Ramagita 45
Rāmagīta 45
- Language
- Sanskrit
45.1
samudeti khe janakātmajā^7jaladāghaṭājaladāmiyam
capaleva nāyakakaṇṭhajā'nihelitāvanitātiyam
atha tatparasparasaṃyujaṃ priyayorvinā tanute bhiyam
vitataṃ tamo bahumūrcchanā bharabhavamivākulayadviyam
45.2
dhruvam
na jyotiriṅgaṇagaganariṅgaṇaśobhayā paribhāsitam
smarakuṭīyantrasuyojitā nalavartikābhiravāsitam
ghananīpakānanasaurabhairabhito vanaṃ tarasāsitam
haritāmakhaṇḍalamaṇḍalaṃ kṣitimaṇḍalena suvāsitam
45.3
samudeti.
pikakūjitaṃ ratipūjitaṃ suvadhūjitaṃ dhvanilīlayā
parivādinī samanādinīti tayā vimohanaśīlayā
tava mekhalāvalikiṅkiṇī kalanāya dattanimīla yā
samadālitatyā raṇitavatyā rājitaṃ kacanīlayā
45.4
samudeti.
avalībhavadbhramarīśataṃ marudīraṇānavalīlanam
parituṣitaṃ navalīvanaṃ paritastamobharaśīlanam
idamāvayoradhikaṃ raho ratikelaye kṛtakīlanam
saṅketaśālamivāvabhām̐ na navaśobhitābhradīlanam
45.5
samudeti.
samadālinī samupetakaṃ dṛśi ketakaṃ na kimīyate
ghanavātajātavisārabhūriparāgamākṣaṇi dīyate
suvikāsakārikadambakānanametadevamudīyate
madanena kiṃ gulikādhanurgulikobharaḥ sunicīyate
45.6
samudeti.
anurāgajāgulikā iva prasaranti bhūmimitastataḥ
kṛtavṛndaminduvadhuṭikā vidhināhitā nijahastataḥ
tanubhūṣaṇaṃ priyavallabhā vidadhurnakhāvadhimastataḥ
kalayanti kāmavilāsameva raveraho muhurastataḥ
45.7
samudeti.
madasupriye śṛṇu tanvi jānaki vallabhe suradurlabhe
śṛṅgāraṣoḍaśakaṃ tanau vahayatpramodamahaṃ labhe
tvamudāratā guṇamaṇḍitā suravallarimratimallabhe
tridivopabhoganivedyate¹ virahābhidhaṃ paśumālabhe
45.8
samudeti.
haritokhilā harito babhuḥ parito navālpatṛṇāvalī
ratināthabhūpasamāsanaṃ sa iha sthito bhavitāvalī
tarupuñjaguñjitamañjutā mamahattamāmavalāvalī
ṛtukalikāraṇatāmitābhavanāvalīva vanāvalī
45.9
samudeti.
iti jānakīkarṇāmṛtaṃ raghunāyakena vitānitam
jaladāgamocitalīlayā saha varṇitaṃ bahumānitam
kavinā kalānidhinā kṛtaṃ guṇamaṇḍalena sugānitam
kurute mudaṃ¹ nitarāmidaṃ na tu durjanairavamānitam
45.30
samudeti.
iti raghupatinā samīritayā,
janakajanādhipasindhusambhavāyāḥ
paricaraṇasucārucāturīmṛt
kathayati narmasakhī tameva kāntam ||² 5
aṣṭapadī