Ramagita 13
Rāmagīta 13
- Language
- Sanskrit
13.1
caturthaḥ sargaḥ
militāṃ tāṃ raghupatinā, ratināthavaśīkṛtāṃ sītām
narmasakhīmarmajñā, dharmabhṛtāṃ vācamiyamuvācatarām
13.1-2
¹
aṣṭapadī || 11.
līlayā ratiśīlayā sakhi ramaya rāmamanurūpam
tvatpraṇayaikavilāsavaśaṃ raghuvaṃśaśiromaṇibhūpam
13.2
dhruvam
mudati tavaiva sukhāya purāsarayūpulināgamaśīlam
svanideśakavaśaṃvadavidhikṛta²viracitamadhukṛtalīlam
13.3
līlayā.
yatra ghumṛṇacandanarasabharitā rājati kanakaghaṭīyam
tava paridhānakṛte pariracitāvilasati sutanu paṭīyam
13.4
līlayā.
aruṇavarṇarajasā paripūritamiha tava kelinimittam
rājati ramaṇi rajatamaṇibhājanamanurañjitajanacittam
13.5
līlayā.
iha paṭavātarajopi susajjitamatiśayakelinidānam
ramya ramasva ramāramaṇena samarthaya sakalavidhānam
13.6
līlayā.
bahutarapaṭabhūṣaṇanirvādhanalīlāsādhanasajjā
paśyati sumukhi sakhītātareṣā tavāgamanamatilajjā
13.7
līlayā.
³samupagatā ramaṇena saha tvaṃ viracaya kelikalāpam
raghunāthena sākamurarīkuru vilasitamamaradurāpam
13.8
līlayā.
sarayū pulinaruciramidamaṅgaṇamudbhāsaya tanubhāsā
madanavadhūranukurute⁴yā tava līlitamiyamapi kā sā
13.9
līlayā.
sītānarmasakhīmukhakathitaṃ sukavikānidhiracitam
śrṛṇu sajjanasantatasukhadāyakamidamakṣaramaṇikhacitam