Ramagita 36
Rāmagīta 36
- Language
- Sanskrit
Contents
- 36.9-2 — 1 part
36.1
ramayati sītā daśarathanandanamaṅgamayūkhasamūhaiḥ
koṭiramāramaṇīsāhasraṃ rāgamanigama durūhaiḥ
36.2
dhruvam
nūpuravalayakiṅkiṇībhūṣaṇajhaṅkāramabhirāmam
vidadhadbhiḥ premaṇi nidadhadbhirmūlaramāmatharāmam
36.3
ramayati.
mitho rasādāvaddhabhujairalamaṃsagabāhukalāpaiḥ
koṭiramāramaṇīramaṇīriha śuśubhe suraduravāpaiḥ
36.4
ramayati.
tatathaiṃ tatathaiṃ dhuṅga dhuṅga dhuṅgatyaiḥ susthirarāvaiḥ
sthagitamabhūdetatribhuvanamanujanitamudāvaha bhāvaiḥ
36.5
ramayati.
caraṇakamalavinyāsa2lasadabhujanidhuvanamodanidānaiḥ
bhrukuṭīlāsahāsasuvikāsairajani ca tānavitānaiḥ
36.6
ramayati.
ajani3 devaguṇagāyanavādanavividhaguṇairutsāham
ramāramaṇīgaṇarāmāvalayo rāsarase parigāham
36.7
ramayati.
viramati suragandharvanirmitavādanagānavitāne
pādanyāsa madhuranūpura ravamavibharara vilasamāne4
36.8
ramayati.
madhye madhupakokilāvalayo guñjitakūjitakṛtyam
gānasahitavādanamanucakruḥ sambhṛtasundaranṛtyam
36.9
ramayati.
madhye rāmarasikamuralīravavilasitamanugatacittam
sukalānidhiranuvarṇanamidamakuruta5 rasikasuvittam
36.3-2
ramayati.
bhāsā rāsavilāsalāsalalitā sā sā mahāmādhurī
kāsārādiva majjitoddhṛtavapuḥ kāmena vāmekṣaṇāḥ
ityanyonyaviśeṣaśobhitatayā lālityalīlāmṛto
bhūyo lobhitalocanāḥ śuśubhire lokāntarālokatāḥ ||¹ 2
pāthodāntaritāḥ sphuranti taḍitaḥ sphūrjanti pāthodharāḥ
prodañcattaḍidantareṇa supamā pīyūṣavarṣābhṛtaḥ
itthaṃ rāghavasaṅgatā janakajā tatsaṅgatā rāghavāḥ
svecchānekamanojñarūparucirā rucya ciraṃ rocitāḥ
36.4-2
lolallocanalīlayā vilasitā bhrūbhaṅgamaṅgībharairbhrājanteti suvāsahāmalalitāḥ kelīkalāsaṅkulāḥ
sītārāghavamūrttayaḥ samuditā rāse vilāsena te
yoṣitpūruṣapuṅgavā raniratīśānāṃ vijijñāsyatam²
36.7-2
jhaṃ jhaṃ jhaṇatkāritacārunūpurā
nṛtyena cañcatkaracālanatviṣaḥ
anyonyabhūyobhinayapradarśanaprodyatpramodā vyarucanviśeṣataḥ ||³ 5
vyāloladbhujanālakelikalitā vaktrāmbujaśrīmṛtā
vakṣojadvayakorakaudhalalitāḥ keśāvalī śaivalāḥ
rāse hāsavilāsato vikasitā lālityalakṣmīyutāḥ
padminyo raghunāthakāntamilitāḥ sarvāḥ sagarvā babhūḥ ||⁴ 6
īśo⁵bhūccakitaścireṇa racitaṃ muktāsamāvi vidhirvedāmyāsanirvṛtta eva vavṛte saṅgītamaṅgībharaiḥ
mohādvayā iva yoginaḥ samabhavandevāśca devāṅganāḥ
sadyaḥ saṃmmumuhustadā janakajā⁶ śrīrāmarāmotsave
36.8-2
aśmāno dravatāmavāpurudakaṃ tatsāravaṃśākhyaṃ
madyo niścalatāmagāttribhuvane jāto mahānsambhramaḥ
śambho padmabhuvaśca bādhitamivādhītaṃ samādhivratam
śrīrāmasya vilāsarāsavibhave vaṃśīrave dīvyati
36.9-2
dṛpyacchūrpaṇakhāvairūpakaraṇādusthyairjanasthānatastatrāgatya patadbhiddharāntaramadavyāptātmabhiryātubhiḥ
saṃgrāme militaścaturdaśasahasrākhyātasaṃkhyāni tānyekenaiva śatottamena śamayan śrīrāghavaḥ pātu vaḥ
36.9-2.p1
iti śrīkavikovidacūḍāmaṇimayūkhamañjarīnīrājitacaraṇakamaladevarṣi śrīkṛṣṇabhaṭṭaviracite śrīrāmagīte rāsavarṇanaṃ nāma navamaḥ sargaḥ