Ramagita 12
Rāmagīta 12
- Language
- Sanskrit
Contents
- 12.7 — 1 part
12.2
jānaki.
ityuktā¹ janakādhirājatanayā sakhyā rasakhyātayā,
pūrṇapremavivarddhanapracurayā lajjābhigantuṃ priyam
lajjāmātmavilagnacetasi tṛṇīkṛtyotsukā darśane
tāmāha prasamaṃ sakhi praṇayinaṃ māṃ prāpayetyeva sā
12.4
śrīkhaṇḍācalamārute pravahati protphullakuñjadrumavyālambibhramaravraje parilasadvīṇasvanaṃ guñjati
śrīmaddāśarathi priyānanasudhāraśmiśriyaṃ vīkṣituṃ
saṃyātā sarayūtaṭaṃ saha tayā sahyā smarotkaṇṭhitā ||² 3
preyaḥ premagajendravāhanasamāyukte tivegoddhure
durvijñeya kathe manoratharathe rūḍhātigūḍhākṛtiḥ
sakhyā sākamiyāya tatra janakakṣoṇīndraputrī svayaṃ
yatra śrīraghunāyakasya mahaso³ rejuḥ prakāśād⁴ diśaḥ
12.7
śrīmannīlanicolameghapaṭale bhāntīva vidyucchaṭā
sarvāṅgābharaṇaśriyātilalitā līlāvilāsonmukhī
sītāśītamayūkhamānaharaṇaprotpañcadāsyadyutiḥ
śrīrāmeṇa samaṃ tadaiva militā cittābhilāpakṣaro ||⁵ 5
sītādarśanakāmalolahṛdayaḥ pūrṇābhilāpapriyaḥ
tasyai prājyataraṃ prasādamadadātsakhyai raghūṇāmpatiḥ
antaḥ kuñjaniketanasthasumanastalpāya sārddhaṃ tayā
sotyarthaṃ spṛhayāmbabhūva suratakrīḍāvidhau tatparaḥ ||⁶ 6
ārādārādhyasārāradhikarucirarasāsāradhārābhivarṣī
kārāgārānu⁷kārātiśaya ....⁸bhavadbhītibhārāpanodī
pārāvārātyapārāmalaguṇajaladhiḥ svargadārāvihārā
hārātikrāntahārāvaliruciratanustātsadā rāmacandraḥ
12.7.p1
iti śrīrāmagīte kavikānidhikṛte sītārāmamilanaṃ nāma tṛtīyaḥ sargaḥ || 3