<!-- Pramāṇa, a library of Indian primary sources · https://indike.org/pramana/in.lit.kavya.khanda.gitakavya.ramagita.13 -->

[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Poetry (mahākāvya, lyric, messenger poems, stotra, Prakrit kāvya)](https://indike.org/pramana/in.lit.kavya) › [Shorter narrative and descriptive poems](https://indike.org/pramana/in.lit.kavya.khanda) › [Musical poems after the Gītagovinda](https://indike.org/pramana/in.lit.kavya.khanda.gitakavya) › [Ramagita](https://indike.org/pramana/in.lit.kavya.khanda.gitakavya.ramagita) › 13

# Ramagita 13

Rāmagīta 13

- **Language:** Sanskrit

### [13.1](https://indike.org/pramana/in.lit.kavya.khanda.gitakavya.ramagita.13.1)

caturthaḥ sargaḥ  
militāṃ tāṃ raghupatinā, ratināthavaśīkṛtāṃ sītām  
narmasakhīmarmajñā, dharmabhṛtāṃ vācamiyamuvācatarām

### [13.1-2](https://indike.org/pramana/in.lit.kavya.khanda.gitakavya.ramagita.13.1-2)

¹  
aṣṭapadī || 11.  
līlayā ratiśīlayā sakhi ramaya rāmamanurūpam  
tvatpraṇayaikavilāsa‌vaśaṃ raghuvaṃśaśiromaṇibhūpam

### [13.2](https://indike.org/pramana/in.lit.kavya.khanda.gitakavya.ramagita.13.2)

dhruvam  
mudati tavaiva sukhāya purāsarayūpulināgamaśīlam  
svanideśakavaśaṃvadavidhikṛta²viracitamadhukṛtalīlam

### [13.3](https://indike.org/pramana/in.lit.kavya.khanda.gitakavya.ramagita.13.3)

līlayā.  
yatra ghumṛṇacandanarasabharitā rājati kanakaghaṭīyam  
tava paridhānakṛte pariracitāvilasati sutanu paṭīyam

### [13.4](https://indike.org/pramana/in.lit.kavya.khanda.gitakavya.ramagita.13.4)

līlayā.  
aruṇavarṇarajasā paripūritamiha tava kelinimittam  
rājati ramaṇi rajatamaṇibhājanamanurañjitajanacittam

### [13.5](https://indike.org/pramana/in.lit.kavya.khanda.gitakavya.ramagita.13.5)

līlayā.  
iha paṭavātarajopi susajjitamatiśayakelinidānam  
ramya ramasva ramāramaṇena samarthaya sakalavidhānam

### [13.6](https://indike.org/pramana/in.lit.kavya.khanda.gitakavya.ramagita.13.6)

līlayā.  
bahutarapaṭabhūṣaṇanirvādhanalīlāsādhanasajjā  
paśyati sumukhi sakhītātareṣā tavāgamanamatilajjā

### [13.7](https://indike.org/pramana/in.lit.kavya.khanda.gitakavya.ramagita.13.7)

līlayā.  
³samupagatā ramaṇena saha tvaṃ viracaya kelikalāpam  
raghunāthena sākamurarīkuru vilasitamamaradurāpam

### [13.8](https://indike.org/pramana/in.lit.kavya.khanda.gitakavya.ramagita.13.8)

līlayā.  
sarayū pulinaruciramidamaṅgaṇamudbhāsaya tanubhāsā  
madanavadhūranukurute⁴yā tava līlitamiyamapi kā sā

### [13.9](https://indike.org/pramana/in.lit.kavya.khanda.gitakavya.ramagita.13.9)

līlayā.  
sītānarmasakhīmukhakathitaṃ sukavikānidhiracitam  
śrṛṇu sajjanasantatasukhadāyakamidamakṣaramaṇikhacitam

---
Source: [https://indike.org/pramana/in.lit.kavya.khanda.gitakavya.ramagita.13](https://indike.org/pramana/in.lit.kavya.khanda.gitakavya.ramagita.13) · Pramāṇa
