Ramagita 38
Rāmagīta 38
- Language
- Sanskrit
38.1
sakhi kiṃ tamāmanuvarṇaye yādṛśamabhikamākarṇaye
ramaṇīmanomatimohanaṃ ratikāmamaṅgaladohanam
38.2
parakāminīsuraterataṃ bhṛśamanyabhūrivadhūmasam
kṣaṇamakṣimaোদনlobhitaṃ viṭabhāvabhūṣaṇaśobhitam
38.3
sakhimāpayainamihāgataṃ praṇayaikamarmaparāgatam
kva nisārasādativāhitā kva ca te manomatirāhitā
38.4
samadarśi ca kvanuvaśyatā bhavatārasādanuvaśyatā
nayanālinīṃ kvanu lālitāṃ tanumādhurīmadhupāritāṃ⁴
38.5
kvanu yāminīṣu viramyate bhavatā priya!padi namyate
vahate tadaṅghrigayāvakaṃ paracakṣuṣāmiva pāvakam
38.6
avarosya kajjalavindunā ramate mṛgaḥ samamindunā
dalavīṭikārasacarcite nayane ivāniśamarcite
38.7
paṭakeśaveśaviparyayaṃ labhate na kañcana⁵ nirṇayam
kimuhāvadāmi sunistrapaṃ⁶ tanute vilāsamadhikṣapam⁷
38.8
prayaṇo jano na vimṛśyate ratirasya sādhu na dṛśyate
kimathovṛthā paritapyate caritaṃ kimasya nu lapyate
38.9
iti khaṇḍitāmukha⁸jalpitaṃ kavitā kalānidhikalpitam
śṛṇu sajjanaśrutisajjanaṃ kuru cetasā rasamajjanam