[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Poetry (mahākāvya, lyric, messenger poems, stotra, Prakrit kāvya)](https://indike.org/pramana/in.lit.kavya) › [Shorter narrative and descriptive poems](https://indike.org/pramana/in.lit.kavya.khanda) › [Musical poems after the Gītagovinda](https://indike.org/pramana/in.lit.kavya.khanda.gitakavya) › [Gītagovinda](https://indike.org/pramana/in.lit.kavya.khanda.gitakavya.gitagovinda-2) › [Commentary of Mananka](https://indike.org/pramana/in.lit.kavya.khanda.gitakavya.gitagovinda-2!mananka) › 18 # Gitagovinda 18 Commentary of Mānāṅka 18 - **Language:** Sanskrit ### [18.p1](https://indike.org/pramana/in.lit.kavya.khanda.gitakavya.gitagovinda-2!mananka.18.p1) atha kathamapītyādi | ### [18.1](https://indike.org/pramana/in.lit.kavya.khanda.gitakavya.gitagovinda-2!mananka.18.1) uttaragītaṃ ślokenāvatārayati | ¹athānantaretyādi | athānantaraṃ sā rādhā smaraśarajarjaritā kāmabāṇavyathitāpi² kathamapi ³atikleśena ⁴yāminīṃ niśāṃ vinīya nītvā \[prabhāte\] prātaḥkāle prātaḥsamaye sābhyasūyaṃ abhyasūyā sahitaṃ yathā syāt tathā samāgataṃ priyaṃ pratyāha | kiṃ kurvantam | agre vadantam | kathaṃ yathā syāt | ⁵tathā anunaya⁶vinayaṃ yathā syāt | anunayāya parisāntvanāya vinayo namrībhāvo yasmin karmaṇi tattathā | na kevalaṃ vadantaṃ praṇatamapi namaskurvantamapi | rajanijanitetyādi | rādhā mādhavaṃ nirbhartsayati | he mādhava lakṣmīpate ⁹yāhi gaccha | ¹⁰punaruktavacanaṃ nirapekṣātra | he keśava jalaśāyin yāhi vraja | nanu satyaṃ te | mayi kathamupetyāgatya kaitavavādaṃ dhūrtānāṃ ¹¹vacanaṃ mā vada, mā brūhi | he sarasīruhalocana | candravadanā¹²valokanākṣama | yā nāyikā tava viṣādaṃ khedādikaṃ harati nivārayati tāmanusara ¹³tāmanugaccha | nanu adhīraṃ tava dhairyaṃ yatastvaṃ ¹⁴parapremavaśo'si | ¹tadāha| sphuṭaṃ yathā syāttathā tavedaṃ nayanaṃ netram anurāgaṃ premapramāṇaṃ vahati dhārayati| kimbhūtaṃ nayanam| rajanijanitagurujāgararāgakaṣāyitam| rajanyāṃ kṣapāyāṃ janitaḥ utpādito gururgariṣṭho jāgaro'tyantanidrākṣayaḥ tasmādrāgo lauhityaṃ tena ²kaṣāyaḥ \[? kaṣāyaḥ taṃ\] ito yāto yasmin tattathā| punaḥ kimbhūtam| alasanimeṣam| alaso mandībhūto ⁴nimeṣo yasmin tattathā| punaḥ kimbhūtam| uditarasābhiniveśam uditaḥ kathitaḥ sūcitaḥ rasasya ⁵śṛṅgārasukhasya abhiniveśa āsannoktiryasmin tattathā| harihaririti vismaye| ⁶sāntvanārthe vā| kajjalamalinetyādi | ### [18.2](https://indike.org/pramana/in.lit.kavya.khanda.gitakavya.gitagovinda-2!mananka.18.2) kiñca, he kṛṣṇa tavāruṇaṃ bimbaphalasadṛśaṃ daśanavasanaṃ dantānāmācchādanaṃ adharaḥ tava śarīrasya ⁷anurūpaṃ sādṛśyaṃ tanoti| kimbhūtaṃ daśanavasanam| kajjalamalina-vilocanacumbanaviracitanīlimarūpam| kajjalena maline ye vilocane tayoścumbanaṃ tena viracitaṃ nīlimarūpaṃ yasmin tattathā| vapuranuharatītyādi | ### [18.3](https://indike.org/pramana/in.lit.kavya.khanda.gitakavya.gitagovinda-2!mananka.18.3) kiñca, he kṛṣṇa| tavedaṃ vapuḥ śarīraṃ ratijayalekhaṃ raterjayapatramanuharati, tatsadṛśaṃ dṛśyate| kutaḥ| smarasaṅgarakharanakharakṣatarekham| kharāśca te tīkṣṇā nakharāḥ taiḥ kṣatāni vraṇāni| smarasya saṅgare kāmasamare nakhakṣatāni yasmin tattathā tat| kasya ca tulyam| marakataśakalakalitakaladhautaliperiva marakatasya śakalaṃ khaṇḍaṃ tatra kalitā likhitā cāsau kaladhautasya suvarṇasya ⁸lipiḥ tasyāḥ lekhā tasyā iva| kimbhūtaṃ vapuḥ| ⁹smarasaṅgarakharanakharakṣatarekham| caraṇetyādi | ### [18.4](https://indike.org/pramana/in.lit.kavya.khanda.gitakavya.gitagovinda-2!mananka.18.4) ¹⁰idaṃ tava hṛdayamudāraṃ yathārthaṃ tatrāntaḥsthitamadanadrumanavakiśalayaparivāraṃ kandarpatarunavīnapallavavṛndaṃ bahirdarśayatīva| ¹¹utprekṣyate| parivāraṃ paricchadaṃ ca| kimbhūtam| caraṇakamalagaladalaktakasiktaṃ ¹² tattathā| daśanetyādi | ### [18.5](https://indike.org/pramana/in.lit.kavya.khanda.gitakavya.gitagovinda-2!mananka.18.5) kiñca | he mādhava | daśanapadaṃ dayitāyāḥ ¹dantāghātasthānam ² khedaṃ janayati duḥkhaṃ racayati | kimbhūtam | bhavadadharagataṃ bhavataḥ adharaḥ oṣṭhaḥ tatra gataṃ vartamānamityarthaḥ | kasyāḥ | mama | āvayorabhedabhāvastatrāha| adhunā idānīmapi tava vapuḥ śarī´ mayā saha abhedam ekatvaṃ kathayati darśayati| kimbhūtaṃ vapuretat patādṛśaṃ vikṛtam | ³tava vapurevaṃbhūtaṃ vikṛtaṃ vikārayuktam | tasmādadhunāpi mayā saha abhedaṃ kathayati | mahyaṃ tava ⁴viparītabhāvaṃ na gopayatītyarthaḥ | bahirivetyādi | ### [18.6](https://indike.org/pramana/in.lit.kavya.khanda.gitakavya.gitagovinda-2!mananka.18.6) he kṛṣṇa | nūnamiti niścayena | ⁵tavedaṃ mano'pi malinataram atiśayena malinaṃ kajjalābhamaśuddhaṃ bhaviṣyati | kimiva | bahiriva | tvaggataśarīramiva | parabuddherapratyakṣatvāt kathaṃ jānāsi tvaṃ tatrāha| atha anyathā anugatam ananyaśaraṇaṃ janaṃ kathaṃ vañcayase ⁶ pratārayasi| kimbhūtaṃ janam | asamaśarajvaradūnaṃ asamāḥ pañca bāṇā yasya sa tathā kāmaḥ, tasmāt jvarastena dūnaṃ duḥkhitam | bhramatītyādi | ### [18.7](https://indike.org/pramana/in.lit.kavya.khanda.gitakavya.gitagovinda-2!mananka.18.7) anyacca | bhavān vaneṣu ⁷bhramatiḥvrajati | kimartham | abalākavalāya abalā ⁸yuvatyaḥ tāsāṃkavalo grasanaṃ tasmai | ⁹tādarthye caturthī | strībhakṣaṇāya vaneṣu bhramati atrāsminnarthe vicitramāścaryaṃ kiṃ tadrāha| vadhūvadhanirdeyabālacaritraṃ vadhūnām ¹⁰avalānāṃ vadho māraṇam; vadhū ¹¹vadhānirdeyaṃ ·dayārahitaṃ bālacaritraṃ ceti tat | śrījayadevetyādi | ### [18.8](https://indike.org/pramana/in.lit.kavya.khanda.gitakavya.gitagovinda-2!mananka.18.8) he vibudhāḥ vidvāṃsaḥ ¹²yūyaṃ śṛṇuta| ¹³kam| śrījayadevabhaṇitarativañcita- khaṇḍitayuvativilāpam| ¹rativañcitā khaṇḍitā cāsā yuvatiśceti ²rādhā| tasyāḥ vilāpaḥ paridevanam| śrījayadevabhaṇitaṃ ca rativañcitakhaṇḍitayuvativilāpaśceti| tam| kimbhūtam| ³sudhāmadhuraṃ sudhāvanmadhurastam| śravaṇasākhyakaram| ⁴gītaṃ saṃkṣipyāha| tavedamityādi| ## Linked texts (1) - [Gītagovinda](https://indike.org/pramana/in.lit.kavya.khanda.gitakavya.gitagovinda-2.1.8.1) — Jayadeva, Sanskrit --- Source: [https://indike.org/pramana/in.lit.kavya.khanda.gitakavya.gitagovinda-2!mananka.18](https://indike.org/pramana/in.lit.kavya.khanda.gitakavya.gitagovinda-2!mananka.18) · Pramāṇa