Ramagita 27

Rāmagīta 27

Language: Sanskrit

27.3

aṣṭamaḥ sargaḥ
bhītā sītā niśārtaṃ ratipativiśikhaiḥ kelikautūhalāḍhyā
kuñje kuñje nikuñje madhupamadhukarīgoṣṭhakelīrvilokya
krīḍāvrīḍānanāthau sakhimukhavacanāsau vilāse vilāse
tṛṣṇā niṣṇātacittā punarapi raghupaṃ vācamūce vicārya

27.1

1
aṣṭapadī || 1=
jānakī vadati ramaṇaṃ ramānāthikā rāsalīlāmanomodaśīlā
śubhārabhyatāmadya ratikāmarucidāyikā

27.2

dhruvam
kuñjamallīvane vikacakurumāvalī nipatadalirājirahirāmaguṇagāyikā
īśaguñjitamāmantrikamañjutaravākalitamadhupānamadasambhramanicāyikā⁴

27.3-2

jānakī.
vahati mṛdupavanalaharīmadhuramādhavīkusumamakarandarasavṛndaparicāyikā
vikacamākandavisareṇa sākaṃ dalitalalitalatikāratividhāyikā

27.4

jānakī.
joṣamāsata ime vanataruṣu kokilāmadanavīṇeva punariyamaho māyikā
bharati kautūhalaṃ bhūrimṛṅgāvalī sapadi saṅgītamṛṅgīkalanamāyikā⁵

27.5

jānakī.
prathamamatilalitaṃ vraje bhavitā¹kṛtaṃ tasya na smṛtiridānīmapi vidhīyate
udayate sakalakalapūrṇamaṇḍalīrayā candramā nijamanasi kimiti na vidhīyate²

27.6

jānakī.
vividhavādanavatī divi ca kinnaratatī rasikavararāsarasitā manasi dīyate
taddadapsarasa iha nṛtyavidhisajjitā ramaṇa bhavato nu kiṃ kautukamudīyate

27.7

jānakī.
lulitanavapallavāvalivinodāvahā lasati sarayūvanī nahi dṛśā³ pīyate
prasṛta ghanasāramayamṛdulataravālukā lasati viśadātaṭīcittamanunīyate

27.8

jānakī.
nimṛtamiha pūryate sakalalīlāraso na bhavadabhilāṣitā kimiti sañcīyate
sakalarasarasanasuvilasanarasiko bhavānadbhutaṃ lalitaṃ kimiti na nicīyate⁴

27.9

jānakī.
jānakī kāmitaṃ kelikalpāmitaṃ nityamupanāmitaṃ kṛṣṇakavibhāṣayā
rāsalīlāmṛtaṃ kimapi vijñāpitaṃ⁵ preyase sītayā vilasadabhilāṣayā

27.3-3

jānakī.
ityākarṇya preyasī mañjuvākyaṃ
rāsakrīḍādakṣiṇo rāmacandraḥ
tatkālotthānandabhājaṃ samājaṃ
cittādāvirbhāvayāmāsa śīghram ||⁶ 2
tatraivādau jānakīprārthitāni
jñātvā jāto rāmavaṃśīninādaḥ
tenāhūtāstatra kāntāḥ samīyurlakṣmorūpāḥ kānanāntaḥsthalebhyaḥ

27.4-2

jātaṃ rādhākṛṣṇarūpeṇa rāmaṃ
sītārābhau cintayitvā svacitte
bhūyopyāvirbhāvāñcacakratustām̐
yuktaṃ lakṣmīkoṭirāmāsamūhaiḥ

27.5-2

eko rāmaḥ koṭirāmāsamūhai
reme yāvantyeva rūpāṇi dhṛttvā
rāmāstāvantyeva rūpāṇi tenustenaivoccaiḥ preyasā saṃvihartum

27.6-2

tasmin sajje rāsalīlāsasāje
divyā evāsaṅkhyamāvirbabhūvuḥ
vidyudvallī tulyabhāso mṛgākṣyaḥ
sākṣātsītā deharaśmisvarūpāḥ

27.7-2

tanvyastāstaḍidaṅgatāṇḍavavalatkandarpakelīkalāḥ¹
kaiśoraprasaradvayasmayarayapratyaṅgalakṣmībalāḥ
candrāścāṭulalocanāñcalacamatkāraikacañcaddṛśaḥ
prodañcatkucabhārabhaṅguravapuḥ śobhāḥ samantādbabhuḥ

27.8-2

sa tādṛkkāntānāṃ madhurimaniśtā²vayavabhāvṛtānāmetāsāmasamamukhabhāsāmaviratam
rataṃ³ dhyāyantīnāṃ raghupatinavīnāṅgaracanāt
samājaḥ praudbhūtāṃ nijanayanadūtopakaraṇāḥ

27.11

kalānātho jyotsnānigrahakṛtakṛtsnāva nisukhāḥ
kumudvatyastasyāṃśubhiradhikamuddhṛtya iha tāḥ
prakāśante nāśaṃ gamitamakhilāśaṅkitatamaṃ
tatastallīlāyāḥ sakalamanukūlaṃ samabhavat ||⁴ 9
taptātyuttamadaṇḍakāṭavitapastomairbṛhadbhānujairbhānūdbhāsitabhūribhāsurasamudyadbrahmatejobharaiḥ
vipraiḥ kṣipramihārthito janakajākāntassa tenātmanā
bhogānandavidhānahetava iti prādātsa tebhyo varam ||⁵ 10
tairbrahmarṣi varairanekaramaṇīrūpairanantaṃ kṛtaṃ
yatsārasvatakrūpa eva lalitaṃ kelīśatairlālitam
śrīrāmodya vidhāya rāsarasikastatsaṃsmṛtiṃ cetasā
sītā prārthitapūrttaye kṛtatamāṃ līlāṃ vicitrāṃ rahaḥ