Citropahara 1.7
Rucirā 1.7
- Language
- Sanskrit
1.7
satyeti| iha jagatyām govindānandanāmā yativaro jayati| kīdaśaḥ nītisadrītimatyā nayasamīcīnaparipāṭīyuktayā satyā sādhyā matyā upalakṣitaḥ| "itthaṃbhūtalakṣaṇe tṛtīyā"| punaḥkī॰ mahitapadaḥ arcitacaraṇaḥ| punaḥkī॰ dāntasvāntaḥ yatacittaḥ| punaḥkī॰ praśāntaḥ praśamayuktaḥ| punaḥkī॰ prakaṭitapaṭutāpasphuṭaśrīḥ| prakaṭitā yā paṭutā tayā sphuyā śrīḥ yasya saḥ| punaḥkī॰ akūṭaḥ| akapaṭaḥ| punaḥkī॰ netā nāyakaḥ dharmasyetiyāvat| punaḥkī॰ jetā| punaḥkī॰jananavatāṃ prāṇināṃ jīvanādhānasya jīvikāsthāpanasya prāṇadhāraṇasthitervā hetuḥ| ataeva ka iva| pracetā iva| varuṇa iva vāyuḥ iva vā| varuṇo'pi jīvanādhānahetuḥ jalādhānahetuḥ| vāyurapi jīvanādhānahetuḥ prāṇadhāraṇasthiterhetuḥ| jīvanaṃ bhuvanaṃ vanamityamaraḥ| pracetā varuṇe vāyau matte cāpi manasvinīti viśvaḥ| spaṣṭamanyat |
Linked texts (1)
- Citropahāra — Devīprasāda Śarman, Sanskrit