Ramagita 18

Rāmagīta 18

Language: Sanskrit

18.9-2 — 1 part

18.1

utthite raghuvaṃśadīpe kalitasakhīsamīpe
madhukelimajjulamādhurī rucirādhikaṃ didīpe

18.2

dhruvam
janakādhipasya sutāpi sā saṅgatasakhīkadambā
ramaṇena tena ramādhikā vilalāsagatavilambā

18.3

utthite.
varanāyikā sukhadāyikā guṇagāyikābhimuditā
udasāhayannijakāminīṃ kelīkalāsamuditā

18.4

utthite.
bhṛkuṭīvilāsaviśeṣitāmṛduhāsabhāsivadanā
bhṛśamāliṅgadṛśaiva sā priyamadhikarūpasadanā

18.5

utthite.
divimuditadaivatamaṇḍalīsurayānasamadhirūḍhā
vismṛtya nanu tanu cetasī samajani yathā vimūḍhā

18.6

utthite.
murajādiyutaparivādinīvahutālalayasametā
samavādayan guṇaśālino giriśopi yaddineśā

18.7

utthite.
iha jānakīraghunāthayorantaramatīvalagnam |²
madanopi nūnamamodayat³samupetya śubhasulagnam

18.8

utthite.
iti tatsamājasamāgame tribhuvanamanantamūhe
ānandamantaramullasat samajani sakhīsamūhe

18.9

utthite.
raghunāthakelikalāmimāmavanīsutātisamuday
śrutvā kalānidhibhāṣayā mudamayatu⁴ hṛdayakumudam

utthite.
raghuvaramadhulīlāṃ bhūrisammodaśīlāṃ
janakanṛpasutāyāḥ premakelīvimiśrām
nabhasi samavalokya svargiṇodārayuktā
manasi mudamudārāmānayanmānavarjam ||⁵ 4
vīṇāveṇumṛdaṅgajharjharajhaṇatkāraiḥ samaṃ jhallarī
saṃyuktāmṛtakuṇḍalīravacamatkāraḥ sa tatrābhavat
ālyaścādhikacāturīviracitaṃ saṅgītagānaṃ dadhuḥ
śrutvā yadbhuvanatraye janamanaḥ samprāpa sānandatām ||¹ 5
tasminsamāje parijñāyamāne
tauryantrikaistānavitānagāne
reme ramārāmaramādhavena
ramādhikaḥ śrīramayābhirāmaḥ ||² 6
ekaikāḥ kamalānanāḥ kila kalānāthaikajaitratviṣaḥ
kāminyaḥ sakalāḥ kalāsu kuśalā yā nṛtyagītādiṣu
tāsāṃ madhyagatā videhatanayā vaidagdhya vārānnidhervaṃśīva snapayāmbabhūda ramaṇaṃ premṇā mano mūmuhata ||³ 7
vādyatsu tridivālayairapi samāsvādyeṣu vādyeṣu sā
kelīpuṣṭimavāpitā janakajā rāmapramodāvahā
nānandaṃ prasasāra sāramupamāsāraprakarṣāvahā
kaḥ kastatra vimohito na diviṣatsve sve vimāne sthitaḥ

18.9-2

sītālocanalālanekavilasallāvaṇyalakṣmībharaḥ
śṛṅgārāmbunidhestaraṅgapaṭalaiḥ saṅgacchadaṅgacchaviḥ
protbhūtabhrukuṭīvilāsavigalatkandarpakoṭiprabhāsañcāro varimarttu bhūrimavikasvābhāvikodbhāvanam

18.9-2.p1

iti śrīrāmagīte kavikānidhikṛte pañcamaḥ sarga