[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Poetry (mahākāvya, lyric, messenger poems, stotra, Prakrit kāvya)](https://indike.org/pramana/in.lit.kavya) › [Shorter narrative and descriptive poems](https://indike.org/pramana/in.lit.kavya.khanda) › [Musical poems after the Gītagovinda](https://indike.org/pramana/in.lit.kavya.khanda.gitakavya) › [Gītagovinda](https://indike.org/pramana/in.lit.kavya.khanda.gitakavya.gitagovinda-2) › [Commentary of Mananka](https://indike.org/pramana/in.lit.kavya.khanda.gitakavya.gitagovinda-2!mananka) › 19 # Gita Govinda 19 Commentary of Mānāṅka 19 - **Language:** Sanskrit ### [19.1](https://indike.org/pramana/in.lit.kavya.khanda.gitakavya.gitagovinda-2!mananka.19.1) athānantaraṃ tāṃ⁵ rādhāṃ prati sakhī uvāca | kimbhūtām | manmathakhinnāṃ mano mathnāti kṣobhayatīti manmathā māraḥ tena khinnāṃ khedayuktām | punaḥ kimbhūtām | ratirasabhinnāṃ rateḥ rasaḥ suratasukhaṃ tasmād bhinnā antaritā tām | ⁴punaḥ kimbhūtām | kalahāntaritāṃ kalahena vivādena hareḥ antaritā tām | kimuvācetyāśaṅkayāha | ⁵gurjarīrāge yatitāle | ⁶harirabhisaratītyādi | sakhī vadati | aye sakhi rādhe | mādhave mānaṃ mā kuru | yato harirabhisarati | ⁸tvatsaṅgamaṃ vāñchati | ⁹svapreyasīnāṃ kāmavyathāṃ haratīti hariḥ | kasmin sati | madhupavane vahati sati | madhorvasantasya pavanaḥ tasmin | ¹⁰abhisaratu nāma, tataḥ kiṃ phalaṃ, tadāha | harerabhisaraṇajātaṃ adhikam aparaṃ sukhaṃ ¹¹bhuvane kiṃ vāñchasi | tālaphaletyādi | ### [19.2](https://indike.org/pramana/in.lit.kavya.khanda.gitakavya.gitagovinda-2!mananka.19.2) ⁸rādhā vadati| he kitava dhūrta kapaṭin tvadālokaḥ tavedṛśasya vikrataṃ darśanaṃ mamādya kimapyanirvacanīyaṃ yathā syāttathā lajjāṃ janayati| na kevalaṃ tvadālokaḥ svarūpeṇa lajjāṃ janayati| śokādapi| na kevalaṃ śoko lokanādapi prakhyātapraṇayabharabhaṅgenāpi praṇayasya prīteḥ bharaḥ ādhikyaṃ tasya bhaṅgaḥ nāśaḥ prakhyātaścāsau praṇayabharabhaṅgaśceti tena| kimbhūtāyāḥ mama| ⁹tavedaṃ aruṇacchāyaṃ hṛdayaṃ paśyantyāḥ| aruṇacchāyaṃ śoṇakānti| kimbhūtam| priyāpādālaktacchuritaṃ ¹⁰priyāyāḥ vallabhāyāḥ pādstasya alaktakastena churitaṃ yuktam| kimbhūtamiva| ¹¹antaḥ abhyantare sthitaṃ bahiḥ prasaradanurāgamiva| prasaradanurāgo yasmāttattathā| viruddhatayā lakṣita iti vilakṣaḥ evaṃbhūto lakṣmīpatiḥ varṇito yatreti| iti śrīgītagovindaṭīkāyāṃ khaṇḍitāvarṇane vilakṣalakṣmīpatirnāma aṣṭamaḥ sargaḥ| tāmityādi | kiñca| kucakalaśaṃ kiṃ viphalīkuruṣe kiṃ niṣphalaṃ karoṣi| kimbhūtam| tālaphalādapi adhikaṃ gurum| punaḥ kimbhūtam| atisarasaṃ saha rasena vartate iti ¹sarasam| ²āliṅganādatisukhasādhanamityarthaḥ| kati netyādi| ### [19.3](https://indike.org/pramana/in.lit.kavya.khanda.gitakavya.gitagovinda-2!mananka.19.3) kiñca| ³anupadaṃ pratipadaṃ pratikṣaṇam avilambaṃ yathā syāttathā ⁴kativāraṃ idaṃ mayā ⁴na kathitam| idamiti kim| hariṃ mā parihara| kimbhūtam| atiśayaruciro lāvaṇyaguṇayuktastam| kimitītyādi| ### [19.4](https://indike.org/pramana/in.lit.kavya.khanda.gitakavya.gitagovinda-2!mananka.19.4) he rādhe tvaṃ vilāsinī| kimiti viṣīdasi| khedaṃ kuruṣe| vikalā satī kimiti rodiṣi| taveyaṃ yuvatisabhā ⁵sakhīsabhā sakalā'pi tvāṃ vihasati ⁶upahasati| ⁷sajaletyādi| ### [19.5](https://indike.org/pramana/in.lit.kavya.khanda.gitakavya.gitagovinda-2!mananka.19.5) he rādhe sakhi| iha ⁹sajalanalinīdalaśītalaśayane harimavalokya śītala-śayyāyāmupaviśya ¹⁰harimavalokya nayane dve saphalaya| nayanagrahaṇasyārthaṃ sārthakaṃ kuru| janayasītyādi| ### [19.6](https://indike.org/pramana/in.lit.kavya.khanda.gitakavya.gitagovinda-2!mananka.19.6) kiñca| manasi ¹¹svānte| bahutaraṃ khedaṃ kimiti janayasi| kimbhūtaṃ khedam| guru gariṣṭham| tarhi kiṃ ¹²karomi tatrāha| tvaṃ mama vacanaṃ śṛṇu| kimbhūtam| ¹³anīhitabhedaṃ na īhitaḥ bhedo yatra tattathā| hitakārakamityarthaḥ| ¹⁴nanu tvadvacanenāpi hariṃ na trajāmi| tatrāha| harirityādi | ### [19.7](https://indike.org/pramana/in.lit.kavya.khanda.gitakavya.gitagovinda-2!mananka.19.7) 2harirupayātu hariḥ samīpaṃ gacchatu yātu | bahu anekaprakāraṃ yathā syāttathā madhuraṃ komalavacanaṃ vadatu | hṛdayamatividhuraṃ duḥkhitaṃ kimiti karoṣi | 3naitat kartavyam | tava 4sapatnījanaḥ sakāmo bhaviṣyatīti jñātvā mādhavaṃ bhajasva | śrījayadevetyādi | ### [19.8](https://indike.org/pramana/in.lit.kavya.khanda.gitakavya.gitagovinda-2!mananka.19.8) śrījayadevabhaṇitaṃ haricaritaṃ sukhayatu sukhinaṃ karotu | kam | rasikajanaṃ rasikaścāsau janaśceti tam | kimbhūtaṃ haricaritam | atilalitam atiśayena 5ruciraṃ 6sundaramityarthaḥ | svavacanākaraṇaiḥ kupitā 7satī rādhikāṃ prati punarāha | snigdhetyādi | ## Linked texts (1) - [Gītagovinda](https://indike.org/pramana/in.lit.kavya.khanda.gitakavya.gitagovinda-2.1.9.2) — Jayadeva, Sanskrit --- Source: [https://indike.org/pramana/in.lit.kavya.khanda.gitakavya.gitagovinda-2!mananka.19](https://indike.org/pramana/in.lit.kavya.khanda.gitakavya.gitagovinda-2!mananka.19) · Pramāṇa