<!-- Pramāṇa, a library of Indian primary sources · https://indike.org/pramana/in.lit.kavya.khanda.gitakavya.ramagita.6 -->

[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Poetry (mahākāvya, lyric, messenger poems, stotra, Prakrit kāvya)](https://indike.org/pramana/in.lit.kavya) › [Shorter narrative and descriptive poems](https://indike.org/pramana/in.lit.kavya.khanda) › [Musical poems after the Gītagovinda](https://indike.org/pramana/in.lit.kavya.khanda.gitakavya) › [Ramagita](https://indike.org/pramana/in.lit.kavya.khanda.gitakavya.ramagita) › 6

# Ramagita 6

Rāmagīta 6

- **Language:** Sanskrit

### [6.1](https://indike.org/pramana/in.lit.kavya.khanda.gitakavya.ramagita.6.1)

cintaya kṛtasarayūtaṭavāsaṃ rāmaṃ ratipativihitavilāsam

### [6.2](https://indike.org/pramana/in.lit.kavya.khanda.gitakavya.ramagita.6.2)

dhruvam  
kelinikuñjagṛhe'pi na saktaṃ kva nu hṛdayaṃ tava nītam  
samprati kimapi kaṭhinamiva jātaṃ yatprathamaṃ navanītam

### [6.3](https://indike.org/pramana/in.lit.kavya.khanda.gitakavya.ramagita.6.3)

cintaya.  
kṛtabhavadāgamanaikavicārastvāmabhilaṣati nikāmam  
tava rativardhanahetumudāraṃ vahati veśamabhirāmam

### [6.4](https://indike.org/pramana/in.lit.kavya.khanda.gitakavya.ramagita.6.4)

cintaya.  
rāmaśubhākṛticitravicitraṃ paśyasi na daśadigantam  
mīlasi kimu nayane mṛganayane kalayasi mānamanantam

### [6.5](https://indike.org/pramana/in.lit.kavya.khanda.gitakavya.ramagita.6.5)

cintaya.  
citraṃ sa tava likhati ratimitraṃ kṣapitavirahadinabhāram  
taccaraṇe pātayati nijaṃ vapurupacitamadanavikāram

### [6.6](https://indike.org/pramana/in.lit.kavya.khanda.gitakavya.ramagita.6.6)

cintaya.  
eṣa eva tava cittacaturimāyatsukhayasi raghunātham  
vedacatuṣṭayagītamanoharaguṇagaṇagauravagātham

### [6.7](https://indike.org/pramana/in.lit.kavya.khanda.gitakavya.ramagita.6.7)

cintaya.  
nijamānasavibhramapariracitaṃ vigatavimarṣamamarṣam  
kimu kuruṣe tādṛśaguṇapuruṣe vistṛtavirahajatarṣam

### [6.8](https://indike.org/pramana/in.lit.kavya.khanda.gitakavya.ramagita.6.8)

cintaya.  
sarasakavitvakalaikakalānidhisukavikalānidhikathitam  
ākarṇya janakādhipatanayerāmagītamatilalitam

---
Source: [https://indike.org/pramana/in.lit.kavya.khanda.gitakavya.ramagita.6](https://indike.org/pramana/in.lit.kavya.khanda.gitakavya.ramagita.6) · Pramāṇa