Ramagita 11
Rāmagīta 11
- Language
- Sanskrit
11.1
jānaki tava viraheṇa dūyate raghupatiratiratiśālī
gatimati tatisapremamanā api bhavadāgamananibhālī
11.2
dhruvam
tena milābhitalīlāśālini mā kuru kamapi vilambam
dehi paramaviśvāsavidhāyini nijakarakamalālambam
11.3
jānaki
tvadamilanena paraṃ parikhidyatimatimatiratilāsā
lagnamadanaśarabhagnamanā iva jīvaya taṃ mukhabhāsā
11.4
jānaki
malayānilalaharībhiranantaṃ vahasi viyogamasahyam
premabharaṃ kuru tatra vilāsini kāmayānāmi⁴va vahyam
11.5
jānaki
etāvatā sakhīvacasāpi na kalayasi gamanavicāram
tatra patiḥ sīdati tava nitarāmāhitamadanavikāram
11.6
jānaki.
manasi tamānaya mānaya mānini mānaya madhuṛtumetam
unmīlitamadhubharitamallikāparimalapuñjasametam
11.7
jānaki
kāmakalitakelīkulakalane rucimayase na kathaṃ vā
vyarthaṃ vahasi vilambamalaṃ kila bhavadhṛtakelikadambā
11.8
jānaki.
śrīkṛṣṇāhvayakalānidhikavivarabhāṣitametadaśeṣam
kalaya karṇapuṭayoriha sīte pālaya madananideśam