Ramagita 42
Rāmagīta 42
- Language
- Sanskrit
42.1
aye janakātmaje kā tvayā tribhuvane samā yadyapi yuvatiturvaraśīṛbhuvane
yatra rajyeta ramaṇasya tava sādaraṃ mānasaṃkalitaciravirahapṛthutādaram
42.2
dhruvam
vyarthamāśaṅkitaṃ viphalamātaṅkitaṃ kalayase kimiti suratena vapuraṅkitam
bhālamukure gatāsūrakaraghoraṇī vibhramaṃ sṛjati sālaktarucicoraṇī
42.3
aye.
asya radanacchade lasati rucidāyinī tava nayanatārakaivāñjananidhāyinī
tvadanurāgo dṛśā sarvato dhīyate vīṭikārasatāyā kimiti paricīyate
42.4
aye.
vahati tava cintanādeṣa pulakāvalīmatanurāsañjayati tāmatimahāvalī
kiṃ kimalamātmano mānasaviparyyayā dīkṣyate na kila viparītamapi varyyayā
42.5
aye.
vaśyapatikāsi ratikāmamatimohinī ramāramaṇasya sakhi śarmabharadohinī
tanna ko veda patireṣa yatkāraṇādāpa niśi dāsamiti tāpayati dhāraṇā
42.6
aye.
arkakalikāgato ramati kimu sāhasāditi vaco mālatī kvacidalinamāhasā
yatsamanulāpayati tatra gatadūṣaṇo² doṣamimamañjasā bhānukulabhūṣaṇe
42.7
aye.
ṛte bhavatīmasām̐ kalpasamamekakaṃ kṣaṇamapi na netumalamastarasasekakam
vācamanyasya hṛdi maiva manyasva me praṇatimurarīkuru ramāpati mahārame
42.8
aye.
pāpamati rāpayati tāpamasuyāpanaṃ tasya hṛdi manmatho materapi dhāpanam
mānavati mānamiha muñca haṭhaśālinaṃ līlayā jīvayatatamāli vanamālinam
42.9
aye.
kalpalatikāsi sukhahāsakusumālinaṃ rāmamabhirāmamupayāhi ratipālanam
iti sakhībhāṣitaṃ kalānidhināhitaṃ sattamā iha manodatta susamāhitam