Ramagita 29
Rāmagīta 29
- Language
- Sanskrit
29.1
śṛṅgārayati sakhī sukhakāmā janakasutāmatiśayapaṭunāmā
narmasakhībhiradhikamakhilābhiḥ saha kurute maṇḍanamatulābhiḥ
29.2
dhruvam
caraṇāṅgulībhūṣaṇatātimekā racayati kalitasuratarasasekā
kalpalatāpallavagaṇamuditaṃ kurute kusuma sahitamiva muditam
29.3
śṛṅgārayati.
kāpi dadhāti yāvakaṃ ruciraṃ caraṇatale raktimabhṛtisuciram
lāpayatīva lakṣitamanurāgaṃ priyalocanāmṛtamatiparabhāgam
29.4
śṛṅgārayati.
kāpi racitamañjulamañjīrā caraṇaparṇamarpayati sudhīrā
rājati rājahaṃsa kulajayinī gatiravakalācamatkṛticayinī
29.5
śṛṅgārayati.
rajatalepacaṇḍāṭakavasanaṃ paridhāpayati kāpidhṛtarasanam
lepayatīva candrikāsāre kalpalatāvapuṣīvamudāram²
29.6
śṛṅgārayati.
bhṛṅgāvalimiva madhumadamattā³ masyati nihitagānaguṇasattā
madanamandiradvārasamīpe toraṇamiva tatkimapi didīpe
29.7
śṛṅgārayati.
kāpi mametavividharucivāsaṃ paridhāpayati cīramabhirāmam
sa dyutimapi vidyotayatīyaṃ hariśvanurūpacapalā jātīyam
29.8
śṛṅgārayati
kāpi hastatalarañjanaracanaṃ racayati vijitasakalakavivacanam
kalitamandirāmandiramadhye maṇḍanamiva surucibhiranuvadhye
29.9
śṛṅgārayati.
etatsukavikalānidhikathitaṃ vāgambudheramṛtamiva mathitam
sukhayatu vibudhāvalimavirāmaṃ hṛdayakamalamānayatu ca rāmam