[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Poetry (mahākāvya, lyric, messenger poems, stotra, Prakrit kāvya)](https://indike.org/pramana/in.lit.kavya) › [Shorter narrative and descriptive poems](https://indike.org/pramana/in.lit.kavya.khanda) › [Musical poems after the Gītagovinda](https://indike.org/pramana/in.lit.kavya.khanda.gitakavya) › [Gitagaurisham](https://indike.org/pramana/in.lit.kavya.khanda.gitakavya.gitagaurisam) › 5 # Gitagaurisham 5 Gītagaurīśam 5 - **Language:** Sanskrit ### [5.1](https://indike.org/pramana/in.lit.kavya.khanda.gitakavya.gitagaurisam.5.1) āśāsu tiṣṭhati karoti na kintu gāḍhamāśleṣameṣa¹yati tatra sakhi ! pratīhi āśaṅkate nayanayoranayoradhīrairnīrairlalāṭadahanopaśamaṃ purāriḥ ākāśe bhramarā bhramanti śabarāḥ puṣpasrajo vāgurāḥ, kuñje kiṃśukakorake hitavahaḥ pāraddhikāraḥ smaraḥ jālaṃ dikṣu sudhāṃśukāntinikaraḥ śyeno vasantānilaḥ, śveto me hariṇaḥ kva gacchatu yataḥ sarvatra vāmo vidhiḥ ### [5.1-2](https://indike.org/pramana/in.lit.kavya.khanda.gitakavya.gitagaurisam.5.1-2) 1atha saptamaprabandho guṇakarīrāgeṇa rūpakatāle gīyate— punaśca vaiparītyamāha— kalitakalaṅkamamṛtakarabimbam racayati vighaṭaharucimavilambam ### [5.2](https://indike.org/pramana/in.lit.kavya.khanda.gitakavya.gitagaurisam.5.2) madhumadhure kimu karavāṇi vidhau vidhure | dhruvapadam aṅgārakabhariteva hasantī 2vikasadaśokalatā vihasantī ### [5.3](https://indike.org/pramana/in.lit.kavya.khanda.gitakavya.gitagaurisam.5.3) prasarati 3kesarakusumajadhūlī kimu yamakāsarakhurapuṭadhūlī ### [5.4](https://indike.org/pramana/in.lit.kavya.khanda.gitakavya.gitagaurisam.5.4) prathayati madanamahīpatighāṭī abhinavavikasitakiṃśukavāṭī ### [5.5](https://indike.org/pramana/in.lit.kavya.khanda.gitakavya.gitagaurisam.5.5) ripuriva marudapi candanasaṅgī yamapuñjīmiva 1puṣyati bhṛṅgī ### [5.6](https://indike.org/pramana/in.lit.kavya.khanda.gitakavya.gitagaurisam.5.6) 2aśru ca vaitaraṇī kimudārā ketakamudayati kaṇṭakadhārā ### [5.7](https://indike.org/pramana/in.lit.kavya.khanda.gitakavya.gitagaurisam.5.7) saikatamuṣṇaṃ 3minduka rajālam śiva śiva sakalamihaiva karālam ### [5.8](https://indike.org/pramana/in.lit.kavya.khanda.gitakavya.gitagaurisam.5.8) bhānubhaṇitamiti viguṇamanojā vahatu śubhaṃ me śailatanūjā ### [5.3-2](https://indike.org/pramana/in.lit.kavya.khanda.gitakavya.gitagaurisam.5.3-2) snehā iva varddhante priyasakhi ! vāsantikā 1vāsāḥ prasaranti hanta ! 2pāpā iva3 tava mākandaparimala 4vikāsāḥ ### [5.4-2](https://indike.org/pramana/in.lit.kavya.khanda.gitakavya.gitagaurisam.5.4-2) 5atidīrghaṃ niśvasatīṃ manasi vahantīṃ smaradviṣaḥ smaraṇam cintākavalitahṛdayā punarapi vijayā nagātmajāmūce ### [5.1-3](https://indike.org/pramana/in.lit.kavya.khanda.gitakavya.gitagaurisam.5.1-3) athāṣṭamaprabandho 6guṇakarīrāgeṇa rūpakatāle gīyate— tadvijayā bhāṣaṇamāha— iyasiyamali ! manobhavakhelā niyatā naiva hitā'hitavelā ### [5.2-2](https://indike.org/pramana/in.lit.kavya.khanda.gitakavya.gitagaurisam.5.2-2) 7śailasute ! śailasute ! sīdati śambho dūragate | dhrupadam kutra na bhavati madanaśarapīḍā kintu na 1ramati manasijavrīḍā ### [5.3-3](https://indike.org/pramana/in.lit.kavya.khanda.gitakavya.gitagaurisam.5.3-3) viracaya puraharanāmasmaraṇam tena vinā nahi saṅkaṭataraṇam ### [5.4-3](https://indike.org/pramana/in.lit.kavya.khanda.gitakavya.gitagaurisam.5.4-3) kimiti viṣīdasi vilapasi dīnam trijagati sakalamapi tvadadhīnam ### [5.5-2](https://indike.org/pramana/in.lit.kavya.khanda.gitakavya.gitagaurisam.5.5-2) kupita 1bhujaṅgabhīṣaṇabhāsam muñcasi darpaṇamapi satrāsam ### [5.6-2](https://indike.org/pramana/in.lit.kavya.khanda.gitakavya.gitagaurisam.5.6-2) caraṇe nūpuramapi na dadhāsi smaranigaḍasya 2bhiyeva jahāsi ### [5.7-2](https://indike.org/pramana/in.lit.kavya.khanda.gitakavya.gitagaurisam.5.7-2) urasi vahasi 3na ca bisamapi śītam manasija 4bhilladhiyā kimu bhītam ### [5.8-2](https://indike.org/pramana/in.lit.kavya.khanda.gitakavya.gitagaurisam.5.8-2) vadati bhānurati5suhṛdupadeśam kuru patireṣyati visṛja kleśam ### [5.5-3](https://indike.org/pramana/in.lit.kavya.khanda.gitakavya.gitagaurisam.5.5-3) nayanasalilabindubhiḥ skhaladbhiḥrbhavatu vapuḥ 1smarapicchalaṃ na tāvat iti vikirati 2śaivalaṃ śarīre, kusumadhanuḥ kimu pāṇḍimacchalena --- Source: [https://indike.org/pramana/in.lit.kavya.khanda.gitakavya.gitagaurisam.5](https://indike.org/pramana/in.lit.kavya.khanda.gitakavya.gitagaurisam.5) · Pramāṇa