Ramagita 9
Rāmagīta 9
- Language
- Sanskrit
Contents
- 9.8-2 — 1 part
9.1
darśaya me raghunandanavadanam
sāyamuditarākārajanīkaragañjanaguṇagaṇasadanam
9.2
dhruvam
sarayūtīravikāsimahīruhadarśanalālitanayanam
kalahaṃsakvaṇitākarṇanatovīkṣitakosumaśayanam
9.3
darśaya.
mañjulamṛdumalayānilamilanādakṣisamarpitamudram
madhusamayāgamanopacitāmalabahalaprema samudram
9.4
darśaya.
cintitakelikalākalanāya nirantaramutsahamānam
mama viyogamukhacandravalokana lasadānandanidānam
9.5
darśaya.
caṭakākalitacaraṇacaṭakārava sambhramabhavadabhilāṣam
kavalīkṛtakokilakulakūjitakaṇṭhakalākṛtabhāṣam
9.6
darśaya.
tārāvalitalalitahārāvalitaralakiraṇalasadindum
rucirakuraṅgaśāvaśobhāgharamāsitamṛgama ravindam
9.7
darśaya.
mandānilaluladalakalatābalivicalitalalitakapole
militamakarikāpatramanoharamuditasuvarṇanicole
9.8
darśaya.
pratitanubhūṣaṇarucipaṭalīkṛtakuñjatimiraparihāram
madagajacalitakalitamuditālīmānasabhṛtasukhabhāram
9.9
darśaya.
śrīkṛṣṇābhidhasukalānidhimukhakamaloditametam
śṛṇuta janāḥ sītācaritastavamatiśayapaṭimasametam
9.8-2
darśaya.
sītāvaktrasudhāṃrequestsuṣamācañcaccakorāyitaḥ
saundaryaikasudhāmbudherlaharibhiḥ pratyaṅgamāliṅgitaḥ
ālīlocanacañcarīkasukhadaḥ śṛṅgārakalpadrumaḥ
śrīrāmotyabhirāma¹dhāmanilayaḥ śaśvatkarotu śriyam²
9.8-2.p1
iti śrīrāmagīte kavikalānidhikṛte dvitīyaḥ sargaḥ || 2