<!-- Pramāṇa, a library of Indian primary sources · https://indike.org/pramana/in.lit.kavya.khanda.gitakavya.ramagita.63 -->

[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Poetry (mahākāvya, lyric, messenger poems, stotra, Prakrit kāvya)](https://indike.org/pramana/in.lit.kavya) › [Shorter narrative and descriptive poems](https://indike.org/pramana/in.lit.kavya.khanda) › [Musical poems after the Gītagovinda](https://indike.org/pramana/in.lit.kavya.khanda.gitakavya) › [Ramagita](https://indike.org/pramana/in.lit.kavya.khanda.gitakavya.ramagita) › 63

# Ramagita 63

Rāmagīta 63

- **Language:** Sanskrit

### [63.1](https://indike.org/pramana/in.lit.kavya.khanda.gitakavya.ramagita.63.1)

maṅgalakaraṇe kamalādharaṇe yāvakarāgavitaraṇe  
cakre caraṇe mānasaharaṇe raghupatiratitariśaraṇe

### [63.2](https://indike.org/pramana/in.lit.kavya.khanda.gitakavya.ramagita.63.2)

dhruvam  
mṛduravadhīrī kalamañjīrī nidhuvanaraṇajayavīrī  
bhūṣayati sma pade haṃsāviva sevitasarasijatīrī

### [63.3](https://indike.org/pramana/in.lit.kavya.khanda.gitakavya.ramagita.63.3)

maṅgala.  
mudritanayanamupācaradaṅgaṃ caṇḍātakavarasaṅgam  
samayojayata tayā taḍitāsaha nīlapaṭe ghanaraṅgam

### [63.4](https://indike.org/pramana/in.lit.kavya.khanda.gitakavya.ramagita.63.4)

maṅgala.  
manasijasaudhasadanamadhye varatoraṇamiva parireje  
madhuramekhalādāmatathāvidhamatiśayarucimiha bheje

### [63.5](https://indike.org/pramana/in.lit.kavya.khanda.gitakavya.ramagita.63.5)

maṅgala.  
aṅgarāgarasarucau kucau kila cakre taduparihāram  
śambhuyugalamiva tadapi vireje dhṛtagaṅgājaladhāram

### [63.6](https://indike.org/pramana/in.lit.kavya.khanda.gitakavya.ramagita.63.6)

maṅgala.  
pītakañcukīkalitapayodharayugalamatulamabhijātam  
kamalarajasi luṭhitaṃ tadguṇamiva cakradvayamupayātam

### [63.7](https://indike.org/pramana/in.lit.kavya.khanda.gitakavya.ramagita.63.7)

maṅgala.  
mukhacandrāmṛtadhārā iva maṇihāragavidadhatu rūpam  
kalaśadvaya sugṛhītā iva tā madayanti smarabhūpam

---
Source: [https://indike.org/pramana/in.lit.kavya.khanda.gitakavya.ramagita.63](https://indike.org/pramana/in.lit.kavya.khanda.gitakavya.ramagita.63) · Pramāṇa