[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Poetry (mahākāvya, lyric, messenger poems, stotra, Prakrit kāvya)](https://indike.org/pramana/in.lit.kavya) › [Shorter narrative and descriptive poems](https://indike.org/pramana/in.lit.kavya.khanda) › [Musical poems after the Gītagovinda](https://indike.org/pramana/in.lit.kavya.khanda.gitakavya) › [Ramagita](https://indike.org/pramana/in.lit.kavya.khanda.gitakavya.ramagita) › 1 # Ramagita 1 Rāmagīta 1 - **Language:** Sanskrit ### [1.1](https://indike.org/pramana/in.lit.kavya.khanda.gitakavya.ramagita.1.1) pañcama adhyāya rāmagītam kā sampādita-svarūpa prathamaḥ sargaḥ śrīrāmo jayati jagattrayaikabandhuḥ || avighnamastu nītā yenāvinītāḥ prasabhamasuhṛdastrātabhītā marālī gītā yasyāvigītāmalacaritabhṛtā candraśītā praśastiḥ sphītāmadyāpyadhītāmatisukṛtijanairyaḥ pratītāthaṃvāraṇīṃ cakre bhītāpahṛtyai kalayatu kuśalaṃ so'dya sītāpatirnaḥ ||^1 1. dhāmātyugramadhāri yena danujoddāmānvayocchittaye śyāmānandighanāghanadyutibhṛtā kāmābhi rāmātmanā nāmānanditasajjanāvaliparitrāṇādyadāmāptaye^2 rāmākoṭiśikhāmaṇicchaviyuje rāmāya tasmai namaḥ || 2. abhrai rājitamabhra mabhraśitibhirvyāptā tamālaiḥ kṣitiḥ sandīptāstaḍitaḥ sphuranti paritaḥ śrīcitrakūṭālayam itthaṃ prāvṛṣi mā gamastvamadhunāpyekākinī kānanaṃ procyaivaṃ rahasi priyāṃ ramayato rāmasya līlāvatu ||^3 3. śrīcitrakūṭaśikhare vilasadvasantamallīkadambasahakārasamūhasāndre prāṇapriyāṃ janakarjā ramayan rameśo rāmaḥ sadaiva kuśalaprakaraṃ karotu ||^4 4. vācaḥ pallavanaṃ rasaikavalanaṃ nyāyādividyājuṣāṃ bhūyo durlabhameva yadvidadatāṃ vairasyabhājāṃ nṛṇām tajjānātitarāṃ kalānidhikaviḥ śrīkṛṣṇanāmā muhuḥ śrīmanmaithilanandinī ramaṇasadbhaktipravāhārdaho^5 || 5. idamalaukikamādhurasātmakaṃ kalitakomalakāvyakalākulam raghupaterbirudaṃ viśadaṃ vacaḥ śṛṇu kavipravarasya kalānidheḥ ### [1.1-2](https://indike.org/pramana/in.lit.kavya.khanda.gitakavya.ramagita.1.1-2) 6 aṣṭapadī || 1. jaya raghuvaṃśabhūṣaṇarāma giriśādiśobhananāma jaya kāminīmukhanayanamānasakamalavanasukhadhāma ### [1.2](https://indike.org/pramana/in.lit.kavya.khanda.gitakavya.ramagita.1.2) dhruvam jaya kāyakalpataruśvagataratataruṇatāmadhukāma jaya rūpamadhurimamañjarīkulakalitamohitavāma ### [1.3](https://indike.org/pramana/in.lit.kavya.khanda.gitakavya.ramagita.1.3) jaya raghuvaṃśabhūṣaṇarāma jaya lokanayanavilolamadhukaramadhuramadhurasadhāma jaya bhūmikaṇṭakarākṣasādikajanitaduḥkhavirāma ### [1.4](https://indike.org/pramana/in.lit.kavya.khanda.gitakavya.ramagita.1.4) jaya raghuvaṃśabhūṣaṇarāma jaya jahnujājaladhautanijapadakañjalasadabhirāma jaya madhuramakarākārakuṇḍalakalitalalitalalāma ### [1.5](https://indike.org/pramana/in.lit.kavya.khanda.gitakavya.ramagita.1.5) jaya raghuvaṃśabhūṣaṇarāma jaya jaya bhavantaṃ rūpavantaṃ rasikavayamupayāma jaya jaya vibho ! he tava guṇāvaliriha haratu bhavadāma ### [1.6](https://indike.org/pramana/in.lit.kavya.khanda.gitakavya.ramagita.1.6) jaya raghuvaṃśabhūṣaṇarāma jaya jaya bhayānakakalimahātapajanajaladaviśrāma jaya koṭikapaṭakuṭhārakaṃ tava nāma rahasi japāma ### [1.7](https://indike.org/pramana/in.lit.kavya.khanda.gitakavya.ramagita.1.7) jaya raghuvaṃśabhūṣaṇarāma jaya deva madhurimasāgare tvayi nityameva ramāma tava caraṇamakhilabhavāpavargadametadeva namāma ### [1.8](https://indike.org/pramana/in.lit.kavya.khanda.gitakavya.ramagita.1.8) jaya raghuvaṃśabhūṣaṇarāma jaya deva dehi samarthatāmitamindriyāṇi dama run dama run? damāma jaya janakajeśa bhaje yatokhila pātakaṃ vigha māma ### [1.9](https://indike.org/pramana/in.lit.kavya.khanda.gitakavya.ramagita.1.9) jaya raghuvaṃśabhūṣaṇarāma iti rāghavastutirgabhitaṃ ramaṇīyamañcati²sāma kavidarakalānidhibhāṣitaṃ sujane namāma nayāma --- Source: [https://indike.org/pramana/in.lit.kavya.khanda.gitakavya.ramagita.1](https://indike.org/pramana/in.lit.kavya.khanda.gitakavya.ramagita.1) · Pramāṇa