Ramagita 63
Rāmagīta 63
- Language
- Sanskrit
63.1
maṅgalakaraṇe kamalādharaṇe yāvakarāgavitaraṇe
cakre caraṇe mānasaharaṇe raghupatiratitariśaraṇe
63.2
dhruvam
mṛduravadhīrī kalamañjīrī nidhuvanaraṇajayavīrī
bhūṣayati sma pade haṃsāviva sevitasarasijatīrī
63.3
maṅgala.
mudritanayanamupācaradaṅgaṃ caṇḍātakavarasaṅgam
samayojayata tayā taḍitāsaha nīlapaṭe ghanaraṅgam
63.4
maṅgala.
manasijasaudhasadanamadhye varatoraṇamiva parireje
madhuramekhalādāmatathāvidhamatiśayarucimiha bheje
63.5
maṅgala.
aṅgarāgarasarucau kucau kila cakre taduparihāram
śambhuyugalamiva tadapi vireje dhṛtagaṅgājaladhāram
63.6
maṅgala.
pītakañcukīkalitapayodharayugalamatulamabhijātam
kamalarajasi luṭhitaṃ tadguṇamiva cakradvayamupayātam
63.7
maṅgala.
mukhacandrāmṛtadhārā iva maṇihāragavidadhatu rūpam
kalaśadvaya sugṛhītā iva tā madayanti smarabhūpam