo vyaramadvilāsī ### [9.76](https://indike.org/pramana/in.lit.kavya.khanda.samvada.alivilasisamlapa.9.76) athālirālocya bilāsinastāṃ yogeṣu niṣṭhāṃ manasaśca śuddhim tattvopadeśena kṛtārthayiṣyan pracakrame vastuvivecanāya ### [9.77](https://indike.org/pramana/in.lit.kavya.khanda.samvada.alivilasisamlapa.9.77) sādhu tvayā vyavasitaṃ, kuśalo 'si saumya, sānugrahaśca bhagavāṃstvayi viśvanāthaḥ diṣṭyā ''plavānāsi durāpasamādhibhūmiṃ, nūnaṃ sthitastavapuro'dyavi divyahaṃsaḥ ### [9.78](https://indike.org/pramana/in.lit.kavya.khanda.samvada.alivilasisamlapa.9.78) śraddhāluśuddhamatisiddhigaṇānapekṣatvādṛkṣaśiṣyavinaye mama kaḥ prayāsaḥ tasmāt puroktapunaruktimupekṣya sāṃkhyayogoktidoṣamadhunā 'bhidadhe 'vadhehi ### [9.80](https://indike.org/pramana/in.lit.kavya.khanda.samvada.alivilasisamlapa.9.80) kartṛtvaṃ prakṛteracetanatayā no yujyate, kumbhakṛdvyāpāreṇa vinā ghaṭībhavati kiṃ loke svayaṃ mṛttikā vyāptāṃ kāryaśateṣu cetanatayā dṛṣṭvā vayaṃ kartṛtāṃ, gauḥ prasnauti payo hitaṃ nijaśiśorityeva santyāmahe parvatāt sravati dhāriṇīśituḥkartṛtāmupayato mama śrutiḥ ānukūlyamupayāti,tāvakī kalpanā nanu tayā virudhyate ### [9.81](https://indike.org/pramana/in.lit.kavya.khanda.samvada.alivilasisamlapa.9.81) acintyaracanākramaṃ niyatadeśakālocitāgaṇeyajaḍacetanādbhutapadārthapūrṇaṃ jagat jaḍā pumanadhiṣṭhitā prakṛtirantaravekṣaṇaṃ sṛjetkathaṃ,mihāvayoravimatā 'sti kodāhṛtiḥ ### [9.83](https://indike.org/pramana/in.lit.kavya.khanda.samvada.alivilasisamlapa.9.83) svabhāvataścet prakṛteḥ pravṛttiḥ, sadāpravṛtterna bhaved vimuktiḥ apekṣayo 'nyasya sa eva kartā 'bhyupeyatāṃ, kiṃ jaḍayā prakṛtyā īśastu cetanatayā 'dhyavasāyapūrva saṃkalpya tad viracaye,diha nāsti doṣaḥ vaiṣamyanighṛṇatayorapi naiva karmasāpekṣatā''śrayaṇato bhavati prasaktiḥ ### [9.84](https://indike.org/pramana/in.lit.kavya.khanda.samvada.alivilasisamlapa.9.84) jñāyanta āntaratayā sukhaduḥkhamohāḥ, strī dhīmatāmapi hi bāhyatayaiva bhāti, teṣāṃ nimittamiyamastu, nimittakāryābhede kulālaghaṭayorapi tatprasaṅgaḥ ### [9.85](https://indike.org/pramana/in.lit.kavya.khanda.samvada.alivilasisamlapa.9.85) sattāṃ kāryasya nāśe 'pyayi vadasi, mṛdā nānayasyambu kasmād, hetvākāreṇa tāṃ cedabhilapaṃsi, tato hetusattaiva satyā avyaktatvena sattvaṃ dṛśiviṣayatayā 'sattvamekatra vastunyuktaṃ ceddheturūpaṃ sada,paramasadi,tyāpatatyañjasaiva ### [9.86](https://indike.org/pramana/in.lit.kavya.khanda.samvada.alivilasisamlapa.9.86) buddhisthaiḥ pratibimbitairyadi guṇairātmā na saṃsṛjyate bhogaḥ ko 'sya, na cābhimāna ucito, 'haṃkārakāryaḥ sa te saṃsarge tadasaṅgatā'bhyupagamo mokṣaśca te durghaṭo, mithyātvaṃ pratibimbaṃ āśrayasi cetsiddhānta evaiṣa naḥ ### [9.87](https://indike.org/pramana/in.lit.kavya.khanda.samvada.alivilasisamlapa.9.87) bhidyantāṃ, vibhavastu santi puruṣāḥ, sūte pradhānaṃ matīḥ, kiñcaitatprativimbadhāraṇasahaṃ caitanyameṣāṃ dhruvam, āstāṃ bhedamatiḥ, kathaṃ tvaparadhībhogo nivartyastayā, mithyājñānamṛte ca cetanadhiyoḥ svasvāmibhāvo 'pi kaḥ ### [9.88](https://indike.org/pramana/in.lit.kavya.khanda.samvada.alivilasisamlapa.9.88) antyāṃ vṛttimupaiṣi bhedaviṣayāṃ, bhedāśrayaṃ cetanaṃ sattvañca pratiyogi sā spṛśati ce,nnirbījayogo gataḥ asparśe tvanayorna bhedaviṣayā dhī, stau vinā sā kathaṃ sākṣī kevalamatra visphurati ce,tsiddhaṃ mamābhīpsitam ### [9.90](https://indike.org/pramana/in.lit.kavya.khanda.samvada.alivilasisamlapa.9.90) sārvajñyaṃ mokṣakāle vadasi yadi tadā sattvamatrā'nivāryaṃ, jñānaṃ sattvaikakāryaṃ tava kila sadhye, hetvabhāve kutastat jñānāt ko 'nyaḥ prakāśa,stata iyamagatiḥ svātmamātraprakāśe 'pya,jñatvoktau tu mokṣāt kṣaṇabhaṅgamabhimatāt tvanmate ko viśeṣaḥ yogāṅge bahiraṅga eva niyame santoṣamātiṣṭhase, tanmātreṇa vadasyanuttamasukhaṃ, tatrāviramya śramaiḥ vāñchannuttarabhūmikāstadadhikaṃ nūnaṃ parastāt sukhaṃ pratyeṣi, labhataḥ kuto 'pavadase kaivalyakāle tu tat ### [9.91](https://indike.org/pramana/in.lit.kavya.khanda.samvada.alivilasisamlapa.9.91) anyonyāśritatāṃ tu satvarajasorāsthāya sattvasthitau saukhye satyapi codvibheṣi rajaso duḥkhaṃ mama syāditi, mā bhaiṣīrnahi sattvajaṃ tada,malaṃ cinmātrasattāsukhaṃ, yanmātrāmupajīvya mokṣapadavī prekṣāvatā ''kāṅkṣyate ### [9.92](https://indike.org/pramana/in.lit.kavya.khanda.samvada.alivilasisamlapa.9.92) dṛṣṭvā yogopasargāṃstrasasi, taducitaṃ, te haniṣyanti randhre, duḥsaṃpādo 'pramādaḥ satatamasumatā, vāsanāścātisūkṣmāḥ vedo 'pyāha dvitīyādbhaya,miha vihitasteṣu 'mithyātvadṛṣṭibrahmāstrasya prayoga,: kuru ta,manubhavāśeṣasaṃsārabhaṅgam ### [9.93](https://indike.org/pramana/in.lit.kavya.khanda.samvada.alivilasisamlapa.9.93) yat kāṇādamataṃ vimṛśya puruṣāsaṅgatvacidrūpate mukteḥ sambhavabodhanāya kapilo yuktyā vyacātiṣṭhipat anvagrāhmuneyateva sakalaḥ saṃsāratapto jano bhaktyā 'dhyetu gurorathopaniṣadastannirṇinīṣā 'sti cet ### [9.94](https://indike.org/pramana/in.lit.kavya.khanda.samvada.alivilasisamlapa.9.94) ruddhe mokṣapathe prayāti na mano durvāsanākaṇṭakai,ryāṃtaṃ nāpyavatiṣṭhate'tra, mamatāpāśairbhave kṛṣyate udyatkaṇṭakaśodhanāya mamatāpāśacchide ca kṣamān yogān darśayataḥ patañjalimunerdhanyo vadānyo 'sti kaḥ ### [9.95](https://indike.org/pramana/in.lit.kavya.khanda.samvada.alivilasisamlapa.9.95) pratyakṣavedavacanairavirodha eva prāmāṇyamiṣṭamanumīnanṛbhāṣitānām brahmaiva kāraṇatayā jagato niśamya vedeṣu na prakṛtikāraṇatāṃ pratīmaḥ ### [9.96](https://indike.org/pramana/in.lit.kavya.khanda.samvada.alivilasisamlapa.9.96) bauddhajainamatadūṣaṇakāle tatra sādhakamabādhyanumānam piṣṭapeṣaṇamapāsya tato 'dya prastavīmyupaniṣanmatamātram ### [9.98](https://indike.org/pramana/in.lit.kavya.khanda.samvada.alivilasisamlapa.9.98) yenaikena jñātamātreṇa sarvaṃ vijñātaṃ syāt satyamekaṃ tadeva anyad vācā''rambhaṇaṃ nāmadheyaṃ mithyetyāha śvetaketuṃ pitā 'sya mṛdo 'vasthābhedāḥ kalaśamaṇikādyā iti bhavedupādāne jñāte mitirapi ca tatkāryaviṣayā kulāla jñaptyāṃ no bhavati ghaṭadhī, brahmaṇi tato 'khilopādānatvaṃ śrutivacanatātparyaviṣayaḥ ### [9.99](https://indike.org/pramana/in.lit.kavya.khanda.samvada.alivilasisamlapa.9.99) vivarttopādānaṃ phaṇina iva rajjusta,dakhilabhramādhiṣṭhānatvā,nnahi bhavati nitye pariṇatiḥ, sthitā tvasmin māyā pariṇamati rūpairbahuvidhai,rvināśe 'syā jñānād bhavati niyataṃ saṃsṛtilayaḥ ### [9.100](https://indike.org/pramana/in.lit.kavya.khanda.samvada.alivilasisamlapa.9.100) jñāne satyapi nāsti yadviṣayatā nityaṃ kadācicca vā te 'santo, naraśṛṅgaśuktirajate dṛṣṭe ihodāhṛtī ātmā tvatra vibhāti nityamiti san, tadvaiparītyaṃ tu no, kartāraṃ na vinā kriyā śrutacarī, sā 'karmikā tvīkṣyate ### [9.101](https://indike.org/pramana/in.lit.kavya.khanda.samvada.alivilasisamlapa.9.101) tādṛksarvavivartakāraṇaṃ paraṃ brahmābhidāṃ janmino vedastattvamasītyuvāca navadhā niḥsaṃśayajñaptaye yāvannojjhati tatprakārayugalaṃ sarvajñatā'lpajñatārūpaṃ, tāvadiyaṃ na saṃghaṭata ityetatparityajyatām ### [9.102](https://indike.org/pramana/in.lit.kavya.khanda.samvada.alivilasisamlapa.9.102) tyakte bhāgayuge tvakhaṇḍaparacitsākṣātkriyā nirmalā svādhyastānṛtaviśvabādhanapaṭuḥ sampadyate dhyāyataḥ ityāveditameva pūrvamasakṛd, viśvasya tasmācchrutau tyaktvā bhedadhiyaṃ cidātmakaparānandaikatāno bhava ### [9.103](https://indike.org/pramana/in.lit.kavya.khanda.samvada.alivilasisamlapa.9.103) tvaṃ vijñānamayaṃ samādhisatatābhyāsena kośaṃ paraṃ prāpyānandamayāntyabhūmimabhajannatraiva cet sthāsyasi vyartho 'yaṃ sakalaḥ śramastava bhave,dvijñānamātreṇa kiṃ kṛtārthyaṃ sukhamantarā, tadalaso mā bhū,rna dūre 'dya tat ### [9.105](https://indike.org/pramana/in.lit.kavya.khanda.samvada.alivilasisamlapa.9.105) addhāvevā'tisūkṣme viśati na matirbrahmatattve hi, tasmādanne prāṇe manasyapyavadadupaniṣad brahmataṃ lokadṛṣṭyā, vijñāne tāṃ vicārakṣamapuruṣadṛśā procya siddhāntamāhānando brahmeti,tasmāt paraciti vimatirnocitā ''nandatāyām uddhartuṃ prakṛtāvaṇuṣvapi paraiḥ kṣiptāṃ jagaddhetutāmadhyāropayati śrutiḥ prathamatò brahmaṇyupādānatām aspande viguṇe vibhāvavayavairhīne tato 'podya tāṃ sad brahmaiva tu niṣprapañca,mitaranmithyeti cātiṣṭhate ### [9.106](https://indike.org/pramana/in.lit.kavya.khanda.samvada.alivilasisamlapa.9.106) mokṣe siddhe 'pyahaṃtā kuviṣayamamatāvarjitā sākṣirūpā bhātyevā'sau na cetovikṛtirapagatā svāparādhena bhūte sā sarvātmasākṣātkṛtirupaniṣadā stūyate, taddhi paśyan muktaḥ sūryo manuścāhamabhavamiti yad vāmadevaḥ prapede ### [9.109](https://indike.org/pramana/in.lit.kavya.khanda.samvada.alivilasisamlapa.9.109) brahmaikārthā yasya vṛttiḥ samādhau vyutthāne syānnehanānetirūpā śuddhā sā ''stāṃ miśritā vā 'nyavṛttyā, jīvanmuktasyaitadeva svarūpam nānā nāsti ca, dṛśyate ca, tadidaṃ māyendrajālottha,mityanyābādhitavṛttikasya viduṣo dehendriyārthabhramāḥ kiṃ kurvantu, yadindrajālaracitāḥ sarve 'pi, so 'yaṃ yataḥ sampanno, nijanirmitānnahi bhayaṃ rāgo 'pi vā māyinaḥ ātmajñopi parānanātmaviduṣaḥ saṃcārayiṣyan hite mārge jātivayo'nvayaśrutadhanā'vasthā'nurūpakriyaḥ svīyācāranidarśanaistaducitācāropadeśaiśca tānuddhartuṃ yatate, dayāmbudhipareśatmaikyasākṣī hi saḥ ### [9.110](https://indike.org/pramana/in.lit.kavya.khanda.samvada.alivilasisamlapa.9.110) abhidadhaditi bhūyaścāpravodhaṃ vivakṣannupasaṃmahṛta yāvannālirātmopadeśam nigaḍitakhagamālaṃ vyomni jālaṃ vikarṣanniha sapadi dayāluḥ prādurāsīt sa haṃsaḥ ### [9.112](https://indike.org/pramana/in.lit.kavya.khanda.samvada.alivilasisamlapa.9.112) cañcvā vinnroḍhya jālaṃ kṣipati bhuvi tadā satvaraṃ tatra haṃse ke citproḍḍīya jagmurviyati śakunayo labdhatanmokṣaharṣāḥ anye jālena sākaṃ bhuvi luluṭhu,rimān pākṣikāḥ ke 'pyabadhnan, kāṃściccācchidya tebhyaḥ kati cana dhanino'tiṣṭhipan pañjareṣu tāṃ haṃsasyā'khilabhavadaśābodhanāpūrvaśailīmālokyāliḥ praṇatibhiramuṃ toṣayitvā, vilāsin paśyāyāto mama gururayaṃ, vatsa vandasva bhaktyā, siddho 'rthaste, śaraṇamupayāhyetamevetyavādīt ### [9.113](https://indike.org/pramana/in.lit.kavya.khanda.samvada.alivilasisamlapa.9.113) tathā 'nuśiṣṭastamadṛṣṭapūrvaṃ haṃsaṃ prasabhaṃ vimalaprakāśam muhuḥ pragamyārthitatatprasādo 'bhavad vilāsī tadananyadṛṣṭiḥ ### [9.114](https://indike.org/pramana/in.lit.kavya.khanda.samvada.alivilasisamlapa.9.114) haṃso 'haṃsaḥ sphurati paramākāśa ityevamādau bhūyo 'bhyasyan pramadaśabalāśrayavṛttyā krameṇa matvaikārthyaṃ padagaṇaṃihaikekahāne 'pi tulyaṃ vācaḥ sarvā vijahadabhajaddhaṃsabhāvaṃ vilāsī ### [9.115](https://indike.org/pramana/in.lit.kavya.khanda.samvada.alivilasisamlapa.9.115) kṣīṇe 'thāvaraṇe 'khile 'pi satataṃ taddhaṃsasākṣākriyānande vāṅmanasātige sphurati ca prāpyāmṛtaṃ nirbhayaḥ so 'rodīdahasannanarta tamaliṃ haṃsaṃ ca bhūyo 'namad dhanyo 'smyatrabhavatkṛpā 'dya phalitetyetau muhuścānuvīt ### [9.116](https://indike.org/pramana/in.lit.kavya.khanda.samvada.alivilasisamlapa.9.116) sarveṣṭasiddhiradhunā nirupaplavā naḥ so 'haṃ tvamityapagatā 'nṛtabhedadṛṣṭiḥ uktveti gāḍhamitaretaramāliṅgaiḥ sambhūya tasthuratha te 'livilāsihaṃsāḥ ### [9.117](https://indike.org/pramana/in.lit.kavya.khanda.samvada.alivilasisamlapa.9.117) saṃlāpamityalivilāsikṛtaṃ nirūpya saṃkṣipya kāvyakarake'tra mayā'varuddhā tīrthāmaraughabahulaukikavṛttasarvālaṃkāradārśanikavastucatuḥ samudī ### [9.118](https://indike.org/pramana/in.lit.kavya.khanda.samvada.alivilasisamlapa.9.118) prājñairidaṃ pratipadadhvani sāvadhānairanvīkṣyamāṇamasakṛnnavakhaṇḍakāvyam dharmārthakāmaparamuktisamīkṣaṇeṣu dākṣyaṃ phaliṣyati sabhāsu sadādarārham ### [9.121](https://indike.org/pramana/in.lit.kavya.khanda.samvada.alivilasisamlapa.9.121) ye'laṃkāragabhīracitramadhuropanyāsaśuśrūṣavo. jñātuṃ bhārataviśrutāmarapurītīrthāni vāñchanti ye ye ca dvādaśadarśanasthitaviṣayavyutpattijātādarāḥ saṃlāpo'livilāsinormuhurayaṃ tairāsthayā''locyatām śrīmattātanṛsiṃhaśāstricaraṇasvavṛkṣasaṃsevino rājārāmayatīndrasadgurukṛpāpīyūṣapūtātmanaḥ kāśyāṃ vedarasāṅgabhū (1964) mitaśake saṃpāditā vaikrame syād gaṅgādharaśarmaṇaḥ kṛtiriyaṃ vidvajjanānāṃ mude ekāgre sati navyakāvyakutukavyājena citte ciraṃ yasmin sākṣiṇi visphuratyanupadaṃ sākṣāt praṇāḍyā'pi vā vaktṛśrotṛbhirāpyate paracidānando vacogocaraḥ sa svaikāśritayāmayā racanayā prīto'stu viśveśvaraḥ ### [9.121.p1](https://indike.org/pramana/in.lit.kavya.khanda.samvada.alivilasisamlapa.9.121.p1) śrīsāmbasadāśivārpaṇamastu śubhaṃ bhavatu --- Source: [https://indike.org/pramana/in.lit.kavya.khanda.samvada.alivilasisamlapa.9](https://indike.org/pramana/in.lit.kavya.khanda.samvada.alivilasisamlapa.9) · Pramāṇa