Ramagita 6
Rāmagīta 6
- Language
- Sanskrit
6.1
cintaya kṛtasarayūtaṭavāsaṃ rāmaṃ ratipativihitavilāsam
6.2
dhruvam
kelinikuñjagṛhe'pi na saktaṃ kva nu hṛdayaṃ tava nītam
samprati kimapi kaṭhinamiva jātaṃ yatprathamaṃ navanītam
6.3
cintaya.
kṛtabhavadāgamanaikavicārastvāmabhilaṣati nikāmam
tava rativardhanahetumudāraṃ vahati veśamabhirāmam
6.4
cintaya.
rāmaśubhākṛticitravicitraṃ paśyasi na daśadigantam
mīlasi kimu nayane mṛganayane kalayasi mānamanantam
6.5
cintaya.
citraṃ sa tava likhati ratimitraṃ kṣapitavirahadinabhāram
taccaraṇe pātayati nijaṃ vapurupacitamadanavikāram
6.6
cintaya.
eṣa eva tava cittacaturimāyatsukhayasi raghunātham
vedacatuṣṭayagītamanoharaguṇagaṇagauravagātham
6.7
cintaya.
nijamānasavibhramapariracitaṃ vigatavimarṣamamarṣam
kimu kuruṣe tādṛśaguṇapuruṣe vistṛtavirahajatarṣam
6.8
cintaya.
sarasakavitvakalaikakalānidhisukavikalānidhikathitam
ākarṇya janakādhipatanayerāmagītamatilalitam