[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Poetry (mahākāvya, lyric, messenger poems, stotra, Prakrit kāvya)](https://indike.org/pramana/in.lit.kavya) › [Shorter narrative and descriptive poems](https://indike.org/pramana/in.lit.kavya.khanda) › [Musical poems after the Gītagovinda](https://indike.org/pramana/in.lit.kavya.khanda.gitakavya) › [Gitagaurisham](https://indike.org/pramana/in.lit.kavya.khanda.gitakavya.gitagaurisam) › 4 # Gitagaurisham 4 Gītagaurīśam 4 - **Language:** Sanskrit ### [4.1](https://indike.org/pramana/in.lit.kavya.khanda.gitakavya.gitagaurisam.4.1) idānīṃ madanapīḍāṃ vakti— priyasarikha ! sudhāṃśuvartī nā'yaṃ paṅkaḥ kalaṅko vā siṃhāsanopaviṣṭo jaladharakāntiḥ kṛtānto'yam ### [4.2](https://indike.org/pramana/in.lit.kavya.khanda.gitakavya.gitagaurisam.4.2) idamarthayāmi kevalamāli ! mṛṇālī nivāryatāmurasaḥ yadidaṃ virahahutāśadhmāpanatālīdhiyaṃ dhatte ### [4.1-2](https://indike.org/pramana/in.lit.kavya.khanda.gitakavya.gitagaurisam.4.1-2) 1atha pañcamaprabandho vasantarāgeṇa rūpakatāle gīyate— idānīṃ paścāttāpena cittaṃ bodhayati— ratirasa 2vikalitamaṇimaya nūpurayugalataraṅgitatālam phaṇipativitataphaṇāvaliparihṛtamaṇigaṇaviracitamālam ### [4.2-2](https://indike.org/pramana/in.lit.kavya.khanda.gitakavya.gitagaurisam.4.2-2) sāyaṃ samayavihitanaṭaveṣam ceto mama 1cintaya hi maheśam || dhruvapadam himaruciruciyacandanacitritadehamurīkṛta raṅgam lalitalalāṭavilocanadīdhitikeśarasamudayadaṅgam ### [4.3](https://indike.org/pramana/in.lit.kavya.khanda.gitakavya.gitagaurisam.4.3) tilakitatuhinakaraṃ karakisalayavalayitapannaganātham 2pravicalalocanacaṭulacittaruciviracitadīpasanātham ### [4.4](https://indike.org/pramana/in.lit.kavya.khanda.gitakavya.gitagaurisam.4.4) añjalivigalitavakulakusumacayaviracitatārābhāsam sacakitanayanamadānanadarśanavihitavipulaparihāsam ### [4.5](https://indike.org/pramana/in.lit.kavya.khanda.gitakavya.gitagaurisam.4.5) keliniketananipatitamauktikayojitaghargharaghoṣam nanditanandimadhuramurajadhvanivihitahṛdayaparitoṣam ### [4.6](https://indike.org/pramana/in.lit.kavya.khanda.gitakavya.gitagaurisam.4.6) samadhikanartitagalitagajājinapariṇatajaladavikāram 1bhramitaravitatajaṭāpaṭaladyutidarśitataḍidākāram ### [4.7](https://indike.org/pramana/in.lit.kavya.khanda.gitakavya.gitagaurisam.4.7) surataṭinī 2jalakamaladalasrajamuditahariṇatanu 3cīram phaṇipaticapalaphaṇāvyajanā'nilaśītalasakalaśarīram ### [4.8](https://indike.org/pramana/in.lit.kavya.khanda.gitakavya.gitagaurisam.4.8) 1bhānubhaṇitamiti puraharanartanaṃ 2nigaditamamṛtasamānam janayatu nikhilabhuvanajanacetasi bahuvidhasukhasantānam ### [4.3-2](https://indike.org/pramana/in.lit.kavya.khanda.gitakavya.gitagaurisam.4.3-2) jīvena tulitaṃ prema sakhi ! mūḍhena 3vedhasā laghurjīvo yayau kaṇṭhaṃ guru prema hṛdi sthitam ### [4.4-2](https://indike.org/pramana/in.lit.kavya.khanda.gitakavya.gitagaurisam.4.4-2) svaprakāśamanirvācyamātmadvaitanivartakam vikalpātītamānandaṃ 4 premaiva brahmakevalam ### [4.1-3](https://indike.org/pramana/in.lit.kavya.khanda.gitakavya.gitagaurisam.4.1-3) atha ṣaṣṭhaprabandho 1 gurjarīrāgeṇa rūpakatāle gīyate-idānīṃ viyogamasahamānā gaurī śaṅkarasaṅgamane sakhīṃ prārthayateabhinavayauvanabhūṣitayā darataralitalocanatāram kiñcidudañcitavihasitayā caladaviralapulakavikāram ### [4.2-3](https://indike.org/pramana/in.lit.kavya.khanda.gitakavya.gitagaurisam.4.2-3) he sakhi ! śaṅkaramuditavilāsam saha saṅgamaya mayā natayā ratikautukadarśitahāsam || dhruvapadam bhujagavibhūṣaṇa 2 bhūṣitayā kṛtabahuvidha 3 cāṭuvilāpam himakarakiraṇavilajjitayā madhumadhurimalasadabhilāṣam ### [4.3-3](https://indike.org/pramana/in.lit.kavya.khanda.gitakavya.gitagaurisam.4.3-3) avanatavadanasaroruhayā hṛdi samuditamuditamanojam nivasanavinihitakaratalayā'jinayojitapāṇisarojam ### [4.4-3](https://indike.org/pramana/in.lit.kavya.khanda.gitakavya.gitagaurisam.4.4-3) kapaṭakopapaṭubhāṣitayā mukhasarasijacumbanalolam cakitavilolovalocanayā karaparikṛtanīvīcolam ### [4.5-2](https://indike.org/pramana/in.lit.kavya.khanda.gitakavya.gitagaurisam.4.5-2) kharakarajakṣatakātarayā smitavikasitarucimukhacandram cañcalakuṇḍalakhaṇḍitayā caladalakagrahasānandam ### [4.6-2](https://indike.org/pramana/in.lit.kavya.khanda.gitakavya.gitagaurisam.4.6-2) 1 calitakapolakalāsvanayā'dharanihitādharamanuvelam siñjitarañjitanūpurayā kṛtabhujayugabandhanakhelam ### [4.7-2](https://indike.org/pramana/in.lit.kavya.khanda.gitakavya.gitagaurisam.4.7-2) śramajalasīkaraśītalayā karavihitavyajanasamīram ghanataraniḥśvasitālasayā punarānanaliptapaṭīram ### [4.8-2](https://indike.org/pramana/in.lit.kavya.khanda.gitakavya.gitagaurisam.4.8-2) bhānukaveriti gocaritaṃ giṃritanayāvacanamudāram kalayatu kṛpayā komalayā sukhasubhagamakhilasaṃsāram ## Linked texts (1) - [Subhāṣitaratnabhāṇḍāgāra](https://indike.org/pramana/in.lit.subhasita.subhasita.adhunika.subhasitaratnabhandagara.6.13.2) — Kāśīnātha Pāṇḍuraṅga Paraba 1886, Sanskrit --- Source: [https://indike.org/pramana/in.lit.kavya.khanda.gitakavya.gitagaurisam.4](https://indike.org/pramana/in.lit.kavya.khanda.gitakavya.gitagaurisam.4) · Pramāṇa