Ramagita 64

Rāmagīta 64

Language: Sanskrit

64.37 — 1 part

64.2

maṅgala.
kamalamūjamanugatamalivalamiva valayāvaliratireje

64.8

pāṇimūlamaṇiramacchavibhūṣaṇa3vimalavibhāmatibheje

64.9

maṅgala.
raghupatirasikaracitamati mañjulabhūṣaṇagaṇasuvidhānam
sukalānidhibhāṣitamudayatu satatānandanidhānam

64.22

maṅgala.
varpita4 rāghabanāyakama store/sā
tribhuvanepi sunistutanāyikā
sapadi kāntimavattavibhūṣaṇairjanakajānakajātayaśoradā¹

dhatte yatte dvipāṭīkṛtacikuracaṭīcārucañcatphaṇāgre
ratnaṃ cāturyagumphatsphuṭakuṭilagatipṛṣṭhapaṭṭāvalambī
atyārūḍho gṛhītuṃ vadanavidhu²sudhāṃ śyāmaveṇībhujaṅgo
dṛṣṭvā nāsāmayūrīṃ sthagitamatiriva³ prekṣyate tatra saṃsthaḥ

64.24

dhanuste bhrūyugmaṃ hariṇamṛda⁴vindumamadhukarau
giri pūrṇaṃ pauṣpastavakamanumālā ca jaladhiḥ
tadetatsaṃyojya prasarati samasyā manasi me
dhanuḥ śṛṅge mṛṅgastadupari giristattrajaladhiḥ

64.25

guṇaiḥ sphīte sīte śaśiśatakaśaśītena vapuṣā
cakorau sannetre⁵ hariṇaśiśunetre sukhayasi
atho kānte svāntaṃ madanaravisātaṃ madhudiśādhanaṃ bhūyo mānaṃ kumudavanamānandayati ca

64.26

tvadīyaṃ tāṭaṅka ruciharuciraṅka dinamaṇerabhūddimvaṃ yasmādupacitamakasmānmaṇigaṇaiḥ
ratī yasyāndoladviguṇaguṇalolasya sahasā⁷
hasāharhobhūttārākulavalitatārāpatirati

64.27

prahīhante nābhīsphuradamitarūpāmṛtabhṛtastadantargāmāryā nayanamavagāḍhuṃ kṣamati no
na cedevaṃ romāvalirucirarajvā janamano
ghaṭīṃ badhvākāmaḥ kṣipati kathamākarṣaṇakaraḥ

64.28

cañcadyāvaka kañcukoparilasadbhūṣāviśeṣaprabhā
yuktābhirmaṇiyamaṃvarmatanubhiḥ pādāṅgulībhistava
kartuṃ kalpatarordalaṃ 1 rabhinavaiḥ 2 sāṅgrāmikaprakriyāmārabdhaṃ kimamī rasālakamalodbhūtā navāḥ pallavāḥ

64.3

kandarpasya nidhisthale rucipayaḥpūrṇe sarasyambuje
tvadvaktre nayanadvaye pariṇadatpremānake jānaki
rajyatkhañjanamañjarañjanamaliśrīgañjanabhrājitaṃ
yogye yogyatarānupaṅgakalanādatyarthamāmāsate

64.4

29
iti raṇamṛtāṃ jaṅghāvimvoṣṭhacārupayodharadvayakarakapolānāṃ satkārameva vitanvatī
samukhamadadāttattadyogyāni vastuvarāṇi sā
cikuranikare cakre paścādvilambinibandhanam

64.5

30
sīmantadaṅghripadmāvadhimadhuramaṇīmañjarīyāvakāmbhomañjīrāvṛścikāmyābharaṇaviracanāsauṣṭhavaṃ svaṃ nivedya
jānakyā rāghave'pi smitamukhakamalenātha cañcatkaṭākṣaiḥ
sākṣānnīlavjakhaṇḍaistanurucikanaka sragbhirabhyarcitobhūt

64.32

31
rāme śrīraghuvaṃśamauktikamaṇī padmākarollāsada
prodyatpūrṇasamullasatkuvalayānandaikacandrodaye
dūrādāritadānavāri laharī siktārimātaṅgamā
suvyastāgrakare pare paratare'pārebhirāmai rame

64.33

vaṃśe vīravidehaje jaya jaya vyaktāvatāre tvayi
svāntaṃ kānta niśāntamantara mahotsāntaṃ tanotūttaram
tvayyevāvirataṃ rataṃ na virataṃ bhūyātkadācittadā
svānandāhvayapade tadekamanasā kāmābhirāme rame

64.34

kāvyavyākṛti¹ labdhasaṃskṛtapadairnavyāryavadbhiḥ padairvyājaṃ racayāmi kiñciducitaṃ navyārthayuktaṃ vacaḥ
nāhaṃ sajjananirvicāraracanāsañcāraṇoccāritairvācāṃ pallavitairakāṇḍakavitāsattāṇḍavāḍambaraḥ

64.35

tvaṃ pīyūṣadivopi bhūṣaṇamasi drākṣe parīkṣeta ko
mādhuryaṃ tava viśvatopi viditā mādhvīkasādhvīkathā
etatkintu tathāpyaruntudamiva brūmo vayaṃ sāmprataṃ
yaḥ kāvyāmṛtapānajo madhurimā nānyatra kutrāpi saḥ

64.36

mādhuryaṃ prasaratsuvārasaramādhuryaṃ samāsvādanasvānande rasikottamāḥ kila samādhuryaṃ narāḥ kecana
śrīśrīkṛṣṇakalānidhānakavinā tasyāyanaṃ samprati
proktaṃ rāghavajānakīsucarite sañcārikāvyaṃ navam

64.37

ye pīyūṣadravīṇātiśayakalaravīṇācchavīṇāpravīṇā
tatsarvākharvagarvāsahanamahaha yanmādhurīsādhurītiḥ
śrīkṛṣṇākhyaḥ kavistajjagati janitavān jānakīrāmagītaṃ
prājñāḥ śṛṇvantu bhāgyānnidhiriha sakalānāṃ kalānāṃ kalānām²

64.37.p1

iti śrīkavikalānidhiśrīkṛṣṇabhaṭṭa viracitaṃ rāmagītaṃ sampūrṇam
śubhamastu | kalyāṇarastu | samvat 1876