Gitagovinda 29

Śaśilekhā 29

Language: Sanskrit

29.1

śaśilekhā
mugdhaṃ = madanavaśam, i-madhumathanaṃ = ¹kāma-madhumuranāśinaṃ śivam| rādhike! = gauri!, tejasvitvādagneradhike!, anenāndhakāre tadanuśaraṇena kṣatiriti sūcitam| anyat samam| yadvā madhumathanaṃ = trailokyajanapāyinaṃ rudram| anyat samam| yadvā madhumathanena = viṣṇunā, manubhiḥ = mantraiḥ, gataṃ = jñānam, viṣṇūpāsitaṃ śivam|

29.2

śaśilekhā
śivapakṣe'pi samam| marālo = gajāsuraḥ, mareṣu = martyeṣu, ālaḥ = samartho, mṛtyu vā, tannikāraṃ = gajāsuranāśinam, mṛtyuñjayaṃ veti dvitīyapakṣe viśeṣaḥ|

29.3

śaśilekhā janamohanasya = parameśvarasya¹ śivasya, madhuripuṃ = madhuno'pyadhikam, madhuraṃ rāvaṃ = ramaṇītvam, śṛṇvati, ²kusumaśarāsanaśāsanasya vandanīva pikanikare sati śivājñayā kokileṣu kalamālapatsu śivo vakṣyatīti yathāśrutaṃ vā| tatra madhuripuḥ = śiva iti|

29.4

śaśilekhā śivapakṣe'pyevam|

29.5

śaśilekhā hariḥ² = śivaḥ| anyatsamam| athavā kucakumbham, uṃ = śivam, pṛccha| kīdṛśam? manoharahāravad vimalā jaladhārā = gaṅgājalam, yatra tādṛśo maḥ = candro yasya tam| sphuriteti, dvayorviśeṣaṇam| sphuriteti, suṣṭhu = ucito, hariparirambho = dharmamilanam, yatra, unmukhasphuraṇaśālī stano'yaṃ hṛdayasthaṃ bahiḥ sthitaṃ ca draṣṭumarhatīti sa eva praṣṭavyaḥ śivaḥ, kiṃ karotītyādi| kṛṣṇapakṣe – amuṃ = kṛṣṇam, manoharahāravimalajaladhāramityanena kṛṣṇasya mahākāsāratvam, kāsāravṛttāntavedī kumbho bhavatīti|

Linked texts (1)

Gītagovinda — Jayadeva, Sanskrit