Ramagita 47

Rāmagīta 47

Language: Sanskrit

47.1

sarayūtīravane maṇimuktāviracitasaudhamudāram
mañjulavañjulakuñjalatāvṛtakelīvilasadagāram
sthānaṃ sānandatamaṃ kila yasmin viharati rāmo janakajayā

47.2

dhruvam
vidyullatāvilāsavibhūṣitanavaghanamarjitanādam
anugatalalitakalāpi vikūjitanimitamanmathavādam

47.3

sarayū.
taḍiddyotacamatkṛtiparibhavajanakasutāpaṭaśobham
pratipadarāmarasikanāyakavaralocanaviracitalobham

47.4

sarayū.
ketakakusumaparāgavisāraṇavistṛtatarapaṭavāsam
himavālukāsamūhasamullasadaṅgaṇabhūmisuvāsam

47.5

sarayū.
ramaraṇānubhāvajāta navajaladharamṛgamadasīkaravarṣam
ramaṇīsahitarāmaparicayaśikhimuktataḍiddhanatarṣam

47.6

sarayū.
śukasārikāsamājanutastutagītaraghupaguṇasāram
pratidiśamunmadavividhavihaṅgama rutasītāguṇabhāram

47.7

sarayū.
tatparapuṣṭikṛteparapuṣṭakaladhvanipaṭahavirāvam
tadanusārinavalatāla sitadalakarabhavadabhinavabhāvam

47.8

sarayū.
trividhasamīrasukhadamiti sukavikalāvidhibhāvitagītam
iha ramamāṇamabhikayugalaṃ brahma ti śrutibhiradhītam

sarayū.
āmūlaṃ phalagauraveṇavinatāḥ² puṣpāvalīvarṣaṇai
rcanto makarandacandanara sairdhūpairbhavaddohadaḥ
dīpaiścampakakorakaiścapikagīstotraiḥ stuvantaḥ sadā
dhanyāḥ sāravatīrabhūruhavarāḥ śrīrāmapūjāparāḥ

47.10

śrīrāmaprāvṛṣeṇyāmṛtajaladaśamālokanityonmadānāṃ
śrījānakyaṅgavidyullasita³ bahalonmīladānandabhājām
śaśvallāvaṇyalakṣmīmadhurimasupamāsārapīyūṣavarṣātṛptānāṃ sāravadbhāvanāturuśikhināṃ dhanyatāṃ varṇyatāṃ kim

47.32

iha jaladāgamalakṣmīḥ svayameva sadaiva jānakībhāti
tadvarṇayati nitāntaṃ śrīkṛṣṇaḥ kalānidhiḥ sukaviḥ ||¹ 11
aṣṭapadī