<!-- Pramāṇa, a library of Indian primary sources · https://indike.org/pramana/in.lit.kavya.khanda.gitakavya.ramagita.23 -->

[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Poetry (mahākāvya, lyric, messenger poems, stotra, Prakrit kāvya)](https://indike.org/pramana/in.lit.kavya) › [Shorter narrative and descriptive poems](https://indike.org/pramana/in.lit.kavya.khanda) › [Musical poems after the Gītagovinda](https://indike.org/pramana/in.lit.kavya.khanda.gitakavya) › [Ramagita](https://indike.org/pramana/in.lit.kavya.khanda.gitakavya.ramagita) › 23

# Ramagita 23

Rāmagīta 23

- **Language:** Sanskrit

### [23.1](https://indike.org/pramana/in.lit.kavya.khanda.gitakavya.ramagita.23.1)

adya rasikaraghuvaṃśavibhūṣaṇa lasati niśāramaṇāya⁶  
unmīlati madhumadhuramādhavīmanmathavikramaṇāya⁷

### [23.2](https://indike.org/pramana/in.lit.kavya.khanda.gitakavya.ramagita.23.2)

dhruvam  
adya capalasarayūlalaśītalavīcivisaralasitāya  
vāti maruttarugulmalatāvanakusumavikāsahitāya

### [23.3](https://indike.org/pramana/in.lit.kavya.khanda.gitakavya.ramagita.23.3)

adya.  
adya lalitatārāhārāvalirajaniramaṇirucitāya  
vidhumannidhaye bhūṣaṇavidhaye paśya madanavihitāya

### [23.4](https://indike.org/pramana/in.lit.kavya.khanda.gitakavya.ramagita.23.4)

adya.  
adya kimapi sarayūrānanditahṛdayevānumitāya  
kalitalolakallolakulākulasalilā nadati ratāya

### [23.5](https://indike.org/pramana/in.lit.kavya.khanda.gitakavya.ramagita.23.5)

adya.  
tridaśasamarpitasuratarukusumairarcita parivasitāya  
caraṇakamalayugalāya taveyaṃ sañcitanijasukṛtāya

### [23.6](https://indike.org/pramana/in.lit.kavya.khanda.gitakavya.ramagita.23.6)

adya.  
parito harito haritopajamukhasurakulamukhasitāya  
sūcayantya iva dadhati vikāśaṃ tribhuvanasamavasitāya

### [23.7](https://indike.org/pramana/in.lit.kavya.khanda.gitakavya.ramagita.23.7)

adya.  
sītāprāṇavallabhapriyatamaraghuvaravidhivihitāya  
sahajasamayaśobhāvihitāya na kāmayase lalitāya

### [23.8](https://indike.org/pramana/in.lit.kavya.khanda.gitakavya.ramagita.23.8)

adya.  
tava nideśavartī sakalo vidhirudayati te mahitāya  
anukūlayati kelisāmagrīmatulānandamatāya

### [23.9](https://indike.org/pramana/in.lit.kavya.khanda.gitakavya.ramagita.23.9)

adya.  
haṃho hare hṛdayaharṣaṇakara sītāmukhasuhitāya  
arthayateyaṃ sukavikalā nidhirantarapuṭanihitāya

---
Source: [https://indike.org/pramana/in.lit.kavya.khanda.gitakavya.ramagita.23](https://indike.org/pramana/in.lit.kavya.khanda.gitakavya.ramagita.23) · Pramāṇa
