Ramagita 54
Rāmagīta 54
- Language
- Sanskrit
54.1
śṛṇu jānaki mama vācamudārāmehi ramaṇasavidhe vṛtahārā
viśadābharaṇavasanaparidhānā samabhisara priyatamamatimānā
54.2
dhruvam
rajataliptamidamanupamacīraṃ saphalaya bhāgaghaṭitamaṇihīram⁴
saphalaya ruciramimaṃ śṛṅgāraṃ poḍaṣadhāviracitasukhabhāraṃ
54.3
śṛṇu.
kalaya kāmakalite kalakeli⁵ mohaya rāmarasikamihate'lim
tvaṃ kila suratarusumanaḥ kalikā valitavividhaguṇahīrāvalikā
54.4
śṛṇu.
taḍidasi tanurucijitatapanīyā rāmatanurjaladharakamanīyā
samāgamastava tasya ca bhavitā ratimadanobhayasaubhagamavitā
54.5
śṛṇu.
śubhatamālatarukānanavallī mila te rājatu kelimasallī
adya tanuṃ luṇṭhatu tava sāraṃ tribhuvanarūpamādhurīmāram
54.6
śṛṇu.
ekaiva tvamatularucisaktā kimpunariha raghupatipatiyuktā
bhava kuñjālayamaṅgalajanikā narmasakhī naya mānaṃ danikā
54.7
śṛṇu.
parito gṛhabhiranavigatayānā raghuvaramanisara laghutaramānā
vikacavallivallīvanavalite sarayūtaṭavartmani sukhakalite
54.8
śṛṇu.
saṃvādābhikamaudhamāgacche hṛdyati kuñjabhūmirupakacche
vrajaghanasāravālukākalitaṃ ramaṇaprāṅgaṇamatiśayagalitam
54.9
śṛṇu.
sukavikalānidhikathitamanalpaṃ rāmapremavalitarasajalpam
raghuvaraparamabhaktibharadhārī śṛṇu sajjanatatpadaparicārī