[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Poetry (mahākāvya, lyric, messenger poems, stotra, Prakrit kāvya)](https://indike.org/pramana/in.lit.kavya) › [Shorter narrative and descriptive poems](https://indike.org/pramana/in.lit.kavya.khanda) › [Musical poems after the Gītagovinda](https://indike.org/pramana/in.lit.kavya.khanda.gitakavya) › [Gitagaurisham](https://indike.org/pramana/in.lit.kavya.khanda.gitakavya.gitagaurisam) › 9 # Gitagaurisham 9 Gītagaurīśam 9 - **Language:** Sanskrit ### [9.1](https://indike.org/pramana/in.lit.kavya.khanda.gitakavya.gitagaurisam.9.1) atha kanakasaroruhātapattro, vikasitaketakavisphuratkirīṭaḥ 1navakisalayakañcukopagūḍhaḥ, śivamaśivairviśikhaiḥ smaro jaghāna ### [9.2](https://indike.org/pramana/in.lit.kavya.khanda.gitakavya.gitagaurisam.9.2) skandhād bhraṣṭabhujaṅganāyakadhiyā gṛhṇan mṛṇālāṅkurān, kaṇṭhasrastahalāhalāvadhidhiyā karṣan dvirephāvalīm netraprāntacalāyamānadahanabhrāntyā haran kiṃśukaṃ; devaḥ sānuṣu bhūdharasya vicaran na kvā'pi lebhe ratim ### [9.3](https://indike.org/pramana/in.lit.kavya.khanda.gitakavya.gitagaurisam.9.3) kimitaradapi vahnilocanaṃ me, hṛdi bhavatīti haro viśaṅkamānaḥ 1cakitavṛttirasau kṣayī babhūva, smaraśarapāvakadūyamānamantaḥ ### [9.4](https://indike.org/pramana/in.lit.kavya.khanda.gitakavya.gitagaurisam.9.4) 2uddāmadhāmasantāpadhāro dhīrālamānasaḥ saṅginaṃ bhṛṅgiṇa 3 vācamuvāca śaśiśekharaḥ ### [9.1-2](https://indike.org/pramana/in.lit.kavya.khanda.gitakavya.gitagaurisam.9.1-2) atha dvādaśaprabandhaḥ4 kedārarāgeṇa ekatālitāle gīyate | tadeva pārvatīvarṇanena prabandhenāha— caraṇanakhāvaliradhvani vitarati kiraṇasudhāsantānam locanakamalaṃ vikirati patiratha kalayati 1padamavadātam ### [9.2-2](https://indike.org/pramana/in.lit.kavya.khanda.gitakavya.gitagaurisam.9.2-2) madanamahīpatibhuvanavijayakaramacalasutātanurūpā cetasi citritamiva vanacampakarocirucirapratirūpā || dhruvapadam 3ūruyugaṃ kimu 4rambhāyugamiva anavaratadyutipūram vahati 5yātā makaradhvajanarapatikīrtinikarakapūram ### [9.3-2](https://indike.org/pramana/in.lit.kavya.khanda.gitakavya.gitagaurisam.9.3-2) romarājirapi kācidudañcati darśitaguṇasamudāyā mohayituṃ jagadakhilaṃ 1 mupetā kimu ! makaradhvajamāyā ### [9.4-2](https://indike.org/pramana/in.lit.kavya.khanda.gitakavya.gitagaurisam.9.4-2) mānatritayaṃ prasarati madhye na pratyakṣamanām rekhātrayamiti madanākṛti kimu ! vahati valitrayabhāram ### [9.5](https://indike.org/pramana/in.lit.kavya.khanda.gitakavya.gitagaurisam.9.5) 2kucayugamadhyagaganamivāpagatamālokitamiva tārā pravicalamuktāhāramiṣādiva vicarati kācidudārā ### [9.6](https://indike.org/pramana/in.lit.kavya.khanda.gitakavya.gitagaurisam.9.6) upacayasamucitamambaramālokitumidamalasanidhānam kucakanakācalayugamidamānanamunnatamiva vidadhānam ### [9.7](https://indike.org/pramana/in.lit.kavya.khanda.gitakavya.gitagaurisam.9.7) cūcukayugamavicārutaradyu ti jayati paramakanīyam madananayanayuga 1tārayugalavarapratikalayugaramaṇīyam ### [9.8](https://indike.org/pramana/in.lit.kavya.khanda.gitakavya.gitagaurisam.9.8) vadati bhānuriti kimitaradīdhitividhinirupamanaipuṇyam puraripu2ralinanditamiti kimito bhūdharatanayāpuṇyam ### [9.6-2](https://indike.org/pramana/in.lit.kavya.khanda.gitakavya.gitagaurisam.9.6-2) pratīmaḥ pañceṣoḥ pramadakariṇaḥ paṅkajadṛśo, mahānimne nābhīsarasi 3rasakelīṃ kalayataḥ dhruvaṃ romaśreṇīkarakuharavikṣiptapayasaḥ, dvidhākārāṃ dhārāṃ viracayati hārāvaliruciḥ ### [9.7-2](https://indike.org/pramana/in.lit.kavya.khanda.gitakavya.gitagaurisam.9.7-2) yatastallāvaṇyaṃ darataralapaṅkeruhadṛśo, rajo lagnaṃ mārge nipatati padāmbhoruhayugāt vinirmātuṃ śātakratavapurapaṅkeruhamukhīstadutthavyāpārairapaharati manye manasijaḥ --- Source: [https://indike.org/pramana/in.lit.kavya.khanda.gitakavya.gitagaurisam.9](https://indike.org/pramana/in.lit.kavya.khanda.gitakavya.gitagaurisam.9) · Pramāṇa