[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Poetry (mahākāvya, lyric, messenger poems, stotra, Prakrit kāvya)](https://indike.org/pramana/in.lit.kavya) › [Shorter narrative and descriptive poems](https://indike.org/pramana/in.lit.kavya.khanda) › [Musical poems after the Gītagovinda](https://indike.org/pramana/in.lit.kavya.khanda.gitakavya) › [Gitagaurisham](https://indike.org/pramana/in.lit.kavya.khanda.gitakavya.gitagaurisam) › 19 # Gitagaurisham 19 Gītagaurīśam 19 - **Language:** Sanskrit ### [19.1](https://indike.org/pramana/in.lit.kavya.khanda.gitakavya.gitagaurisam.19.1) athaikaviṃśaḥ prabandhaḥ āḍavvatāle1 gurjarīrāgeṇa gīyate— kvacidapi hasitaṃ kvacidapi lapitaṃ kvacidapi madamādhurī kvacidapi calitaṃ kvacidapi militaṃ prasarati2 rasacāturī ### [19.2](https://indike.org/pramana/in.lit.kavya.khanda.gitakavya.gitagaurisam.19.2) girisadmani vahalaṃ śivayoriha kutūhalam || dhruvapadam puraripuramalaṃ vikasitakamalaṃ paṭu kalayati3 kuntale smaraśaraśaraṇaṃ kanakābharaṇaṃ vahati vapuṣi komale ### [19.3](https://indike.org/pramana/in.lit.kavya.khanda.gitakavya.gitagaurisam.19.3) mukharitaraśanaṃ pravicalavasanaṃ taralitamaṇikuṇḍalam giripatitanayā manasijakalayā 1gamayati mukhamaṇḍalam ### [19.4](https://indike.org/pramana/in.lit.kavya.khanda.gitakavya.gitagaurisam.19.4) maṇimayavalayaṃ rabhasopacayaṃ racayati 2paṭu bhūṣaṇam patiratipulakaṃ kalayati tilakaṃ karamadhigatadūṣaṇam ### [19.5](https://indike.org/pramana/in.lit.kavya.khanda.gitakavya.gitagaurisam.19.5) kautukalapitaṃ tanute lalitaṃ raticaturimasundaram prathayati nibhṛtaṃ girijāhasitaṃ vikasitarucivandhuram ### [19.6](https://indike.org/pramana/in.lit.kavya.khanda.gitakavya.gitagaurisam.19.6) sarabhasavacane mālāracane racayati nakhavigraham kalayati madhure rasanāvasare nivasanalaghunigraham ### [19.7](https://indike.org/pramana/in.lit.kavya.khanda.gitakavya.gitagaurisam.19.7) ghaṭayati vanitā kaitavakupitā pāṭalarucilocanam kimapi na manute mukhamāvṛṇute himarucimadamocanam ### [19.8](https://indike.org/pramana/in.lit.kavya.khanda.gitakavya.gitagaurisam.19.8) kṛtaharavinayo gaṇapatitanayo nigadati hitakāraṇam himakaramukuṭe vijayini nikaṭe viracaya 1na ca vāraṇam ### [19.9](https://indike.org/pramana/in.lit.kavya.khanda.gitakavya.gitagaurisam.19.9) hāraṃ kāñcidhiyā śambhau jaghane kartumicchati gaurī sahacarīvaktre sasmitaṃ cakṣurakṣipat --- Source: [https://indike.org/pramana/in.lit.kavya.khanda.gitakavya.gitagaurisam.19](https://indike.org/pramana/in.lit.kavya.khanda.gitakavya.gitagaurisam.19) · Pramāṇa