<!-- Pramāṇa, a library of Indian primary sources · https://indike.org/pramana/in.lit.kavya.khanda.gitakavya.gitagovinda-2!mananka.14 -->

[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Poetry (mahākāvya, lyric, messenger poems, stotra, Prakrit kāvya)](https://indike.org/pramana/in.lit.kavya) › [Shorter narrative and descriptive poems](https://indike.org/pramana/in.lit.kavya.khanda) › [Musical poems after the Gītagovinda](https://indike.org/pramana/in.lit.kavya.khanda.gitakavya) › [Gītagovinda](https://indike.org/pramana/in.lit.kavya.khanda.gitakavya.gitagovinda-2) › [Commentary on the Gitagovinda (Mananka)](https://indike.org/pramana/in.lit.kavya.khanda.gitakavya.gitagovinda-2!mananka) › 14

# Gita Govinda 14

Commentary on the Gītagovinda (Mānāṅka) 14

- **Language:** Sanskrit

### [14.1](https://indike.org/pramana/in.lit.kavya.khanda.gitakavya.gitagovinda-2!mananka.14.1)

athānantaraṃ yā prasthāpitā sakhī tato gatvā tāṃ rādhāṃ govinde kṛṣṇe samīpaṃ gantumaśaktām asamarthāṃ ciraṃ bahukālaṃ śrīkṛṣṇe'nuraktāṃ yuktaṃ prāha | kimbhūte | manasijamande | manasi jāyata iti manasijo māraḥ tena mandaḥ klāntastasmin | ⁵kiṃ kṛtvā | evaṃguṇaviśiṣṭaṃ rādhikāyāścaritaṃ taccaritam | ⁶guṇakarīrāge | rūpakatāle | paśyati diśītyādi |  
he nātha svāmin | he hare śrīkṛṣṇa | rādhā vāsagṛhe sīdati | avasādaṃ prāpnoti | avasādamevopapādayati | rahasi nibhṛte vartamānā sā bhavantaṃ tvāṃ paśyati udvīkṣate | kva | diśi diśi pratidiśamityarthaḥ | kimbhūtaṃ ¹bhavantam | pānaṃ kurvantaṃ pivantam | kāni | tadadharamadhuramadhūni | madhurāṇi madhurānurūpīṇi ca | tasyā rādhikāyāḥ adharaḥ tasya madhuramadhūni tāni | tvadabhisaraṇetyādi |

### [14.2](https://indike.org/pramana/in.lit.kavya.khanda.gitakavya.gitagovinda-2!mananka.14.2)

tathā tatra vasantī tvadabhisaraṇarabhasena ²tvadāgamanautsukyena kriyanti kati padāni calantī satī patati | tvāṃ prati abhisaraṇaṃ anugamanaṃ tasya rabhasastena yadi kriyanti padāni calantī patati | tarhi kimiti na ³mriyata ityāha | vihitetyādi |

### [14.3](https://indike.org/pramana/in.lit.kavya.khanda.gitakavya.gitagovinda-2!mananka.14.3)

he kṛṣṇa | iha asmin samaye paraṃ kevalaṃ tava ratikalayā, ratilekhāḥ kalāḥ, tayā jīvati | kimbhūtā | vihitaviśadavisakisalayavalayā | visasya mṛṇālasya kisalayāni | viśadāni śubhrāṇi ca tāni visakisalayāni ca teṣāṃ valayāni vihitāni kṛtāni viśadavisakisalayavalayāni yayā sā tathā | muhuravalokitetyādi |

### [14.4](https://indike.org/pramana/in.lit.kavya.khanda.gitakavya.gitagovinda-2!mananka.14.4)

he nātha nārāyaṇa ! ⁴punaḥ kimbhūtā sā | madhuripurahamiti bhāvanaśīlā | ⁵madhuripuḥ śrīkṛṣṇaḥ ahameva iti bhāvena śīlaṃ svabhāvo yasyāḥ sā tathā | punaḥ kimbhūtā satī | muhuravalokitamaṇḍanalīlā | muhuḥ punaḥ punaḥ avalokitāni ca tāni maṇḍanāni hārāṅgadādīni ca | teṣu līlā krīḍā yasyāḥ sā tathā | 'muhuḥ punaḥ punaḥ śaśvadabhīkṣṇamasakṛtsamāḥ' ityamaraḥ | anena kiṃ kathitam | hārāṅgadakaṅkaṇamukuṭālaṅkārādinālaṅkṛtaṃ śāṅkhacakragadāpadmadhāriṇaṃ ⁶pītāmbaraṃ  
navanīradābhaṃ dhyānayuktyā hṛdayasthanārāyaṇaṃ satatamavalokya ahameva madhuripuriti ayamāśayaḥ| iti matvā kiṃ karotītyāha| tvaritamityādi

### [14.5](https://indike.org/pramana/in.lit.kavya.khanda.gitakavya.gitagovinda-2!mananka.14.5)

tathā bho kṛṣṇa sā rādhikā māṃ sakhīṃ prati anuvāraṃ vāraṃvāraṃ prativadati| katham| iti| iti katham| hariḥ śrīkṛṣṇaḥ abhisāraṃ saṃketasthānaṃ tvaritaṃ śīghraṃ kathaṃ nopaiti āgacchati matsakāśam| śliṣyatīti

### [14.6](https://indike.org/pramana/in.lit.kavya.khanda.gitakavya.gitagovinda-2!mananka.14.6)

tathā sā analpaṃ bahutaraṃ timiram andhakāraṃ| śliṣyati āliṅgati| na kevalaṃ śliṣyati cumbati| kimbhūtaṃ timiram| jaladharakalpaṃ nīlameghasannibham| kimiti vitarkeṃ| hariḥ śrīkṛṣṇaḥ upagataḥ samāgata iti buddhyā| bhavatītyādi|

### [14.7](https://indike.org/pramana/in.lit.kavya.khanda.gitakavya.gitagovinda-2!mananka.14.7)

tathā sā rādhikā vāsakasajjā vāsakasthāne latāgrahe sajjā tatparā ityarthaḥ kṛtaśṛṅgāraveṣā satī vilapati| vilāpaṃ śokaṃ karotītyarthaḥ| na kevalaṃ vilapati roditi ca| rodanaṃ karoti (ca)| kasmin sati| ¹bhavati tvayi sati| kathambhūte| vilambini| kṛtavilambe sati| vilambo nivṛttiḥ ²anāgamanahetuḥ so'syāstīti mantvantīn vilambī| tasmin| ³tadasyāstīti mantvantīn \[kātantra |  
504|| (taddhita) taditi prathamāntād asyāstīti patasminarthe mantu vantu vin in ityete pratyayā bhavanti|\] kimbhūtā sā| vigalitalajjā| vigalitā apagatā lajjā yasyāḥ sā| anena kimuktam| sā rādhikā kāmānukīrṇā samīpasthitasakhīnāṃ lajjāṃ na karotītyarthaḥ| śrījayadevakaverityādi|

## Linked texts (1)

- [Gītagovinda](https://indike.org/pramana/in.lit.kavya.khanda.gitakavya.gitagovinda-2.6.2) — Jayadeva, Sanskrit

---
Source: [https://indike.org/pramana/in.lit.kavya.khanda.gitakavya.gitagovinda-2!mananka.14](https://indike.org/pramana/in.lit.kavya.khanda.gitakavya.gitagovinda-2!mananka.14) · Pramāṇa
