Gitagovinda 26
Śaśilekhā 26
- Language
- Sanskrit
26.1
śaśilekhā śivapakṣe'pyevam¹| athavā anidānaṃ = na vidyate eḥ = kāmasya, dānaṃ = rakṣaṇam, śuddhi rvā yatra kāmavyāpāravirodhinamityarthaḥ| mānaṃ tyaja| yadvā na vidyate e-rdānaṃ = madajalo yatra, tam, dānapadena kāmasya gajatvamākṣipyate| yadvā nidānaṃ yatsabandhanadāma, ²tatrāhitaṃ uddāmānamucchṛṅkhalamityarthaḥ| madanānalaḥ sapadi dahati, ataḥ mukhakamalamadhupānaṃ rakṣaṇaṃ yasya, tādṛśaṃ mama mānasaṃ dehi = upacāyi bhaviṣyati itiśeṣaḥ| daratimiretyādi, dareṇa = sādhvasena, timiraṃ³ = āndhyam, yasyāḥ, tādṛśī matiryasya, tādṛśaṃ ghoraṃ = haram, mahādevam⁴| 'ghoro bhīme hare'pi ceti|' anyatsamam| māṃ⁵ harati = vaśīkaroti, dareṇa timiraṃ ghoraṃ = haram, atiharatīti vā| locanāni cakorā yasya tādṛśaṃ ghoraṃ vadanacandramāḥ corayatu| athavā tava
26.2
śaśilekhā śivapakṣe'pyevam| athavā he satyame = satyalakṣmīke! satyajñāne! vā, he sudati! yadi tvaṃ mayi kopinī tadārāsi = ardayasi māmiti śeṣaḥ| tava kope satyeva mama pīḍā-prahārādikamatra piṣṭapeṣaṇakaramitibhāvaḥ| yadi kopasāphalyārthaṃ prahārādikaṃ dīyate, tadā dīyatām| mama tadapi kṣemāvahamityāha - dehītyādi, yena = prahārādinā, mayi sukhajātameva bhavati, bhavatyāṃ kopinyāṃ kiñcidakurvatyāṃ satyāṃ mama pīḍāparam, prahārādau kṛte mama pīḍānivṛttiritibhāvaḥ| ayamarthaḥ kṛṣṇapakṣe'tisamañjasaḥ|
26.3
śaśilekhā śivapakṣe'pi samam|
26.4
śaśilekhā
idamekaṃ darpāntake varttamānaṃ kṛṣṇarūpaṃ = kaṇṭhakālimānaṃ yadi rañjayasi, aruṇalocanenāvalokanāt| tat anurūpam, śivasya nīlalohitatvāditi| anyat prāgvat| athavā pūrvavyākhyā atrāpi yojanīyā|
26.6
śaśilekhā śivapakṣe'pi samānam| athavā he masṛṇavāṇi! mama janitaratisthaṃ hṛdayaraṃ = dattacittam, aṅgasya parabhāgaṃ = ekadeśam, svadehanirviśeṣam, aṅgasambodhanam, paropabhogabhāgyaṃ yasyeti vā| janaṃ = matsvarūpaṃ janam, bhaṇa| karaṃ vāti = gacchati, tādṛśaḥ, aṇiḥ = vāṇirvā, astriḥ = koṇaḥ, sīmā vā yasya, tādṛśam, karaspṛṣṭaprāntaṃ caraṇadvayaṃ sara = anusara| kīdṛśam? lasatā alaktakarāgeṇa sahitam| punaḥ sthalakamalam, tadvadācarat tadācakṣāṇaṃ vā| sthalakamalaṃ = bhramaram, agañjanaṃ = aninditam, sthalakamalakaṃ = praśastasthalakamalam, ācakṣamāṇānāṃ puṃsām, añjanaṃ = rasāñjanam, viśeṣabuddhipradamityartha iti vā| sarasalasadalaktakarāgaṃ caraṇadvayaṃ ahaṃ karavāṇīti yathā śrutaṃ vā| ayamarthaḥ kṛṣṇapakṣe'pi|
‘aṇi-vāṇi-radakṣāgra-kīlāgrisīmasūdayoriti| añjanaṃ kajjale cātkau sauvīre ca rasāñjane’ iti ca||
alaktakāsaktiraraktarakte pade tvadīye punaruktibhūtā| atastayā kiṃ kṛtayā tvameva mauliṃ mamālaṃ kuru cedamāha|
26.7
śaśilekhā śivapakṣe'pi samam| athavā mama śirasi maṇḍanam, candro jvalati, mayi madanakadanāruṇo jvalati| ataḥ udāraṃ pallavaṃ śirasi dehi| garalakhaṇḍanaṃ = viṣapāyinaṃ māṃ smara, yo'haṃ viṣapāne'pi na vyākulaḥ, sa evādya śirohṛdasthitābhyāṃ jvalitābhyāṃ candrakāmatāpasūryābhyāṃ parābhūye tatrivṛtaye padapallavaṃ dehīti = yāce itibhāvaḥ|
26.8
śaśilekhā muravairiṇaḥ = jñānamayatvādajñānavirodhinaḥ śivasya, rādhikāṃ = gaurīm| anyatsamam|
Linked texts (1)
- Gītagovinda — Jayadeva, Sanskrit