Ramagita 53
Rāmagīta 53
- Language
- Sanskrit
53.1
adya mama mānasaṃ narmasakhi cintayati jānakīmilanamānandadānam
paśya madhusādhavīmadhuramadamādinī madhupatati rayati saṅgītagānam
53.2
dhruvam
gaccha bhṛśamagaccha dhiṣaṇāvati tadānayana tatparā bhava kamapi dehi mānam
viddhi yāvatsubhavaneṣu candrānanā rūpamiha bhāti no mama samānam
53.3
adya.
adya bhṛśamujjvalā bhāsate kaumudīkumudavanamodadānaikavīrā
tatra guñjatitamāmadhikasukhadāyinī mohitā madhupamālātidhīrā
53.4
adya.
cakati candanaviṭapiviṭapanartanapaṭurmalayamārutalahariravikanīrā
candravadanāṃrucirucamadanāvayavadhāma tāmānayasi sumatihīrā
53.5
adya.
ṛkṣa candanarasamleparcitatanūrajatapariliptapaṭasuparidhānā
lalitataramauktikā¹valibhiratirājitā ratiramaṇamohinī śobhamānā
53.6
adya
viśadakalābharaṇabhārabharitaprabhā kimapi saubhagakalitadṛṣṭidānā
tava dhiyā sapadi sāmayā saṅgacchatāmacchatāsampadiva modamānā
53.7
adya.
saiva hṛdaye vasati sā nayanayorayati bhāti karṇopi mama saiva vāmā
vipulapulakāvalī kapaṭato vapuṣi me saiva pīyūṣarasasulyavāmā
53.8
adya.
tāmahaṃ bhāvaye tāmanuvibhāvaye tāmiha nibhālaye kalitakāmā
me tadanucintaye rajanidinalagnamatiretu sā mama dṛśā yābhirāmā
53.9
adya.
lalitakavitākalānidhisubhāṣitamidaṃ jānakīracitamabhisārasāram
rāmavacanotsukā sakhī calitā tato yatra hariṇīdṛśo nijamagāram
53.33
adya.
sā tatra yātā manasi prajātābhisāraśātāvayavāvadātā
yatrāsti sītā śrutarāmagītāguṇīgṛhītā smarabāṇabhītā ||² 8
sā tatra gatvā ramaṇena natvā
tatprematattvāśayajātasattvā
sudhīravīnaṃmaṃsakhī pravīṇā
nitāntavīṇākalavāguvāca ||³ 9
aṣṭapadī