Ramagita 23
Rāmagīta 23
- Language
- Sanskrit
23.1
adya rasikaraghuvaṃśavibhūṣaṇa lasati niśāramaṇāya⁶
unmīlati madhumadhuramādhavīmanmathavikramaṇāya⁷
23.2
dhruvam
adya capalasarayūlalaśītalavīcivisaralasitāya
vāti maruttarugulmalatāvanakusumavikāsahitāya
23.3
adya.
adya lalitatārāhārāvalirajaniramaṇirucitāya
vidhumannidhaye bhūṣaṇavidhaye paśya madanavihitāya
23.4
adya.
adya kimapi sarayūrānanditahṛdayevānumitāya
kalitalolakallolakulākulasalilā nadati ratāya
23.5
adya.
tridaśasamarpitasuratarukusumairarcita parivasitāya
caraṇakamalayugalāya taveyaṃ sañcitanijasukṛtāya
23.6
adya.
parito harito haritopajamukhasurakulamukhasitāya
sūcayantya iva dadhati vikāśaṃ tribhuvanasamavasitāya
23.7
adya.
sītāprāṇavallabhapriyatamaraghuvaravidhivihitāya
sahajasamayaśobhāvihitāya na kāmayase lalitāya
23.8
adya.
tava nideśavartī sakalo vidhirudayati te mahitāya
anukūlayati kelisāmagrīmatulānandamatāya
23.9
adya.
haṃho hare hṛdayaharṣaṇakara sītāmukhasuhitāya
arthayateyaṃ sukavikalā nidhirantarapuṭanihitāya